西樹泡芙 (尖沙咀站)

Open Now

Now Closed

呢日返屋企見到屋企人買左3款唔同口味嘅泡芙，賣相幾吸引嘅！ 🍴 朱古力三重奏 ($26) ⭐️⭐️⭐️⭐️ 用左65%特濃朱古力慕思同埋合桃果仁整成，果然超濃味，甜度尚算適中，唔錯！ 🍴 士多啤梨乳酪 ($25) + 芒果乳酪 ($25) ⭐️⭐️⭐️ 用左新鮮士多啤梨同呂宋芒果，好可惜都係比較酸，而且泡芙偏硬，一般般而已。 .............................. 西樹泡芙  地址📍: 尖沙咀港鐵尖沙咀站2號舖 總評分: 6/10 .............................. 味道😋: ⭐️⭐️⭐️ 環境👀: N/A 服務👨🏻‍🍳: N/A 衛生🧹: ⭐️⭐️⭐️ 抵食💰: ⭐️⭐️⭐️

今天上班中，突然收到妹妹說西樹泡芙今天有優惠買２送２，看完以後覺得挺吸引，就下班去買回家吃了！焦糖牛奶芭芙（２７元)這個就是泡芙放了牛奶奶凍再加上焦糖糖漿，然後再撒上了糖粉。吃起來牛奶味挺濃的，又帶有焦糖的香，一點點的苦味。泡芙也焗得很香牛油味，整體感覺不錯！原味忌廉芭芙（２０元）這個是想不到吃什麼的時間叫了也不會後悔的芭芙！內裡放滿了吉士醬，香甜可口，一口咬下去會有爆漿的感覺，非常好吃！Ps好像每個月都會有優惠的

話說1號嗰日，我同男朋友放工攰攰地想搵啲甜野食下～經過地鐵站嘅「西樹泡芙」，見到告示，每月2號會有指定口味「買2送2」嘅優惠，冇理由唔等多日㗎！ 終於到2號放咗工，我地懷住興奮嘅心情又黎到泡芙店嘅門口，「買2送2」嘅指定口味係買白桃乳酪，送朱古力吉士。雖然冇得揀不過都係我地想食嘅，試試佢！ 疫情關係唔可以即刻除低口罩食，唯有拎番屋企雪住夜晚食 😌==============================白桃乳酪 $27乳酪texture似whipped cream，酸酸地，白桃相信係罐頭桃，較甜 🐜生果＋乳酪＝酸酸地＋甜甜地感覺幾新鮮，唔會覺得好漏～==============================朱古力吉士 ($27) $13.5估唔到拎到返屋企，雪咗幾個鐘，泡芙都仲keep到鬆脆嘅口感，不過朱古力味唔算濃郁，重口味嘅我，可能要揀朱古力三重奏先得！ Cream似半溶嘅雪糕 🍦除番開每個泡芙都唔洗$15，抵食！記唔記得2號係咩日子呀？買puff，puff有責！西樹泡芙 (尖沙咀)📍 尖沙咀港鐵尖沙咀站2號舖

平日食甜品係飯後甜品，但我今日係飯前甜品😂😂途經見到又突然想食，而且都好耐無食過，我每次食泡芙係可以一次過食幾個，講出嚟都嚇死人😅😅😅😅😅————————因為好耐無食，所以都唔知有咩係新口味，見到桃🍑味生果泡芙，咁又即管買嚟試吓，另外又買咗我喜愛的朱古力味，仲一次過買咗八個，因為知道自己會一次食哂4個，留反4個明天吃 😂😂😂😂😂————————-🟧桃🍑泡芙：而家好似唔夠以前好食，但都算oK，係唔鍾意食嗰舊桃太爽，因為🍑一定要夠熟又多汁先甜，太生既桃唔好食😅⋯⋯不過入面民cream就好creamy好食😋😋———————🟫朱古力泡芙：朱古力味我都好鍾意食，不過始終唔夠以前咁creamy😅————————總括來講就不過不失，但相對同以前比較就有點距離😅😅😅😅😅———————-想食就食，想食就買開心🥳⋯⋯就係咁簡單————————-

吃過幾次泡芙，今次試下窩夫。有很多味道選擇，我選了法式焦糖燉蛋味。窩夫皮很軟，質感不好。內裏的法式焦糖燉蛋味不濃。整體很差，令我感到失望。二十多元一個這樣的窩夫，真的是不值。

話說本人好中意用同一張信用卡簽賬, 貪佢有得自選回贈, 今次嘅回贈就係呢間地鐵沿線都會有嘅西樹泡芙, 因為平日本人都唔多特別入地鐵閘口前買野食, 加上最近疫情影響更加唔會有想買嘅念頭, 但因為有現金券就破例買黎試下我買呢個係芒果乳酪泡芙, 個泡芙其實都幾細個, 得半隻手掌咁大, 外層比較硬身, 可能放得耐所以有少少乾水, 不過底層嘅蜂窩都好軟熟, 而且好有牛油味, 泡芙中間夾左幾粒芒果, 好嘅係芒果粒大粒又算多汁而且冇糖水包裹住, 但都幾酸, 再配上本身帶酸味嘅芒果乳酪就更突出, 不過酸味都唔差, 以小食來講反而食完唔會有太大負擔, 不過本身期待乳酪冰凍但結果只係室溫偏凍少少就有dd 失望, 都可能係本人攞左行左一陣先食所以先影響到溫度所以下次都係食番呢個品牌嘅朱古力泡芙最後, 呢個泡芙盛惠$27, 都幾貴, 但間唔時食一個都ok 嘅, 不過最近疫情就唔多方便了

鑱咀萬萬歲!🙌🏻ChamZeoiLongLongLife🙌🏻🐭西樹泡芙萬歲🥳🥳🥳....原味泡芙$18、朱古力曲奇泡芙$19賣相👅👅👅👅味道👅👅👅👅口感👅👅👅👅份量👅👅👅性價比👅👅👅👅作為甜品愛好者，每日都要以甜品為終結先覺得圓滿☺️西樹泡芙有多款口味，個人最鍾意原味同埋曲奇味原味嘅泡芙皮較鬆軟，望落脹卜卜，上面撒咗糖粉，裏面充滿軟滑香濃嘅忌廉。曲奇味外皮相對厚實，上面痴滿曲奇餅碎，裏面一樣是原味忌廉。不過泡芙份量較細，一係就唔食，一食就要食兩個先安心舒暢🤣....🐭食神鼠到西樹泡芙一遊，拜～yuccielonglonglive

經過K11，被粉嫩裝潢的餅店——Chez Choux吸引著，廚櫃放滿各式各樣的甜點: 和菓子、泡芙和布丁等，琳琅滿目，令人忍不住買來品嚐。看到七彩繽紛的泡芙，最叫人心動。士多啤梨乳酪泡芙$28泡芙脹卜卜，中心填滿乳酪忌廉，咬開酥脆外皮，帶濃郁牛油香。內𥚃忌廉幼滑濃厚，配上香甜的士多啤梨，味蕾充滿草莓的甜美⋯⋯白桃吉士泡芙$29牛油酥皮，口感蓬鬆軟熟，鋪滿白桃肉，蜜甜多汁，加上滑溜的吉士醬，在口中咇出來，集香脆、滑溜於一身，令人迷醉！芒果乳酪泡芙$29泡芙夾滿幼滑乳酪忌廉、香甜芒果肉，入口清脆，沁出牛油香，芒果甜甜酸酸，味道清新，每一口都是幸福感。

鍾意食呢間嘅泡芙多個窩夫，因為泡芙啲cream好creamy，同埋啲料比較多，而且個泡芙都好脆，但係窩夫個餅底就比較諗林無咁好食，不過做散水餅一流，因為顏色比較豐富，望起上嚟都比較開心，而且佢有好多唔同嘅味道，可以一次過滿足晒唔同人嘅要求。其實成日都會去買佢個泡芙嚟食，我覺得最好食都係芒果味，不過要睇吓芒果嗰期間當唔當造，如果唔當造嘅話有時啲芒果會好酸。呢間周圍都有，好方便，經過地鐵站都會買來食。

已經好耐冇食個西樹泡芙，今次托同事嘅福，所以先有機會食。佢買咗原味忌廉，朱古力口味，同埋吉士口味俾我哋揀最後揀咗吉士口味嚟食，雪凍左之後吉士好滑好香，泡芙外皮好脆卜卜，食落好鬆化都幾有牛油香，表面仲有好多糖霜，所以同事就話覺得食落會偏甜少少，不過食開甜品嘅我就覺得啱啱好。雖然細細地一個，但食完之後都幾飽肚，可能因為吉士都幾多，食完之後會覺得有少少滯，不過其實質素都唔錯，不過價錢方便就唔係特別平，好似比起我之前買貴左少少！

K11開左「西樹泡芙」分店，雖然我之前未食過呢間泡芙，但一場黎到我就品嚐下先，佢地同其他店唔同之處係採用紐西蘭ge cream 比較棉滑，味道甜而不膩，外皮脆囗，食落去好有層次，今次我點了個新推出的🍑蜜桃卡士達泡芙，另外仲有🍓草莓乳酪泡芙😋我兩個都鐘意，如果要選的話我比較喜歡蜜桃口味的，原因是水蜜桃很新鮮，蜜桃都幾大塊，味道甜甜的，塔配cream加脆皮的泡芙非常有層次感，很獨特😋下次我會再食🤘🏼如果鐘意草莓的朋友都可以試埋架，味道唔錯。

每次去尖沙咀， 都會喺港鐵站嘅西樹泡芙 買啲嘢食下。 特別是如果買咗團購券， 就會買多少少返屋企同家人分享。買咗五件唔同味道嘅窩夫榛子朱古力窩夫芒果乳酪窩夫士多啤梨乳酪窩夫抹茶朱古力窩夫士多啤梨藍莓乳酪窩夫窩夫嘅size唔係太大件， 當係下午茶甜品 份量就啱啱好， 不過有個缺點佢嘅窩夫皮比較乾身， 以前食係比較濕潤同埋濃味， 近年發覺佢嘅配方唔同咗， 變得比較乾身。我最鍾意食就係窩夫入面嘅忌廉餡， 豐盈厚身， 味道突出， 又唔會太膩。 一次過揀唔同嘅味道 真係好開心。咁多款裏面我最鍾意食芒果乳酪， 同埋藍莓士多啤梨 乳酪 🍓🍓。 酸酸甜甜 十分滋味。

西樹泡芙其實都多分店，相信大家喜歡吃泡芙，也會吃過的🥰味道都算多，有原味，抹茶紅豆，芒果乳酪，士多啤梨，朱古力....抹茶紅豆我之前吃過不錯的，今次我揀了芒果和士多啤梨！這個時候可能未必是吃芒果的季節😂😂芒果好酸，吃時特別醒神，也特別開胃😂泡芙好鬆脆👍🏻👍🏻配搭的味道也好夾👍🏻不同的味道，大家可能會有選擇困難症🤣

食友好姊妹E，實在很客氣，在8 月份後補我餐生日飯，送上 <西樹泡芙> 流心奶皇月餅劵作生日禮物，多謝她很有心！ 真是送得好合時呀！由於，<西樹泡芙> 有好幾間分店，領取月餅可選擇：旺角、朗豪坊、尖沙咀、沙田、大埔、觀塘她很細心，購買月餅劵時，即刻致電問我哪間分店較方便我？大約兩星期前，我走到尖沙咀站 <西樹泡芙> 分店領取月餅！意想不到！平日晚上，這裡要排長龍取月餅！西樹泡芙流心奶皇月餅長身的粉綠色紙盒，盛載4 個，每個獨立包裝的流心奶皇月餅，獨特之處正是其店子 Logo  的可愛小妹妹圖案！外層呈金黃色，更突出個公仔圖案；叮熱後，令流心達到最佳效果！ 叮熱後，散發鹹蛋黃及奶黃香甜，令我們也食指大動呀！ 奶黃香濃，反而甜度恰到好處；月餅皮口感鬆軟；混合綠豆餡，質感軟滑不甜膩！整體內外兼備！這是我今年嚐到最佳質素的流心奶皇月餅！

感到少少失望，整體芒果乳酪味淡，食落稍欠層次😣唯一比較好既係泡芙外皮酥脆，芒果鮮甜。如果芒果乳酪味調濃，再加上脆脆，味道和口感或會更佳。下次再買嘅話，我會選擇其他味道的泡芙..