李家 (Moved) New Location

因電視效應﹐ 令到好耐無食韓國炸雞的我立即約朋友黎食一收工就立即前往李家 - 尖沙咀分店﹐ 網上看過很多食評這間炸雞店不論星期一至五﹐ 下午定晚上都會出現超長人龍。當我到達時朋友已大慨排了半小時﹐ 共等了45分鐘左右。係門口見佢有新炸雞味道 - 蜂蜜蒜容味。蜜塘的甜味濃過蒜容﹐ 雞很嫩。是比較新鮮的口味。泡菜餅﹐ 微辣﹐ 味道正宗大熱天時排完咁耐隊﹐ 見柚子米酒幾可口﹐ 味道易入口﹐ 這個比較驚喜。最後的BBQ Pork 好好味! 要襯熱食﹐ 如果唔係D豬肉凍左後肉質會變硬。雖然選擇了3款食物﹐ 但對4個女仔來說已經很足夠了! 

星期五晚梗系去食餐好，一早知道李家人氣旺盛，要排幾個鐘隊，唔想等既話梗系準時收工過去食，6點3人齊到達，限時90分鐘，一行3人，叫2樣野食岩岩好原味炸雞，$150依舊出色，大大份，原味都有少少辣，另配上甜辣醬，點上後更惹味，炸雞仍舊的滑，雞皮炸得香脆，唔會食到成口油拼盤臘腸，$180老實的覺得價錢有點貴，拼盤腸只係幾種唔同款既脆皮腸拼薯條，配汁有茄汁及芥辣

The restaurant was decor was very old and run down. The kitchen seemed dirty as well as the washroom. The washroom had no soap or paper towels. We ordered the sweet and spicy chicken. It did not taste like the food in Seoul. The sauce was like ddeobokkk sauce but not even the good type. The chicken was over dressed so it wasn't very good. We also ordered the rice cake and chicken with cheese and the taste was just bland. The rice cake was under cooked and the chicken was dry. I don't think this

食完韓冰唔夠飽，話食李家講咗成年都未有機會，終於行過來食！$28，抵，有成10粒炸雞，皮脆肉嫩，多汁，新鮮炸起，加埋honey mustard and sweet and sour sauce更加好食！唯一不足係可樂唔太凍，冇冰兼冇乜氣...... 大熱天時企係街度食都真係幾係野，如果可樂夠凍就perfect！

自從食過韓國炸雞之後，每個月總有日突然想去食。之前都係去開同在TST另一間既炸雞店，但朋友話李家開左咁耐都仲係咁多人食不如試下，加上自己之前睇電視節目介紹見到好想食既芝士味炸雞就係李家出品，就決定去試一試。19：30去到已經見到有小人龍，前面排既兩三批人已經等得唔耐煩走左，心諗：都好，等少幾張枱。但真係等左好耐下，都有諗過叫外賣（＊原來呢間外賣炸雞有一罐汽水送架），但朋友話：黎到唔係唔坐下卦………咁唯有等下啦，但點知都係要等到21：00先入到去架…其實都預左要等，但真係估唔到要等足個半鐘……係而家咁既天氣等，真係幾難頂下……朋友既朋友咁岩都係食李家，但係就叫外賣，佢地揸埋車返屋企食緊，我地先岩岩入去坐底。不過，好好彩，唔駛搭枱。因為李家店面不大，枱亦唔多，而且大部分都係大枱，等兩張細枱，所以就要排咁耐隊喇……一坐底店員就送上兩碟前菜同水，個人口味覺得另一間既醃蘿蔔好食d，而d菜兩間都係咁啦＝＿＝一心就係諗住黎食芝士炸雞，，佢有3隻味揀：芝士味／奶油蜜糖味／xx忌廉味，我地揀左奶油蜜糖味。炸雞一上枱已經聞到好香芝士味，係好食既，但係d芝士味好快就俾d辣味蓋過左。李家既雞比較細隻，但係炸得

韓國大熱炸雞，因電視節目介紹下， 挑起想食炸雞慾望，韓國食到的，實太出色。在香港"李家"比較出名， 排隊指數極高，當日等了45mins左右。芝士炸雞新出品， 味道帶有芝士味， 芝味不夠濃，肉質略乾，但 算過得去 芝士蛋卷很普通的， 沒有什麼等別， 不明為何店主推介 韓式燒肉餅又是不明為什麼要推介， 根本很一般， 口感像厚切燒豬肉乾  有點滯

是日在尖沙咀逛街，慕名而來到這家韓式炸雞店，點知一試就中伏了，叫了一個炸雞杯，這個杯設計方便獨特，下面是汽水上面放炸雞，方便一路行街一路食，落order後一分鐘便可以取，就心知一定唔係新鮮炸，炸完肯定放了很耐，一口咬落是凍的，雞的外層很林，炸雞非常乾，肉質不夠滑，而且雞本身淡而無味，不過好彩配上甜辣醬和蜜糖芥末醬汁後，味道稍有提升。幸好炸雞的份量都足夠，而且售$28收費都合理，但試一次就夠，炸雞味道需改善。

因為我同大少去日本幫朋友買咗好多嬰兒用品，所以約出黎食飯交收，朋友話好想食李家，咁當然，大肚婆話事喇，最緊要佢想食~~之前來自星星的我，令到呢間韓式炸雞店一度好HIT(雖然依家都重HIT緊)，我諗佢咁多人排隊，一定有咩個人之處~~本身唔好酸味嘅我，當然唔會食呢啲前菜喇~魚蛋湯 - 呢個湯我覺得係全晚最好食嘅一味，個湯有啲辣，但係佢可以帶起個魚蛋湯嘅味道，入面除咗有魚蛋之外，重有芽菜，個辣味唔會太搶，只會係帶一帶味~泡菜餅 - 呢個泡菜餅比我喺其他地方食嘅香，但係……佢啲泡菜堅酸~芝士雞蛋卷 - 呢個簡直對於唔食芝士嘅我嚟講，實在太驚喜喇，個蛋一啲都唔會太老，芝士份量啱啱好，拉到絲出嚟……超好味~~豉油炸雞 - 我覺得炸得太乾身，味道其實啱啱好，唔會太鹹，但係就真係太DRY~~芝士辣海鮮炒年糕 - 呢個朋友好鍾意，因為好多芝士XDXDXD，我就其實唔要啲芝士，都覺得佢OK好味，因為辣辣地，又有啲唔知拉麵定係意粉嘅嘢，最緊要……有我最愛嘅年糕~~

夏日炎炎，成日都會對食提唔起勁，冇咩胃口，今晚一大班同事去happy hour,簡左食炸雞，之前的星星熱潮已過，宜家再冇之前要等咁耐了否則我地呢班人一定唔會食~炸雞如常地出色，香口入味，配埋啤酒感覺一口熱氣一口清涼~~爽啊!雖則炸雞香脆可口，但都不能餐餐當飯吃~始終熱量高又熱氣，唯有再等下個月先再黎食你啦！

1. 每次經過見到甘多人排隊都好好奇有幾好食。今日6點到達，唔駛等就入到去。原來佢位好小，而且有張好大GE卡位，好騎呢地俾左3組人搭檯，真係替旁邊既人辛苦，因為成日要起身讓位俾人。2. 揀左半半雞同五花腩。雞炸得好出色，好脆好香口，可惜肉身有D乾，真係要有醬先食到，如果唔係會好鞋口；個醬應該自己有調教過，同出面有小小分別，佢好似係辣D，即係惹味D。但個五花辭就好失望，應該係就甘由煎Pan煎完拎出黎，好乾好硬好老，完成唔值依個價。去李家真係食炸雞好!

炸雞杯$28是日在尖沙咀逛街，恰好經過李家炸雞店，早已在網上看過其炸雞杯的推介，決定一試。由於是閒日，落order後一分鐘便可以取。目測整杯大約有三分一是炸雞，另外的是汽水。我按照店員的推介，加了大量的茄汁和蜜糖芥末醬。炸雞本身很乾，肉質不夠滑，幸好配上醬汁後味道大大提升。汽水我點了可樂，和普通快餐店的可樂差不多，冰的份量也足夠。總括而言，28蚊便可在尖沙咀這個貴價地段買到炸雞杯，可以說是很便宜，下次到尖沙咀逛街時仍會再幫襯！

去完韓國回港後極掛住炸雞啤酒於是約埋朋友一齊去尖沙咀韓國街食！平時都見到唔少朋友放李家炸雞既相今次終於可以試下佢。入到去個環境就好似身處韓國而且店員有部份都係韓國人，成件事就好似真係去左韓國食野咁！我地叫左個辣汁雞、同埋啤酒。個雞既份量都叫做大，我地三個人食岩岩好。而且辣汁好夠味但又唔係太辣，送啤酒一流。再配電視播住既韓國kpop mv同朋友一路傾計一路食雞就仿佛係韓國渡過左一個晚上。而家李家仲開埋外買鋪係隔離，晏就行過都可以買外帶！正呀

下午4時多走過尖沙咀韓國街，只見有少數店舖有開店，想買份外賣邊走邊吃。剛好找到很多人推介過的炸雞杯便買來嘗嘗，炸雞冇咩味道唔夠脆有點乾，茄汁和芥末醬都是按自己想加的份量落，我個人本身比較鐘意蜜糖芥末醬所以就冇點落茄汁。杯身本身大雞粒約十數粒，大小不均佔杯身約三分一，底下是汽水有4款選擇，可樂，7喜，ZERO，芬達。份量適中，食雞粒口乾時可以飲啖汽水都係一手拎住，好方便的設計。

11點放工去食炸雞一去到唔洗等位 就決定叫個mix口味既炸雞大約二百蚊一碟炸雞都幾貴不過一切都係值得架！叫左原味同甜辣味兩個味都辣辣地 唔食得辣既我係咁飲啤酒不過炸得好好食 上碟係熱辣辣 肉質好鮮嫩 完全同kfc d雞唔同層次超好食！

聽人講好出名特登黎試等位見唔多人 但可能間野細 差唔多成個鐘先入到去 入到去即刻叫左個mix and match炸雞 等緊其間不斷有refill 沙律同酸蘿蔔 沙律味道不錯電視不斷loop kpop既mv等左半個鐘問我地係咪點左mix and match...應該之前無落單...再等多3個字終於登場原味對我黎講太辣 加上酸甜汁就無咁辣d雞一d油既感覺都無 肉質都ok可能太餓好快就食晒 2個人一碟armarm好$180 2個人都唔算好貴