雞翼山 (謝斐道) (Closed)

今日係銅鑼灣放工後約左人去耀華街飲野，中間有段空檔，我又肚餓，於是去左雞翼山醫肚先。今次我去到時係平日晚上大約6:30左右，唔知係咪太早，冇咩人排隊，啲雞翼上得快左好多，我只係等左大約10分鐘。我今次點左文青風玫瑰、韓式蟹皇蟹籽Oppa、鼠尾草鹹蛋表哥。可能同樣係因為少啲人的關係，啲雞翼比上次入味，每樣味道都非常濃味，但又唔係落左太多味精，因為我完全冇口渴，甚至濃到杯飲品都冇咩味。我個人最欣賞的係韓式蟹皇蟹籽Oppa，因為濃味得來面層鋪左一層蟹籽，食落有啲凊新的感覺。

黎開銅鑼灣行街見到雞翼山決定要再次encore 因為真係好肚餓我地嗌左三款雞翼同一款野飲首先係我必要揀既玫瑰蜜糖雞翼一食落去勁juicy 已經爆汁有個遊客問我邊隻好我都推介左呢隻no1 既比佢之後蜜糖搽左好厚甜甜地 新鮮熱辣辣咁男朋友仲大讚話邊間分店個quality 都keep 到之後就嗌左佢地著名既咸蛋黃雞翼哈哈同佢地slogan 一樣我地都食得好無儀態但真係好香 好邪惡成隻雞翼都沾滿晒蛋黃之後咸咸香香咁 邊個抵擋得到全隻都係金黃色 鍾意邪惡既朋友一定要試第三款我地要左一個新野係黑松露蒜香武士嘩呢個正對於我男朋友呢d garlic killer佢好鍾意隻味蒜香經過炸之後真係好正加上雞翼juicy 再加黑松露 個口感幾rich 個飲野好正係野莓伯爵冰茶對三十幾度黎食雞翼既我地真係天大既gift佢好解渴 個味甜度適中配雞翼真係必點而家見到佢地嗌得多仲幾平添下次可以約埋frd 嗌多d

朋友係雞翼控，所以今日同佢出開黎銅鑼灣就帶佢黎朝聖！！好耐之前由另一位朋友帶過我去黃埔總店食，當時都好驚喜呢間既雞翼可以整得咁出色~~~而今次由我帶朋友一齊黎試銅記分店，都好期待質素係咪一樣咁高呢xppp我地揀左嗌HKd$118個一set：可揀三款口味既雞翼，每款四隻，再另加一杯drinkssss本身好想試06個款韓式蟹皇蟹籽oppa架，但去到已經賣晒！！！！最後我地就揀左人氣no.1既“玫瑰蜜糖”、“港式檸茶”同“咸蛋黃”呢三款口味，而飲品就要左杯“士多啤梨蕃石榴乳酸”~~帶手套用手食雞翼就特別覺得爽！！！d雞翼話咁快就搞掂啦=]]]]每隻雞翼都係大碼size，每隻都係皮脆肉嫩架!!!!!! 玫瑰蜜糖超香甜，玫瑰味天然，平日唔好花香食物既我都接收到，仲覺得好正添♥♥♥咸蛋黃呢款就一定係邪恶首選，面層係沙沙蛋黃既質感，咸香惹味！！而檸茶味道都唔錯，相比之下就無咁出眾xpp杯特飲都ok，清清甜甜咁都幾解渴~~

✨ 小妹我今日帶咗友人A去到雞翼山食雞翼。友人A最中意就係食小妹mit嘅無骨雞翼，真係玩死我咩😤😤😤 今次我地嗌咗三款雞翼同一杯野飲，款款雞翼都好驚喜㗎🤣。✨ 餐牌✨ 黑松露蒜香博士✨ 文青風玫瑰👧🏻 雞翼山款款嘅雞翼都即刻整熱辣辣。呢款玫瑰雞翼，食落口甜甜地、有住燒香咗嘅味道。上面仲舖滿咗玫瑰花辦，幾特別，又唔會太漏口。✨ 港式避風塘蒜香👧🏻 小妹最中意就係食呢款避風塘蒜香雞翼。呢一款炸香嘅雞翼鋪滿咗蒜粒喺上面，十分之惹味。‼️‼️ 小妹覺得咬開一啖肉再加蒜粒食係幾唔錯，大家都可以試下🤤‼️‼️

之前睇過J2台嘅飲食節目介紹過紅磡嘅「雞翼山」，一直好想好想去試下，但可惜紅磡間店舖唔就腳，直至最近發現原來銅鑼灣都開咗分店，當然要同雞翼迷老公去食啦。銅鑼灣店就在世貿中心附近，非常方便。店舖細細要立食，不過地方乾淨光猛。我哋揀咗三款雞翼，分別係文青風玫瑰、黑松露、韓式蟹皇蟹籽Oppa。我最鍾意重口味嘅韓式蟹皇蟹籽Oppa, 單看蟹籽都好足料，而且雞翼掃上蟹膏，超級惹味。文青風玫瑰係我老公心水推介，雞翼沾上玫瑰花蜜及少量玫瑰花碎，甜甜的，食出優雅感。黑松露雞翼配上少量紫菜，黑松露味道濃郁突出，如果喜歡食黑松露的朋友，一定喜歡。由於韓式及文青風太正，令黑松露有點比下去。另外，我叫了一杯野莓伯爵冰茶，透心涼，減少油膩感。下次開party 要叫幾款同朋友分享

身為雞翼控，又點會錯過「雞翼山」呢？每次經過就想試好耐，今次同朋友行過終於忍唔住，黎個雞翼小放題。呢度嘅雞翼係即叫即焗，所以隻隻都係熱辣辣，肉質鮮嫩多汁，一啲唔似出邊啲雞翼放題乾爭爭。咁多款口味都真係想試哂去，但因為之後仲要食野，所以揀左個combo set $118有12 件雞翼，可以試3種唔同口味 加一杯野飲。店員會問你想要手套定叉去食雞翼，都諗得幾周到，顧及到唔同人既需要。文青風玫瑰 講明係店長推介，就試下佢有幾好食。雞翼上面都有少少玫瑰花，呢款雞翼比較甜，就好似蜜糖雞翼多左玫瑰既味道。原本以為佢係最普通，但係真係最好味果個黎。難怪係店長推介啦！黑松露蒜香武士 比起另外果兩隻味，呢隻就比較遜色少少，唔夠重蒜香味。食完其餘兩隻再食就比較普通，黑松露味道都唔算突出。鼠尾草鹹蛋黃哥潮流興食鹹蛋黃乜乜乜，緊係要試下啦。重口味之選。好香濃既鹹蛋黃，同大排檔食果啲黃金蝦無乜大分別，係無乜鹹蛋黃粒粒姐。呢個口味風都鍾意！士多啤梨番石榴乳酸飲品就不過不失，有淡淡既士多啤梨味，但飲唔出係乳酸。食完啲咁重口味既雞翼，可以用黎清清味蕾，解渴都可以。呢3種口味，我就最鍾意文青風玫瑰>鹹蛋黃哥&#

之前在旺角掃街，選擇了雞翼山，試過鹹蛋黃，鹹檸七雞翼，一試難忘。雞翼山開到銅鑼灣，做完GYM，兩個人當下午茶吃。文青風玫瑰：係店長的推介，脆皮雞翼上面有少少玫瑰花瓣，味邊清淡，主要是蜜糖味。熱情果紅棗寶寶：新口味熱情果汁芳香清新，仲有熱情果粒粒，食落有口感。紅棗感覺是外加的，無咩關連。但三個口味中，我覺得這是最好味的。菠蘿啤酒麥香風：也是新口味，啤酒味不重，反而我覺得像奶油味，是三個口味中較濃，靠著菠蘿減去油膩感。三款雞翼加飲品，套餐118，可以試多幾款口味。我還叫了杯野莓伯爵冰茶，消暑解渴。

又到左召喚雞翼控既時候啦 唔經唔覺雞翼山已經開左3間分店 我哋今次就去左銅鑼灣試啦😆貪心嘅我地見到$118可以揀3隻口味嘅雞翼同1杯飲品就毫不猶豫決定要食12隻啦🤤 我哋揀左長期人氣no. 1既文青風玫瑰 仲有韓式蟹皇蟹籽Oppa同鼠尾草鹹蛋黃哥👅 雞翼係即叫即製既 我哋大約等左10分鐘就得食啦😍 店員會問你要手套定叉 我只係想不顧儀態咁食雞翼 所以當然揀手套啦😂文青風玫瑰果然不愧為人氣首選 玫瑰味嘅蜂蜜香甜清新 雞翼外皮香脆 肉質嫩滑多汁 令人一啖接一啖 停唔到口😋 韓式蟹皇蟹籽Oppa既雞翼上有蟹膏 蟹柳同蟹籽 口感豐富 估唔到蟹膏同雞翼嘅味道都幾夾 好惹味👍🏻 而鼠尾草鹹蛋黃哥當然就係重口味之選 成隻雞翼比鹹蛋滿滿咁包圍住 香濃好味👅食咁多隻雞翼又點可以唔配返一杯清新嘅飲品呢 我地就揀左杯士多啤梨番石榴乳酸🍓 味道酸酸甜甜 非常解渴 同雞翼真係好夾🌟

今日去咗銅鑼灣食雞翼山， 作為一個下午茶，佢係一個幾好嘅選擇， 不過就冇位坐 全程要企，因為店舖唔大。今次叫咗佢嘅菠蘿啤酒雞翼，感覺啤酒味唔重，但係上面就有滿滿嘅菠蘿，味道算唔錯酸酸甜甜係炸嘅都幾脆。定係嗌咗韓國蟹膏雞翼 ，上面有濃厚嘅蟹膏，再加埋脆脆嘅雞翼皮， 蟹柳絲配搭住蟹籽，味道簡直一流， 我個人覺得最好食就係呢一個。 第三款雞翼我嗌咗玫瑰蜜糖雞翼， 呢個係烤雞翼， 用蜜糖烤到個皮脆一脆， 味道都算唔錯。 呢個餐送咗一杯嘢飲，我叫咗士多啤梨石榴梳打， 士多啤梨味濃， 不過自己覺得有少少似藥水味。

都考慮左好耐 叫左08號港呢D友情萬歲檸茶雞翼跟杯士多啤梨番石榴乳酸38蚊四件加多18蚊跟野飲即炸既翻到公司仲係熱辣辣味道唔錯 蜜糖味好甜好得意但係價錢真係貴 野飲無咩味道半杯都係冰 得頭一兩啖係有味既

上次經過見到旺角的分店已經非常想試了，每個人戴著手套，大口大地吃。正正乎合店的口號，不顧儀態的吃。我跟男朋友也是雞翼迷，叫了三款都讚不絕口。這裡的雞翼都預先用少量孜然粉調味，所以雞翼本來就很香。 首選是文青玫瑰雞翼，外面有一層濃濃的蜜糖包裹著，淡淡嘅玫瑰香。值得一讚係即使有濃濃嘅醬汁，雞翼依然保持外脆內嫩 避風塘蒜香雞翼辣味好突出， 平時食開少辣嘅我地每啖都要飲野， 不過辣得黎好鬼香加上癮，但唔食得辣就要注意。 啤酒菠蘿定麥香雞啤酒味唔算突出，呢款係外皮炸得最香脆，醬汁偏甜，如果酸返多少少就好。

如果講到大家最鍾意既食物，雞翼肯定係頭三位🤟🏻🤟🏻雞翼山主張「不要儀態，只想食雞翼！」，店員會問你要叉定係手套，講到冇儀態一定係落手食，咁梗係要手套啦🙌🏻總共有九隻口味，因為想試多d味又未食飯，所以揀咗💲1️⃣2️⃣8️⃣12件配一杯飲品🥤可以揀三款口味‼️‼️全部雞翼都係即叫即炸！醃過夜！！咁先夠入味😍⭐️文青風玫瑰雞翼🌹係店舖必試招牌口味，自家設計玫瑰醬🌹再灑上香草同乾玫瑰花碎而成🍂味道香甜清新，雞皮有一層好似焦糖既脆皮玫瑰花味好自然，易入口之餘唔似香精🤙🏻⭐️黑松露蒜香武士💂🏻‍♀️呢個都係必食之選 食落有淡淡既黑松露香蒜香重過黑松露味的 令雞翼多了份煙熏味👅⭐️韓式蟹黃蟹子oppa除左蟹子之外仲有好多蟹柳絲😆雞翼佔滿晒蟹膏🦀蟹子係嘴內卜卜爆開💥配脆皮雞翼口感好豐富🐥⭐️士多啤梨番石榴乳酸🍓🥤淨係個賣相都掂哂🥰🥰很少冰也不太甜的所以飲到最後都仲有味梳打好解渴消暑❄️❄️中意食雞翼既朋友快啲出動啦🤙🏻

Wing@雞翼山 地址： 銅鑼灣謝斐道520號渣菲大廈地舖 Chicken wings. This snack shops only sell 1 thing - chicken wing. They have many special favour 2 shop in Hong Kong,1 in causeway bay and 1 in mong kok The signature favour 鹹蛋,沒有不喜歡吧，鹹蛋黃碎食落有粒粒口感黑松露蒜香落醬好慷慨架，所以全口都品嚐到濃郁醬汁味,雞翼亦炸到外層雞皮脆卜卜，而肉汁仍然保留到唔乾身。新口味韓式蟹籽，籽子粒粒口感幾得意一盒幾十蚊，同朋友仔share 就岩啦，又可以邊走邊食，附近有其他飲料舖頭。chicken wing 好多口味下次再試。內心又忍唔住唱燒雞翼我鐘意食

今日嚟到銅鑼灣食好西，就係呢間好hit嘅雞翼山！ 全部都係雞翼呀🤤🤤🤤我地叫左12只加飲品嘅餐，價錢係118蚊，算中上價，同fd share ok geh😝.首先係熱爆嘅咸蛋黃味🥰🐥 咸蛋黃嘅咸香味四溢，配上脆皮雞翼好夾！雞翼其實好大只下，肉質又嫩滑多汁💁🏻‍♀️.另外一個味係蟹籽蟹柳😏 口感非常豐富！又食到爆發嘅蟹籽，又有香甜蟹柳，再加上小小蟹膏一齊食👍🏻👍🏻👍🏻.最後一款係避風塘味，比較香辣，上面嘅蒜粒好脆，食落又辣又有咬口❤️.飲品就揀左士多啤梨乳酸🍓🍓唔算太甜，幾解渴💦💦

雞翼山喺港島區終於有分店，一直都好想試，咁岩Lunch唔想食咁多飯，諗起佢就去試下不要儀態，只想吃雞翼鋪面有企位，Lunch Hour都有位，可能啲人買返Office食，有叉同埋手套揀，不要儀態嘅我哋就揀咗用手套食方便啲我哋要咗12件餐，可以揀3種味講呢啲友情萬歲檸茶呢個雞翼好驚喜，甜甜酸酸，好開胃，有檸檬茶既味道，仲好Juicy 韓式蟹皇蟹子Oppa除咗見到嘅蟹子同蟹柳肉（份量好多，一啲都唔姑寒），每隻雞翼都有蟹膏包住 原本以為韓式會有韓式辣醬，但原來係無既，係咸點來鼠尾草鹹蛋黃哥平時我不嬲鐘意食咸蛋黃但好怕會食到好濟，呢度既蛋黃醬厚薄岩岩好，味道濃而不膩士多啤梨番石榴特飲味道唔會太甜太假，佢哋會介紹每杯嘢飲同咩雞翼最夾，食鹹味既雞翼配呢杯係唔錯另外想講，呢度既雞翼每隻都好大隻好Juicy，雞翼愛好者又有一個好地方去，而且位置都好方便喺SOGO後面