Chill Sweet (葵涌廣場)

Open Now

Now Closed

呢間嘅椰皇桃膠鮮奶我哋真係介紹過幾次，夠晒足料而且好好食😋，而家除咗青衣店同尖沙咀嘅寄賣店之外終於開到嚟葵芳啦❣️！.📍伯爵茶爆漿蛋糕（$48）戚風蛋糕濕潤之餘口感鬆軟，外層淋上大量香甜嘅伯爵茶醬。伯爵茶醬嘅味道幾香又唔會過甜，絕對係呢個蛋糕嘅重點，配搭簡單但真喺好食。.📍焙茶心太軟配雪糕（$40）心太軟嘅流心程度幾高，焙茶味濃郁味道討好，旁邊仲配有一球雪糕🍨，心太軟梗係要配埋雪糕食先最正❤️！.📍椰皇雪燕桃膠鮮奶（ $45） 有唔同嘅size可以選擇，可以現場食杯裝或者買大支裝番屋企食。以鮮奶同椰皇做底🥥🥛，中間加咗大量嘅雪燕同好大粒嘅桃膠，超足料又唔會過甜，推薦🥰。.當日去到老闆娘仲請咗我哋食過自家製手工鳳梨酥，聽講好快就會推出做新產品。食落唔會乾，中間鳳梨餡料酸味同香甜好平衡，唔錯呀🤟🏻😙。

天氣乾燥就想買啲滋潤嘅甜品食下，路過見到呢間小店有「桃膠雪燕鮮奶」，就買左700ml返屋企同呀媽一齊食🤗首先佢個玻璃樽真係幾靚👍🏻倒出嚟見到啲桃膠好大粒，雪燕份量勁多👍🏻仲有幾粒紅棗（紅棗冇乜味😅）鮮奶味好濃，食落覺得都幾真材實料，感覺好滋潤😋🤣個人覺得份量咁多咁足料，仲用個靚靚玻璃樽裝住，呢個價錢真係唔算貴！下次去葵廣想買埋焦糖燉蛋同心太軟🤣🤣🤣P.s 食完先醒起唔記得影返幅相🥲

個日同frd係葵廣行街 見到le間甜品鋪 大大個牌推薦芝士奶蓋泡芙 就諗住試下 再叫左個荔枝蛋糕 估唔到超好食🥺 個泡芙真係又熱又脆 同個醬超夾 個荔枝蛋糕凍黎得超易入口 食到停唔到 下次應該會試埋其他☃️

同朋友食完飯諗住一齊買個宵夜返屋企食平時係開葵廣食野見呢間甜品店重未收鋪又係新開就試下啦點知就係伏的開始….叫左個$25 薑汁芋圓個份量少到同行朋友見到都O左嘴雖然$25唔係高價位但真心個份量唔應該少到咁如圖所見 薑湯得小半碗 芋圓既數量少到數都數到有幾多粒而味道方面薑湯同芋圓都屬正常 唔係話特別好食我諗以呢個價位 同場真係有更多更好食 性價比更高既甜品店如果店家想係葵廣食店大戰場立足真係好應該改善下份量呢個問題不過我就唔會有下次喇

成個葵涌廣場都咁多💛美食 縱使諗住掃街都花多眼亂行行吓發現之前長發街市嗰間好好食嘅甜品，原來喺葵涌廣場開咗分店佢哋嘅窩夫🧇簡直令我難忘🤤講真，知佢哋開咗分店，而且IG page成日都話出咗好多款新甜品，有啲擔心佢哋水準會下降今次一事，謎團已經完全解開🤣🤣 繼續都係咁有水準👍🏻👍🏻#朱古力窩夫 🍫🧇有全份同半份選擇 即叫即整 大約等5️⃣分鐘窩夫外脆內軟，上面再加上少少朱古力醬😍朱古力味夠哂濃郁🤤🤤上面會配有雪糕球🍨，有朱古力味同曲奇脆脆選擇旁邊仲有士多啤梨🍓加忌廉😍 🍓中和返朱古力嘅甜味👍🏻👍🏻話多樣嘢俾你哋知呀～Follow 佢地ig @chillsweet 再打張卡post ig會有 #朱古力麻薯布朗尼 請你食添😋😋朱古力布朗尼裏面配有麻薯，麻薯夠晒QQ，令口感更昇華

平時行開葵廣，見到新開就諗住試下，嗌左個伯爵茶蛋糕同焦糖燉蛋，伯爵茶味幾濃，唔太甜，個焦糖燉蛋都唔錯，夠滑😋整體幾好。 店員推介左個荔枝乳酪蛋糕，下次會試下🤨🤨

兩次我都係叫外賣第一次叫咗士多啤梨麻薯窩夫一嚟到我哇左聲 得3片好薄嘅士多啤梨加咗$7要轉麻薯 啲麻薯少到 又一啲都唔煙韌啲士多啤梨醬又少到第二次叫叫咗個朱古力麻薯窩夫又冇比香蕉我 話入邊有忌廉 啲忌廉仲少過我隻手指公再叫左個芒果布甸浠到好似芒果汁咁提咗佢叫佢比餐具又冇比依家野真係好差！

葵廣嘅小食店真係越來越多，無去一排，又有d新店。呢間係2樓潮流廊嘅甜品小店，甜品選擇都幾多，有糖水又有d西式蛋糕甜品，而且價格都親民，以後去葵廣又多個食甜品嘅好地方。.爆漿蛋糕 $48(2款口味：芝士奶蓋、伯爵茶)身為茶控嘅我，梗係揀伯爵茶味。伯爵茶味夠香濃，茶葉同口感鬆軟的蛋糕完美結合，味道清香獨特。每口蛋糕都沾滿伯爵茶忌廉，大滿足。蛋糕大小剛好(約4吋)，一個人食晒都唔會覺得有罪惡感。.失戀全餐 $49聽個名好似好傷心，但其實一d都唔傷心，入面係朱古力心太軟 加 朱古力窩夫半份。心太軟焗得恰到好處，外皮脆身，一切開個心太軟，入面濃濃的朱古力醬衝擁而出，甜度適中；而心型的朱古力窩夫食落外脆內軟，配埋Oreo餅碎和忌廉，口感豐富。.另外重見到有款養顏甜品-椰皇雪燕桃膠鮮奶都好似好吸引。