CHIMAC (德福廣場2期) (Closed)

去開九龍灣諗住返歸之前快快脆脆食啲嘢, 見到有個新開嘅food court就行咗入去，見到佢個套餐都幾抵食，就揀咗呢間食韓式炸雞同意粉嘅舖頭-CHIMAC。🍗有骨經典甜辣炸雞配卡邦尼意($68)炸雞可以揀有骨同無骨，我揀咗有骨，炸雞偏甜，餐牌上面話小辣但係完全食唔出，炸得非常之香，雖然每件雞都沾滿醬汁但係依然香脆，水準尚算不錯，至於卡邦尼意粉，雖然個意粉有少少偏軟爛，但係個汁非常之足料，有好多煙肉同埋蘑菇，好香煙肉味，好Creamy，我超推，佢聲稱呢個係一人套餐，但係份量非常之大，我覺得兩個女仔share都未必食得晒，CP值算高👍🏻👍🏻🐔人氣無骨蜜糖牛油炸雞 ($63)肚餓嘅時候總係眼闊肚窄，我唔知道佢個餐份量咁大，所以加咗個蜜糖炸雞，個蜜糖炸雞同甜辣炸雞一樣，對我來講有啲偏甜，但係勝在夠香口，配汽水一流，而且大大件，其實食兩件已經飽咗一大半🍖🍗🍟🥤今次揀咗兩款炸雞都係甜嘅，但係對我來講太甜，我諗我下次會返嚟試吓醬油蒜頭炸雞同埋芝士初雪炸雞🍗🍗🍗🍗🍗🍗

After we have finished buying some electrical appliances at Telford Plaza, it was already dinner time. Since we have never been to their food court, we decided to go there to hunt for food. After looking around, we decided upon Chimac, which was located inside the food court of Telford Plaza II. They offered fried chicken, pasta, toast, fried fish and pork, snacks and drinks etc.  Honey butter fried chicken - It was coated with honey butter, making it very sweet and slightly oily. Skin was fried

今日去無印shopping完，喺德福諗唔到食乜好😟😟😟 我諗諗吓無印樓上就係food court，開咗咁耐都冇幫襯過，就上去睇吓有咩食啦Food court 選擇都好多嘅，台式，韓國炸雞，燒肉， Pepper Lunch，粉面檔等等。 見炸雞都幾吸引，叫左份芝士初雪有骨炸雞。等咗大約10分鐘到就有得拎。冇餐飲，不過food court有水提供的。炸雞分量正常，不過啲粉就好甜唔係太食到芝士味。雞髀算唔錯，可惜雞胸嗰幾舊好鞋。。。同埋返到屋企好口渴，我哋估計應該有味精😩😩😩

foodcourt比人感覺好似冇咩好野食但你黎過呢間之後一定會改觀 價錢唔貴，仲抵食夾大件芝士初雪無骨炸雞炸得都唔錯，外層金黃香脆，仲有陣陣芝士香入面依然好嫩滑，食落完全唔會乾薯條都好高水準，脆得黎保留到入面既水份同薯香而且份量呢個價錢都算唔少經典甜辣炸雞 配 卡邦尼意粉韓式炸雞的經典口味，梗係要叫辣得黎帶有少少甜令佢食落勁開胃又惹味而且唔會過辣，好岩香港人口味同樣高水準的外脆內嫩卡邦尼意粉唔好以為佢淨係整炸雞掂，整西式野都一絕呢個卡邦尼意粉有濃濃既芝士同忌廉香食落口幾乎比佢漿住晒，可見幾足料而且意粉份量亦夠晒多

Chimac地址：九龍灣偉業街33號德福廣場二期5樓Food Count (Foodlie)韓式炸雞套餐 推薦👍(A)經典甜辣炸雞➕ (B)卡邦尼意粉➕(C)飲品 經典甜辣炸雞好好食😋唔太甜亦唔係好辣，好適合唔太食得辣的嘅人，大大舊炸雞，一件就夠飽啦。卡邦尼意粉好好味：香濃嘅芝士味，好creamy，美中不足嘅係，個人覺得意粉偏硬左少少（本人比較喜歡吃軟身的），如果軟番少少就perfect啦！飲品無咩特別，只偽普通嘅汽水，如果係比較韓式嘅汽水就更好喇！總體嚟講，呢個韓式炸雞套餐，份量好足，食量比較細的女仔，2個心人食呢個餐都有7,8成飽。抵食！人氣蜜糖牛油炸雞呢款炸雞味道都唔錯。但肉身有少少”鞋”同硬。鍾意呢種口感嘅人，不妨一試。

商場food court內難得有有質素的炸雞，第一次食叫左套餐，有炸雞＋意粉＋飯品。蜜糖牛油炸雞＋卡邦尼意粉＋飲品($68)套餐有三件炸雞，部位分別是雞全翼、雞鎚及雞胸，外皮炸得香脆，炸粉不會太厚，雞肉嫩滑有肉汁，即使雞胸亦不會鞋。蜜糖牛油醬汁不會過甜，剛剛好，是有質素的韓式炸雞。意粉軟硬適中，卡邦尼汁不過不失，整體普通唔需要特別試，下次可以直接叫炸雞。意粉加炸雞放在一起，雖然賣相失色，但炸雞絕對算係高質，估唔到found court都做到此質素。

尋找韓國風味的炸雞🇰🇷🐔🐔我想近近地食下炸雞，Foodeli的ChiMac提供多款人氣韓式炸雞，價格好經濟💵我和仔仔食得好滋味👩‍👦😋😋我散叫了“芝士初雪炸雞半隻”($78)，濃厚的芝士，試得出不是普通芝士，讓芝士控的我欲罷不能! 炸雞皮好鬆脆和乾身，我會形容似一口雞，不會太大件，不用切開。而且啖啖肉，沒有骨，好適合我年幼仔仔食。如果午市叫餐真的好便宜，“人氣蜜糖牛油炸雞(有骨)”配上足份量的“卡邦尼意粉”和汽水一罐才$68，而且性價比高！必點完整的“有骨”版，我覺得好juicy又有肉汁。醇香蜜糖把炸皮油膩的感覺全消，我咬下去有種甜絲絲的感覺，吞嚥後才會品嚐到牛油的香味。

今日同個仔特登去到德福廣場睇Lego展，之後諗住平平哋去foodeli 是但食啲嘢就算，點知都搵到間幾出色嘅餐廳，就係食韓式炸雞嘅chimac 啦！我哋叫咗人氣蜜糖牛油炸雞同卡邦尼意粉配經典甜辣炸雞。炸雞炸得好脆，而且醬汁甜度適中。比較出色嘅係經典甜辣炸雞，辣味唔算重，上面嘅芝麻幾香，突出左雞嘅油香。卡邦尼意粉亦好creamy，芝士味突出，分量亦足夠！❤️總括嚟講食物質素拍得住某些韓式炸雞店👍🏻，值得再嚟食！

是日陪朋友都在九龍灣睇租盤到晚餐時間，去左九龍灣德福的foodie睇食咩，見到哩間新開的炸雞店chimac 在櫃位嗅到香到令人流口水的炸雞，同朋友決定左食哩間炸雞有分有骨同無骨，另外都有套餐所以點左個出名的牛油蜂蜜炸雞（無骨）韓式炸雞套餐，牛油蜂蜜炸雞哩個一食感覺好像食緊爆谷咁，另外又配埋少少薯條，又熱又脆口，無骨真係食得好方便！甜辣炸雞加卡邦尼意粉加可樂哩個餐又可以滿足到食炸雞加意粉甜甜辣的炸雞，加埋意粉都唔錯套餐可以一次過滿足曬願望！同骨友都話哩間炸雞都唔錯，另外都可以外賣炸雞，下次再嘗試佢其他味的炸雞！

來到德福food court，見到一間新開嘅韓式炸雞店Chimac，喜愛炸雞嘅我梗係要試吓啦！眼見Chimac啲炸雞都相當抵食，價錢好大眾化，我同朋友叫咗兩個餐試吓。餐廳嘅炸雞分有骨同無骨兩款，有骨會比無骨貴少少，而且亦都有半隻或者一隻雞選擇。除咗炸雞仲有意粉、韓式吐司（由於個位裝唔落，其實好想試，唯有下次先試）。有骨係指雞髀/雞全翼位置，冇骨就係大大嚿雞肉。我哋兩款都有試，其實兩款都係好味，視乎個人喜好鍾意食邊個部位。雞髀同雞翼嘅肉就當然滑啲啦，但冇骨唔使lur骨又夠方便。我哋試咗佢其中兩款味，分別係經典甜辣同埋蜜糖牛油味，兩款味道各有千秋，醬汁味道其實都好正路，我覺得炸雞最緊要夠熱同埋炸得夠脆，唔好有雪藏味，最好Juicy啲。呢度嘅炸雞我覺得性價比好高，味道真係非常唔錯，好熱好脆，又唔會乾爭爭。佢嘅卡邦尼意粉味道都唔錯，仲有冬菇煙肉等配料，加埋芝士粉，味道都好香濃，連埋經典甜辣炸雞一齊食，又豐富又好味。最重要係佢個餐好抵， 60幾蚊就有幾件炸雞、意粉同埋汽水。半隻炸雞嘅份量都好多，底下仲有薯條添，真係令人喜出望外。咁大份量嘅炸雞，又係60幾蚊有交易，都真係幾抵食。

德福廣場foodcourt新開咗呢間Chimac，主打食韓國炸雞、意粉、吐司。我哋見menu啲圖幾吸引，就試咗一個套餐加半隻炸雞。有骨經典甜辣炸雞配卡邦尼意粉$68呢個set都幾豐富，有炸雞、意粉、飲品都有齊，炸鷄有6款口味，仲有無骨/有骨嘅選擇。我哋就揀咗有骨經典甜辣炸雞，有三件，甜甜辣辣味道好啱夏天食，雞皮香脆，雞肉Juicy，飲埋可樂，幾正。意粉方面，我哋揀咗卡邦尼，醬汁好creamy，有蘑菇片、煙肉片，而且好多芝士粉，充滿奶香，芝士控不能錯過。人氣無骨蜜糖牛油炸雞半隻$68另外我哋仲叫咗半隻炸雞，蜜糖牛油炸雞味道冇得輸，牛油香，蜜糖甜甜的，配上脆卜卜嘅雞皮同埋嫩嫩雞肉，啖啖肉冇骨，食得好過癮。炸雞下面仲有一啲薯條，滴左啲蜜糖落去都好好味，又飽肚。另外都值得提，餐廳細心提供買即棄手套，食雞唔使驚搞到成手污糟晒，又衛生啲。

今天誤打誤撞來到了德福的美食廣場，猶記得上次來到的時候仍然是UNY百貨店🏬現在已經分別變成了無印良品和Foodeli，近年愈來愈多集團式經營的美食廣場，foodeli在元朗也有分所，看來大有可為🤔 美食廣場的好處就是和朋友共坐一檯也能分享來自不同餐廳的美食，今天朋友吃雲吞麵，我則選了韓式炸雞🐓在餐桌上來一個港韓碰撞。 🍝有骨經典甜辣炸雞配卡邦尼意粉 | $68 | 7/10這個醬汁甜中帶很微的辣味，入口不嗆喉，屬於開胃的味道，但如果是嗜辣之人可能會覺得太濕碎🤭炸雞脆卜卜共有四件，沾上不算厚身的炸漿，輕輕一咬就到了雞肉的部份，選材出色無甚雪味。卡邦尼意粉是把醬汁連同材料澆上水煮意粉上面，食客在用餐前才自行拌混，材料有煙肉、菇菌和芝士粉，份量頗足🥓 🍗人氣無骨蜜糖牛油炸雞半隻 | $68 | 7.5/10另一份就為免太飽就沒有配意粉，只要了半隻無骨炸雞，大約有8-10件。無骨炸雞啖啖肉，雞肉炸得火喉剛好，有滑嫩肉汁，外脆內軟，鬆化可口。蜜糖味比牛油濃，甜膩的感覺會較重😋下面還墊了不少薯條，薯條帶點曲紋，在炸雞下面乘上了蜜糖牛油的順風車，味道令人上癮，但口感有點不夠脆🍟

前兩天在德福商場買嘢，今天來取貨兼吃了個好特別的韓式炸雞快餐店。中午時分，德福food court特別多人，見好多人都在這間CHIMAC 排隊，一於湊熱鬧試試。甜辣炸雞配卡邦尼意粉，非常濃厚的芝士卡邦尼醬汁，意粉軟硬亦恰到好處，好味的是他的甜辣炸雞，甜辣醬包裹着酥脆雞件，超開胃，好好食。無骨蜜糖牛油炸雞啖啖肉的炸雞件，最啱我懶得𦧲骨的人😅酥脆的雞件，每塊雞件都裹上蜜糖牛油醬汁和灑上芝士粉，好特別的香味，很喜歡。

一個Food court 居然可以有兩間韓式食肆, 之前試過School Food, 今日要去試下Chimac至得啊~原來Chimac 係主要食炸雞, 睇價錢...這間應該係食韓式炸雞嘅入門版😂先叫了個芝士初雪有骨炸雞$78半隻, 見全隻$155都係平一隻咋喎, 如果好食再叫多半隻都可以啦, 順便又試下其他食物嘛, 要做個精明嘅消費者呢😉我個人喜歡食有骨炸雞, 因為炸完後會比冇骨雞D雞較嫩滑, 芝士灑在雞件面, 食嘅時候除咗可以加多一種層次, 亦不會有食芝士嘅油膩感, 夏天食好適合。👍🏻再細看餐牌, 原來有韓式炸雞套餐$68, A+B+C 各選一😍包括A)6款不同味道嘅炸雞(B)4款意粉(C)各款飲品 其實如果一個人食, 揀這個套餐最好, 最抵。我揀的是人氣蜜糖牛油炸雞, 炸雞份量亦唔少, 稱得上人氣, 果然係好味道, 牛油嘅香滑味道加埋蜜糖, 真係每一件雞都食到香、滑、甜, 一流呀!配埋個卡邦尼意粉, 真係超級滿足😋😋

Foodeli 都可以食到好好味韓國炸雞😍 真心推介餐廳「CHIMAC」👍🏻韓式炸雞套餐 $68個套餐包咗A炸雞+B意粉+C飲品，有6款炸雞味道可以選擇，我哋揀咗經典甜辣炸雞，韓式烤牛肉意粉，可樂～ 炸雞有三件，甜甜的，微辣，外皮好香脆👍🏻 牛肉意粉賣相唔算好好，但味道好好喎😆😋蜜糖牛油炸雞 $78半份半份嚟講，份量唔錯👍🏻 炸雞好香脆呀🤩 蜜糖牛油甜甜的，好好味呀！😋👍🏻👏🏻 真心推介🤤👍🏻Food court 都食到的抵食好滋味😚