CHIMAC (連城廣場)

Open Now

Now Closed

沙田終於有間韓式炸雞店喇 有得外賣 又有得堂食 而且價錢夠晒大眾化 性價比又高❤️二人特工炸雞盒餐$190二人餐已經包左2款小食 1份炸雞 2個飯（細）同2罐飲品 $190 黎講 物超所值 ❤️蔥蒜醬油炸雞 有骨食炸雞梗係食有骨雞啦 外賣拎到返去仲暖 而且脆卜卜 晤會油淋淋 蔥蒜醬油 有驚喜喎 醬汁夠晒香濃 而且雞肉嫩滑又juicy ❤️魚糕串有成4串 韓國名物 小小煙un 好似食梗魚片禁 都幾正喎❤️炸紫菜卷紫菜卷入面係包住韓國粉絲 外脆內軟 ❤️泡菜豬肉飯 （細）就泡菜夠晒惹味 泡菜炒埋豬肉 辣辣地 好好送飯 分量都晤少❤️韓式牛肉飯（細）微甜嘅韓式牛肉汁 分量雖然晤係好大份 但食埋已經好滿足📍CHIMAC (連城廣場) (沙田)沙田沙田車站圍1號連城廣場1樓108號舖

成日喺屋企煲韓劇，見到炸雞啤酒都真係流晒口水呀！呢間韓式炸雞店夠晒抵食！性價比極高！「二人特攻炸雞盒」都只係 $168 ，跟餐有兩款口味嘅炸雞、小食、主食同跟餐飲品，仲係冇骨雞髀肉，正！.➜「二人特攻炸雞盒」$168 .拎到返屋企原味炸雞嘅外皮依然香脆，經典甜辣醬滿每件炸雞，一啖接一啖，唔洗𦧲骨真係好爽！.小食選擇都好多，豬太郎就揀咗韓劇常見嘅魚糕串同炸紫菜卷！魚糕串吸滿高湯甜甜地、炸紫菜卷入面有韓式粉絲，煙靭有口感！.跟餐仲有兩個細份小小嘅主食，非常豐富，多多個人食都冇問題呀！.📍CHIMAC沙田沙田車站圍1號連城廣場1樓108號舖

最近煲緊劇，唔得閒煑飯，外帶炸雞返屋企，一邊嘆一邊睇，超爽啦！💗喺CHIMAC點咗勁抵食嘅「二人特攻炸雞盒套餐」，包咗10件有骨炸雞+小食x2+迷你飯x2+飲品x2，只係$188🤩呢間沙田分店都有幾舒服嘅用餐座位。外賣/堂食都ok 。呢度嘅炸雞🍗口味超多，有9款選擇。全部都係即叫即炸，套餐包咗原味，另外可以自選1口味。點咗蜂蜜焦糖炸雞，每件雞都掛滿晒香甜醬汁，食到好滋味。而原味都正。外皮炸到金黃香脆，雞肉好嫩滑🥳 仲啖啖肉添。2個人食完10件雞😝真係超滿足。至於小食和迷你飯我地點左韓式牛肉飯丶辣炒年糕丶魚板串丶炸紫菜卷，全部都好有韓式風味，我就最鍾意牛肉飯，牛肉汁好豐富，迷你版份量其實都唔少。一個餐可以吃到咁多款韓食，真係good!

2023年4月13日 星期四今日帶完BB去火炭整完身份證之後，就去左沙田新城市廣場同BB放下電之後決定係連城廣場既呢間餐廳買外賣返屋企食，因為一上到黎已經聞到好香嘅炸雞味夠晒吸引，而且當時堂食有好多人又唔想排隊，所以唯有點外賣餐牌上有個人套餐亦有多人套餐，每個餐都包晒主食、小食同飲品，當然唔少得有炸雞，價錢都唔係好貴，最後我哋要咗二人特工炸雞盒，炸雞要炸雞腿肉都只係$158，有埋兩款小食、兩個迷你飯同兩罐飲品，真係好抵返到屋企已經急不及待打開，睇落去好豐富，而且食物仲係暖暖地，唔洗叮返熱都食得首先炸雞分別有兩隻味，原味同蜂蜜焦糖，兩款既外皮都炸得好香脆，特別係原味，更容易分辨出香脆既外皮同裡面雞肉既嫩滑，而蜂蜜焦糖味就甜甜地，食完都唔覺得太油膩，仲好想繼續食添之後有小食魚糕串，好似魚蛋咁幾彈牙，連埋下面個醬汁一齊食更加滋味，酸酸甜甜幾開胃呢個係韓式粉絲，可能加左麻油同白芝麻既關係，食落幾香口，加上份量都唔少，兩個人食就岩岩好，同埋除咗有粉絲之外，仲有菜絲同紅蘿蔔絲，幾爽口最後仲有迷你牛肉飯，雖然份量唔算太多，不過加埋頭先啲嘢食，一定足夠兩個人，而且牛肉煮得幾入味，醬汁撈埋啲飯一齊食幾好

最近又開始煲返韓劇，想食韓式炸雞遇上潮濕多雨嘅天氣，買外賣返屋企慢慢食就最舒服《二人特攻炸雞盒》炸雞有骨 / 無骨仲可以揀兩款口味✨韓國原味炸雞外皮炸得香脆，唔會油淋淋炸完裡面嘅雞肉仲保留豐富肉汁✨白洋蔥醬炸雞淋上醬汁，好香洋蔥味雞翼同雞鎚 都好惹味套餐都好豐富跟埋小食．迷你飯．飲品✨炸紫菜卷第一次試呢款小食，有驚喜外面紫菜，包住裡面係一條條嘅韓國粉絲口感香脆又帶點煙靭✨香滑薯蓉薯蓉好幼滑，因為加咗煙肉碎，令味覺同口感更豐富✨辣炒年糕軟軟糯糯唔會好辣，非常好惹味✨泡菜豬肉飯呢個飯辣辣地，好惹味，唔算好細盒，比想像中份量多灑上芝麻更加香✨忌廉鮮奶．蘆薈樂配埋罐裝飲品，今餐好滿足

平時lunch都有買開佢哋嘅炸雞套餐黎食，呢晚就買咗個二人特攻炸雞盒套餐同屋企人分享😊～二人特攻炸雞盒套餐($158)原味& 蜂蜜焦糖炸雞腿肉(12件）🐥🍗最鍾意食無骨炸雞，啖啖肉好易食🤭，炸雞外脆內juicy，兩隻味都出色，原味就更酥脆👍🏻魚糕串（4串）韓國魚糕彈牙煙韌🐟炸紫菜卷（4條）炸得香脆，裡面係韓式粉絲🇰🇷韓式粉絲粉絲又滑又彈牙，而且夠入味😋辣炒年糕睇佢嘅顏色好似好辣，但入口都接受到，年糕煙韌有咬口，仲有幾片魚糕🤤

✨二人特攻炸雞盒✨ $178 🐤👉🏻原味有骨炸雞(5件) 👉🏻自選口味有骨炸雞(5件）揀左蔥蒜醬油味🧄😍有驚喜💕好香好惹味😳醬汁甜甜地帶陣陣蒜香炸雞都好脆口一d都唔乾肉質好腍雖然有骨但size好大所以都食到好飽😂👉🏻小食(2份)有好多選擇其實🤭我揀左魚糕串(4串）同埋炸紫菜卷（4條）🍙魚糕串好味☺️有d似甜不辣用甜豉油湯汁浸住好好食👍🏻炸紫菜卷第一次食🤩入面是類似粉絲嘅物體🤣又幾特別👉🏻主菜（兩份）泡菜豬肉飯（細）🌶其實都幾大😂😂泡菜好滋味唔錯韓式粉絲（細）🍜粉絲有韌度👍🏻☺️有麻油香味道比較淡口👉🏻飲品(兩罐）🥤除左可樂汽水都有韓國飲品可以揀我揀左2枝忌廉鮮奶😄

今次係我第一次食Chimac, 有好多唔同口味嘅炸雞🤪, 仲要都幾抵食🥳~ 抵食過唔少韓式炸雞店🫣.📍二人特工炸雞盒🍗 $158原味炸雞 + 洋蔥芝士 (total 12件) 今次就揀咗原味炸雞 + 洋蔥芝士, 炸得好脆, 調味啱啱好🫶🏻 有得揀無骨haha 初初以為未必夠飽, 但原來份量一啲都唔少!😛 芝士味好好食🤤.炸薯條🍟都係炸得好香脆, 好香好重薯仔味, 配番茄醬一流😚.紫菜卷🍙好新奇嘅配搭, 外脆內軟🤓 外面係炸咗嘅紫菜, 而入面就係粉絲, 兩者夾得幾好👍🏻.韓式牛肉飯 🍱就係好typical嘅韓式牛肉飯haha, 唔辣嘅😛 雖然size係細碗, 但牛肉份量都唔少, 調味幾好, 勁多飯haha.韓式炒年糕🍲味道偏甜帶辣, 年糕好煙靭, 口感啱啱好, 好索汁🤤 仲有幾塊魚糕片, 同埋紅蘿蔔絲 .飲品就揀咗蘆薈樂同忌廉鮮奶, 好typical嘅韓式飲品, 啱晒食完咁多煎炸嘢飲, 解膩一流👍🏻.📍Chimac沙田沙田車站圍1號連城廣場1樓108號舖觀塘駿業街46號地下B號舖大埔安邦路9號大埔超級城C區2樓582號舖鴨脷洲東邨道5號利東邨利東商場一期地下13號舖九龍灣德福廣場二期5樓

之前見到沙田有呢間炸雞店，已經好想試😋，今日順路經過，就買左個二人餐，外賣返屋企食🤭～❤️二人特攻炸雞盒 $178(包括炸雞、主食、小食、飲品各兩款😚)🌟原味有骨炸雞炸雞外層炸到金黃色😁，就算拎到返屋企食，都保持到酥脆嘅口感😚！雞肉肉質嫩滑細緻，肉汁豐富😍🌟經典甜辣有骨炸雞甜辣炸雞同原味炸雞一樣外脆內嫩😌，加埋正宗韓國甜辣醬汁，食落甜甜辣辣，好惹味😜，但辣度溫和，怕辣嘅朋友仔都可以試吓☺️～🌟炸紫菜卷炸衣夠薄，香脆可口，唔油膩👍，入面 d粉絲好多，正🤤！🌟魚糕串口感彈牙帶 d煙韌😬，配埋特有醬油，味道唔錯🥰～🌟韓式牛肉飯(細)牛肉飯醬汁頗多，甜甜地☺️，牛肉份量都唔少，撈埋洋蔥同芝麻一齊食，好味😜！🌟泡菜豬肉飯(細)豬肉保持到肉汁，冇炒到過火👍，醬汁帶辣，加埋泡菜撈飯食，非常惹味😍～🌟蘆薈樂&忌廉鮮奶兩款飲品都比較韓式同少見🤔，味道清爽又解膩❤️～

🐔蔥蒜醬油有骨炸雞套餐 $75呢一個套餐已經包埋前菜酸蘿蔔、一罐可樂、一客紫菜飯同埋一客炸薯條！蔥蒜醬油好惹味，炸雞夠晒香脆入味，咬落去仲好Juicy添! 呢個價錢就食到咁高質嘅韓國炸雞，絕對係性價比極高💓💓👍🏻👍🏻而酸蘿蔔、紫菜飯都發揮正常，薯條上枱就已經凍晒同埋偏淋，應該已經炸左一段時間放咗喺度🤨🤨我最後冇食晒個薯條～炸醬麵🥘 $58呢個一樣大大力推介俾大家，一放落口就覺得有驚喜！真係有韓國炸醬麵嘅味道！🍜醬汁味道香濃，但係又唔會過鹹，一啖接一啖勁快就食晒！❤️必定會encore！☺️辣炒年糕🌶️$52比起一般嘅辣炒年糕，口感更加煙靭，嗰個煙靭嘅程度係有少少似擦子膠😅😅醬汁偏辣，但係除咗辣味就冇其他味道～總括嚟講唔推介辣炒年糕呢間韓國快餐店有驚喜喎，價錢屬於平價，但係炸雞同埋炸醬麵都表現唔錯，下一次一定會再encore佢哋嘅炸雞同埋炸醬麵！🦦🦦

行過見到炸雞店諗住試一試，見到餐牌個韓式炸雞好似好正咁。膽粗粗就點咗個白洋蔥汁炸雞餐，等多十零分鐘出餐，滿心期待…但係個炸雞同啲汁係竟然係凍嘅… 同埋啲雞好似放咗好耐咁，一啲都唔脆口，又冇肉汁… 薯條又係咁！點解可以炸雞，炸薯條，炸物都沒油香？唔通呢啲係新式健康食品？可能我見識少。個價位又唔係平，65$先得嗰幾件雞，仲要好似全部都預製組件咁… 連最起碼個擺盤都冇… 又唔食得！又唔睇得！唔會再去食，亦都唔會推介… 巨伏！

頭先喺連城廣場食咗呢間韓國嘢，叫左個炸醬麵，等左五分鐘，一拎返埋位打開，X，公仔撈麵，我用左48蚊買左個公仔撈麵，真係難食得個甜字，如果唔係要做gym我真係唔想食落去，呢間嘢仲可以開咁多分店好嘢

CHIMAC 係好多地方都有分店 前排開到沙田既連城廣場 價錢公道 除左韓式炸雞餐之外 亦都有其他韓式主食 作為快餐來說都算唔錯既選擇🤣👍🏻今次就簡左韓式炸雞餐 🍴 蜂蜜焦糖炸雞 - 炸雞腿肉 6件 $69所有既炸雞餐都可以簡炸雞腿肉6件🍗 或者有骨炸雞 5件 有骨炸雞會貴少少😌 炸雞腿肉無骨 比較適合懶人食 而肉質都算多汁 唔會太厚炸皮 蜂蜜焦糖味🍯同炸雞好夾 焦糖味唔算太重 整體偏甜但係可接受既程度 以呢個價錢而言 可以食多6件都唔錯既炸雞都幾滿意❤️炸雞餐都會配送炸薯條、酸蘿蔔同無糖雪碧但可能因為炸雞唔錯 令我對配菜既期望都高左..🍴炸薯條🍟係粗薯條 但唔熱😢🍴酸蘿蔔就唔爽口 唔太入味📍CHIMAC @沙田連城廣場1樓108號舖

快閃下午茶，對不太愛食肉的人來講係個好選擇☺️✴️餐-韓式炒粉絲 $68-炸紫菜卷4/件+配魚糕串2/件 $12-蘆薈樂（跟餐$5/淨飲$8）------------------------------🔸韓式炒粉絲炒太好乾身，不油也很夠味亦不太鹹🔸紫菜捲捲著粉絲入口脆卜卜🔸小食魚糕串好抵食

今日試下這間韓式炸雞外賣唔想出錯應該睇清張單定打開檢查好買蜂蜜炸雞但變甜辣炸雞買時不是繁忙時間但都出錯相片係炸雞，一件件但打開盒係一粒粒，無骨炸雞炸雞6件，可以係炸6粒雞size 不大或者，有骨炸雞會大件些下次試下對比新城市專賣韓式食物有醃菜，飯卷，炸雞可能食開那間，雞肉多，味道濃些這間炸漿都不厚款式都多除了炸雞仲有麵食豬手都軟淋，有味配生菜，蒜粒包住食都不錯仲配手套都不錯外賣要收盒錢堂食地方不大