湘川滬 (Closed)

琴日同朋友行完街，行到肚餓，於是決定試下葵涌既湘川滬。因為之前試過天水圍個間，雖然係早茶，不過都唔差，所以對呢間都有1定既信心。入到去，可能因為仲係6點1.2個字，冇咩人，所以好快就有位。Patpat1坐低，服務員就即刻拎左兜花生過黎問飲咩茶，仲問我地試唔試下人參烏龍，話好出名唔錯咁，我同朋友都冇咩意見，所以就聽佢意見。隔左1陣佢就拎左壺茶同水過黎，我地順便落埋單。原本以為要等好耐，點知唔駛5分鐘啲野食就開始陸續咁黎，速度好快！食到差唔多8點，見到有好多人等位，我地就走左lu~人參烏龍`飲落去好甘香，就黎吞左之後個陣甘香味依然流連係口腔到，飲落我覺得好似有少少甜味咁，幾好飲☆上海醉豬手`1拎到黎未食已經好香酒味，食落口，啲酒味入晒去，而且仲幾爽口唔梅(^_^;)雞c麻醬冷面`冷面唔淋，都幾彈。欣賞佢啲麻醬，因為之前食過好多間既麻醬，都係覺得好滯好膩，而呢到既麻醬好香芝麻味之外，就算我地叫左多兜醬淋落去，都唔會覺得好滯。份量我地覺得夠2個人食(^_^;)灌湯小籠包`我地2個1致認為佢係實至名歸！因為1咬落去啲湯即刻湧出黎，加上去皮做得好薄，好正♡入面舊陷幾juicy，而且醃得幾入味(^ω

今日要同朋友們搵個地方食下野傾下計的地方,由於唔想去CAFÉ,所以就黎左依到,幾好,因為唔駛等位,另外D職員都非常有禮貌,依到既環境都唔錯.唔會話太嘈,最緊要就係坐昸位置都好舒服一開始就叫左個豬手,其實我自己唔太好豬手,因為覺得佢太肥,但係朋友話好好食,唔試就傻,所以我就試左要食下豬手喇,估唔到呢個豬手非常之入味仲有有陣陣酒味,原來豬手都可以好爽口,真係估佢唔到,之後就叫左一個清炒豆苗,好好味,只有少少蒜,夠哂清淡,完全係食到呢個菜苗既味道,岩哂鍾意食清淡既朋友,之後再叫左呢個口水雞,同我係出面食既好唔同,出面食既都係好多油係面頭...油淋淋咁,所以唔算鍾意,呢個佢有好多辣醬係面,不過辣味唔算好勁,唔會入口就好辣.起碼自己食緊D咩,雞肉嫰滑,非常好,最後就係咸魚雞粒炒飯,外面食炒飯又係好多油,但冇油上枱又好似會好乾而依個就無,都係清清地,幾好味。

是咁的，廖啟智叔叔今晚第一場畫劇開工，與k小姐來到劇場附近找找吃吃。原打算去多人評好的金^_^小館，可惜我太晚放工，只好來到就腳的菜館祭肚。湘川滬主打湖南、四川與上海菜餚，是次點了的菜色都是上海菜式為主。先來一碧螺春呷呷口，開一開胃囧。清炒豆苗，與我想像中的「豆苗」不是同一樣，不過這菜量很多，味道正常，嫩芽草青，低頭吃草，心想我是牛我是牛......不過炒得很多油。嫩雞煨面，雞湯濃郁，面太軟軟，有點糊口，小棠菜分量比較少，雞肉是雪藏兼刷子膠口感，沒味。整體可以，我還是比較喜歡滄浪亭的煨面。香春皮蛋豆腐，最安全穩穩的菜式，豆腐薄切考刀工，豆腐滑，皮蛋不算溏心，醬汁最好味，混在一起甜甜咸咸，不錯。是夜我很想很想吃蝦，看了小菜推薦，大千龍鳳球，四川菜，一上來就香氣撲鼻，雞肉先炒過，比較香口，普通河蝦，加了花椒、胡椒及辣椒炒，野味非常，小小辣，再辣點比較好吃。兩個女生最後努力解決了，手持當天入場劇票可享八八折，k小姐留意到卻忘記了.....整頓飯餵飽了K小姐，可是我不喜歡太多油。侍應服務幾好，主動加水，細心重覆點了什麼菜，可能是平日關係吧。

環境: 迫, 要坐得親蜜點, 如旁邊的聲浪大,先選人氣旺的, 一壺人參烏龍茶, 有人參味, 味道幾特別, 茶味都幾濃吓.山竹牛肉: 3大粒, 真的十分大球, 熱騰騰, 不肥膩, 口感是豐富, 是超水準的點心.蟲草花瘦肉粥: 粥底是橙色的, 粥底不浠, 但不綿, 味道一般.牛柏葉: 蒸得十分林, 不"un", 加了薑, 帶點胡椒粉的香味, 味道濃郁, 再加上大大舊白蘿蔔和細細的紅蘿蔔絲, 好味到不得了.叉燒包: 潔白的包面, 甜度厚度適中, 包細細, 但饀料豐富, 這裡的包點是做得比較好的.服務: 算可以的.可能是星期日的早上, 不用等位, 但是, 如tea time, 要等位約1hr 左右.

因為訂咗位，所以一到就有位，今次係第n次到這裡，食物依然好好味，今次點咗一個食物，個名叫惹味蝦球飯焦（可能個名有多少出入）係用咸蛋黃、蝦同米通咁炒，真係好惹味，不過要多人先好叫嚟食，都幾滯，少人一定食唔哂！其他野食都唔錯，但係無呢個餸咁正，我地個個都話好食！

要同朋友們搵個食野的地方坐下傾野..由於好多地方食野都會限時....所以趕趕忙忙就黎左呢間啦..很好..唔駛等位...而且職員很有禮貌..環境都幾好...起碼冇酒樓咁嘈..坐嘅位置都好舒適...其實我唔食豬手架...但係朋友猛話好食...於是我就試左一舊仔.....well..呢個好入味 有陣陣酒味...豬手仲好爽口..原來豬手唔係我想像咁難食呢個清炒豆苗..很好..少少蒜咁...完全突然左呢個菜苗嘅味道...絕對適合中意食清淡的朋友...呢個口水雞同我以前食嘅好唔同...以前食嘅..都係好多油響面...油淋淋咁..呢個..佢有d辣醬響面..辣味唔係好勁...唔會入口得辣..但唔知自己食緊乜..雞肉嫰滑...good~!!酸辣湯..叫左個例...6個人share..職員好好..幫我地分好先上枱..呢個比較普遍 其實也不用多說... 咸魚雞粒炒飯...外面食炒飯平時都係好多油..冇油上枱好似會乾咁..呢個賣相雖然好一般 但其實食落幾好架......唔油..又唔會太濃味...最簡單的煮法..少油少鹽..真係健康d...^^ 

相約「老人精」飲茶, 還特登點名要幫襯這間, 只因記起往昔的精美點心、頗為特別的茶及清優的廳房環境, 然而那天的不愉快「應該」會印在腦袋中, 用以警醒自己: 請不要再臨...要求入廳房, 怎知道已坐滿兩大圍檯, 還要個個高談闊論, 傾偈尤如要唱山歌般, 聲浪卻在廳房迴旋, 今次自己攞嚟衰。  房外又暫時無吉檯, 只好與「老人精」坐得親蜜點, 細細傾細細講, 俾個機會「老人精」點茶, 她選了有清皇帝康熙御茶之稱的碧縲春, 嘩~  茶味香郁, 回甘...到點心送來時, 又掀起一輪ABC檯點心大混亂, 是你、是我、還是他???  侍應生跟進了一輪, 下一輪又再混亂, OMG 我們只想吃頓安樂茶飯, 可以嗎?鹹魚肉餅蒸飯的飯質可算煙韌, 粒粒分明；而肉餅就較為腍身, 並沒有太多調味, 面頭鹹魚食落少鹹, 不夠香氣。蝦餃的皮如同殼, 放涼了會更甚, 內餡有蝦肉有荀粒有豬肥脂, 帶點胡椒粉的香味, 味道算尚可。皮蛋瘦肉粥是用滑肉片, 鬆肉粉到完全無肉味  粥底不綿, 不過廚師落了大量皮蛋去煲粥, 因此是皮蛋味道濃郁。被蒸到燒賣爆開也可出來見客???  燒賣食落是不會有彈牙的口感, 蝦肉、豬肥脂..

忍了多年终於等到了，離開那處 "物以類聚" 的工作地方最佳時候，真係值得要慶祝一翻，心情輕鬆，有說不出的興奮。最後的工作天收工後到湘川滬慶祝脫離那是非擦鞋黨。五香燻魚 (58元)在此吃過幾次水準一樣咁好，但今次的魚骨較之前為多及長，因此請各食客們小心魚骨。韮黄炒鱔糊 (88元)韮黄爽口，鱔糊厚肉更比之前大塊，放入口確實口感很好，汁料調較味道又非常好。上海粗炒 (60元)炒得乾身絕不油膩。茶芥 (9元 / 每位) ，另需加一服務費。如需提走 : 外賣盒 (1元 / 細 / 個) 或 (2元 / 大 / 個)

原本一家人早約好食生日飯,結果今次揀了個爛燈盞 !侍應服務差, 食物份量少! 價錢又不見得抵吃, $98的糖醋蝦球只得5隻小蝦! 影都無謂!那些牛筋腩又大又硬! 像香口膠般彈彈下!那碟百頁菜心和其他的餸菜的份量少得可憐! 而且味道偏咸!一肚氣, 以後都唔會去!

年28當天,難得公司俾我地提前1日放假,所以拉左ar妹同老媽子過黎葵芳附近探姨媽之前歎左個LUNCH.見門口好多人得都想退堂鼓la,不過又見難得黎到而且佢既分店又唔係度度有所以決定照等la.好快就黎左,預先整定所以唔洗好多功夫!!醉雞肉涼涼甜甜地,好滑!我好like佢隻汁係用鎮江醋整,甜甜酸酸super開胃!!不過如果d汁可以再杰d隻味再特出d就wonderful la!!!!!佢d肉好嫩滑都幾好味ga!西檸雞我好似第1次叫黎食乍,雞肉面d炸粉仲好脆雞肉就一般般la無乜雞肉味ja,尚可la!but要講1講就係佢檸檬唔應該切成一片片囉!!完全'ji'唔到d檸檬汁出黎.淆肉係我媽子同妹子第1次食,佢地話好得意,仲話番屋企自己試下整tim.佢肉頂部滑嘟嘟的物體,我第1次食個陣都以為係肥糕黎,不過之後8掛問d侍應,佢地話係凍左ge湯螢固左就會變成咁.至於d肉好鬆化又有肉香,點埋配俾黎既鎮江醋真係1流!個湯'根'最後先黎,我都差dd以為無左tim.味道中上,不過好足料,我食到其中1樣係肉絲黎!!成餐飯食落,甜甜酸酸西檸雞最令我忘懷不了!!真係好好味

預先打電話預約3位。準時到達後由於人數多,亦要等候。。 問要等幾多張臺,接待員沒好氣的說: 盡快! 見到人地剛入來,冇預約,人數4位,可以即時入座... 其實3或4位都係坐同一款臺,點解我地電話預約左反而要等呢?? 再問,接待員唔好老脾地答:預約左,我地會優先處理過walk-in客 結果等候15分鐘後就話:我地安排卡位俾你,唔係圓臺,所以等耐D!! 但我地從冇要求過卡位囉... 上班日子當然想快點到坐低,我個碗未洗清潔..立即落單,等左20分鐘都未來過... 追單,阿姐話要蒸15分鐘... 於是我地話落左好耐.. 阿姐好燥咁話我地剛剛坐低 但我地係一坐低即落單...過多陣,部長拎住張order紙來問我地係咪落左4樣... 當然係欠2樣... 個部長態度又係好差.. 堅持唔認錯,係咁推卸話頭先唔係自己落單,咩都唔知,唔好意思都冇句流沙包,有1個穿左流左D餡出來燒賣,其中1個有頭髮呢個時候望番出門口,見到仍舊聚滿晒人... 但入面係有臺既... 可想而知安排得幾差整體來說,服務員們扮睇唔客人叫佢.. 終於叫到啦,又扮聽唔到你講咩見D食物來齊晒就叫埋單.. 服務員極唔耐煩,收左張單,邊行邊問

一行七人,同老公和朋友看完電影,逛了一會沒事做就早點去吃晚飯六點半來到沒什麼客人我門點了菜後，不到５－１０分鐘，所有菜基本上全都一次過上台了！！驚人的快！！！醉雞:　凍食, 很香的酒味, 但真的很凍入口，雞都很入味～ 雞算好肉用俾位,可是總不習慣有紅色鮮血 在雞骨位！雞絲粉皮： 青瓜絲, 加上幼幼的雞絲,堙un的粉皮, 加上調味教配得剛好的花生醬,拌起來吃！正！水煮牛肉: 很大的一盤，看上去分量好像很多，但其實牛的分量很少，薯粉都很少，但味道很正中，麻辣做得很香，夠辣！銀絲卷(炸)：炸得有點過火了，一般小籠飽: 外皮薄但不會容易爛，每一口都灌滿湯汁!正!!!!!肉餡夠鮮味，SIZE比一般的小籠飽大一點點，叫了兩籠！清炒溫室豆苗：著菜不是所有人都喜歡，因為有點草的臭青味，清炒的感覺一般，下次還是叫上湯比較合適鹹魚雞炒飯:;老公最贊的竟然是這個炒飯!!! 鹹魚炸過,如口是脆脆的, 飯炒得夠香夠乾身，意外地好味~脆皮雞：跟一般的炸子雞沒什麼大分別，ＯＫ高力豆沙香蕉：軟軟的不太甜，炸的剛好，但餡偏少紅豆餡只有一丁點，偏談，友人要下很多糖霜來伴吃，吃了一個後有點滯豆沙鍋餅：外皮很薄很脆，炸得金

剛係葵菁劇院睇完劇! 已經就十點, 近近地咪走入去左便飯! 之前係新世紀食過,9點後有半價,同埋食品,味道都唔錯! 唔理三七廿一就衝入去!帶位部長: 我地收十一點!見有一個鐘都夠食啦! last order 10:30坐低點了好幾款食品, 四季豆小籠包嫰雞煨麵酸辣湯下單後就發覺唔夠,好想再叫多辣子雞 ( 但餐牌上冇)就問問部長, 佢話有,咁就加左個啦! remind 叫佢整辣d , 因我同男友都幾鐘意食辣所有野食都上哂枱，10:20 到就叫我俾錢! 明既,要埋數收工!食食下， 發覺個雞一啲都唔辣，只有美極美! 得個咸味根本就唔係我想要既野,連個酸辣湯都辣過佢! 理哂譜根住叫左個部長黎! 我: 依個雞一啲都唔辣部長: 點會唔辣， 你食得辣姐!我: 唔信你試下!部長: 我食過啦 ( 走左去)(番轉頭) 部長: 啲人收哂工,一係比啲豆瓣醬你我話要退錢! 佢理都唔理就走左去……之後叫人加水! 佢張我壺滖水倒去壺茶到就算哈! 咁我又唔可以加水! 想點呀???野又唔好食， 服務仲要卜差成咁加一服務費係有啲咁既服務態度， 真係不x 之所謂1040 得番我地一枱! 仲要熄埋燈熄埋冷氣趕我地走,一句

一家6口補祝母親節, 有訂枱, 位置環境ok,我地叫左: 雞絲粉皮:味道麻麻, 有小辣但冇乜花生醬味, 唔會encore醉雞:味道ok, 酒味適中, 舊雞亦都幾滑, 不過我係夾面頭嗰d,冇比d酒浸住, 老爸話佢嗰舊d酒勁得滯, 佢係夾底層嗰舊小籠包:先叫2籠, 4個人食, 2籠共8隻, 夾的時候總共穿左6隻,皮薄好食, 美中不足係好易漏湯,後黎遲到嗰兩位叫左1籠, 佢地嗰籠好d, 穿左2隻,呢樣野真係要改善下, 小籠包穿皮漏湯真係幾灰事先聲明, 我地筷子功係唔錯的!!片皮鴨: 侍應喺我地入座時已經問要唔要試下, 佢話要6-7個字燒, 母親大人話想試, 叫左一隻, 好似做緊特價168, 一鴨兩味, 另一味我地揀左炒鴨絲片皮鴨比我地預期中早黎,片皮鴨片皮鴨, 片皮帶厚肉被我地視之為唔合格,家母狠評鴨肉太厚太鞋口炸銀絲卷:皮脆, 好食, 配煉奶一流回鍋肉配薄餅:好食, 辣度適中, 汁醬惹味上湯浸皇帝菜:普通, 不過不失椒鹽黃花魚:2條$68, 唔計味道可以話抵食, 條魚都幾大條, 不過偏咸, 可惜黑胡椒牛肉包:自己冇食, 家母話唔得!芝麻蘿蔔絲餡餅:太後期先上枱, 都已經好飽, 賣相唔太吸引

友人們為要商量最近旅遊的安排，相約共進晚飯兼開會，搞手看中了湘川滬、不知道是否貪其一次過可享用三個地方菜的原固呢！一位住在附近的友人更特意為此頓晚飯預早申請 VIP 咭，晚餐可有85折擾惠，讓我們荷包可輕鬆一點，可謂無微不至，細心體貼！湘川滬顧名思義便是湖南、四川及上海，三地菜式各有善長與特性，餐牌首頁有較詳細的解說。對食客來說，一家餐廰能讓客人在同一時間品嚐三地之美味，想起也覺是樂事，喜哉！會議先擱置，第一要事先讓肚皮得到滿足，典型的香港人。 鎮江肴肉：鎮江肴肉是鎮江的名菜，當地人早飯也習慣必有肴肉，可想言之肴肉已深入民心，重視程度非淺。肴肉是採選豬前蹄，經過精細的醃製過程製作而成。端上桌的肴肉顏色呈粉紅，質感嫩滑，夾雜了瘦肉及小量脂肪，應該對辦了！可是食味偏淡，絲毫嚐不到各式香料味道，只可沾醋提味，惟效果並不顯著。入口水晶部份感冰凍，如能放温點，口感會較舒適。 五香燻魚：賣相油潤，赤赤濃濃的醬色，不乏上海菜的神韻，怎料一試真叫人 "難忘"！醬汁竟然是酸的，不是變壞的酸，而是調味的特殊效果；燻魚肉質一般，但無味可言，不明五香效果跑哪處去？莫非只草草將魚塊炸了，沾沾醬汁便算？醬汁詭異，