糖仁街 (Moved) New Location

食完飯喺openrice search 尖沙咀邊度有糖水鋪? 本來想去甜蜜蜜, 但係鍾意嚐新嘅我, 當然會揀新店啦! 而且又唔洗等位.呢度嘅雪花冰由冰底到配料, 生果..等都可以自由選擇.我揀咗 - 蕃石榴冰底, 朱古力醬, 朱古力碎同西瓜 - 個冰底好香蕃石榴味, 而且自己揀自己鍾意嘅配料真係貼心! 其實 $31 呢個價錢相比其他同類店舖貴, 不過可以自選配料都可以既, 再者呢度嘅雪花冰刨得比較薄同層次感多d, 食落令果味滲入味蕾, 唔錯.蜜糖炸蕃薯角 - 面層嘅芝麻, 花生碎同糖不甩嘅一樣, 蕃薯唔甜又無味, 唔好味.

經過見到間野門口貼左好多名人黎食過既相, 心諗試得過wo. 就膽粗粗拎飛等位一心諗住試好野.入到去, 我地4個人叫左2個棉花冰share.我地揀自選配搭既棉花冰.香竽棉花冰+芒果醬+蜜瓜+栗米片 $31冇乜香竽味, 好淡, 成個永都好乾, 食落去就唔值$31牛奶棉花永+榛子醬+香蕉+七海神針 $34太甜, 同埋依個好水 都係唔值$34服務態度都ok, 但就真係等位耐左d.

平時同朋友去開甜蜜蜜,不過次次都好多人, 今日都唔例外~ 但今日有老人家o係度就唔想佢地等咁耐, 轉移陣地黎糖仁街, 平時都想試架了,不過呢間都好多人等,所以都放棄左, 見今日竟然冇人等仲要有吉台就試下啦叫左2個棉花冰, 一個牛奶味一個抺茶味, 一見個賣相, 同平時食開的唔同, 細兜但價錢唔係俾人平, 味道其實唔差, 不過唔稱得上係好味, 亦冇番轉頭再幫襯既衝動另外再叫左一個熱既蕃薯糖水, 好甜, 不過蕃薯幾好食, 但淨番晒d 糖水o係度有d呻笨既感覺

好想食甜品,咁岩經過喱間野,味入去試下呀,冇人~?可能係喱個時間好少人食甜品,同好似係6點幾時間來,比較少人呀~!熱蕃薯糖水~!雖然冇試呀,不過聞到好勁既薑味~!抹茶冰,個人鍾意之下覺得唔錯呀,可以自己揀配料既,有朱古力碎,紅豆之類,不過冇糖百府咁好味,抹茶冇咁濃~!香蕉冰,真係好勁既香蕉味呀,好似食梗香蕉咁,食食下幾漏下同幾甜,不過又唔錯既~!

舊地重遊...與數位好友小聚小聚我點左抹茶冰配朱古力醬粟米片再加有蜜瓜唔知係咪朱古力醬太甜...食唔出抹茶味添~不過配搭粟米片實屬不錯...~蜜瓜就不太甜呢友人就揀左咖啡冰...我亦嚐左一口，感覺好濃味但朋友說一開始好濃...食耐左就唔覺啦

入內少人，唔通熱潮已過，所以無咩人吃，餐牌款少，平均價都高，揀了有可可酒和蕉味的雪花冰…賣相幾靚，味唔夠出，要大啖大啖先嗒得出味來，唔掛得無人來，水準咁差，我下次都不來拉。

記得第一次食糖仁街﹐覺得都唔錯﹐但無食幾個月﹐番黎幫襯過兩次﹐感覺真的差了。第一次再返黎食﹐叫左呢兩樣:栗子冰‥要慢慢o答﹐就食到陣陣栗子香﹐配搭我喜愛的士多啤梨醬﹑香蕉﹑粟米片﹐我都好滿意了﹐但比起大角咀豬仔來說﹐佢嘅質地就比較實﹐碎碎的﹐比我第一次食時差左!!雙色冰芒果味﹑椰汁味‥呢個芒果冰一定唔夠豬仔好味﹐椰汁和芒果冰竟然都覺得是同一樣味﹐四十六蚊收得貴左啲喎!!第二次再比機會試香蕉冰和西瓜冰兩款﹐啲冰愈打愈差﹐好杰同埋好似打到一條條繩咁﹐而且嗰隻士多啤梨醬太甜﹐如果要再試真的要考慮下了。

今日食完飯, 諗住同朋友去食糖去... 我地就入左呢間...佢D糖水真係唔多得... 同行十個人, 無人一個人覺得D糖水係ok ...又未差到去難食... 只不過係無味...以後唔會再去....

香蕉冰+芒果+朱古力碎:好香既蕉味,入口即溶咖啡冰+布丁粒+:蒟蒻:濃濃既咖啡味,入口即溶,d配料都好好味,好煙un

數個月沒有光顧糖仁街吃其雪花冰了當晚叫了一個西瓜雪花冰配玉米片、魔豆雪花冰本身就沒有甚麼特別，味道總算不太甜也不太淡，調校適中記得糖仁街在本年夏季搶閘開張時，人氣旺盛，評價也甚高，甚至一度躍居Openrice最佳食店排名榜的頭十大我一向覺得，以雪花冰為賣點的甜品店在冬天定必人氣下滑今看其食評評價，較高峰時期已大幅滑落，果然如此無他的，雪花冰在冬天又怎會大受歡迎呢？如一間甜品店只集中主打雪花冰，冬天被受冷落也是必然的情況……

12月18日（星座五）晚，吃完全羊宴後，部份食友意猶未盡去溝貨，因剛才沒有去吃甜品，所以六個人就去了吃甜品。厚福街有兩間糖水鋪，在分頭行事下，這邊廂先有位，就去這裡吃罷，反正我和女友都未曾吃過。餐牌選擇很多，女友要杏仁糊豆腐花，我就要鴛鴦湯丸。杏仁糊豆腐花：杏仁味不淡，豆腐尚算滑溜，整體口感幼滑，不錯；鴛鴦湯丸：芝麻和花生湯丸都是買來貨，很厚粉，口感尚算煙韌，薑湯味道夠薑，不甜！地方淺窄，外面不時有人輪候，還是不宜久留，另覓他處再和食友暢談。

尋晚食完大門橫丁, 隔離就係呢間糖水鋪. 見啱啱有位, 又未食過雪花冰, 就決定去試下~我係朱古力fans, 所以就要左個chocolate set - 雪山　－　朱古力雪花冰＋朱古力醬＋朱古力粒＋香蕉男友怕甜, 就叫左個自選組合:牛奶雪花冰＋榛子醬＋葡萄粒＋西瓜．個買好靚, 但味道真係好一般, 完全唔會有想encore既衝動...朱古力冇朱古力味，　好在唔太甜．不過男友話佢個牛奶味Ok，　我就覺得淡左d．個雪山雪花冰要成$41, 男友O個個就$31, 我覺得唔值.應該唔會再去...

近期雪花冰開到成行成市，厚德街也開了這家糖仁街。其名字的確頗有新意，所以吸引了我入內一試。當日我要了一客西瓜冰，其實與其他地方嘗到的雪花冰分別不大，不算太軟綿綿，而且有點過甜，加上可能因為食得太多不同地方的雪花冰，覺得已沒太大新意。整體來說，普普通通的雪花冰店，勉強可以一試。

晚餐過後便是甜品時間，目的地就是《伊呂波》附近的《糖仁街》…我可是第一次接觸這個時興了好一陣子的雪花冰（他卻早已跟朋友到來至少三次，麻木了），點了他強烈推介的宇治金時（綠茶冰底配綠茶醬、紅豆、涼粉及百香果果凍），另外選擇了黑色誘惑（香蕉加可可冰底配朱古力醬、咖啡果凍及芒果魔豆）。嗯，我喜歡後者多一點，很欣賞那個香蕉冰底啊！（那時又碰上一些外國遊客光顧，感覺挺有趣！）吃過了甜品才8pm左右，我們到旺角逛了一會便回去了… 尚有其他照片於我的blog內：http://www.pangsy.com/read.php?390

20/9/09(日)這種雪花刨冰店越開越多，很受年青人歡迎，既然T選定這裏來試，樂意奉陪。這欵名為 “灰姑娘”($36) ，內容為日本南瓜雪花冰底配玫瑰花釀、杏仁片、蜜紅豆、寶石珍珠及三色蒟蒻，等了一陣子，華麗登場。清清甜甜，淡淡的南瓜味，不失為消暑佳品。細嘗各類配料，杏仁片、蜜紅豆等，味道俱佳。少吃多滋味，兩人分享完畢，再戰下一站。