景霖正宗四川麻辣米線 (Moved) New Location

通常下午lunch來食,味道都幾ok,女仔食一個2餸麵都夠晒,仲送豆漿,價錢都合理....(近來好似加左1蚊),不過地方真係好迫,一圓張枱次次都坐成6-8個人,真得唔舒服係要改善的地方!

ｅ間我經常都去,每一次都食炸醬同酸菜麵,ｄ雞翼好唔好食就見人見志啦,但係ｅ間野勝左細細地,服務態度好,好幹淨!真係唔知點解ｅ間野重來再新野(得個魚麵),但我同朋友同家人都會一去再去!

專登入去食,tea time好多人...又寫錯單又冇豆漿仲要收錯錢....同一年前差好遠............

多數會吃雲南風味的米線，反而，四川的應該是第一次試吧。這鋪頭門面不甚起眼，很易便會與它擦身而過。店內環境甚算光明，不過坐得很逼。點了腩肉雞肉米線和四川麻辣烤中雞翼。雞翼很快到來，是烤得幾好，有肉汁又幾滑，也不算很辣，很惹味。米線是很普通的那一種質感，但份量多；腩肉不是雲南風味那種很入味，反之是味道清清的，我喜歡；雞肉也是清清淡淡的。下午茶時段好像更抵食！有些人可能鍾意很有味、惹味的米線，但始終要靠自己味蕾來判斷。我喜歡這樣淡淡的米線。

經常光顧佐敦店，覺得米線很好吃，多年來保持水準。今晚路經紅磡，便嚐嚐紅磡店。實在是比下去了。兩店走的路線及餐牌是差不多，紅磡店的空間明顯是少及較擠迫。令人失望的是，紅磡店沒有牛腩供應的，突然不知吃什麼好！湯底太清了，沒有牛腩，整碗面也失去了味道。最令人感到不舒服的是，店員為了多做一點生意，硬將兩位新來的食客塞進一張已坐了五個成人的四尺圓桌。連新來的食客也說此舉是有如趕客！還是回佐敦店好！

見呢間米線咁多個哈哈笑真係唔明．我試個一次後．唔會再去．唔係話佢唔ｏｋ！只不個係普通首先，紅磡已經有２間好好食既米線舖，相比呢間．．確實差勁．個湯低唔得．太喊多味精，麻辣又做得唔出色．最離譜係價錢仲比其餘２間好食既貴所以真係唔明何來咁多個哈哈笑

奴隸獸有一個弱點，就是食麻辣食物，就會眼淚鼻涕流滿面，非常樣衰。終於在主人的鼓勵下，（其實是利用奴隸獸的為食天性。）勇敢地面對今次的挑戰。我們點了：小小辣兩（鮑魚、炸魚片）過橋米線（HK$22）：米線爽滑，湯底清淡，但加麻辣後就變得可口，總體來說味道OK。新彊香草烤中雞翼及四川麻辣烤中雞翼（HK$19）：麻辣中雞翼非常惹味，唔油膩。香草中雞翼有草青味，主人話唔鍾意食。（益哂奴隸獸。）奴隸獸食了今次麻辣餐的結果……慘不忍睹。

一就試碗大辣炸醬菜肉雲吞米線.大辣, 未有食到噴火, 而且覺得有麻有辣, 都算唔錯, 食得辣人, 可以不妨一試.炸醬, 肉碎少少辣, 但厭唔夠香.菜肉雲吞, 細粒d, 同埋得兩隻, 好似"孤寒"d wo.米線, 都唔錯, 得幾淋.

好評如潮的米線, 有幾好食?今次嗜過了大辣冬菇腐皮米線,只覺一般, 冬菇不夠香, 可幸腐皮下得很多, 湯底似是無味精, 原來它不是酸辣的, 我加了好多醋啊, 而大辣對我來說只是小兒科,下午茶時間連豆漿都只是22元,抵到爛~ 也許它的葷食比較好, 吃素的真有點失望....

小肥:一條街裏面有2間米線店, 相比之下, 呢間比較無咁起眼, 好多時行過都唔會留意到佢, 同埋由於佢比較早收舖, 所以一直都幫襯另一間多.尋日lunch 時買外賣番屋企食, 想試試呢間店, 一去到, 未入門口都已經見到好多人排住隊等入座, 店子小小裏面坐滿晒人, 我叫o左碗冬菇米線唔辣, 幫我落單係一位靚姐姐, 等時重見到原來午巿係送豆漿一杯喎! 到有得攞時另一位靚姐姐幫我好細心咁pack, 留意到佢重整o左靚靚o既指甲tim! 連我呢D OL 都冇佢整得咁靚~ 望到佢個樣, 應該同落單o個位係兩姐妹呀! 返到屋企, 一打開個袋已經聞到好香, 但又講唔出係乜o野味, 打開個蓋, 謎底打開啦.. 原來個米線係落住好多九菜, 除o左冬菇之外, 重有芽菜同幾塊腐竹, 冬菇好焾好入味, 腐竹又好滑, 個湯底好清唔覺有味精, 感覺好健康呀! 加埋杯不太甜o既豆漿, 雖然烯烯地但完全冇渣, 加上又係免費, 食完好滿足.雖則會再幫襯, 但應該唔會堂食啦, 下次有機會再買外賣番屋企, 同埋會推介大肥試試.

很久沒有嚐過脂肪滿佈的大腸了，近十多廿年，大豆牙炒豬大腸配辣椒醬的這味家庭小菜已失蹤多時，而食肆對豬大腸又避之則吉，極其量只選用大腸前段的中腸，瘦瘦薄薄，點滴肥膏欠奉，沒舍隱頭；而客家茶中的炸大腸亦因肥脂已炸得七七八八，更失去了應有的韻味，而牛腸，亦是另一回事，淋淋腍腍，更沒皭頭。是晚從何文田踱步過來，走這長路就是為了增加吸收飽和脂肪的配額，到來時已經過了晚飯時段，但客人明顯不少，生意似乎頗為不錯。見菜牌上列出米線已經有韭菜、腐皮及芽菜，就只點選了竹笙、腩肉和大腸，小辣多酸！米線上檯，份量不小；看到所有食材大兜亂已稱心，因為這樣才佐証不是這車仔米線，是每碗每碗各自烹煮的。一看腩肉是白灼形式後切片而成，嚐口，不比譚仔米線及四川米線的偏鹹已經合意，加上腩肉肉質仍有爽身的口感，薈於酸辣湯，無以喻之；而再看大腸，是久違了的肥膏大腸，那還要得，甘香肥美，集於一身，正如蔡生說，愈對身體不好的才是愈美味的(只是現代人的說法而矣) ；竹笙主要目的是品嚐牠索盡酸辣湯而仍爽脆的口感，怎樣來說這裡的已盡了本份。米線是粗身帶點腍身的那種，跟雲南小鍋的不同，後者比例幼身但彈牙，這裡的是會吸盡湯底味道，各咱家長。

我就係因為抱有太大既期望去而有d失望話說我同個frd係紅磡搵食佢話食米線咁我平時見到都有唔少人話呢間好食咁佢又ok就去試下啦~都唔多人~好疏落下我同個frd就叫左2餸面同4隻雞翼唔.......可能我平時食開譚x 所以自不然會做d比較我覺得佢既小辣都係唔夠譚x 個d而且連d雞翼都細隻好多~over all唔太差唔太好~不過勝在服務好好law!

同太座嚟一試呢度好評如潮嘅米線及雞翼...貪心地叫咗個魚腐、豬潤、腩肉加雞肉米線...湯底本身很清，加上個小麻辣，係自己可以接受嘅辣度，相反太座就唔多頂得順，不停灌忌亷汽水豬潤頗爽口，但有D微苦，當然不及維記嘅水準；雞肉好滑唔嚡，值得一讚；魚腐幾甜幾鮮，太座都話OK；腩肉醃得夠味，肥肉部份夠爽，good...雞翼有濃濃香草味，不俗，但刺激度仍不及譚x 嘅土匪雞翼...料嘅水準認真不俗，可惜米線質地淰pat pat，劣品，破壞晒印象...由大笑變番做OK臉...

31-Mar-2007腩肉大腸米線, 有豆漿及兩隻雞亦送好低食。腩肉大腸都一般, 豆漿是出面交貨不評也吧, 反而雞亦就幾好, 有香草和香辣兩種口味選擇。

曾幾何時，呢度係我同老公的飯堂，佢地有好靚的兩姐妹，仲有辣味適中的米線，加埋炸醬簡直係絕配；另外，老公必然叫一碟香葉雞翼，話第二度搵唔到呢種味喎不過地方太迫，又成日排長龍，個個都急住食飽走人。