廚十三老壇酸菜魚 (亨環‧天后) (Closed)

今日與同事在天后工作，工作完大家想食晚飯，平時都係打邊爐/送題，沒有新意，我地決定去試新野廚十三*酸菜魚*環境新裝修，燈火通明。店內環境清潔食物選擇多，唔怕諗唔到食咩酸菜魚先到，大大份，配埋餐肉同寬粉，魚新鮮夠滑，冇雪藏味，好好食，酸菜酸帶點辣，令人食慾大增，而寬粉又有咬口幾特別蔥油撈豬肚，豬肚爽口配上蔥油很惹味食左咁多肉，當然要有菜，菜心新鮮爽甜酥炸無臉男，新鮮炸，肉香濃郁，不錯左邊荔枝特飲，右邊提子特飲，味道正常，唔會太甜我地食到好飽，價錢正常，最緊要坐得舒服，唔洗同人迫

天后都新開左間廚十三老壇酸菜魚啦，地方裝修都係用同樣風格，坐得夠閣落！店員服務很好又有禮，解釋又詳細。我地2人就叫左小份酸菜魚for2-3人用，可以選擇麻辣度，我地叫了小辣，小麻，小油！整體味道非常正。又唔會太油，辣度對於我地黎講剛剛好！幾惹味，魚肉幾鮮味而且幾吸味！所以食出微辣感，本身已包有金針菇，豆腐，藕片做配料！我再加青荀片，甜得自然又清爽，寬粉非常煙un帶 Q彈，好好食。手撕雞，幾有質感，雞肉一疏疏又啖啖肉既感覺，香料味道幾突出，又唔會過咸但有好出味。餐廳做緊優惠，只需加1蚊就有份凍粉，非常抵食，味道偏清淡，份量夠足。紅糖冰粉，食完辛野，甜品食個冰粉真係爽到震！冰冰凉凉又唔會太甜，好正又解辣，好得。

之前係銅鑼灣分店已經食過一次，覺得魚同小食都唔錯，今日去開天后見開左分店，所以就入去再食。我地兩個人唔係好肚餓，所以無叫到酸菜魚，因為酸菜魚真係超大兜實食唔晒。今次就散叫餸：脆炸雞翼，清炒窩荀絲，泡椒鳳爪，雨露均沾，每人一個白飯，兩個人加埋350蚊埋單，唔算好平，價錢不過不失。脆炸雞翼超級好食！必食！剛炸起超香口，點少少辣粉真係食到停唔到口。我特別欣賞佢係單骨雞翼，容易咬清炒窩荀絲爽口清甜，中和返雞翼既油膩泡椒鳳爪非常入味，味道亦係特製的，係其他地方食唔到。最後甜品雨露均沾炸得煙煙韌韌，都做得好出色環境坐得好舒服，服務又好好，不停加茶和介紹食品，抵讚！

好耐冇食過酸菜魚，呢間係朋友極力推介嘅。星期五放咗工之後同朋友嚟天后呢間分店，可能唔係旺區所以都容易D搵到位嘅。我哋點左個細分嘅餐，呢個餐夠兩至三人用，辣就點左最少嘅辣，仲加咗必有嘅薯粉，嘢飲就揀咗酸梅湯！個人好怕食有骨嘅魚，但係呢啲魚冇骨嘅，食得非常放心，而且唔係好辣所以都唔會話食得特別辛苦。如果你食得辣嘅可以加辣！服務方面店員非常之有禮貌呢間分店啱啱開張所以有八八折優惠，埋單每人$200樓下真係好抵！一定會推介鍾意食酸菜魚嘅朋友嚟食👍🏻

酸菜魚味道真的不錯，可以可以，值得推薦和再食。我更加喜歡豬耳，上面淋了豆豉辣椒，特別香！環境乾淨衛生，服務態度好好！而家，好難得嘎啦。會encore。同埋推薦住附近的朋友黎食。

之前試過佢哋銅鑼灣分店，一直覺得味道唔錯好想再試。見到天后呢間係新嘅分店，中午做緊八八折優惠，即刻約朋友去試啦😆呢間分店喺天后，雖然係中午食飯時間，但人流唔多可以慢慢坐。我哋兩個人叫咗個午市二人餐，估唔到個酸菜魚份量好大，味道真係好好，有啲似喺深圳食嘅太二酸菜魚，佢個湯都幾好飲，唔會好油，魚片夠多又滑，酸菜都唔錯😋 個套餐仲可以跟飯或者米線，仲有兩杯飲品，真係幾抵食😀 呢度地方新，環境都唔錯，如果住附近可以去試吓啊😁

天后地铁站附近，去吃了二次。中午有单人、双人、三人套餐。一家3-4人点双人套餐就可以，好大一盘酸菜鱼、另外再点一些蔬菜、点心、口水鸡。推荐酸菜鱼：色香味俱全、鱼片嫩滑，里面有莴苣、豆腐等，套餐送两个王老吉。点了一个凉粉甜品，冰冰凉，可惜甜太多了些。特别赞一下服务员服务态度超好、上菜快，一次点的少辣，第二次点的去辣。我家孩子（不会吃辣）反应：喜欢去辣的，但吃上去还是稍有点辣味。结帐时，说是新店营业期间又都打了85折。实惠

同朋友去天后搵嘢食，發現新開咗間酸菜魚，即刻走去試吓。位置係電器道54號3樓，唔算好大，不過平日7點幾去到大概都7成滿，環境乾淨衛生嘅。1.酸菜魚，大概450一份因為食量比較大，2個人要咗個3至4人份量嘅酸菜魚，我隻手就係對比🤣🤣你話係咪好多，其實2個人絕對食得晒d魚，因為魚唔算多亦唔會好飽。味道黎講，同之前係大陸食嘅太二好似好似，所以係好味嘅，食晒成兜都ok🥰2.麻辣牛肉 88一份牛肉份量反而比我想像中多，因為88嘅價錢以為得幾塊，點知都食咗好耐吓，同樣味道唔錯，而且唔會太辣，啱我👍🏻3.大陸叫糍粑，佢個名好奇怪，唔記得咗嚕，40一份朋友勁鍾意食嘅嘢，以前返大陸一定會去食，太耐冇返，所以佢一見到就勁興奮，味道係真係好食嘅，糯米加豆粉加糖，正😋

好朋友仔好耐冇見預早半個月約我食晚飯相聚下佢真係好鍾意去試好嘢，比左幾間鋪頭我簡，我哋都鐘意食辣所以我簡左呢間店，好似新開無耐，上到去個環境都唔錯，坐位仲好舒服👍冷氣又夠！約左六點上到去暫時得我一個客，有個勁好笑容同有禮貌既男店員同我打招呼仲主動問有無book位里面仲有個女店員都係勁好笑容同有禮貌！我哋好愉快咁傾左成晚都完全無趕客，見到我地支水就黎無曬，仲主動問使唔使再加水，見我凍仲幫我換咗支熱水❤️兩個店員不停交替幫我哋倒水一見到菜單第一眼就見到我最愛既黑糖滋芭如果可以再炸脆D仲正🤤，原本想單叫酸菜魚加幾樣小食，點知有套餐簡，所以我哋就簡左個套餐，酸菜魚一黎到超大盤，好似我屋企個洗菜盤咁大勁誇張好多魚又多配菜兩個人食真係好夠飽可以加三個配菜，我地簡左豆卜、窩筍、金菇最後仲簡左棒棒雞（原來係口水雞），同樣好好味😋下次會再番卓！睇番啲相都流口水，盤酸菜魚真係好正，唔多油膩仲要酸菜又抄得香，魚肉又無骨仲要好滑