晶晶甜品

Open Now

Now Closed

食糖水食到厭可以黎試下，位置係家賀屋行前就到，都幾近丸子奶皇西米露奶皇底既糖水真係第一次食，對正常人黎講會覺得甜左少少，但對我黎講係岩岩好，因為平時都食好多朱古力，湯圓既餡係奶黃味，同平時食既，呢兩粒係濃好多，但一碗得兩粒真係好少薑汁玫瑰酒湯圓個湯一入口唔太覺薑味重，要等一陣先感覺到d薑味，少辣。湯圓入面係濃濃濃濃濃濃既玫瑰酒，平時唔飲酒既人真係食唔到，我食左半啖冇得喇。中意飲酒既人應該覺得好正。想試新野既人，呢碗薑汁玫瑰酒湯圓好岩你

Well portioning of all the toppings to balance out the flavor. Would recommend for people who don’t like desserts that are too sweet. However, star shaped jelly didn’t taste like anything and seemed more for plating and additional texture. ⭐️First impression was that it was plated very nicely as it came with a latte art design and I was looking forward to this dessert. Was bummed I forgot to try the black sesame and almond separately before mixing them to get a pure taste of each. Unfortunately,

中式糖水店越來越少，晶晶係其中一間都說仍然有好多選擇嘅一間。但價錢方面就相對貴。一碗合桃糊加2粒湯圓（$48），杏仁糊加2粒湯圓（$46），再嚟多個鮮龍眼西米豆腐花（$45），兩個人食三樣嘢其實都好飽。提－提龍眼的而且確係新鮮嘅！😄合桃糊係好滑而且香，同埋唔會有一嚿嚿粉。杏仁糊亦都唔算太甜，而且好滑好香。以份量同價錢相比，性價比就係低嘅。湯圓就只有兩粒就唔夠喉。論味道就唔錯，但價錢方面，一碗糖水嘅價錢真係可以食到一個快餐連飲品嗰隻。

香港肯造雪紋刨冰真的不多，將材料雪成冰再去刨也看得出花更多功夫，但$50這個份量又覺得有點貴，會不會再來要看會不會找到其他餐廳有更好的同類型刨冰。涼粉奶茶雪紋奶冰- 刨冰的茶味夠濃，甜味適中，涼粉就沒有特別。如果奶茶刨冰要比較，就要跟泰國出名芒果糯米飯冰那間的奶茶刨冰來比較，味道同樣好，但晶晶因為是雪紋奶冰所以比較滑及全部都有味，不怕吃到尾只有冰粒味.....雖然未到它溶就一定已經吃完。芒果雪紋奶冰- 同上面雪紋奶冰有一樣特性，只是換了芒果跟刨冰同樣是主角。芒果西米涼粉- 甜水湯底好淡好稀，芒果味未能救番。

🍴薑湯黃金燉奶 $49 (6/10)$49份量少咗啲，得兩寸厚，係隻碗大😂薑糖薑味都幾重，甜甜哋，上面係蛋黃下面係燉奶，燉奶都幾香滑有奶味，不未算好濃，個蛋黃都幾香，好似蓋過左奶味，不過夠薑湯就唔係好食到燉奶燉蛋個味，真係要好仔細先食到嗰個奶香味道！如果想食到奶香嘅話就唔好要薑湯，味道ok但計埋個價錢同份量就唔抵😂🍴芒果黑糯米奶冰 $54 (7.8/10)牛奶冰有驚喜，質感好細滑，口感好輕盈，奶味都幾香濃，黑糯米甜甜地，不過質感就唔算好濃郁，芒果都大粒，係浸過糖水嘅甜，幾唔錯！推薦指數: 7/10味道唔錯，價錢小貴，唔推薦燉奶！

同朋友食完晚飯後仲想更加滿足7點幾8點見附近有間糖水舖即管等位試試 店舖內座位唔算好多大家都坐得比較親密😜枱與枱之間比較少空間平日夜晚時間 都坐滿咗等了10分鐘左右Menu比較出面其他新式少花樣但旨在夠傳統 而且用低糖配方冇咁甜👍🏻食落口暖洋洋🌞似足媽媽屋企煮嘅味道黑芝麻糊好夠濃郁 豆腐花亦好嫩滑以街坊生意嚟講$4x碗差唔多😃如果有更多選擇及口味揀會更好本身想食湯圓 但只有芝麻/豆沙但以健康角度食糖水就非常滿意😊☺️

灣仔糖水舖選擇來講唔算多，呢間算高質不過價錢稍高～一分錢一分貨⚡️相比起西式甜品我而家更鍾意食中式甜品～🥚蛋白杏仁糊杏仁味好香濃，而且質感幼滑😋蛋白份量算足料，呢個甜品已經回購左好多次！！暫時食過最好食嘅蛋白杏仁糊✨✨⚫️生磨芝麻糊芝麻味突出🌟質感同樣幼滑～兩碗糖水上枱都好夠熱🔥 中式甜品我都係覺得熱嘅較為好食啲😋😋推介指數：⚡️⚡️⚡️⚡️餐廳環境：⚡️⚡️⚡️服務態度：⚡️⚡️⚡️ 再訪：Yes

老細萬歲請食甜品🍮，同事好快搵到個餐牌揀好寫哂號碼，可以😌whatsapp落order，不過覆whatsapp嗰個負責人反應比較慢，同埋新餐牌貴咗又冇號碼，話20分鐘嚟攞，咁就落去攞。店內唔多人，櫃面就一人侍應、厨房二人。以為一落去就有，點知落到去先對單，仲要差一碗，要decode解碼邊碗漏咗先準備糖水，又搞咗20分鐘。返到office分贓，我㨂咗芒果🥭豆腐花黑糯米,芒果甜，豆腐花冇乜味，好彩黑糯米有咬口又有甜味，overall個balance做得幾好👍同事請我食湯丸芝麻糊，芝麻糊比較稀，冇乜芝麻味。芝蔴湯丸正常。攞多咗幾份新menu等下次叫，但新menu冇號碼，已同店員反映咗。

本身都唔知間咁出名，喺出面排隊嗰時已經聽到前面果班人講話呢間係一定要order中式糖水，入咗座就打開個Menu睇，見到有好多中式甜品出面係冇嘅，例如係黑芝麻布甸西米露同奶茶布甸，除咗中式糖水仲有港式甜品揀，楊枝甘露芒果西米露都有！黑芝麻布甸西米露糖水底係椰汁，個布甸黑芝麻味好濃！食到一半會有回甘嘅感覺，食完成個口俾黑芝麻嘅香氣包圍，其他地方真係好少有黑芝麻布甸，推薦！芒果布甸西米露芒果布甸偏甜，建議大家都係食返中式甜品好啲

以前去天后必定去食的晶晶甜品，以為佢結業，當時知道已經執咗有D失落感，原來由天后搬到灣仔，地點距離灣仔地鐵站要步行5分鐘。雖然地點遠了，但太耐冇食，都特登來試吓。栗子芋蓉西米豆腐花及黑芝麻布甸每次都係我必吃之選，以前食熱的栗子竽蓉西米豆腐花，今日因為天氣太熱，選擇食凍的，但感覺熱食的栗子竽蓉會好食一點。黑芝麻布甸是濃濃的芝麻香，仲有小小芝麻糊浸住布甸一齊食，令布甸好滑。

🔅🔅🔅🔅🔅🔅🔅🔅總分: 5/5 (好好食同有新意！)推薦俾:鍾意創新甜品嘅人🍮🍮🍮🍮🍮🍮🍮🍮🔅 薑汁玫瑰酒湯圓 ($36)薑汁底本身偏辣 重薑味 唔會十分甜湯圓皮好煙韌 好好食酒心湯圓好似係依間舖頭自創的！酒味夠香夠濃 都食到玫瑰味🔅丸子奶黃西米露 ($45)大推依個！！！！奶黃嘅糖水其實真係比較少見佢個湯底好重蛋黃同奶味 香濃但係唔會話太甜西米煮得好透湯圓入邊都係流心奶黃餡！好正！🔅奶茶布甸 ($32)(外賣搖散咗 搞到好樣衰 對唔字 ><)超級濃奶茶味布甸本身都好滑我作為一個唔太鍾意飲奶茶嘅人都覺得好好食🍨🍨🍨🍨🍨🍨🍨🍨地址: 晶晶甜品 (灣仔)灣仔灣仔道8號尚翹峰地下A1號舖環境嚟講~係一間小店 唔算太出名同可能因為平日下晝去所以冇乜人啲位坐得舒服依間舖頭淨係收現金同八達通所以去之前記得撳錢或者增值先~

曾經業主逼遷要同有28年歷史嘅晶晶講再見，依家終於喺灣仔重開🤣丸子奶黃西米露🤌🏻大推！奶黃味嘅糖水其實真係比較少有，糖水湯底好重蛋黄同奶味，香濃但係唔會話太甜，西米煮得好透😛最正嘅係湯圓入邊都係流心奶黃餡😎薑汁玫瑰酒湯圓🤌🏻薑汁好濃，本身偏辣，但愛薑之人一定鍾意，玫瑰露酒饀湯圓酒味好強但唔會十分甜，湯圓皮好煙韌好好食，聽聞酒心湯圓好似係舖頭自創的，酒味夠香夠濃，帶有少少玫瑰味😛🚩 晶晶甜品 (灣仔)灣仔灣仔道8號尚翹峰地下A1號舖#addifoodie #addifoodie灣仔#foodie #hongkongfood #drawing #香港美食 #吃喝好去處 #週末好去處 #goodfood #周圍食 #香港插畫 #情侶美食 #HKcouple #hongkongdraw #foodiecouple #愛情插畫 #中式糖水

去完會展睇展覽，之後過咗灣仔，睇吓呢頭有咩好食，突然之間諗起 甜品。一上Google Search，再見到一間喺天后嘅老字號搬咗嚟灣仔，就係晶晶甜品咧內裏裝修充滿懷舊風一入到去坐低就睇吓menu呢個玫瑰酒薑汁湯水好好味，薑汁好濃，愛薑之人一定鍾意。玫瑰露酒饀湯圓嘅酒味好強，食咗幾粒湯圓覺得有少少醉醉地另外再叫多咗一個黑芝麻布甸，布甸附近嘅都係黑芝麻糊，布甸質地好滑，好好味最後嘅合桃糊湯圓，合桃糊唔錯，但湯圓就一般，下次嚟應該都係會叫黑芝麻布甸，其他就再諗諗，仲有好多嘢想試

Tea time同事請我地食有二十八年歷史既晶晶甜品，佢地大部份甜品都用冰糖調味，同一般甜品店唔太一樣。我見最近天氣得14,15度，就點左個熱嘅芝麻湯丸栗子芋蓉露黎暖下胃。芋蓉露就聽得多，栗子芋蓉露我就真係第一次試。我最初以為係係芋蓉西米露入面加入d栗子粒。點知店家真係將栗子同芋頭煮到爛哂再隔埋渣。入口質感似比較稀既芝麻糊，帶d栗子香味，係一個幾特別嘅體驗。湯圓得兩粒，埋單45蚊，略嫌有d貴。如果未食過既話都不妨試下。

初次到灣仔新店知道晶晶甜品搬咗去灣仔，專登嚟幫襯，雖然間舖6細左，但係環境乾淨整齊，多咗一份歐陸式設計，感覺都好舒服。今次食紅豆沙，首烏桑寄生蓮子茶。紅豆沙真材實料，紅豆好大粒起沙，有百合，唔算好甜，啱晒我口味。晶晶出名湯圓，所以加咗兩粒黑芝麻湯圓，都好流心同好好味😃首烏桑寄生蓮子茶，比起紅豆沙，偏甜左少少，喜歡好甜既就一定喜歡，有大粒嘅蓮子，仲要分量充足，雖然對我來講甜咗啲，但都覺好味，食完之後，成個人溫暖晒