正記茶餐廳

Open Now

Now Closed

早一個星期先行完「藍地灌溉水塘」，今日就趁天氣好，再次上一上「千島湖」。其實，8月尾都有到訪過「千島湖」，因為都真喺算易行嘅山徑，加上有個靚景。而今次，我哋早出發，計算好行完約中午1:30pm左右返到「掃管笏村」，就晌「正記」食個午餐先走。「正記」最剎食就喺有大量露天位，我哋原本亦揀咗坐出嚟，但剛啱坐落，就發現後面枱嘅客人煲緊煙，亦唔覺佢會就快走，所以，唯有焗住坐返晌室內。因為成個「掃管笏村」得佢一間食肆，否則要出到黃金海岸商場，所以，一眼望上去，街坊客多過行山客。餐牌一次過影出嚟俾大家參考，由早餐、常餐、午餐、下午茶餐、碟頭嘢、粉麵餐、小食……等等，都一一有供應，定價跟市區嘅差不多。炸雞翼通粉 $39老婆就唔太餓，所以，點碗湯通粉就可以喇，個碗就大大隻，但通粉唔算多（對佢嚟講就仲好），而炸雞翼亦只有3隻，但竟然放埋落啲湯度，認真喺敗筆，點到浸腍咗少少外皮，影響其香脆度。幸好，啲通粉無話煮到腍晒，否則真喺災難，至於個湯，普普通通咁啦。菠蘿雞粒粉飯 $56午餐相對抵啲，但幾款都覺得麻麻哋，結果就揀咗「菠蘿雞粒炒飯」，落單時阿姐好好人，溫馨提示我等唔等埋下午茶時間，因為都有呢款炒飯都揀，但

同行朋友點了午市例餐蒸蛋飯，$52，佢話10份滿分比5分。我自己點了$45常餐番茄牛肉湯米配雙蛋多士，凍飲加$3，番茄牛肉湯米：份量大，湯夠熱，可惜番茄湯沒有番茄味，最攞命的是當碗米粉送上時即聞到明顯來自個碗的鹼水味....即刻無晒胃口，最後食左幾啖就放棄....應該不會再幫襯常餐ge湯麵雙蛋/多士：味道正常！與同行一人點了杯凍檸茶和凍檸水，兩杯都有講少甜，但兩杯最後都係正常甜度.....

與好友行山，終點有呢間茶餐廳，因沿途都沒有位置坐低補給，大家都有點肚餓，地方幾大，村屋格局，有室內及室外座位，抗疫期間店員要確認我哋有口罩，要探熱先入場，下午茶餐選擇都好多，大家點餐後，食物是即叫即整（因每樣都熱辣辣夠鑊氣）雞扒米線:雞扒煎過幾香，醃得入味不會過鹹，肉質唔乾，竟然有驚喜，米線淥得剛剛好，是彈牙有咬口嗰種（比很多米線店更好）不會太淋身！而湯底雖然係味精湯，調得唔會過鹹，應該係雞湯粉，鹹香好味，簡單一碗雞扒米線居然比到驚喜我Zero Cola:正常，加上冰底剛好消除行山暑氣！（不過汽水同冰底一齊出會更好（因為上了汽水都等了5分鐘先有冰底，熱辣辣地等了5分鐘先解到渴😅）朋友食：炒貴刁：乾炒牛河：菠蘿炒飯：忌廉汽水：提子汽水：食物好味，店員係豪爽型，好似點汽水時講咗包冰底，但汽水到咗冰底都未到，佢哋聽到我哋對話，即刻回應整緊！好爽快嘅！食物不錯👍🏼（手寫單據上睇唔到每項食物幾錢，只有總數）

已經第三次幫襯！頭兩次都極為失望，諗住貪新鮮同朋友入去食下午茶，點知等好耐都唔出，三催四請先至上菜，出到嚟個奶油豬仔包係我成二十幾歲人食過最難食最唔抵食！空氣麵包，好似花園餐廳嗰種，基本上一啖食晒收我幾十蚊！有次食晚飯，見冇人幫襯好多位，可以成間餐廳霸晒所以入去試吓，食完成班人都講晒粗口，又貴又唔好食，難怪之後間餐廳淨係做午市做地盤佬生意！今次係冇選擇，行完山超級肚餓所以俾多次機會佢。我住響附近嘅朋友話基本上餐廳平日10個有九個半都係地盤佬，因為免費泊車，出面好多地盤車出入，沙塵滾滾，記住唔好坐出面！星期日會好少少。朋友仲話夏天呢度超多蚊，咬到Pk，又多地盤臭汗味，所以夏天一定唔幫襯！至於食物方面，非常之一般，越來越差，差過普通茶餐廳水平。啲肉好大浸雪味，啲飯好硬（聽隔離枱話上次啲飯係漿糊咁！ ）我朋友話之前好似有少少好轉，但係今次真係非常差！唯一吸引之處係可以泊車同埋帶狗狗入去，不過屯門好多地方都可以。我食咗三次加埋朋友久唔久幫襯，大家嘅結論係：食物質素參差，環境欠佳，價錢偏貴，似乎唔係做我哋一般人生意而係做地盤佬，今次真係最後一次，寧願坐番車出去屯門，一樣價錢或平啲，仲多嘢食仲好食

嚟食咗個快餐，粟米斑塊飯，夠又幾抵食。有熱湯送，凍飲我加左3蚊，凍奶茶幾好飲魚出面層粉唔厚，脆脆地，難得食哂都唔劑，味道岩岩好 ,碗湯夠哂熱 唔係罐頭係真係煲出來果種 幾有heart下次會再幫襯 同其他茶餐廳 地方乾淨 服務幾好

因為住附近，一早起身唔想煮，所以過來試下佢個早餐。雖然位置比較”格攝”, 但估唔到朝早都有好多人去食，好彩去到室內仲有位，如果唔係熱死。去到泊好架車(免費)，就即刻嗌左個雞扒通粉配腿蛋(有其他揀)同白包、雞扒餐配火腿奄列同牛油多士，再嗌左杯熱奶茶餐飲同加3蚊轉凍檸茶。<-幾好飲推介個雞排，唔鞋唔乾仲有d汁浸出來;通粉ok，湯底都夠味;個蛋生生地幾正，未食完成個餐已經覺得有d飽，幾大碗，40蚊ok2人埋單$83

星期日之選 入到掃管笏村 諗全睇下村屋途經呢間餐廳仔 幾有地道風味價錢亦都不是太貴下午茶合理有的泊車尋找寧靜之處 一流看看書可坐一個下午叫幾個下午茶雞翼即炸脆卜卜沙律就多左少少醬西多士細心有花生醬細細餐廳感受深刻價廉物美👍🏼

俾友人拉我去行山 天氣熱到咁 行完山點都要醫下肚涼下冷氣,途中經過呢間正記就入去試下一入去見到幾部冷氣開住真係好感動 又見到裝修都幾得意 就覺得無入錯去喇. 原本坐近門口 之後想轉枱坐入d 同個waiter講 佢即刻二話冇問題 好好態度 叫我地隨便坐；我地叫左2個餐:肉絲炒麵,西多士份量算大 料多 麵係脆口所以比較乾身 我就幾中意 不過我朋友就話佢中意濕d西多士好食 脆脆地 牛油size岩岩好 糖膠自己落 見到隔離枱份炸雞脾好似好好食咁 炸得好靚 搞到我都想食 不過怕食唔曬 所以最後冇叫;睇得出間餐廳唔小家 所有食物份量同料都好足估唔到村入面茶餐廳都幾有質素 原本都冇咩期望 下次再行山有機會再黎先得

陪朋友嚟開呢頭睇樓，見到呢間茶餐廳個banner，就揸咗架車入去食啲嘢，傾下計。初頭都怕搵唔到，因為未入過掃管笏。去到原來都易搵，因為喺路邊，一入村就見。*過咗愛琴海岸，一路入，經過間小學，再過個迴旋處，靠左，再入多少少就見到。(我都係跟路牌同個banner行)呢間有別於其他鄕村嘅餐廳，睇得出有設計同裝修，幾特別！ 可能啱啱開咗無耐，仲好新淨。見到有行山人士企喺到當景點影相haha嗌咗個咸蛋黃一字雞翼、炸雞脾沙律、奶油豬、瑞士汁雞翼撈丁，同幾杯餐飲。雞翼好食，脆卜卜，再加埋咸蛋黃，好邪惡！炸雞脾肉juicy，皮脆，金黃色！冇乜肥膏痴住。可以配薯修，不過我都係嗌返沙律中和下好啲！估唔到連配菜份量都唔少，幾新鮮。奶油豬外脆內軟，塊包厚啲就好，唔係好夠食，所以嗌多個餐。瑞士汁雞中翼撈丁份量好大，可能因為唔係茶餐，係散嗌。個汁啱啱好，面又唔會太林太硬，好食，即刻飽哂！餐飲當中，凍檸茶推介！呢加要飲到好飲嘅凍檸茶都幾難，呢杯真係要讚！•價錢喺屯門唔算好平，但份量、質素同環境取勝•有免費泊車，一落車就係，但車位得7,8個•位置較為偏，有揸車都好啲•喺村口，一入村就見到，裝修有特色•遠離煩囂(終於唔