椒點

Open Now

Now Closed

我平時唔鐘意食魚🐟，因為魚有好多骨，好麻煩，如果你同我一樣，呢間餐廳就岩晒你啦。金湯酸菜魚（$58）呢間酸菜魚特色就係用魚柳，完全唔使就住就住，驚突然食到魚骨，但同時湯底好出色，又酸又麻🔥，鐘意食辣🌶既朋友，一定唔可以錯過，想食辣時完全止到癮。另一個特色，就可以自由選擇兩款配料，我今次就點左娃娃菜同豆卜，無論配料定魚柳，完全索晒d湯汁，好入味😋。之前曾經試過加$11，轉食生魚片，雖然生魚片完全無骨，但切得太薄，沒有口感，魚味不重，對比之下，建議食番魚柳，啖啖肉，口感比較豐富，價錢又平D💰。

位於新界太和有一間隱世酸菜魚專門店🐟同屋企人行經過又適逢飯點就坐低試試啦~金湯酸菜魚🐟 $58大大碗酸菜魚配上一碗靚仔絲苗白飯，配菜要左萵筍&豆卜魚片肉質嫩滑無骨，食起上黎好方便淡淡嫩滑嘅魚肉配上酸辣醒胃嘅湯底，超級惹味😋酸菜魚上枱後要快d食呀！否則d魚片係d湯度浸下浸下就會變老了🙈肥牛干鍋 $65因為屋企人唔食得辣，所以要左醬香唔辣嘅🙈冇諗過醬香都好好味😋獨特嘅醬汁配上孜然粉另有一番風味除左有足料嘅肥牛外，亦有蓮藕、金針菇、薯仔、青瓜、洋蔥蒜香海帶絲 $22建議食之前將海帶絲撈均先🙈避免食到最後d海帶冇曬味啊食酸菜魚&干鍋咁重口味嘅野 食返d小清新嘅蔬菜中和下😌唔會濟得咁快

今日好想食辣經過『椒點』見餐牌幾吸引又唔洗等位就入去試下🤤裝修有啲似西餐廳環境光猛、舒服又乾淨👍🏼食物選擇多而且可按個人口味加減酸、麻、辣好貼心🫶🏻望住個餐牌樣樣都想食😍最後叫左兩份主食+兩份小食【花雕醉雞卷】賣相、味道💯酒味好香，配合杞子同芝麻更加突出醉雞風味仲要啖啖肉諗諗下50蚊有8大件其實都幾抵食❤️【金湯酸菜魚】魚肉嫩滑又無骨隨魚附送兩款配菜我哋揀咗萵荀同豆卜索湯一流😈金湯色水好金，無改錯名😆酸、麻、辣完美調和每一啖都好豐富🥰【麻辣豬肚】豬肚處理得好乾淨👏🏼見唔到啲清唔走嘅肥膏而且每一塊都好厚肉彈牙有咬口略嫌麻辣味唔夠突出🤨【肥牛乾鍋】一上枱勁香，好似返左大陸食川菜咁😂主角肥牛炒得咸香惹味肉質唔靭其他配菜每樣有少少成個菜式愈食愈惹味強烈建議乾鍋一定要配白飯🤩

大埔又有新店開業！這間椒點價位便宜，而且非常方便，菜式全部都是一人份量，一個人也可以來餐廳燈火通明，兩個侍應忙個不停，因為客人實在有夠多！但服務態度也不錯麻辣肥牛乾鍋 配米線 大辣$65除了米線本身，配菜的份量真的很多，有薯仔，蓮藕，青瓜，洋蔥，金菇！每份配菜更大辣都有特別的協調感，像金菇，薯仔就很吸辣，青瓜跟蓮藕10分爽脆，跟稔軟的米線形成層次，洋蔥清甜肥牛也不少，這個份量肯定飽足！無骨口水雞 淨食$50雞皮10分薄脆，不會有過肥的現象，入口微辣而不會太肥膩， 花生跟辣椒油提供了一些口感，惹味不太過，不俗

中午時段經過這間食川菜，午飯時間比較多學生，都很好彩唔使排隊🐂牛肉乾鍋 $65套餐可以配薯粉米線白飯🍚配菜有薯仔洋蔥蓮藕片青瓜，可選微辣中辣大辣🌶️，分量適中午餐剛剛好，牛肉炒得剛好唔會太韌🥢小食有好多種類 選擇有蓮藕片青瓜，腎片仲有豬肚，我叫咗碟蒜香土豆絲係凍食，幾特別，土豆新鮮鍾意食芫茜嘅朋友一定會鍾意，多芫茜做配菜🤗🧃套餐加十蚊 有杯飲品，超值🌟款式多選揀🌟位置方便🌟坐位都算寬敞

抵食酸菜魚酸菜牛！每人叫一份包一碗滿滿既飯，仲要用珍珠米，夠哂飽肚！金湯酸菜魚 $58魚既質地當然一般般，但系無骨的，如果想要靚魚可以加$11轉生魚片，質素比較好，但本身配既魚亦唔難食，如果想過下口癮，就禁叫返個普通酸菜魚就ok👀而每一碗酸菜魚都可以揀兩樣配菜，小編今次揀左豆卜同萵荀，豆卡吸哂成個湯底，食落好juicy!金湯酸菜肥牛 $65亦都好似酸菜魚一樣可以配兩款配料，肥牛份量都唔少，質素亦唔差，呢個價錢抵食！麻辣豬肚 $38豬肚非常爽口，小辣食落岩岩好！好味指數：7.9/10———————————————————————🏠 椒點 (大埔)📍大埔翠怡街3號翠怡花園地下12號舖#香港美食 #吃貨 #打卡 #相機食先 #大埔美食 #太和美食 #酸菜魚 #酸菜牛 #豬肚 #hongkong #hongkongfoodie #hongkonggoodfood #food #foodssss___

呢間開左一段時間一直都想黎試吓，唔洗出港島/ 九龍就食到酸菜魚呢件事太吸引，但希望越大 失望越大餐牌一眼睇晒，唔算多野食揀小食叫左麻辣無骨鳳爪$38 同埋麻辣腎片$28鳳爪好爽口，但可能我食開重口味，所以覺得佢個味冇咩層次同埋唔夠惹味，唔夠酸又唔夠麻同唔夠辣，個味道比較似係住家飯style 普普通通，食一次就夠。至於腎片個味道都係一樣，同埋佢個質感係偏淋身，雖然份量OK，但都係唔係太推薦另外主食就叫左金湯酸菜魚$58 配凍檸茶$6佢跟主食可以揀兩款配料，我揀咗萵筍同娃娃菜。份量黎講真係冇得輸，平時出面一碗裝晒魚同米線，佢淨係隻碗都裝滿晒魚同配料。浸埋個米線落去 多到就快滿瀉🤣一上到枱緊係飲啖湯先，可惜碗酸菜魚完全唔夠味，個湯又唔香又唔酸，食得出佢啲香料同酸菜都冇爆香先，所以完全唔出味。而米線就好大浸啱啱烚起既味，浸落個湯度都遮唔到。同埋啲麵索唔到個湯，連埋個湯一齊食都唔係好掂，完全係酸菜魚還酸菜魚，米線還米線，可能連湯滾一滾先上枱會好好多。呢間除咗份量大之外，都冇咩特別值得推介嘅地方。食酸菜魚黎講，實在有俾佢更多更好嘅選擇。

今次是叫外賣的，一時忘記了影相，因為本來沒打算寫食評，叫了酸菜魚和麻辣牛，兩個都是中辣。 兩個味道都好，而且餸的份量很足夠。 酸菜魚辣一些，而且十分多魚肉，味道對我來說剛剛好比較喜歡。而麻辣牛就巿點落唔夠鹽似的，我自己加了一點就剛好，但麻辣感唔強，比較多油，有些似水煮牛多些。兩個比較我就喜歡酸菜魚多些了由於第一次幫襯，點餐時不太熟悉餐牌，有時會講錯咗，待應不太禮貌和唔耐煩，大埔食這類食品的選擇很多，所以不太考慮會有第二次了。

今日同同事去咗大埔做嘢 見天氣熱又冇乜胃口突然想食川菜 經過呢間椒點 見到好多人幫襯於是就食下啦 餐廳裝修有點文青風 一啲都唔似食辣嘢嘅舖頭 叫咗個花雕醉雞卷 分量都幾多 件件都厚切呀 上面有芝麻 杞子 酒香濃郁 雞皮爽脆唔油膩 雞肉滲透花雕酒嘅香氣 肉質嫩滑 同時唔會有酒嘅苦澀味 好食金湯酸菜魚 紅薯粉 湯底香而不辣 魚肉非常嫩滑鮮味 而且仲一啲骨都冇 十分細心 紅薯粉分開上 勁煙韌 仲可以揀兩樣配菜 我揀咗木耳同埋海帶絲 非常爽口 索曬酸菜湯嘅味道 非常好食

在大埔想食酸菜魚真的比較難找，這間比較近太和火車站，附近有很多不同食肆，地點相對方便。因同行友人不吃酸不吃辣的，所以這餐廳一人一碗不用分享蠻方便的，大家都可以吃想吃的。 我點了金湯酸菜魚薯粉配豆卜和薯仔片小辣，仲加錢轉左生魚片。生魚片份量不少，魚肉滑溜無骨，很值得加錢吃呢😋不過酸菜魚最緊要是湯底，我就略嫌不夠酸，所以如果大家要食就一定要記得加酸，而且因為薯粉是分開上，沒有與湯底一齊烹煮，所以期待會吸湯的薯粉比較淡，希望店家可以改善一下。若是想吃酸菜魚的大埔街坊可以一試，份量很足，而且價錢合理，不過提提大家記得要加酸呀！

太和呢頭好似無咩食辣既鋪頭，今日突然好想食辣野，就行左黎翠怡花園食辣😋😋，呢度出名食一人份辣野，乾鍋/水煮/酸菜系列，全部都可以配白飯/米線/薯粉。🍴麻辣肥牛干鍋配米線 $65干鍋有配菜：薯仔，連藕，金菇，青瓜，洋蔥，辣度擇左中辣，麻辣味好重，食完有陣麻麻口感，好鍾意佢米線分開上，唔怕太辣，自己食幾多就撈幾多🍻.🍴麻辣魚轉生魚片 $69 自選2個配菜，我地擇左：娃娃菜，芽菜，豆卜，之後每加一種配菜就加$8，魚片好滑又無骨，個人鍾意水煮感覺更辣啲同香啲。另外呢個配紅薯粉好好食，煙煙韌韌咁。.🍴麻辣豬肚 $38涼菜必點👍🏻好爽口既豬肚，醃得岩岩好。.跟餐轉特餐只係加$10，轉左凍咸檸樂同凍咸檸七，原粒咸檸夠晒味😋

試咗佢麻辣米線，湯底比較濃郁，有多類香料同辣椒塔配，辣度剛剛好，嗌咗小辣唔會好辣，另外試咗佢孜然雞翼，嗰個咸香味好重好香濃，餐飲檸茶，茶底有啲特別，吾會好甜所以幾好飲，可以一試

✨抵食酸菜魚！一人一碗唔洗爭😍✨————————————————————通常食親酸菜魚/水煮魚都係一大煲好難就到唔同人食辣既程度😢呢間係一人一碗☺️想食咩辣度都可以自己揀價錢都唔貴 算幾抵食😛————————————————————🍲金湯酸菜魚 $58 (8/10)呢個價錢包魚 + 三個自選配菜叫左最低級既微辣🤣對我黎講岩岩好利申譚仔食十小辣/番茄湯 （廢）酸菜湯底幾濃郁 酸香味十足🤤唔靠辣度本身湯底都夠味魚肉片都幾多 肉質柔軟嫩滑 揀左扭紋薯粉 ！呢個正 口感好彈牙又掛汁薯仔片好多塊會食到好飽😂金菇索哂湯既精華😛.🌶 麻辣肥牛 $65 (7/10)叫左小辣😂我覺得都幾辣 但有麻香肥牛份量唔少 普通打邊爐肥牛冇乜特別都係魚好食啲😂揀左米線 但我鐘意薯粉既口感多啲😳————————————————————📍 椒點 (大埔)大埔翠怡街3號翠怡花園地下12號舖.🔺#littlefatwest大埔 🔺#littlefatwest中式

份量超多酸菜魚呢間位於大埔既酸菜魚 主打佢果裝修都幾文青風 好鮮亮好光猛 牆身白色 配d好有格調既pattern感覺似係cafe多過係食中菜酸菜魚我黎呢間食係因為之前睇過酸菜魚關注組有網民介紹過呢間 所以黎食我係星期六中午去食既 要排隊等位係出面等 都幾猛太陽 不過好在都有樹陰 加上天氣唔係真係好熱 不過有樣唔好就係 都幾多阿叔企係度食煙🙉金湯酸菜魚好食 抵食 大碗 料十足可以揀米線 飯 薯粉我揀左米線配料方面我揀左荳芽同海帶絲米線分開上 一黎到我真係嚇親🤣🤣超級大大大大大碗 建議細食既你 可以叫少米線魚方面大啖肉 多 配埋果金湯 絕配魚肉唔會好鬆散 唔會一夾就散晒鐘意食魚既你 可以加錢轉生魚片 呢度既酸菜魚 唔會好似普遍食酸菜魚專門店咁 一叫就一大兜呢度既方式似係快餐咁一個主食加一個飯咁可以一個人黎食都岩晒

大埔站📍椒點-酸菜魚係女朋友至愛，所以又去食啦🐟一人份：金湯酸菜魚（$58）女朋友叫左個金湯酸菜魚，套餐包兩款配菜，分別簡左薯仔片同豆卜，主食簡左白飯。湯底有得簡辣度，未食過就先叫小辣小試牛刀。今次食魚柳，夾起唔易散開，啖啖肉，岩晒食肉獸😜湯底幾清香，唔會太油膩，食落先知原來可以叫多酸，如果再酸d仲正😋小辣黎講，平時唔係食開辣嘅朋友都可以試下，都幾易入口，唔會太嗆。如果想轉生魚片，加$11就有🤪一人份：水煮麻辣肥牛（$65）我就試下水煮牛，一上台已經聞到好麻好香！配菜簡左萵筍同娃娃菜，主菜簡左薯粉，同樣係要小辣。試咗一啖湯底，花椒辣椒嘅麻香令我流晒口水，雖然係水煮，但又唔會覺得太油膩。我自己就覺得呢一個水煮牛有驚喜，配埋薯粉一齊食好惹味😋薯粉同配菜都索晒湯底🤩如果份量再多d就更加好😛女朋友都爭著食我個碗😭女朋友好玻璃肚但食完都冇唔舒服，下次可以挑戰中辣/大辣，等佢有d衝擊💥🧨我地7點左右到，現場都座無虛席，仲有人排隊！環境黎講都坐得幾舒服，唔會太迫。