蔡云記潮州牛什粉麵

Open Now

Now Closed

有一次同朋友食消夜，佢就話不如去蔡雲記食，嗰時係我第一次來呢間餐廳度食，佢都算開到好晏都未收鋪，嗰時叫咗一碗雲吞麵嚟食，啲餡係蝦黎，食完覺得原來屋企附近都有咁好食嘅雲吞！後來就好鍾意叫外賣黎食啦！原來除咗蝦肉雲吞之外仲有菜肉雲吞添！我自己就比較鍾意食菜肉雲吞，感覺上佢啲餡會比蝦肉雲吞香！啱啱開始食嘅時候佢嘅湯底好濃郁，我覺得偏鹹咗少少，依家食我覺得佢嘅湯底冇咁鹹啦！同埋價錢都好平架咋，最緊要係佢大大粒！

平時食開呢間菜肉雲吞麵，係常客！今日晚餐外賣左牛腩返嚟食，仲送多咗一碗紫菜湯，我覺得佢呢間嘅牛腩飯唔係好穩定，以前食過一次覺得幾好食，但係今次食我覺得食完唔想再叫，因為佢啲肉十分之鞋，加上啲肉又好乾，我完全唔覺得自己食緊牛腩，但係如果你係叫牛腩麵嘅話，佢啲牛腩反而好食過牛腩飯嘅牛腩，所以我建議如果食牛腩飯嘅唔好揀呢間啊，同一條村入邊，其他鋪頭買嘅牛腩飯仲好食過佢，價錢方面都係不相伯仲但係就好好食！

哩問店糸轉角位，🤔🤔平時都唔知有哩間，系爸爸話試下哩間🤗。佢話呢間好似好食啲😋😋。牛腩河佢比俊宏軒第二間嘅牛腩河店🤡，👏🏻多咗炸蒜，啲蔥都好多👍🏻👍🏻😋😋😋。我反而覺得呢間啲牛腩怪怪地，唔系嗰味道問題，而係佢嘅部位，🤔唔係太似我平時食開嘅牛腩，可能係部位唔同掛。蔡記係好食嘅，第二間都係好食嘅，我唔會覺得蔡記好食過第二間。各有各優勝嘅地方，蔡記嘅配菜多，佢啲生菜都多過第二間。第二間就係分量多。蔡記嘅湯底好似燉肉湯嘅味道，而佢呢兩間相似嘅地方就係佢哋嘅辣醬係唔夠辣嘅，不過蔡記辣過第二間。下次我想食酸辣粉米線🤗🤗，希望好食啦

平時經過都會見到麻甩叔叔係門口食麵，純粹視佢為普通粉麵，直直去左找麥叔叔啦。今次同朋友夜歸，見周圍都無乜得揀，佢又推介依間，把心一橫試試佢。見到有酸辣，毫不猶豫就揀左酸辣雲吞米線$28。嚟到見到原來係面頭會有啲辣既酸菜，係吾同平時見到既酸辣湯底。基於本身湯底係清既，添味既只係辣酸菜，但卻好夠酸辣味。佢既酸菜連辣都融入左係入面，所以辣度都好勁。而麵又剛好，吾會太淋。雲吞勁紮實，蝦都不少，但肉部分較多　有４大粒，食晒成碗好飽啊！仲額外嗌左炸魚皮，好香口！

今日見到有人派外賣紙…睇落好似好吸引就膽粗粗去試食…入到去叫左碗云吞面…24蚊真係物超所值呀…云吞大大粒十足料．湯底濃吳咸…食完又吳口渴．👍🏻而且D姐姐好熱情好好招呼…要D乜野都會拎比你…值得推介（下次要試下佢地D牛腩先）…👍🏻👍🏻

本人多次致電外賣，一直服務尚可、食品ok，直到(應是太子女)接手，態度服務開始下滑，今天致電外賣，內容提及是否須 1 小時，接聽電話女員工(應是太子女)說不須，結果等 50 分鐘再致電，原來外賣仍在，說突然外賣多，問何時送到？那女員工態度語氣很差說不等就不送，剛才不是我接聽外賣、不關我事、是我家姐接聽外賣，有事搵佢！這間店在俊宏軒商場地下，多年經營、現在天一商城亦有分店，自以獨市生意、多次被食客投訴態度，送不到還說風涼話。

放假訓晏左，咩早餐都食唔到，但又要出去整野，肚餓走出去是是但諗唔到食咩就去左蔡云記食粉麵，呢度粉麵真係好多選擇，貢丸，雲吞，撈麵，牛腩，牛丸，扎肉，魚皮餃，鯪魚球......仲可以加酸辣添!叫左一碗貢丸麵，貢丸好香冬菇味又彈牙麵質好幼細同彈牙，口感唔錯，麵既份量又多夠晒飽!偷左個fd d雲吞皮薄好足料餡又好多，味道又唔錯，跟碗麵仲有兩棵菜送清新鮮鋪頭特製蔥蒜，香濃好味加埋落清湯底到一齊食，更加美味可口! 飲品叫左兩杯凍檸茶，好香茶香味，茶味又夠濃，甜度又岩岩好，好味!

星期日入左天水圍探個朋友，之前去食左碗粉麵先！舖頭好細，好明顯係家庭式經營果隻feel! 枱同枱之間好窄！真係好窄！背同背會碰到果隻！叫左碗牛膀牛肚河粉！河粉滑溜，份量不少！牛肚同牛膀都夠入味，味道唔錯！不過牛膀切得太大舊，切薄d會易食d！湯底加埋蒽同炸蒜味道都不錯！食完唔會話好口渴！一碗廿八蚊！貴左少少啫！

打配話外賣到送到門口三十分鐘吾洗 米粉仲keep到吾錯架4粒鮮蝦雲吞 味道好正再加埋佢d湯底 吾錯吾錯30蚊系甘拉阿嘛而且系天恆呢邊 真系冇咩好選擇 叫外賣真系要叫氣水飲凍飲黎到加上甘熱 凍0茶都變凍0水