心選 (Closed)

今晚 dinner 男朋友帶咗我嚟呢間 choice cafe，一入去就見到我中意嘅胡桃夾子先生，同埋個環境都幾舒適❤️睇完餐牌就叫咗個蒜香海鮮意粉同埋小食拼盤，飲品就叫咗芒果奶昔同埋水蜜桃奶昔，叫完嘢食當然就出去睇下有咩玩!最後因為唔想用腦所以都係揀咗層層疊😂😂🙊飲品好快上，原來芒果同水蜜桃奶昔睇落去好似冇乜分別咁，不過飲落去，都飲到幾香的芒果同水蜜桃味！之後就到小食拼盤，份量比起想像中多。全部都炸得好好，唔會油膩，外皮香脆，加埋泰式甜酸醬，好少食炸嘢嘅我都覺得正 👍🏻墨丸彈牙有墨魚味，俾個 like 佢～椒鹽雞翼味道調得唔錯，唔似街邊食到嗰啲鹹到震春卷都一樣好脆❤️薯角每一條都係外脆內軟，男朋友最愛！魚手指點一點沙律醬，味道層次即刻提昇咗蒜香海鮮意粉，海鮮方面我覺得都幾足料，有兩隻大蝦，一啲墨魚仔，再加好多隻蜆肉。意粉軟硬度適中，蒜香味好濃郁，因為佢係落炸蒜同埋生蒜。本身諗住唔太肚餓，一個餐加啲小食應該唔會太飽，但係食完之後就發先原來份量都真係唔少，食唔落甜品了 😛

最近都落雨，唔知去邊好，無心插柳之下，朋友帶我去一間樓上cafe，喺旺角約frd真係好方便😊見未齊人叫杯雪糕咖啡試試^^cafe好多game比大家玩，好易唔覺唔覺就hea咗成日播嘅歌都好啱聽手寫落單，寫完乖乖交比店員我去果日一人製作，所以要耐心等候，不過無所謂啦，果度咁多game玩呢個肥牛烏冬如果可以比筷子我食，我會食得更開心，哈哈韓式炸雞呢個我推薦蜜桃梳打，有果肉香蕉奶昔好香，問過店員，佢哋係用新鮮生果去做

今日同朋友吃輕食，就在旺角CAFÉ找，坐最後選擇了一間叫心選的餐廳，來到個裝潢都不錯但幾油煙，我地叫了一個晚餐和一個小食食，因為沒有雞翼唯有叫炸薯條，但在不多人情況下都已經要等二十五分鐘太耐了，是新鮮炸但沒有香口感，以差不多四十元來講份量都可以，之後再來的是飲品，熱情果沙冰，叫了少醬所以味會比較淡但好清新仲有生果核在沙冰內。最尾來的鰻魚炒飯都可以分到四碗飯，醬汁炒得不錯，飯夠入味，不太咸，鰻魚都大粒都不少，如果不用等差不多半小時和油煙應該會再來這裡吃飯傾計。

某天來到旺角，無事可做，想找一家樓上咖啡室打發時間，於是隨意網上搜尋，見到這家風評不錯就來了。店鋪面積不算很大，店員只有老板（應該是）一人，所以對上菜速度就別要求太多了，但吃得出來老板還是很用心去做的。地方不大，但全都是供多人的座位，見到旁邊也放了一大堆board game，大概平時都是做些晚上一大群年輕人的生意吧。本人此行只有兩人前來，所以就只有靜靜地坐係到hea了。點了推介餐牌上的韓式炸雞香辣長通粉，說實話我平日對這種專門for玩遊戲的樓上cafe的食物質素沒什麼期望，再上我也自知點的食物比較特別，所以也沒抱太大期望。但點知食落，食物質素還是很不錯的，炸雞夠脆，也不會鞋圾圾，醬汁也非常入味。總的來講，地方細但坐得很舒服，同行友人吃的明太子三文魚意粉味道也不錯，這家店似乎還有其他值得再嚐的東西就是了，有機會會再來。

旺角區出左名多人，但朋友搵既呢間cafe出奇地少人。岩哂我地心意，因為想靜靜地傾下計劃書。我自己叫左杯焦糖咖啡同小食拼盤。朋友就叫左個套餐食，但朋友唔中意相機食先，咁我就無影太多喇🤣🤣個小食拼盤價錢不貴，都幾多野食可以揀，但就一定要揀五類先可以叫，如果可以份量再多啲就更好。薯角炸得最好食，其他就一般般啦。焦糖咖啡比到80分架都，啡味同焦糖既味道都控制得剛剛好，以樓上cafe來說。是相當不錯的了。

樓上cafe好多時都係朋友聚會好地方，貪佢不限時，大家可以慢慢吹。琴晚同一班好友揀左呢間聚聚佢😆位置都幾方便，係百老滙戲院側邊。地方唔算好大，但都坐得幾舒服。餐廳都幾窩心，會為有選擇困難症既食客做個決定😂蕃茄海鮮意粉 🍅蕃茄味略微淡左少少，蝦肉質正常，意粉口感淋左少少。鍾意食淡口少少既人應該ok帶子黑松露野菌燴飯 🍄黑松露味幾香，好香菌味，飯質彈牙，帶子幾新鮮，面略微煎過幾香口，唔錯唔錯👍🏾幾creamy 煙肉卡邦尼長通粉 🥓個汁幾濃淡控制得不錯，好creamy 但又唔係好漏，芝士味不會太濃。辣韓式炸雞長通粉 🐓個味好好食，唔會太辣，有少少泡菜味，雞肉外脆內軟，肉質幾滑。長通粉好彈牙，大家都搶食😆飲品方面，水蜜桃🍑紅茶（熱）聞落幾香，味道唔會太甜，幾好。

心選位於戲院附近，一路食飯一路等睇戲都幾好架。間cafe都幾安靜又坐得唔迫，又有wifi，食物質素都唔錯。同朋友一齊食又唔想揀黎揀去，食set dinner就最好，首先係叫左個炸雞長通粉。首先炸雞D肉唔鞋，仲有少少肉汁，炸粉唔多，d炸雞醬仲就有少少辣。拼盤都唔錯，叫左花枝丸，薯角，腸仔同埋炸魚，花枝丸都幾彈口，雞冀都幾好食，有肉汁，呢個set都幾抵。卡邦忌長通粉，cream味都幾重～叫左幾柸野飲，呢柸菠蘿特soda色水都幾靚，帶子西班牙飯，個帶子都幾大粒，而且唔會煮得過熟，而且黑松露味都幾重～番茄蜆肉蝦意大利粉，蝦有2大隻～番茄味都ok～意粉份量都幾多～

Happy Friday 要喺鬧市中揾到一間靜靜地又無限時嘅餐廳的確唔易…依間Choice Cafe難得只有最低消費又唔限時，就啱哂三五知己傾計啦～裡面環境乾淨舒服，食物種類都有唔少選擇，佢仲好貼心咁有唔同套餐方便客人揀，nice~煙三文魚南瓜忌廉意粉: 推呀～ 味道香而不膩， 加上煙三文魚，恰到好處。煙肉卡邦尼長通粉: 心機之作， 濃厚嘅忌廉配搭蛋醬， 分量十足。必點蒜蓉包: 令人喜出望外，香脆鬆軟，即叫即整先會有依個口感架。小食拼盤: 簡直喺聚會必備啦！有雞翅、薯條、花枝丸等等...下次再試其他

平常都好喜愛到樓上cafe，無論係食飯或者下午茶，因為鐘意佢夠安靜，唔會好似街邊餐廳咁嘈，可以慢慢享受同朋友相聚既時間。今日晚餐就黎左依間係旺角既心選cafe。Cafe入面裝修以木系為主，牆邊有一列胡桃夾子既裝修，非常有特式，成個環境都俾人有好舒服既感覺。餐廳廚房需然唔大，菜單上既選擇唔算好多，不過睇得出樣樣都係好有心機去預備。今晚主菜我地點左辣韓式炸雞長通粉，鰻魚炒飯。辣韓式炸雞長通粉炸雞好辣滑，配用韓式辣醬炒成既意粉，甜度同辣度都岩岩好，非常開胃。鰻魚炒飯佢係用珍珠米炒起既，每粒飯都炒到好乾身，調味都好好，好食！炸薯條薯條係即炸既，熱辣辣好香口！飲品點左Latte同Cappuccino。有熊仔拉花好得意！Cafe仲放左好多board game俾大家玩，要消磨時間一流！

一班朋友想靜靜地搵個地方傾下計，旺角嘅Cafe 基本上係不二之選。今日同幾個朋友試左間叫心選嘅樓上Cafe黑松露意大利飯 ($138)飯充滿黑松露香味，但食落一啲都唔會覺得漏。意大利飯的軟硬度控制得很好，唔會太硬太乾，除左黑松露味，還有的忌廉香，濃濃嘅忌廉令到飯變得黏身，滑溜，好好味。另外，帶子亦都好鮮甜，唔會煮得過熟痴牙。煙三文魚南瓜忌廉長通粉 ($88)南瓜忌廉味濃得嚟好清新，長通粉唔會煮得太軟，有嚼口，配上兩塊滑嫩煙三文魚。芒果奶昔(套餐加$22)奶昔有好香嘅芒果味，飲落口非常之滑，簡直係消暑之選。另外，吸管係用玻璃造，好特別。

食過返尋味指數：🌕🌕🌕🌗🌑 旺角不論是什麼時間，街道都是人山人海，集中購物與食府的地區，今天與朋友行街遇著下雨，急忙找間食店避雨兼食個飯談談心。走進店內真是一間適合三五知己談心的小天地，店內全是軟綿綿梳化，牆邊放了很多小擺設。老友吃的是帶子黑松露野菌忌廉燴飯，我嗅到黑松露和野菌的香味，加上兩粒帶子都急忙吃它一口。而我選了小食拼盤，因可以吃到不同的炸物。南瓜濃湯香滑但份量頗少，飲一口冬瓜荷葉茶、紅棗桂圓杞子茶，認真爽。

在旺角的鬧市中都可以找到寧靜的角落。一間樓上舖，走過不顯眼的梯間，便發現這寧靜的角落。除了食品外，這裡有紙板遊戲，絕對是消閒的好地方。頭盤焗青口很美味，芝士香之餘，最驚喜的是這裡把檸檬放在青口中一起焗。味道清爽，又有新意。這款炸雞長通粉的味道先是有點像韓式炸雞的，但炸雞的質感卻很獨特，炸粉很薄，顯得雞肉更多，更嫩，真材實料的。很好味。而更美味的就是這個帶子黑松露意大利飯，黑松露很香，但一點都沒有蓋過其他食物的味道。意大利飯的軟硬度控制得很好，除了黑松露味，還有濃濃的忌廉香，滑滑的，很美味。最後來一杯甜甜的焦糖咖啡，很好的結尾。

同朋友去開旺角行街，行到攰攰地搵間樓上cafe飲下野食下野先呢間都係上openrice先搵到，門面唔係好覺，但其實喺正百老滙戲院轉角上二樓就係。荔枝紅茶（跟餐）荔枝味清甜，成杯都好解渴菠蘿梳打（跟餐加$3）朋友叫的，好好飲，好清新，下次會揀+$3轉梳打小食拼盆（揀5樣小食）-辣雞翼炸得好香脆，帶少少辣醬好味-炸花枝丸推薦，好香，咬落仲有粒粒花枝-薯角、脆皮腸、魚手指都唔錯卡邦尼長通粉唔錯，長通粉好彈牙，煙肉好香，整體都煮得唔錯韓式辣醬炸雞長通粉長通粉一樣彈牙，甜辣醬估唔到又幾夾，而炸雞真心炸得好食好香脆又唔油帶子磨菇意大利飯份量好多，好入味，帶子煎得好好，但超級飽肚，食唔晒食完當然要玩下board game la~都幾多野揀有個小角落都幾溫馨嘅

旺角出名多樓上CAFE既, 今日就揀左呢間試下舖位唔大, 大概得5至6枱, 所以一定唔會嘈雜黎到既人都係想悠閒咁食餐飯坐下, 或者同朋友傾下計, 多人啲既就會玩啲桌上遊戲, 餐廳提供一大堆桌上GAME, 玩足一日都得今日同朋友叫左一碟意粉一碟飯兩杯野飲意粉係煙三文魚南瓜忌廉意粉忌廉味比較濃, 意粉唔太軟, 有咬口, 啱我口味, 三文魚好香,幾好食飯係 黑松露帶子燴飯好濃黑松露味 (黑松露控要去食了) 帶子鮮甜, 但重點係個飯度, 燴得軟硬啱啱好, 有咬口又唔會好硬野飲叫左杞子菊花茶同朱古力咖啡菊花茶 即叫即泡, 好香菊花味朱古力咖啡唔錯環境同食物都好, 而且女侍應好好

今晚同個識咗十幾年嘅好朋友一齊去食飯同傾偈，梗係想搵個好啲嘅地方坐下。嚟到旺角，其實都有好多唔錯嘅餐廳，不過唔知大家係咪同我一樣，唔係好鍾意坐啲好逼嘅餐廳，同隔籬枱坐得好近噉樣，傾偈都傾得唔夠爽快。所以最後我都係搵間cafe 坐下。 最後俾我搵到喺西洋菜街二樓嘅一間cafe一嚟到就發覺，自己其實早幾年嚟過呢度，不過裝飾有啲分別，應該係易左手，但係環境都唔錯嘅，而且仲有好多胡桃夾子添，鍾意胡桃夾子嘅朋友一定好開心，我同朋友最後就叫咗兩個set dinner辣韓式炸雞長通粉呢個長通粉應該係攞咗啲辣椒仔落去，食落辣地都幾開胃嘅。炸雞都炸得幾香，我覺得都唔錯嘅黑松露帶子野菌燴飯上菜嘅時候，老實講我有少少擔心佢會唔係幾好食，但食左第一啖又真係叮一聲，真係幾好食喎，拍得上西餐廳嘅質素，黑松露同野菌嘅味道都好出，燴飯亦都唔會太過濕或者係太過乾，加埋兩隻肥美嘅帶子，呢個嘢菌燴飯係推介蘑菇湯呢個我朋友叫嚟飲，蘑菇味都係濃烈嘅，而且仲有少少雜菜，都幾ok 蜂蜜綠茶都係朋友叫嘅，佢都覺得未到唔係太甜，可以一試鮮奶抹茶我飲哩個都幾好飲，奶比較多，所以飲起嚟比較滑，綠茶味都有但係唔會話好苦澀，啱曬想飲得清清地嘅