胖伴 (Closed)

📍胖伴 (長洲)長洲北社街56號地舖呢到有好多手工特色飲品～ 手工芋泥/麻糬/奶蓋飲品， 仲有唔同既果茶，勁多選擇😍👉胖伴芋泥麻糬鮮奶💰42😋😋😋😋/5麻糬做得好好～ 煙韌有口感又唔會太實飲唔到，加上芋泥唔好甜，恰到好處👍🏻 麻糬芋泥控一定要試😆👉香橙葡萄柚四季春冰茶💰34😋😋😋😋.5/5果茶啖啖果肉，好有口感😆 仲要加埋啫喱，提升層次，值得一讚👍🏻回頭: yesYesyes!!!仲有好多款野飲都想試☺️絕對會再🫶🏾#kermit食在長洲｜

【食得又飲得嘅芋泥麻糬鮮奶😆】我已經好少飲廢水，但食完是蛋見到對面有間幾Chill嘅飲品店「#胖伴」，就好想飲返杯 #胖伴芋泥麻糬鮮奶 🤭🧋我係一個麻糬控，好鍾意食呢類煙煙韌韌、有口感嘅物體🤣 而芋泥同鮮奶亦係my favourite，呢度嘅芋泥冇飲過嘅另一間咁甜（本身設定係微糖），加上可以選擇少冰，比起通常都固定甜度同冰度嘅芋泥鮮奶，絕對略勝一籌😻🥤仲有其他水果茶、奶茶類嘅飲品，如果大家去開長洲玩，想坐吓飲杯嘢、打個咭都可以考慮嚟呢度☺️

放假行吓長洲relax吓，行到攰攰地想坐低休息。咁啱經過呢間裝修別致嘅店舖，又有位置可以坐坐就飲去飲杯嘢🧋。呢度充滿台式cafe感覺嘅風格令人好舒服，好適合一行兩三人響到坐低飲杯嘢，傾計休息吓。🔸胖芝芝凍頂烏龍🤎奶蓋好幼滑，烏龍茶解渴，攪拌後好好味。🔸鳳梨梳打🍍酸酸甜甜好fresh，仲有果肉響入面。從店舖外望出去，確實有啲似去咗台灣嘅感覺🤭 呢度好舒服，難得入長洲好開心遇到呢個休息嘅好地方😊

難得帶咗狗狗🐾去長洲玩，天時暑熱 經過呢一間裝修不錯嘅茶飲店 一於叫番幾杯飲下~小店店主好好人，俾我帶埋狗狗🐕入去涼冷氣❄️佢有好多唔同系列 包括果茶 手工芋泥 芝士奶蓋 、珍珠奶茶🧋 系列等等見到手工芋泥係王牌之選，我哋叫咗胖伴芋泥麻薯鮮奶 、黑糖珍珠芋泥鮮奶 、胖芝芝芒果甘露◑果然無揀錯， 胖伴芋泥麻薯鮮奶真係好驚喜手工芋泥非常厚身 加上香滑濃郁嘅鮮奶 撞埋一齊係一個Perfect match ! 飲落去仲有芋泥粒 增添口感 飲完都飽咗一半😜◑至於我朋友嘅黑糖珍珠芋泥鮮奶 喺濃厚嘅鮮奶之中再加入煙靭嘅珍珠 非常之Q彈，再加上不太甜嘅黑糖 ◑胖芝芝芒果甘露有楊枝甘露feel， 上邊有濃郁嘅芝士奶蓋 ，下層有芒果 、柚子、椰汁 、寒天等等 飲落去唔會太甜 但又非常順口 炎熱嘅天氣下飲呢個真係透心涼~☺️

粉紅色的店舖外牆很浪漫又有少女心，忍不住買咗幾杯飲品打卡！我諗好快會成為長洲最新打卡勝地~胖芝芝芒果甘露奶蓋系列～奶蓋都有芒果味🥭每一啖都啜到滿滿的料，芒果肉、西柚、寒天球，誠意十足。同楊枝甘露甜品唔同的地方係呢杯椰奶夠多！同芒果沙冰混合會帶到清酸爽脆、口感滑潤的效果。白桃冰茶 凍頂烏龍茶底可選擇紅茶或者凍頂烏龍，揀咗烏龍味道較濃，啖啖都有白桃嘅清香，而且仲有白桃粒同啫喱，有得飲又有得食。胖伴水果茶 四季春茶底可選擇茉莉綠茶同四季春，四季春比較清淡，同水果好夾，水果有蘋果、菠蘿、橙、百香果等材料豐富，酸中帶甜，清爽又解渴。

呢排假期去長洲，天氣勁熱，見到間飲品鋪嘅飲品都幾吸引，中途就入咗間飲品店休息下；鋪頭入面仲有位置俾客人邊坐邊飲，環境都好舒服，係個休息嘅好地方，飲品嘅質素都好唔錯，希望遲啲佢可以喺市區到開分店。1. 蜜漬蘋果冰茶（四季春）第一啖飲落口就已經可以飲到蘋果清甜嘅味道，加上茶淡淡嘅香味，一濃一淡，兩個味道好夾同好清新，同時每一啖都可以食到一粒粒嘅蜜漬蘋果肉同綠茶凍，口感好豐富。2. 鮮柚葡萄柚冰茶（綠茶）呢杯飲品超足料，成杯都係果肉，每一啖都可以飲到柚子肉，鮮榨嘅葡萄柚汁配上淡淡嘅綠茶，好解渴同解膩，同時又可以食到綠茶凍，好適合熱天嘅時候飲。3. 胖芝芝芒果甘露 呢個係芝士奶蓋版嘅芒果楊枝甘露，甜而不膩，一杯都可以食到好多柚子肉同寒天球；平時飲芝士奶蓋都好驚會好膩，但呢間嘅芝士奶蓋好幼滑，又帶有芝士鹹味，中和芒果甘露嘅甜味。

這間台式飲品店位於長洲，由長洲人開設，老闆娘好客熱情，會跟遊客推介長洲地道的美食。 店內以簡約的日系裝潢為主題，配搭綠色植物等，營造出小清新的感覺，亦設有少量座位，很好拍照～ 飲品均即叫即製，接近三十款款式，包括黑糖珍珠、芋泥、奶茶、果茶、芝士奶蓋及醇茶等。 胖伴芋泥麻糬鮮奶 - $42 新鮮自家製的芋泥綿密又香滑，散發濃濃芋香，更有煙煙韌韌的牛奶麻糬，配搭順滑的鮮奶，奶香味十足，好有果腹感！ 胖芝芝芒果甘露 - $43 一層厚厚的自家製芝士奶蓋好綿密，有著濃厚的鹹香而不甜膩；沙冰打得幼滑細膩，毫無顆粒感；濃郁的芒果香甜，配搭滑順的椰奶，加上清甜的西柚肉粒及晶瑩剔透又彈牙的寒天球，類似楊枝甘露，好清爽清新。 蜜漬蘋果冰茶 - $34 一粒粒香甜的蜜漬蘋果保留爽甜感，更有晶瑩剔透的綠茶啫喱充滿彈性，四季春茶底，有著明顯花香，甘甜易入口，或可轉紅茶。  

長洲一向係遊客勝地，但7-8月夏天入長洲玩真係被高溫燒滾一切🥵喱間手工茶飲小店小本經營，但好飲程度唔會差過其他大型連鎖茶飲店，仲好多款揀老闆娘好好客，特意分享佢地嘅牛奶麻糬、奶蓋、芋泥、糖漬都係自己整，欣賞小店嘅用心，唔會交hea貨🙌🏻《伯爵奶茶➕珍珠》《胖芝芝奶茶➕寒天球》《胖芝芝紅茶➕牛奶麻糬》

一放假就約兩位好友遊離島，今次目的地係長洲。三十幾度嘅高溫，烈日當空，唔行都出汗….今日真係行唔到山，只係飲飲食食，見到呢間粉橙色嘅飲品店，感覺好休閑寫意，最岩我哋姊妹們傾下計。見到這個可愛得意的logo，究竟是一家三口？還是三位好友？估不到，只估到三人都是胖胖的，因為店名係胖伴，應該是三個胖人伴在一起。究竟是咩人？好奇心驅使下，我發問了….小店主打飲品，有胖黑珠系列、胖胖手工芋泥、胖奶茶系列、微胖果茶系列、胖芝芝系列和走胖醇茶，選擇都幾多。雖然已食得好飽，但都係忍唔住要了杯胖胖芋泥鮮奶（$38/中）。嘩！真材實料，鮮奶和芋泥各佔一半，一啲都唔吝嗇。飲前必須將兩者拌勻，充滿鮮香甜美嘅芋泥，甜度岩好，綿綿的芋泥中有少少芋粒，好有口感，正！飲晒全杯係飽，但唔膩，好滿足！友人要杯凍少甜黑糖仙草奶茶（$32/M) 冰涼透心，爽！奶味茶味兼備，茶底夠香濃，唔會太甜，而滑嘟嘟仙草份量都唔少，好得！另一位就要了香檸百香果冰茶（$30/M)，揀咗茉莉綠茶茶底，茶味清香，唔會太濃，同檸檬和百香果好夾，酸咪咪，開胃解渴，好fresh！ 最驚喜係內有綠茶凍，吸上嚟滑嘟嘟，入到口又有啲咬口，淡淡的茶香，同呢杯

長洲@打卡新開台飲店🧋好欣賞店主對珍珠、寒天凍、茶葉既講究❤️因為店主試過香港嗰啲珍珠覺得麻麻地🧋跟住試咗台灣珍珠之後親自自己親自訂返嚟做飲品🤤📝胖伴芋泥麻糬鮮奶🤪芋泥都係自家製用手打+用機打👍🏼好綿完又有粒粒口感 牛奶麻糬自己整全牛奶🥛無加水❤️📝胖芝芝芒果🥭芝芝芒果入面嘅寒天凍texture 好好 好好咬芝士奶蓋用芝士打🧀而唔係用奶蓋粉整出嚟📝蜜漬草莓梳打🍓士多啤梨糖漬都係自己整建議可以篤醉檸檬無咁甜🤤🔎全部都冇揀甜度但係都唔會太甜🥰值得try try

假日都會間中入長洲，行下食下又一日，今日經過呢間手工茶飲店［胖伴］，入去飲野打卡先。好靚好可愛嘅胖伴圖，店子細細但坐得舒適，最岩同友人或情侶短暫休息。我地揀左3款唔同系列飲品，真係各有特色，真材實料，唔會過甜，仲好好飲。有黑糖珍珠、手工芋泥、奶茶、果茶、芝士奶蓋、醇茶……選擇多，價錢合理 $22-43，好多款都好岩夏天飲，行去沙灘前，我地都買杯去飲，好chill架。胖芝芝芒果甘露 $43超多材料，一層層見到柚子肉、椰汁、芒果、寒天球，仲有芝士奶蓋。先飲濃濃的芝士奶蓋，咸咸濃郁芝士味，軟綿綿口感，再搞勻飲品，飲到楊枝甘露味道，芒果味重，寒天球口感彈，柚子肉同椰汁令飲品更清爽，味道好正，口感豐富。胖伴水果茶（四季春）中杯 $35好清爽好冰涼，水果茶充滿果香，有蘋果、橙、百香果……唔會太甜，而且底部好多生果粒粒，邊飲邊食到生果粒，增加口感。黑糖珍珠芋泥鮮奶 $42結合左黑糖珍珠鮮奶和芋泥鮮奶，雙重享受，黑糖珍珠伴勻鮮奶唔太甜，珍珠Q彈好咬，煮得剛剛好。再搞勻芋泥鮮奶，芋泥份量滿滿，質感粉綿溶入鮮奶，味道好香，亦不甜膩。

長洲真係開咗好多新嘅小店，呢間新開嘅茶飲店，舖頭名好得意，連飲品名都有個胖字不過決定飲完先減🤣芋泥麻糬鮮奶有別於平時茶飲店飲到嘅糯米麻糬，係飲管飲得到嘅手工鮮奶麻糬，口感滑嘟嘟感覺好得意，芋泥都係自家製飲得到有芋頭粒粒，固定甜度大概微糖左右，感覺冇咁heavy  ! 但又好香濃幾好飲另外試左黑糖珍珠鮮奶，珍珠有驚喜！好煙靭有咬口仲甜甜地，一開始擔心寫住固定甜度會好甜，因為坊間好多黑多黑糖珍珠都係冇得揀甜度，一問之下店員亦願意幫我盡量減少少糖，個人飲開微糖至半糖都可以接受得到。店員介紹佢哋嘅茶類飲品部份仲加有綠茶凍，不過仲要留肚🤣下次再試過！

作為台式飲品癮君子住喺長洲一直都好煩惱 冇珍珠奶茶飲最近就有個好消息 長洲終於有好好飲台式飲品！！係碼頭行5分鐘路程入內街就會搵到呢間大受長洲居民招牌好cute cute的台飲店 胖伴🌟🌟胖伴老闆娘分享佢地既茶葉、珍珠同其他材料都係由台灣直送天氣咁熱真係必須叫返杯冰凍飲品慢慢嘆下黑糖珍珠奶茶（$32）雖然甜度固定 但係竟然冇我想像中咁甜紅茶茶味仍然好出珍珠粒粒都有黑糖味 加上煙韌口感 我比10分滿分胖芝芝葡萄（$40）必須要讚一讚過芝士奶蓋 芝士味非常濃厚配搭清爽的葡萄沙冰啱晒夏天消暑解渴而最驚喜係底部加左寒天球令到飲品有多重口感 蜜漬蘋果冰茶（$34）如果鍾意飲果茶的話 一定要叫呢一杯蘋果冰茶入面有自家蜜漬原塊蘋果果肉配上綠茶凍 額外加添清新感大家如果來長洲玩 除咗佢一啲旅客必到景點之外不妨試吓呢一間長洲本地人大推的茶飲店！

香港探店｜長洲｜台灣菜｜胖伴今天來長洲一天度假，長洲、南丫島。這些島嶼，都是我們香港人週末去的好地方。這一間胖伴，店主是土生土長的長洲人，在自己的家鄉開店，特別選用了台灣的珍珠、茶葉、自家製的芋泥、以及麻糬等等，成為了當區居民的日常好飲品。點了三杯飲品。胖芝四季春我們選擇了走甜，怕會長胖🥹不過喝得出芝士並非奶粉，足料有鹹味，鹹鹹甜甜的，挺趣緻。蘋果冰茶這裏的大部份的水果茶有茶凍這一杯包括了蜜餞蘋果、綠茶凍，口感豐富蘋果粒用檸檬醃漬過，類似果醬，感覺清新。芋泥麻薯鮮奶這款實在太讚了！芋泥綿滑，但仍有顆粒，店主掌握了芋泥的平衡😍麻糬自家鮮奶製造，綿滑到可以用飲管吸基本上整杯飲料都是一種享受。——————為食分界線——————📍胖伴長洲北社街56號地舖人均消費： $40#mariofatfat #foodie #hkfoodie #hkrestaurant #topcitybiteshk #topcitybites #hongkongfood #hk #hongkong #hkfood #hkfoodie #hkblogger #hkfoodblogger #hongkonger #香港