津津食店 (Closed)

發現梅窩美食，在網上熱爆，「蟹茄越式湯檬」只限星期日，下午12:00-1:00，售完即止，店內還其他特式食物，都好好食，我們在下午12:00左右到達，已坐位爆滿，外面也有很多人等位，我們大約了半小時，另外早已叫侍應留了3碗蟹茄湯粉先，我們坐下來時，聽到侍應說：已賣完「蟹茄越式湯檬」茄湯好有蟹味、加上青檸，更帶出鮮味，還有碎肉，很淋又大件的豬件和肉丸整碗粉連湯也吃清光

聽說這家食店，周潤發都會去吃，而且每次經過這店也是人流不斷，那就當然去吃一下，看看有甚麼吸引😂😂但我只是吃下午茶，不是吃星期日的限家越南菜，所以應該都只是平民小吃~腿蛋治~這裡的蛋治是荷包蛋那種，不是平日吃到那種抄蛋，但熱點很高，好吃的招牌雜錦~車仔都類型的，居然有鳳爪🤣🤣🤣剛點餐時，還以為是丸類之類，但竟然是一粒丸都沒有🤣🤣🤣但材料還算多的，不錯，加3元還可轉出前一丁麵鮮韮菜餃湯粗麵~加了6蚊多一隻煎蛋，相比雜錦的少很多餸，韮菜餃也像是超市買一包的那種🤣🤣🤣但也是可以的汽水~是懷舊樽裝的

有朋友住梅窩，每次入去 bbq 或者行山之前，都會慣性尼津津食碗檬粉先算係一個好開始。每次尼都係星期日，之前尼都係食星期日先有既蟹檬，有蕃茄湯底，見到一隻隻蟹鉗，仲有好大舊豬骨。今次再尼就想試下其他，我地有 2個叫左順化辣雞檬粉，另外2 個叫咖哩豬扒檬，之後見隔離枱叫小食，我地又跟佢叫左個春卷尼試下。順化辣雞檬粉：都有4-5件雞件，仲有雞腳，幾特別。可惜我對佢個辣度太有期望，食落口都唔夠辣，我落哂小碟既辣椒粒，再加枱面既辣醬，不過個辣醬就唔係幾夾呢碗粉，只係滿足到我當下想食辣既口癮。朋友叫既咖哩豬扒檬，塊豬扒都幾大塊，之後我發現呢碗只係 $36 好抵食 ，同 $63 既辣雞檬價錢差好遠，下次我再尼一定會揀咖哩豬扒檬。而今次叫既春卷，同樣有d失望。佢外面係炸得幾脆，但入面個料唔夠味，或者講唔係我中意既味，每人食左一件之後剩低一件都無人主動想夾尼食哈哈另外要提一提每次我地中午尼食，坐出面都幾熱下，仲會有蚊咬，下次一定要等室內位~

星期日行大東二東山每一年都會行一次而每次完咗必到呢間道食蟹檬但今日我哋成四點先到佢兩點半就賣曬跟住佢介紹我哋食順化辣雞檬我哋諗都唔諗一行六人叫咗五碗另外個friend就食咖哩檬星期日獨有餐牌順化辣雞檬雞好入味，而且都仲係滑嘅當然唔係最滑嗰種滑啦辣度就一般般，唔係好辣，都算大碗係好味嘅，不過63蚊嚟講就係有啲貴朋友食嘅咖哩雞檬，我冇試過所以唔知不過佢話係好食嘅叫咗小食，肉餅拼扎肉個肉餅味道好特別好爽口，扎肉就正正常常炸雞翼好脆，不過略嫌有啲過火，有啲乾炸雲吞好鬆脆好好食老細請我哋食咗碟蝦片佢話喺越南買返嚟，即炸嘅正常也是正常埋單六個人大概 HKD 660講真如果佢開喺市區，我就真係唔會幫襯價錢真係偏貴，但係呢個某程度上係一啲情意結行完山流完汗，就一定會去呢度食番碗粉做個完美嘅完結心情好，食嘅嘢都會特別好味，而且行完山通常都唔會睇價錢，只會想飲杯凍嘢食碗濕濕的粉爽一下。係好味嘅，不過係貴啲。

很久沒有來過梅窩宿營, 星期日是投票日, 原來不少食店關門沒開, 一找之下搵到津津, 沒想到人是那麼多由於朋友有寵物，只可坐門外兩張桌，其餘可以入室內有冷氣的座位， 叫了星期日限定，蕃茄蟹檬，索價不便宜喔！$63 等左一陣，終於上桌啦！份量好驚人🙈有肉骨, 肉丸, 蟹肉, 要拆殻🌚湯底是鮮甜蕃茄, 未致於超濃味, 但食得出是海鮮一同煮的鮮味！抵讚, 其餘部份是普通 整返個近鏡先! 賣相吸引👍🏻👍🏻👍🏻值得一試

朋友喺大嶼山梅窩行完山， 又攰又渴又肚餓，剛剛好在午飯時間，梗係要搵一餐好嘢食啦，朋友住咗喺梅窩十幾年 ，知我對食物有要求，便帶我去一間好味街坊小菜，好彩行早一步， 遲五分鐘便要排隊等位。朋友推介越南春捲撈檬，我叫咗越南春捲拼香茅豬扒雙拼撈檬，春捲好脆又香口，浸咗落汁一陣都仍然鬆脆，越南酸甜魚露汁好醒胃，少少酸少少辣， 我落咗半碗汁浸住個撈檬，好滋味。我見到隔離枱叫咗一個越南春捲小菜，七十幾蚊有六條，我覺得我好精靈，要雙拼好抵， 只係加六蚊便有兩條春捲。但是豬扒就唔啱我口味，比較瘦、太有口感、乾咗啲。蕃茄牛腩湯檬，牛腩有水準， 幾林，就算瘦的都不會韌，有半個新鮮番茄，個 蕃茄汁幾好味。朋友飲汽水，好多選擇，有罐裝、 樽裝有大支裝、細支裝，滿足不同人嘅需要。最後值得一提，餐廳服務非常好(雖然有好多客)，唔怕我哋麻煩，食完之後，好有耐性，逐個餐同我哋寫低價錢，每個party寫返總金額，讓大家夾錢容易好多，值得一讚。

都有好多年無入梅窩，今日同一班朋友由東涌行入梅窩，行完後剛剛好，食晏時間朋友介紹此越式小店，好在入早一步，之後都要等位，估唔到梅窩都咁旺。因為今日星期六，無得試佢哋星期日限定嘅蟹茄豬肉檬，唯有下次啦。老婆點了鮮茄牛腩湯檬，茄湯鮮甜，不過唔夠濃，牛腩好淋，份量亦多，酸酸地都幾開胃。我點了豬扒春卷撈檬，豬扒勉強合格，但春卷有水準，炸得好脆，餡料配搭亦唔錯，而魚露甜酸汁（碌冧）有啲偏鹹佐，甜酸的比例亦差少少，後來才發現，兩餸加春卷（$6）比單獨叫春卷（$78）抵啲。呢度主要做街坊生意，裝修比較殘舊，但感覺到啲夥計都好有人情味，服務好，值得支持。

好一間平民小店，好多街鄰里黎幫襯，而且我地都鍾意越式粉麵，所以即入。入面裝修好懷舊，細磚牆，格仔地板，開放式廚房加水吧，真係好有特色！食物價錢唔貴，湯粉麵先$33-$39左右，市區都係咁上下價位，證明佢地都算係良心小店，唔會搶遊客錢先我叫左咖哩腩湯檬，咖啡混入湯底未算太淡，有陣陣咖喱香料味道，香濃不辣，腩反而唔多，牛筋更多，但係仲有配料甘筍同薯仔，係心機之作唯檬粉剪左，比較短同散。。。朋友叫左招牌雜錦，原來係餐肉，火腿，紅腸，雞翼同魚片，份量算多，雖然都係普通用料。另兩位又叫左韭菜餃同雲吞湯麵，都有水準，份量都唔少，佢做到一口一粒嘅size真係好貼心$3x碗粉麵，入去梅窩都係要去試試佢，不過建議食咖喱類會特色得多，什錦感覺上係經常有經常食嘅材料！

聽說呢間茶餐廳嘅蟹超式蒙檬連發哥大嶼山行山都會入嚟食番碗， 既然人民特首都話好食， 應該唔差掛， 趁今日得閒黎食番碗睇吓正唔正。裝潢街坊平民， 十二點嚟到仲有好多座位， 十二點半食完走人已經滿座要等位。除咗越式蟹檬，仲有越式順化雞檬及越式蕃茄牛腩檬供選擇， 價錢一啲都唔平, 由$58-63 不等。地道蟹茄猪肉湯檬 ($63）呷兩口湯， 蕃茄猪肉湯底幾清甜，肉味都頗香， 但就缺乏蟹鮮， 估計湯底應該冇放蟹落去煲的原故。蕃茄湯夠熱， 食材有半隻細蟹、一舊豬骨連肉、越式肉丸、很多半肥瘦碎肉、芽菜及蕃茄等。蟹仔細細， 蟹膏多, 蟹肉卻很少， 冇乜肉食可言， 佢哋舊豬骨連肉同埋啲豬肉碎反而好食, 肉味鮮香。檬粉幼細， 似食紧粗米粉, 爽口但食食吓有點散斷。整體都OK， 不過賣$63感覺有點兒……貴! 想試可能11:00-14:00呢段時間好些, 最好打電話問問供應就唔洗白走一趟了。

今日係公眾假期，入左黎梅窩探表弟，每次入親黎都係會食呢間主打越南野既餐應!因為表弟年紀細鐘意食脆扑扑既野就叫左碟炸魚皮比佢怡家真係百物騰貴，一碟炸魚皮都已經30元，不過一食就知係值得既，因為開頭本身以為佢只係就咁即食，點知原來配埋個蔥花雞湯上，比你點住黎食，唔點既話夠脆身，食耐D有陣好香既魚味，好好味呀! 懷舊到不得了。點左個湯感覺上又冇咁上火，唔錯!另外叫左個雲吞雞腳米粉(HKD 38)， 雲吞聽講係佢地自家包的，唔怪得一食落就唔同出面既，每一粒雲吞都包著新鮮Q彈既蝦，唔錯。而且雞腳好夠焧身，呀婆都食到呀，味道唔算太重口味，唔夠佬汁味。最有誠意係加埋條菜心比你，令到成件事健康左。湯底方面係普通既清湯。

其實出面好少公司三文治食,見到餐單有所以就TRYTRY~公司三明治，是煎EGG,火腿和各式食材製作而成。有時會製成雙層形式，切成四等份，並用牙籤穿好。錦佢就係用黃瓜,午餐肉,火腿,札肉同生菜,其實都好足料同埋加埋多士就算我叫外賣,蓋左10分鍾D面包仲係好脆,錦多料好好味~

聽說發哥喜歡星期日喺大嶼山行山後，會到此處食番茄蟹檬。民間特首嘅喜好喎，梗係吸引到好多人慕名而來。我第一次嚟津津食店唔係星期六，所以食唔到蟹檬轉戰茄腩檬。番茄味濃，牛腩幾鬆軟，檬粉就比較碎。我幾欣賞個湯底，無味精，最後會想飲埋個湯。一碗粉四十幾蚊，無包嘢飲，要另叫。不過感受梅窩街坊融洽嘅氣氛，都值得嘅！我第二次就選擇了星期日去，因為希望試吓鼎鼎大名嘅番茄蟹檬。我滿心觀喜餐牌都唔睇就叫餐，然後等咗約十分鐘，一碗蟹檬就熱辣辣喺我面前。第一眼見到個蟹蓋，係我想像中嘅畫面。我再翻一翻碗中的粉，有幾粒肉丸，有點芽菜，蟹呢？蟹呢？蟹呢？最後喺碗底發現有一舊蟹肉附帶三隻蟹腳，就係咁樣。味道方面其實幾好，湯底都很有蟹味，而嗰一舊蟹肉，就普通啦，肉質也不算太新鮮。講真，真有點失望。碗粉叫蟹檬，但蟹肉真係少之有少，我甚至覺得叫番茄肉丸檬都不為過。所以如果對蟹檬有太大希望，你是注定要失望，反而我覺得茄腩檬比較實際。

星期日大清早好熱血好青春！跟班妹妹仔入梅窩打排球比賽，再被帶到呢間充滿人情味我地道小店午餐！星期日的梅窩不似長洲南丫島的煩囂，反而靜中帶點旺，時日更遇上一年一度的梅窩節！小店坐位算多，但都全場爆滿！友人推介湯檬，由真排骨頭敖湯而成！今次點了星期六日限定的蕃茄多湯檬，一上檯嘩一聲，真係有隻蟹嫁！仲有好淋的排骨，新鮮蕃茄煮湯，味道超讚！友人點的即炸春卷又係好好食！一路食仲有隻好乖的唐狗小黑幫手巡邏！下次入梅窩一定要來湊個熱鬧！

難得假日去到梅窩， 當然要周圍去搵好嘢食， 畀我哋搵到呢間津津食店呢度最出名嘅就係番茄蟹檬， 仲要係星期日限定， 數量有限 ，賣完就冇㗎喇。 老闆娘仲同我哋講， 啲蟹係嗰日附近漁民即捉即送黎， 非常新鮮。 碗蟹檬冇落其他多餘嘅調味料， 非常鮮味， 食到停唔到口 。我哋另外點咗個扎肉沙律， 辣辣地酸酸地， 非常開胃， 令人食慾大增。

從東涌白芒村出發，經過三小時的路程，終於到達目的地梅窩。今天陽光明媚燦爛，沿途綠茵處處，心境豁然開朗。飢腸轆轆，是消耗體力的緣故？路旁有數間食肆，這店尤其人潮如鯽，莫非有隱世美食？好！一試便知龍與鳳。香茅豬扒撈檬：嘩！份量好多啊！豬扒煎得香噴噴，雖然香茅味不重，但仍令我吃得津津有味。檬粉爽身不糊口，可惜醬汁未夠酸，要放很多才可停手。牙車快：配料包括扎肉、椰菜、雞絲、紅蘿蔔...味道與撈檬很相似，吃不出特別之處。眼見很多人叫越式蟹茄湯檬，不消一會經已售罄，難道這才是「鎮店之寶」？