珍意泰國菜館 (Closed)

💛珍意泰國菜館·呢間係我哋之前去食沁沁麫嘅時候老闆推介我哋食嘅 佢啲嘢食真係唔錯 而且都幾抵食 不過味道就係偏raw啲既🤣🤣就覺得佢係比較惡啲嘅餐廳·烏頭孖寶 (泰式明爐烏頭魚&招牌海南雞 (半隻)) $250 l 馬拉盞炒泰國椰苗$72我哋坐低見到佢黑板推介呢個孖寶 咁岩兩樣我地都想食就直接嗌咗啦😂😂佢個海南雞真係做得幾出色 佢個雞肉好嫩好滑 雞味好出 而且仲起曬骨 超方便🐤不過因為佢呢度唔會片走雞啲肥膏 所以佢雞皮係比較油少少既 雖然好味 不過偏油🫢🤣之後佢伴碟仲有啲雞紅 佢食落係似鴨血既 點埋個海南雞既泰式汁都唔錯😈之後佢個魚都好大條 而且入邊仲有啲肉碎啊 粉絲 食落好豐富 佢個湯係有少少酸酸甜甜咁樣 好開胃🐟最後我哋仲嗌咗個馬拉盞椰菜苗 佢呢個炒得超有鑊氣 食落好惹味🔥·#rbyeat#rby東南亞菜#rby💛#rby筲箕灣·📍筲箕灣筲箕灣東大街39號地舖

今日7/3諗住行完山，就落咗筲箕灣食嘢，因為聽聞成條東大街都有好多好好食嘅嘢！點知第一次嚟東大街，就已經好失望！我見呢間舖頭晏晝四點幾冇人，諗住正整地就同啲朋友入嚟食嘢！點知一入門口、淨係聽到有個喺廚房嘅職員講晒粗口、企喺門口嘅男職員、又完全冇理我哋！但係因為太肚餓嘅關係、唔入都入咗、就諗住算啦，粗粗哋食啲嘢、醫下肚先！佢有午餐、同埋下午茶餐！我哋成班朋友都嗌咗午餐set lunch、一坐喺張枱、個男職員就係咁講、要快啲落單、因為就快冇午市！仲係咁望住我哋、唔好意思嘅我哋就帶咗佢哋嘅湯粉麵。價錢唔貴（唯一可以稱讚嘅）、但係賣相就真係一般、仲要成浸油喺面，我仲見到個男職員冇帶手套、成隻手指公塞咗落啲湯裏邊，好嘔心，我哋仲叫咗所謂嘅老闆推介，半隻海南雞，因為我哋見到門口大大隻字寫住秘製海南雞，以為有幾特別！點知啲肉嚡熠熠、D海南雞醬，仲要好辣、我問個職員有冇豉油、佢竟然同我講要收$3，個樣仲要好老奉咁、其實我明白而家經濟差、但係真係唔食得辣嘅我哋、比碟豉油我哋都唔可以咩？我見到坐喺收銀、疑似老細嘅人、望咗我哋一眼、完全都冇反應，淨係坐喺度、仲要同嗰個男職員細聲講大聲笑，仲要淨係望住部電腦，

唔係第一次過來食飯啦，有上下兩層，食飯時間都幾多人，不過我哋今晚過黎唔係咁多人。呢份所謂必食推介，em⋯⋯個人認為一般，而且價錢又唔係平。芒果飯58一份，芒果唔係好甜，有啲酸，個女唔係好肯食。椰汁➕椰果等等，椰汁好味嘅，啲椰果阿女又係唔鍾意食呢份豬紅認真抵食，好大份，味道幾好，雖然啲豬紅略為老左少少，不過都值得一試。海南雞飯好味嘅，所以食晒先記得影相。燒烤串燒又係好味到唔記得影相，食晒先記得，惹味，細路大人都鍾意食。

電話叫左外賣，去到比錢見到外賣已整好（佢哋唔知盒飯係我order），有一個帶住口罩職員拎起我盒外賣並打開盒蓋，就同旁邊口罩帶响下巴職員講，乜哩個係馬拉盞炒飯黎㗎喇，跟住無罩職員就控塊面埋盒外賣道，兩個對住盒開左蓋嘅飯細聲講大聲笑，咁我就問無罩職員，究竟盒飯是否有問題，佢唔答我並走去同另一個廚房職員傾計，基於衛生問題我真係唔會要盒飯囉。

筲箕灣lunch time 推介🤟🤟黎過好幾次，但湯面就第一次食，今次簡左冬蔭功湯底配泰式牛丸金邊粉，仲加左辣食開辣既朋友應該會覺得加左辣都唔夠，因為湯底都偏甜一啲，但一樣都好有泰式風味，牛丸雖然標榜泰式，但覺得無咩特別，都係普通牛丸咁。個人覺得最驚喜既係配菜蘿蔔，溏心蘿蔔🥰 煮到好淋，吸曬啲湯👍🏻👍🏻埋單$54 仲會送杯熱飲，員工態度亦友善店家設有2樓，所以多啲朋友一齊去食都一定有位，不過間餐廳應該係好多筲箕灣街坊既飯堂，1點鐘食完離開既時候，成間餐廳爆曬！

上個週末去左行山，回程係筲箕灣東大街搵嘢食，但揀來揀去都唔知食咩好，最後都係食返之前食過既泰國餐廳「珍意」…呢間餐廳唔係講笑，真係大件夾抵食，最重要係味道好好！我地嗌左個$288 二人餐，有四個餸，我地分別揀左椰汁雞湯、炸蝦餅、炒金邊粉、炒雜菜、椰汁沙冰，仲另外嗌多個蠔仔煎蛋😁😁😁但結果食唔曬要打包😛炸蝦餅熱辣辣出爐，又脆又厚肉又彈牙，食完即刻熱氣🤣飲啖椰汁沙冰夠解渴又濃郁，個金邊粉炒完唔會一patpat 痴實曬，又夠鑊氣，個蠔仔煎蛋都好出色，用鐵盤一路煎住上，d蛋因為有芽菜墊住唔會老，蠔仔大大粒，椰汁雞湯都好濃，又好多雞肉配料，今餐食得好爽😄

筲箕灣東大街咁多間餐廳，點解要選擇呢間泰國餐廳呢？！咪就係因為佢太好味道囉，價錢又大眾化，值得一試再試。泰式生蝦$98必食推介，生蝦大大隻啖啖肉而且爽口新鮮，放上冰粒之上， 食落涼透心。泰式豬頸肉$75豬頸肉夠晒開胃，口感適中，香口又惹味，老少咸宜，好吃到不得。招牌海南雞(半隻)$115 吃起來時啖啖肉，雞皮滑，雞肉嫩，配上青瓜片，真係絕配。青咖哩蝦球$88青咖哩比起黃咖哩及紅咖哩還要辣，椰汁令青咖哩更有香味。蝦球份量足，很入味，肉質嫩滑，讚。Total $376

嗌咗個下午茶湯麵外賣返屋企醫肚，餓著食都覺得唔好食，大家自己諗啲好評好係邊到？香茅豬扒配咩泰國蛋麵我仲期待佢額外要加大嗱嗱$8 冬陰公湯底有幾出色？返到屋企未打開膠蓋，已經被最外層果層紅色油嚇一嚇 （水煮湯底？），成碗麵幾乎無其他配料，只有有啲厚身、食落似叉燒、醃到勁甜嘅柴皮炸豬扒；好淋好淋嘅蛋麵；同一碗港式風味嘅冬陰公湯底。真係好彩自己無係晚市食過呢間野～

美味 ：***環境 ：***價位 ：*** 每道菜都滿好吃的，菜色也很特別，我在別的泰式餐廳很少看到，東北淚之虎的牛肉滿嫩的。醬料是清爽中一點微辣，黃咖喱軟殼蟹的麵包沾咖喱醬很對味，但軟殼蟹太炸了，我覺得麵包比軟殼蟹好吃，蝦醬空心菜的味道就是泰式料理蝦醬空心菜的味道，沒什麼驚訝，就是很好吃，泰北辣醬拼盤，這道吃起來就像是沙拉，但是醬料是特別的泰北辣醬，這辣醬的味道是一種鹹香，加上點臭香，很特別的味道，搭配蔬菜水煮蛋，很對味，很適合夏天！

口感主觀依個人感受為準之後還會繼續分享其他縣市的美食唷🥰✨北港手工粉圓CP值高的甜品店～～～特別推薦手工粉粿❤️在其他地方吃不到的口感✨甕中甕炭火煨湯湯品選擇非常多！有二十幾種冬天來這裡喝湯非常幸福😍最有記憶點的是店內可自取辣蘿蔔辣度很高但搭配滷肉飯神好吃🥹

本來過嚟筲箕灣幫朋友搞啲嘢，跟住朋友介紹食呢間泰國嘢，有兩層嘅，環境都算寬躺，職員服務態度還可以接受，就係有時候叫極都冇反應，上餐速度快。叫咗個二人餐，有海南雞炒米粉椰湯炸蝦餅仲有炒通菜，整體都可以接受，最好食嘅係海南雞，好滑，炒通菜炒得好好味，四百幾蚊三個人食算係抵，我最後加多左杯珍多冰。

第二次寫食評，又係伏(今次有相)。兩三年前曾經食過午餐，覺得一般就冇再食，筲箕灣大把好野食。今晚再試，諗住俾多次機會佢。閒日晚飯竟然8成坐滿，以為應該唔錯。我同老婆2人單點叫左招牌朱手$105，同咖哩軟殼蟹$148，都係佢餐牌推介。結果再次失望，朱手除皮之外，中間肉位超鞋。咖哩唔香，蟹唔脆又冇味。服務，45分鐘內聽到3次伙記互片幾句。當日閒日但似乎佢地好踢腳，上菜同執台都唔夠人。伙記有大聲講"唔好意思"，"請等等" 果啲用語，但你聽完唔覺舒服果隻，明就明。唔知啲笑點來，或者係我唔好彩。完

由於約左朋友在太古見面,於是就提議去筲箕灣東大街食左晚餐先.眾所周知筲箕灣東大街美食林立,決定食咩都係一件難事.由於朋友好掛住泰國,於是提議去食泰國野,朋友提議去珍意泰國菜館,由於事前沒有訂位,於是我們便急急腳趕去.由於時間還早,所以很幸運地還有位置,於是我們一行4人便座低了,(到了6點左右,門口已經有人排隊了,LUCKY~)由於姐妹們都非常肚餓了,個個便如狼似虎地點了好幾樣食物,詳細食物名稱我也不太記得了.只是知道樣樣食物都非常好味.不得不提的是個芒果糯米飯,真係非常之非常好味,本人只是去過曼谷4次,但真心覺得呢個芒果糯米飯比我在曼谷食的還要好味. 芒果鮮.甜.大.爽, 再加上軟淋柔香的糯米飯,剛剛上時個糯米飯仲係熱熱地的, 再加埋個椰奶,甜而不漏,第一口已經攻下本人的心,個刻真是和口中的芒果糯米一樣,溶了.😘😘😘完全是我杯茶黎.本人是一個甜品控,要得本人芳心是不容易的,呢個芒果糯米飯真心掂,係近排我食過的最好甜品前三位.椰青又大又多水,最啱我地呢幫每次見面都雞啄唔斷嘅姐妹~講下食下笑下,話咁快到7點了,係時候要番去太古了,原本想食多個芒果糯米飯的,但個個個肚好似懷有8個月身孕咁,於

難得開返晚市，特登同朋友試下新開嘅泰國菜。啱啱到門口見鋪頭幾受歡迎，不過好快就入到去食嘢。Menu食物款式都幾多，最後同朋友都叫咗好幾碟餸試下，出餐時間幾快手，味道都唔錯。特別係燒鱸魚做得幾好，出面食過其他泰菜會整到好鞋口，但係呢度做得幾滑。至於肉碎生菜包覺得稍為唔夠辣，不過就好照顧到我唔食辣嘅朋友了🤣有機會去可以叫個小食拼盤，覺得性價比幾高，幾個朋友夾埋就抵食，又炸得幾好👍🏻有機會會再黎試多幾碟菜👍🏻👍🏻

本身都冇諗過寫食評，食完之後覺得嘢食味道唔錯店員服務又好，仲要知道係良心小店，決定寫篇好評比呢間良心小店。🥰可以再翻兜😇生蝦下面啲冰夠多，蝦肉唔梅，幾有彈性👍🏻👍🏻👍🏻👍🏻👍🏻煎蠔餅個蛋幾香口少少窿邊，蠔仔幾新鮮又大粒，個蛋下面有好多芽菜（本身已經切走左芽豆值得一讚)，成個配搭幾清新👍🏻👍🏻👍🏻👍🏻👍🏻小食拼盤正常質素，啱啱炸起👍🏻👍🏻👍🏻👍🏻雞肉同豬肉串燒75蚊雙拼串燒仲有咁大兜沙嗲醬，沙嗲醬食落去就知高質(沙嗲醬係靈魂），大推👍🏻👍🏻👍🏻👍🏻👍🏻燒側魚本身唔好魚，朋友想食就叫左，啲魚肉幾滑幾鮮，唔點汁其實已經好好味158$👍🏻👍🏻👍🏻👍🏻👍🏻呢個真係要比👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻食完真係掛住泰國啲芒果又靚 個糯米飯熱熱地 呢一個芒果糯米飯係我想再去食嘅原因