松記糖水店

Open Now

Now Closed

其實而家真係有好多糖水舖冇再整舊款糖水，包括我最愛合桃糊。觀塘呢間松記糖水有新舊款糖水。講講合桃糊，合桃味濃郁，整碗糖水呈稠稠的狀態。入口香滑，冇咩渣，做到色香味俱全。熱辣辣嘅合桃糊，雖然唔知食完可否真係做到補腦😂但至少做到味覺的滿足！榴槤雪糕及班戟，雪糕一黎個陣太凍太硬，應該雪左一段時間。但班戟皮軟，cream加上很多榴槤肉，入口有陣好香榴槤味，cream都好似變左榴槤味咁食到咁上下，雪糕開始融，雪糕都係好重榴槤*真係要愛吃榴槤先至接受到不過要提提黎光顧的朋友，找贖時需要睇清楚，因為我是次光顧，埋單找錢找少左7蚊，好在冇即刻行開對一對數。整體算是不錯，價錢及水準都成正比，但冇話特別抵食。係一間如果經過都會想食少少甜品的甜品店。

前晚我先生出去買外賣晚餐，行過松記知道我喜歡食榴槤，就去買左一份榴槤班戟同芒果班戟反屋企做甜品，我先生不喜歡吃食榴槤的，都買比我食原本好感動的，點知道食第一啖既時候覺得怪怪地點解有啲酸味既呢，初時以為我食完晚餐啲味道混合埋一齊所以咁啦，飲啖水再試過都係有酸味，我就撩啲榴槤肉出黎睇，輕輕一撩就見到啲灰黑色一舊舊發左毛既榴槤肉，本來係個口度既第三啖即時吐反出黎好在我先生之後比左兩啖芒果班戟安撫下我!但係呢次之後吾會再係松記食任何甜品囉!出品實在太差啦!

喺APM食完飯就過咗嚟食糖水，可能係閒日同埋成11 12 點所以唔太多人，朋友叫咗芒果豆腐花，我叫左個summer 有兩球雪糕＄28又幾抵食！雪糕可以自己揀味道，而且生果份量都幾多而且都算新鮮！平時食糖水，好多時都會俾人趕，但可能而家松記無以前咁受歡迎，所以都可以坐得耐！

經開附近買嘢 見到難得有糖水食 下午時份 客人不多 店員有三個 一個望街 另一個只顧睇手機 好不容易找到最後一個落單 等候時間頗快 拿出到嚟嘅糖水賣相真係忍唔住影張相 一般自家糖水店都未必有這樣的效果 佢地可能覺得街坊生意無所謂 但作為消費者未必咁諗 最後點了呢度嘅推介 芝麻糊加豆腐花（熱食）及紫薯芋圓仙草涷 其實都知芝麻糊好食係有d難度 果然味道一般 芝麻糊味道太淡 豆腐花仲凍但芝麻糊太熱非常唔夾 紫薯凍吃還可以 只少不會太甜 份量也可以

夜晚天氣凍凍地，食完晚飯朋友叫我落街食糖水，見松記有位，就同朋友坐低睇下餐牌，我都係叫番個熱既芝麻糊再加湯丸，等左陣終於有得食，雖然芝麻糊熱辣辣，但都唔夠香，湯丸就揀左花生味，食落又無乜特別，得兩粒就覺得少左啲，睇來下次去松記都係食番西式糖水

今日同家人食完晚餐後，約左女朋友去食松記，一去到個時，間店就已經好熱鬧，我地坐左樓梯口位置，我地睇見得2個員工一男一女，男員工就成個超人甘，跑上跑落，而女個個就糸甘點外賣，加上男員工重要好年輕，做part time 個種，見到都感到慘，我地等左一陣，就叫左6寶湯丸，同一個豆腐花配紅豆沙，落完單後發現唔記得加湯丸，就唔好意思甘叫佢落反，男員工都没怪我地麻烦，重好好笑容，就糸男員工落去拎糖水時，就俾一個女人大聲鬧，好大聲，就糸因為我地湯丸遲左落，男員工行上黎個時都幾唔happy，我地都明白，都感到內疚，不過佢好快就没事，繼續服務顧客，不過我地個豆腐花配紅豆沙加湯丸就等左好耐，叫左男員工追下，佢都感到唔好意思，即刻去左追，等左半個鐘左右終於上左，好感動，6寶同豆腐花配紅豆沙都一般，不過遇着甘好服務態度員，已经好好了，二個員工管理樓面，重要甘熱鬧甘忙都可以保持良好服務，值得鼓掌，最後，我地都見到頭先鬧男員工個個女人，年纪少少老，帶眼镜，行上黎當面用粗口鬧男員工(糸唔糸玩x死人)，十分無禮，樓面都做餐死，重要俾人甘鬧，真糸好無家教。最後我地都感謝男員工，佢都好謙虛甘講呢d糸本份，無論如何都好，都

一直食開松記楊枝甘露，見觀塘開左一間就好開心，就即刻去買外賣返屋企食。但係觀塘店嘅芒果蓉個比例完全唔夠，溝埋淡某某。體諒新鋪可能啲野仲未上曬手，就隔一段時間買一次黎食，無奈一直都係無進步。今次終於頂唔順叫佢加多啲芒果蓉，同埋另外幫屋企人買糖水，我係門口企左十幾分鐘先出黎問我另外個碗糖水要咩味雪糕，擺明甩單啦😒😒😒！明明一開始落單個陣就已經講過！結果碗楊枝甘露照舊淡某某，最衰仲要因爲佢甩單搞耐左而令到架紅van走埋尾班車！搞到我要行段路落去搭另一架車！今次經驗真心嬲，店員又無話唔可以加多啲芒果蓉，但我order左都唔加，想點？我反正都要係外面等，最緊要唔好因爲忙而影響質素。結果都係死性不改，唉😩！

是日閨蜜吹水日，大家放工就去食宵夜！我食湯丸，即叫即做，所以需要等，不過唔夠熱，可能太忙？啲湯唔薑的，普通薑味嘅糖水，湯丸算好的起碼即叫即做唔會脹晒啦。忍唔住叫左刨冰，揀左芒果益力多，多紅豆同埋大西米。綿綿冰好食，大西米同紅豆可能唔夾個冰，連埋食怪怪的。加上揀左朱古力醬配酸酸地的冰，更怪，我地揀錯了友人最醒揀楊枝金露，最穩陣！足料的芒果加上西米椰汁，好味嘅，唯一唔好就係唔夠凍

星期六喺觀塘食飽飽，朋友話要去滿足另一個胃，上網搵吓八吓。咦！原來觀塘開咗間松記，終於由長沙灣殺到嚟喇！！榴槤雪山，上枱時，見到個賣想，DOWN！DOWN！DOWN！除咗個榴槤肉球之外，其他真係淡而無味。

觀塘區搵糖水鋪就一定康寧道啦芝麻糊唔係度度整得好食，結果係預左，太稀。楊枝甘露上檯要問下，原因係汁底白色。所有甜品味道就一般啦，價錢適中。好食既糖水真係難搵到再去闖

叫咗芝麻糊 榴連雪山 都中曬伏唔知係我黑仔定一直都係咁啦。芝麻糊簡直就係芝麻水，榴連雪山係無榴連味 啲西米露係一大陣雪櫃味，仲要有陣蒜味，而個雪糕球呢，就只係d雪櫃水既雪糕版，話有味換過另一碗，d服務員態度都幾好，不過就換過一碗啲味都係咁。同佐敦松記差好遠，完全大吃一驚。

呢日係我同老公既六週年結婚紀念日,食完晚飯之後,就去左呢條街,諗住係係呢3間糖水店(港記糖水,松記,㗳㗳糖甜品)簡一間食個糖水,因為同一條斜坡最後簡左裝修新價錢較平既松記.服務方面:重點係呢度!!!             因為呢日係結婚紀念日,我好想好似出面d酒店甘,可以係個碟上面寫字.            但好多地方都冇呢個服務,就算有都好貴...            係我睇緊餐牌既時候,我見到有心太軟,心入面諗可唔可以博一博問下有冇呢.            到點餐啦!我地叫左3樣野,            當最後一個點左心太軟,我捉住左個女侍應既手,問佢可唔可以幫我係碟上面寫字,            因為今日係六週年結婚紀念日,可唔可以幫手寫2個字!(當然求左佢好幾句啦)           之後我見到佢同廚房既同事商量,最後都係由佢入左廚房幫我搞掂左!          出黎既感覺真係好開心,一睇d字就知唔係大師級啦.但佢呢份心意好真係好開心都好感動!!          留左一個好難忘既一日比我!多謝你!          *(店長都埋黎影相,話send上公司總部做參

食完晚餐，到觀塘就想食糖水，見到新開左間松記，就決定唔去平時去開嘅糖水舖，轉下口味啦！雜果琉璃上漿！唔敢食太甜，所以呢個又生果又西米嘅組合就啱晒啦味道又真係無咩特別，椰汁同芒果汁唔太甜，啱啱好，重點係佢夠平，$4x, 完全係小資人生嘅好享受，唔需要洗一百蚊食一碗雜果丫店面好多後生仔，服務態度好好，希望會保持落去！

觀塘終於開不過價錢又加了今次食椰汁紫米露+擂沙湯丸今次食凍嘅，甜度適中略嫌紫米太少，椰汁唔夠濃18蚊得五粒不過最好係可以轉花生味👍湯丸不錯，有口感，唔太淋唔太硬花生碎勉強夠總括係ok,不過加左價就唔一定食呢間

食完飯就同友人一齊去食個糖水，其實觀塘都開左好多糖水鋪，見松記開左就黎試下我例牌都係食腐竹白果糖水走蛋，而友人就食左個雜果拼雙色雪糕？應該係掛。白果腐竹糖水用左好足料既腐竹去煲，所以食落好夠味，而薏米都煲得好林身，所以真係好好味，而且甜度唔係好甜，岩晒我地口味。友人說話佢果個甜品都可以啦，因為雪糕係交貨的，所以一般都冇咩問題的。而雜果好新鮮，威化筒又冇林到，所以都可以啦。下次可以再試