松記糖水店 (Closed)

見到松記糖水新出左呢個窩夫,想搞搞新意思就點黎試下!! 窩夫脆就脆，不過好似''隆隆''地咁,用叉一夾就碎晒⋯食起上黎都比較乾😕都算系幾fail～曲奇雪糕不過不失,都唔會太易溶 不過都系建議去松記都系揀返中式糖水或者明珠系列比較安全🌚而且價錢都平d😂

店名：松記糖水地址 : 九龍灣牛頭角道3號得寶花園地下A5舖好味指數：6／10價錢：$29紫皇卷無味既紫米皮幾煙韌，包住帶有少少燶味既甜紫薯泥，底下配勁淡既明珠。望落幾吸引，不過食落就麻麻地啦！店名：松記糖水地址 : 九龍灣牛頭角道3號得寶花園地下A5舖好味指數：7.5／10價錢：$29Summer兩大球勁邪惡既雪糕再配對埋清涼可口既水果同西米，教我如何say NO!? 

雜果三色凉粉……事先聲明:我绝對唔係梁粉……都唔會係松粉……(笑！)自從松記响九龍湾開分店後，都只係偶爾幫襯，今日经過買外賣，等左10分鐘，收銀至話張單吹走左……咁又再等多5分鐘，都算，雜果三色凉粉都唔係傳說中咁巴閉，黑凉粉唔算煙靱，白凉粉更加冇味，加上雜果份量少(西瓜佔大部份)……可能堂食会多些，因外賣盒一手掌可覆蓋！相信我下次都唔会幫襯！

今日同班fd到松記食糖水，叫左summer，幻彩明珠同鮮雜果珍珠，三個入面summer係最抵食 29蚊一碗有水果，黑白配兩條，珍珠同兩球雪糕，仲有芒果汁，感覺上好似水汪汪咁，D芒果汁連埋明珠真係好好味，食落去明珠好有口感，糖水亦唔算好甜，對我黎講味道適中，頗佳，值得推介

2014完結前要食甜品才叫完滿吧，去完彩雲山頂看夜景，近近地走到得寶分店，11點幾門外有好多人等外賣，店內大約半滿，唔使等位，太好了。2014最後一點甜有幾款雪糕口味可揀，士多啤梨味同榴槤味要另加錢，其他唔使。芒汁似乎少咗d噃 … 今次店員有主動問個涼粉加唔加椰奶，讚！！！d芒果夠甜份量唔少 ， 合理！芒果味 綿綿冰 拼 益力多 綿綿冰 在咁凍天時超夠凍唔會咁快溶，可惜唔濃唔夠綿， 味道唔明顯 。加錢加雜果……有一粒哈蜜瓜、一塊勁酸奇異果、兩條仔酸芒果 同五粒淡而無味西瓜…下次主打都係食芒果為主角嘅甜品應該安全d吧…

唔好比太大期望，只係普通街邊糖水鋪質素，不過不失咁。我要咗雪糕紫米露，都算足料唔會太稀唔會大硬，配一球曲奇雪糕同椰汁都幾好食。朋友叫咗杯密瓜滑冰，飲落好香新鮮密瓜味，但食唔到冰沙嘅口感。朋友話杯嘢啲冰融咗仲好飲啲。另外我哋仲share咗個木糠布甸，本來要檸檬芝士脆脆木布但上咗咖啡味。食咗第一啖發覺有咖啡味但都無為意，個侍應唔知係咪聽到過咗陣先行過嚟話改單。我仲以為佢會換番，點知只係改番價錢 。個布甸好硬，夾硬切就碎哂，朋友懷疑佢係雪得耐實哂。事實上食到尾佢解咗凍先食到少少布甸嘅口感。整體嚟講真係麻麻。

記得對上一次食松記係兩，三年前 ！今日同朋友去九龍灣食飯，晚飯後經過松記糖水，大家都二話不說就入左去食！以品質來講，松記糖水一直保持水準，九龍灣松記跟深水步松記味道差唔多，一樣甘好味! 我當然叫松記最出名既幻彩明珠 有好多配料，有涼粉，黑珍珠，大西米同雜果！生果又甜又大粒，大大碗好足料！ 最重要既係有芒果汁同忌廉奶，缺一不可，簡直係呢碗糖水既靈魂!

食完晚餐冇野做去就近食糖水, 友人帶領到松記糖水.來到唔洗點等, 一坐低2分鐘直當看點什麼時,態度差的服務生要求從原本位置轉去後一張台, 當然沒問題, 大家都是來食糖水,多一台客.點了一個SUMMER 和沙冰, SUMMER 沒什麼驚起, 反而沙冰最驚起.沙冰只有冰味, 其他一點味都冇(糖水都唔知有冇落),FINE, 反正不打算好食,食完就走,正當我們差不多食完之際, 態度差的服務生又要求從後一張台轉去原本位置.我們向服務生投訴, 服務生可能怕事轉頭走左去.有冇攪錯, 自問唔係食壩, 我們落ORDER 到食完去人都係20分鐘-25分鐘左右,要唔要同一張台轉來轉去. (當時其實有很多空台) 最後出門口一睇, 心諗你好多人等? 又唔係WO(大約5人),又唔係有大PARTY, 真係莫名其妙. 上離睇都係希望食野開心下, 希望我的不愉快提醒到大家下次係九龍灣去邊到食糖水比較好.唔洗比人食食下野點來點去.

上星期去松記試左個雪糕黃金酥，雪糕可以自選味道，我就揀左最愛既芒果味^_^但要等10分中！10分中後，主角出場啦!黃金酥焗到漲卜卜金黃色，上面加左啲朱古力醬同煉奶，食落口脆卜卜得泥又甜甜地，好好味*^O^*加埋芒果雪糕一流

前兩日同女友去松記食糖水回想對上一次食松記係中學時代，個時最愛食Summer有兩球雪糕同雜果!但個日唔想食Summer,因為見到好多人叫心太軟，搞到女友又想試下！落單時侍應話：心太軟需時十至十五分中！呢樣值得加許提醒客人！心太軟配薄荷雪糕心太軟焗得時間岩岩好，桔落去仲流哂啲朱古力醬出泥，暖笠笠既朱古力醬再配雪糕一齊食！真係超正，心太軟唔會太甜，食完唔會太溜，朱古力仲好滑^^下次一定會再食!

見到九龍灣開左，所以去左試！唔算多芒果，而且好酸啲皮又濕⋯仲食到有小小冰，好似雪左好耐咁芒果明珠，可能係用椰奶，因為比較「杰」，都幾好味心太軟，話係三層，但我分唔到邊三層，流心好多，唔錯既唔太好唔太差，但員工態度差

上2個星期6，去左松記食糖水，試左個雪山。依個雪山係凍食。個雪山係西米露加球雪糕。整體冇咩特別。而上星期6,我就叫左個雪糕豆腐花，本身睇個樣好似5錯。點知1食就知伏左…個豆腐花1d味都冇，d味真係好清 … 而個果雪糕我叫左個曲奇味，點知都係冇咩味道… 所以個豆腐花配果個雪糕係淡而無味！！我同個fd食，外賣都要每人加多1蚊

晚餐過後，好友提議到松記甜品，一向享受飯後甜品的我二話不說跟著走去響應，無奈對甜食一般的另一半也只好陪著我們。最初接觸松記，是數年前的佐敦舊舖，最一感覺是強勁冷氣、光猛白燈，數年來一直不變，今次到來始終如一，點選至愛紫米奶皇湯圓。紫米奶皇湯圓($19)，一碗五粒形成花狀，紫米做的湯圓皮薄入口煙韌，清淅可見的粒粒紫米碎有咬口，在內的奶皇餡香味十足，不會油膩，感覺像吃煙韌的奶皇包，不過老薑湯味重而辛辣，在冬季食用的話，一定增添無比暖意，如果因季節而稍有轉變老薑份量會更好。另一半不太好甜食，則點選芒果布甸($17)加花奶，芒果粒清甜，布甸質地適中，不會過硬，感覺與兒時酒樓點的芒果布甸無分別，一拾童年回憶。而友人點選的是芒果世界($25)加椰果及曲奇雪糕，賣相尚算不錯，鋪滿底層的是白涼粉，嫩白色香蕉味濃的方塊磚，入口感覺硬實奇怪，一咬即碎，友人都只是吃完配料便放棄。面對強勁冷氣，座位依舊擠迫，我們快快吃完便離開，有否暗趕食客的感覺則見仁見智。 

一早就知心太軟等得耐，侍應話要等15-20分鐘，過左20分鐘、叫侍應跟下啦，點知佢嘅答覆只係：心太軟係耐d架啦! 原本你敷衍話幫我跟下，我會由你，但係我得到嘅係咁嘅答案囉；再過多10分鐘，當然再催啦，催完又係要等⋯ 說好的15-20分鐘呢? 結果出到黎係一個焗過龍、唔識流心、仲有d燶味嘅心太"硬"囉⋯唔⋯ 應該都冇下次架啦⋯

記得細個既時候，成日都會諗九龍灣會唔會有一間好食既糖水店，結果到中學既時期都只係得間金x堂，每次諗到同朋友去食糖水都要去到九龍城前兩個月見到得寶就開松記真係覺得好正..呢一日終於到喇個日放工食完個茶記,,,即刻起行去試試松記 食下我最愛既六寶湯丸..哇..完全冇得輸..糖水疆味重.夠熱..同埋湯丸粒粒唔同味,極到挑戰你味覺既極限..冬天那份溫暖就係咁簡單如果兩人吃就會更暖