松記糖水店

Open Now

Now Closed

加左2蚊比外賣，total成$57 既鮮芒脆脆金鏄， 連個外賣盒都無吉洞透氣， 點脆脆呀！ 一心黎支持， 食左咁多年， 真係好失望。 又貴！ 不知所謂老老實實， 唔係第一次外賣呢個甜品啦， 今次真係忍受唔到！香港甜品要爭氣啦！2蚊外賣盒仲要係因為當中有球雪糕， 多左個細盒， 所以叫呢個甜品要加2蚊。 個"脆脆" 成pat野咁企唔到， 因為淋左， 呢d外賣menu有良心既就cancel佢唔好比人叫啦， 做飲食係要做d食得既野比客人食！ 良心呢？另外叫左2個芝麻糊， 一攞上手。。暖既， 唔熱， 湯丸好水。 加成5蚊1粒湯丸， 比d誠意啦！

今日食完飯去左松記食甜品 我叫左個蜜瓜布甸😋😋😋 好好食👍👍👍 布丁好柔軟滑嫩 而且又香又甜 難以抵抗既味道 而且夠哂涷 唔錯唔錯 配埋爽口既蜜瓜 簡直係一流。😋😋😋

琴晚食完飯想食下甜品 就決定去松記食下甜品😉 我叫左碗芝麻糊 加兩粒奶皇湯丸😍 真心好食 芝麻糊質地濃稠，芝麻香味吸引。奶皇湯丸既皮滑溜 奶皇味好濃 唔錯既湯水 幾滿足😋😋 中意傳統甜品既你都可以黎試一試😉

今日叫咗四個甜品，一個芒果紫米露，味道唔錯，但係紫米太少，芒果份量亦唔多，另外叫左個豆腐花，糖水太甜，另外叫咗個補腦合桃糊，亦都糸太甜，最後叫左個糖不甩，煙煙銀銀，可以接受

經濟學果然有趣，如果在附近開了同類型店舖，但因為同類型店舖經常大排長龍，反而讓同區同類型店舖生意亦都一併上升。講緊就是大埔附近剛剛開了鮮芋仙，但經常大排長龍，有時亦都因為鮮芋仙10時左右已經落閘，我們到了松記糖水店買外賣。不過大概10時左右，很多款式的甜品都已經賣光了，因此我就勉強點了個雜果大明珠，有西瓜、芒果，不過香芒的味道激胃酸，很明顯不是時令的水果，因此吃到非常酸；大明珠就好像珍珠奶茶那種質地，煙煙韌韌，不過這種大明珠就是夠韌夠彈牙。

我自己就好中意食甜野嘅，亦去過其他松記到食，但平時就外賣多，唔知係咪呢排都夜買，覺得啲西米露無乜味今次係堂食試吓外賣舖頭無嘅嘢，點知我覺得伏哂自己😥 叫咗嗰芒果涼粉嘅物體，我可以用難食形容😅 芋圓大粒又無味，真係好失望，都唔知自己食緊乜😅

今天吃了晚飯，心血來潮，想去吃一些甜品，恰巧看了松記，二話不說就立刻進去了，松記我進來了!二人之行，想了很耐，最後都是點了雪糕木糠布甸和海底椰紫米露，雪糕木糠布甸，很久沒食，雪糕是曲奇味，正常味的，但吃木糠布甸發現不對勁，因以往是軟身的，但現在是硬身雪糕狀的，沒有忌廉的，有點失望，或是我記錯了吧？海底椰紫米露不錯吃，海底椰很軟糯，不會很硬身的，紫米也是很有咬口，不會很爛，加上了椰奶令人很想再吃多口!不錯的!

本身係大埔超級城同朋友食飯 點知間餐廳限時90分鐘 食完就好快俾人趕走 所以即刻搵個地方食糖水下場繼續傾計 於是嚟咗呢間松記糖水.坐咗一陣已經成日發現有烏蠅喺度飛來飛去 跟住再望下發現舖頭牆上面有好多隻烏蠅停咗喺度啊 真係好恐怖 仲要啲烏蠅唔係好細隻係都幾大隻㗎 呢啲衛生問題係咪可以報食環呀 .講番嘢食先 個楊枝甘露一啲都唔係expect嘅楊枝甘露咁嘅顏色 似普通一個西米露跟住個芒果紫米露質素正常 紫米露可以再結小小 太稀了由於一路食啲烏蠅都喺度飛來飛去 所以快啲食完快啲走啦 永遠冇下次

每次去松記，可謂小妹必點既甜品(除左冬天會點薑汁撞奶)！除咗CP值高，就係鍾意佢多生果👍 西瓜🍉、哈密瓜🍈、奇異果🥝、芒果🥭，仲有涼粉底，水晶珠，西米，奇亞籽，加埋芒果汁同花奶，真係多款選擇集於一身，而且非常搭！每次點都係真材實料，份量一如既往，水果叠得高高，滿到涼果咁滯，要伴混來吃哦。水果絕大部份都係帶甜多水的，間中奇異果就太生帶酸。涼粉加埋大小西米珠同奇亞籽就有出多重口感的效果，而且涼粉清熱，奇亞籽營養豐富有益，絕配呢👍

松記好耐之前食過，都覺得ok，琴晚同男朋友係大埔食完飯，一心想去食個甜品，叫左一個鮮果芋圓，同一個雪糕三重心太軟，點知就出事！心太軟唔好食，舊雪糕無綠茶味，得陣雪櫃味，無改錯名，係三重，不過係三重難食到鮮果芋圓，其實唔好食我都算，最多下次唔食呢個，但係！！食到有啲生果係臭既，即刻lur出黎，不過都中招，返到屋企屙左兩次，今朝又屙左兩次，好明顯係啲生果變壞左啦！！！有無攪錯，拎啲變壞既野出黎賣，嬲到要寫個食評永遠都唔會再黎食！一分都比多佢！

2020年3月12號去左朋友屋企食飯。食飽例牌要食個糖水先散場。咁朋友就話係糖水就附近松記。本身諗住叫鮮奶燉花膠。點知冇曬。跟住問佢仲有冇黑糖薑母燉花膠。佢一話有就落左三個。個黑糖薑母燉花膠勁重薑味。勁辣！但佢夠辣都仲有少少腥味。一定要熱食。凍左應該唔食得。雖然佢只係54蚊。但花膠得一細粒。唔算抵食。所以唔算推薦。但你想食熱既都係唔錯既選擇。朋友叫左個琉璃之戀。名就好好聽。但食落又冇乜特別之處。下次睇下啲人叫咩我先再叫先得。

2020年3月22日因為行完山，食完下午茶，冇野做。所以約左幾個朋友上去個朋友屋企食飯！食飽飽就係度吹水。吹吹下就成11點幾。就諗坐出去食埋個糖水就散場。跟住朋友話大埔糖水，一係去食松記。一去到松記。冇人等位。直接入得。一坐低諗好叫野食。差唔多叫乜冇乜。之後叫呀姐比我地諗下。最後叫左5樣野。水準非常一般！芝麻糊豆腐花朋友話難食朋友話下次可以試下彩虹。係我地岩岩食完無耐。呀姐就黎收野。好似想趕我地走咁。跟住到我地想埋單走。佢地又掛住食野。要企左係度一陣先過黎收錢。

唔知幾時開始食完飯就一定要食糖水😝所以今次都唔例外，同埋朋友去左食糖水傾下計🔸楊枝甘露$32楊枝甘露係我最常叫既糖水之一，好濃芒果味，再加上一粒粒嘅柚子同西柚，份量啱啱好，又唔會太酸同苦澀味👍🏼🔹合桃糊湯圓$29朋友話平時唔係經常都有得食，所以見到有合桃糊就即刻叫黎食，睇落去好似好杰咁，但佢話食落又唔係....我坐隔離都聞到合桃味好香，忍唔住試左一啖，食落又ok wor, 唔會太甜, 岩岩好👍🏼🔸芝麻糊湯圓$27朋友叫的芝麻糊其實呢個都好甜不過朋友就鍾意佢再濃稠一啲，佢嫌呢個有少少稀得滯，但味道都係可以嘅

以前中學嗰陣成日都去松記食綿綿冰後尾因為佢加價 個份量又細咗好多所以好耐冇幫襯🤦🏾‍♀️今次同朋友食完飯心血來潮去試一次🤣一如既往 食我最鍾意嘅豆腐綿綿冰($46)😆可以加2種配料我就揀咗oreo碎同可可米🍫份量俾之前大份好多起碼都叫值回票價🤨📍松記糖水店 (大埔)大埔安泰路1號大埔廣場地下66號舖

食完飯，就搵糖水食，原來佢係連鎖糖水台黎。唔怪之得啲野食咁hea咁冇heart啦。野食款式係幾多嘅，花多眼亂。最後揀左什果豆腐花同豆腐花芝麻糊。以為個豆腐花係自家製。但食落發覺同超市買到嘅豆腐花係一樣。又唔滑又冇豆味。咁早知係超市買黎食好過。最慘係九點幾去到都冇咩客，但啲店員都黑口黑面，冷係好忙好多野做咁，叫成落單又扮睇唔到 ，佢地應你啦 ，又話等陣先。態度又夫衍。食甜品係想開心，唔係黎比錢睇佢地黑面。