松記糖水店 (Closed)

不愉快的經驗 如果有得俾零粒星 我會俾零粒店員態度極差 今日去叫咗個蛋白杏仁 但係苦嘅個店員仲要質疑我 話廚房試過 但我已經叫同枱嘅屋企人試 佢地都話苦 本身已經諗住叫另一個甜品 點知另一位店員再行過嚟話 『之前有人叫 都未試過苦』同行屋企人即刻扯火 咩意思 好似呃佢啲甜品食咁最後收銀姐姐問店員收唔收碗蛋白杏仁錢 嗰位店員仲好串咁話『收！』完全冇諗過會唔會我碗咁啱有苦味 態度好差 屋企人嗰幾碗都係食咗幾啖就俾錢走好唔開心 以後唔會再食大家三思呀！可以攞多個碗仔試咗味先，如果唔係就要俾冤枉錢！

難得自己英超愛隊阿仙奴星期六早場對熱刺，一於約波友安坐家中觀看。結果愛隊應贏變和，心中怒不可遏，一於賽後食糖水降火。光顧家附近之松記。一行三人，叫了合桃露加湯圓、腐竹雞蛋糖水加湯圓及芝麻糊合桃露兩溝加湯圓。三碗湯水熱辣辣，溫度合格。合桃露甜度適中，但合桃味卻不濃。芝麻湯圓得2粒，數量算少，味道尚可。腐竹雞蛋糖水煲得頗棉，食落口感不錯，豆味亦有，其餘雞蛋及花生湯圓則普普通通。芝麻糊合桃露兩溝味道尚可。整體水平可以，亦達到降火要求。

💰$52 椰皇湯丸芋圓燉蛋白經過松記突然想食熱野，海底椰西米 湯丸 燉蛋白 一次過滿足到三個願望🤤雖然唔鍾意食芋圓...但無阻我食呢個燉蛋白，因為有軟綿綿芝麻湯丸同香滑燉蛋白❤️配上香濃海底椰西米，正！💰$48 80度暖意心太軟心太軟配上兩球自選雪糕🍦心太軟唔算太濃郁，但都有流心效果，旁邊插畫極具心思🍫🎨😍👍🏻。#松記糖水店#燉蛋白 #心太軟 ...……………………👧🏻肥妹小編.............................

一向都係心太軟嘅忠實fans今次想搵啲特別啲， 咁啱見到松記有D24榴槤味雪糕就衝左入去。打開 menu ， 原來叫榴槤味雪糕要加8蚊。不過我覺得價錢合理所以最後都加咗店員話要等10至20分鐘先有， 等咗一段時間終於有啦 心太軟上面有粟米片 而雪糕球上面亦有朱古力醬做裝飾 好期待 心太軟嘅流心朱古力點知攞匙羹拮落去嘅時候只有少量朱古力醬流出嚟 但好欣賞榴槤雪糕嘅味道榴槤味非常濃 好適合鍾意食榴槤嘅朋友榴槤配朱古力心太軟呢一種配搭幾特別而且個味都夾。 如果心太軟可以做到流心效果就更加好啦

同🐷食完附近嘅車仔麵就過嚟嘆埋個甜品。🐷叫咗個榴槤雪山，我都試咗真係好榴槤味，同埋個雪糕好滑好正👍😋而我就叫咗薑汁撞奶，聽到店員話因為即撞要等6分鐘，我就好開心咁要求要勁薑同少甜，因為唔係每間甜品舖係即撞奶。店員細心回覆少甜可以做到，不過勁薑真係要睇睇薑夠唔夠靚，靚薑至夠辣。最後嚟到嘅薑奶真係無令我失望，可以做到勁薑同少甜，相信我已經有最少10年無食過咁好食嘅薑撞奶👍😋😋同埋下次會知道除了觀塘仲有松記可以食到😂😂

今晚食完飯家姐約我食糖水，呢間的選擇真係好多，看來看去還是想吃椰皇，所以選了《椰皇鮮奶燉海底椰》。首先先不說好不好吃，這裏第一個要讚的是除了吃糖水的匙羹之外，還會另外給一支鐵匙羹用作刮椰肉的時候用的，非常貼心。這個椰皇有兩粒湯圓，有黑芝麻，花生，紅豆，奶黃四款味道，我選了黑芝麻和紅豆。另外還有芋圓，西米和海底椰，好香椰汁味。至於我最愛的芋圓，口感煙靭，但比起深水埗那間我最愛的店，這間口感再實的的，我比較喜歡軟糯少少的感覺。

買外賣要等係人知常情，期間已經問了一次負責落單的阿姐，她說整緊!但眼見堂食的坐低食完我的外賣也未有,於是入去出餐位看看，原來漏單！😓😓我都未出聲有一位疑似老闆娘的女士企喺出餐位入面叫我行埋一邊，ok我咪行埋一邊！佢竟然又話”我地都係跟單做，你唔得可以退錢”!唔係錢嘅問題，第一漏單不緊要，唔好意思我也不期望他們會講，但係都無需要擘大眼講大話不特止，第二仲要話唔等得退錢！我係已經等左20分鐘先至去追一下啫！將軍澳寶琳有最少三間糖水鋪，每間我也幫襯過，估唔到依間松記係最差，依家食野啫唔係要受氣嘛！甜品的質素更是比其餘兩間都差，尤其綿綿冰，製作過程不合衞生，一個個芝士size的冰磚，刨完就放在桌上，如果唔係親眼見也不能相信😱味道仲淡如plain的冰，不要order綿綿冰❄️❄️

朋友生日食個糖水慶祝下今日好好彩唔使點等位平日都要等成30分鐘3個人不約而同咁叫左Summer平時我都好少叫Summer唔知點解今日特別想食不過可天氣熱雪糕溶得好快

同Daddy跟仔仔去完游水，外面天氣熱得很，皮膚曬黑咗唔少！鳴因為太熱，喺商場涼陣冷氣，Danny提議食糖水，去咗就腳嘅松記🔆平時多數會食西米露涼粉之類嘅糖水，刨冰類會喺我今次首選，實在好需要解喝降温🍨🤒🍭 鮮雜果杯杯冰🔸️忌廉奶+芒汁+士多啤梨醬，配料有紅豆，芒果，西瓜🍉 奇異果🥝等Cool 好冰凍~味道大致上也ok可以一解暑氣☀️🍧榴槤綿綿冰▶️配料加上椰果同爆珠，有朱古力䊢在榴槤綿綿冰上，我甚少食榴槤，呢款唔覺有大陣榴槤味，所以我都受得到食咗少少 老公話嗅同食都唔感覺到榴槤香味，只喺食到綿綿冰，對於鍾情榴槤之香人仕，呢款未必能滿足到🤔🍭芒果雪糕班戟 呢個班戟皮算薄，芒果雪糕就一般， 班戟面食到啖啖忌廉同芒果肉，質感柔軟，美中不足喺芒果肉唔夠甜原來將軍澳寶琳店嘅松記巳經開咗六年，食滿$60再like佢哋facebook，就會贈送(雷沙湯圓送你食)優惠券一張，限一個月期，下次可以嚟食過用埋呢個優惠

我唔係第一次叫外賣，我叫幻彩明珠走涼粉，不嬲都會俾返多啲大西米，點知一打開得一半多啲，唔知以為俾人食過，得大概10粒大西米，簡直係呃錢，水果就得西瓜同茫果簡直係偷工減料！！佐敦果間都唔係咁，咩事呢請問

記得以前到深水埗食松記，食一碗Summer都係17蚊，但係依家食一碗就要成3x蚊，其實食糖水真係好貴。價錢就不斷加，但食物嘅質素就一般啦。今日黎到松記，都係依舊叫summer,仲可以自己揀兩種口味嘅雪糕，我就揀咗芒果同曲奇。summer依然有多種唔同口味嘅水果，水果份量算多，算新鮮同清甜，芒果味雪糕一般，冇特別冇驚喜。我個人覺得曲奇味比較好食，有啲曲奇碎，唔錯。另外， like佢哋嘅Facebook仲會送雷沙湯丸， 但係可惜要下一次先可以用，其實如果有心就即刻like完住即刻送啦，又點解要人哋下次幫襯先得呢，孤寒！

今日突然想去食糖水 🥥🥥🥥於是乎就同兩個小朋友到附近糖水舖食個糖水🎉🎉🎉🎉🎉🎉🎉🎉就黎到松記糖水鋪可能系4/5點時間和天氣無甘好 落雨 🌧🌧🌧🌧🌧🌧🌧🌧比較靜 入到去叫左兩個糖水唔洗5分鐘就有野食 😋😋😋😋可能係帶左小朋友去埋單時店員話帶住小朋友有9折👍👍👍👍👍👍好窩心 😘😘😘椰皇香芋小丸子一塊塊芋頭咬落去好有嚼口~唔會煮得太淋咬落去啖啖芋頭香味西米唔會煮到一舊舊粒粒分明 👍👍👍👍另外D汁椰香味好濃🥥🥥🥥🥥鮮雜果雙色綿綿冰綿綿冰選左 士多啤梨+芒果配料 OREO碎+爆珠醬料 士多啤梨汁綿綿冰好正好滑裡面新鮮水果有西瓜 芒果 蜜瓜………😘😘

已經好耐冇食過松記，估唔到一食就有新驚喜。今次試呢個叫「奇趣奶凍」，係曲奇既奇，即係oreo。下面係奶凍，好滑好軟，上面有滿滿既oreo餅碎同三塊mini oreo。雖然細細兜，女仔食岩岩好，吾會覺得heavy，同埋對於我呢啲好中意食oreo既人黎講係大滿足啊

👁‍🗨 椰皇香芒小丸子 💲46見個椰皇香芒小丸子係熱賣版上，所以決定試下😂但係唔知係咪店員聽錯或者落錯單，無啦啦比左個椰皇芋頭小丸子我，但係因為我唔太鍾意一大舊一大舊既芋頭，所以要求廚房再整，好彩就算人多，佢都即刻幫我重整返岩既😖呢個既芒果同椰果都算甜，下面仲有好多西米，食落好有咬口😝但可惜椰汁味唔夠濃，就算自己後尾刮埋椰皇肉都唔係好夠味🥥小丸子就比較硬身，唔夠煙韌呢🔛 整體評分（6/10）

食完飯夜嗎嗎，想食個糖水坐多陣，附近嘅聰嫂同小方糖都好多人，而松記仲有得即刻入，10個位添呢度嘅menu都轉過鮮芒果雪糕大明珠，份量唔多，大大粒西米幾有咬口雪糕味揀咗芒果，味道唔會假，啲鮮芒果都有少少酸，然後啲芒汁都帶微酸，如果可以較稀較多汁(椰汁)就好雲石豆腐花加芋圓其實即係黑芝麻豆花，豆味重都幾香滑，好似食緊芝麻糊同豆花嘅混合體芋圓如果可以再多啲就好雜果豆腐花都有幾多椰汁，啲材料較豐富，多到滿瀉