CK Bistro (Closed)

好大碟 食物有水準 價錢合理 難得樣樣都出色 近近地食到有水準既西餐！哩次生日午餐 連呀囝都話超好食！😋同埋好貼心 幫小朋友預備我地最愛既角落生物兒童餐具🤩加分！而且廚師仲要係五星級酒店得獎西廚！令人覺得更有信心！就算無夜晚堂食 都有外賣自取同到會 有得諗！😁凱撒沙律：菜夠乾身 食落爽口炸薯條魚塊：熱辣辣 好脆口(呀囝密密食左半兜😋）烤雞配豬仔骨：JUICY又滑 配蒜頭粒(食落好似薯蓉）拿破崙肉醬意粉：麵質有咬口 醬+肉+芝士 一d都唔漏 好岩我口味

咁啱喺附近做嘢想食西餐見到呢間小店，就試吓啦！叫咗佢午餐一個紅酒燉牛肉同埋燒雞。一上個餐湯已經好驚喜，個羅宋湯啲料仲多過啲湯，味道非常濃郁，完全唔係普通餐廳貨色。紅酒牛肉配薯蓉，熱辣辣醬汁濃厚不特止，牛肉仲燉得非常淋滑，薯蓉又好滑。燒雞簡直就係誠意之作，一次切落去啲肉汁流晒出嚟，伴碟嘅小西蘭花同焗蒜，南瓜，薯條都好好味😋價錢仲要好抵食！等疫情限聚令過咗之後，一定再嚟試吓佢主餐牌啲嘢！Ps..順帶一提我去食飯都會留意個廁所，最怕嗰啲地下濕粒粒污糟邋遢一浸味嗰啲，佢個廁所係10分清潔乾淨😉加分！

之前都黎過呢間舖頭食過，但今次食應該轉左人，食物和服務皆有大進步😃舖頭位置不在市中心那邊，比較隱世，裝修格局乾淨舒服至於食物亦高水準，午餐有湯附送，但不是粗製濫造，非常濃味。午點就點左燒春雞，完全係驚喜之作，皮脆有肉汁，好Juicy ，下次會再試埋其他，一定會再幫襯！

好似係啱啱易左手嘅cafe!燒雞餐🐓🐓隻雞好大隻，好juicy，唔會乾爭爭，烤得啱啱好！！！伴菜超足料，原個烤蒜，烤南瓜，個菜仲要係BB西蘭花🥦 (平時一田買都唔平）！！個烤蒜無澀味，有時酒店都未必間間做到，好好食！！$80 蚊，包飲品☕️！呢個價錢無得輸！性價比極高！！😋😋😋😋見到隔離枱d豬仔骨同意粉🍝都好👌🏻！下次要再試！