十二味不只是烤魚 (Closed)

好難成日返深圳但又心思思想食烤魚食過好多間都起碼$300以上呢間清江魚$258 大約重三磅寬粉$22 萵筍$22揀咗招牌麻辣味 因為條魚咁大所以唔敢叫太多配料同家姐兩個人食到超飽 魚肉好滑 比較少骨辣度適中啱晒香港人蔥油拌麵$38見呢排咁hit蔥油拌麵梗係要叫啦 我鍾意個麵質 唔會太淋 配上蔥油好香口桂花冰釀 $28呢個因為有酒嘅成份未必人人都鍾意 桂花味好濃郁酸梅湯大杯到解辣又解渴 食辣野必備呢度啲職員服務態度仲好好 晚市爆滿 想食最好book位

朋友介紹來試試這個烤魚，這店可以用手機點餐，方便快捷，沒有漏單情況。我們點了較少魚骨的江團魚，加了寛粉、金菇、豆皮及娃娃菜。有不少香味配菜，明爐烤魚，魚肉鮮嫩（我覺得有小小微腥味，但同行朋友唔覺），其他配料新鮮，配料吸滿了魚湯味道不錯。另外點了招牌香鍋，萵筍、蓮藕片、土豆及木耳。夠鑊氣材料爽口，味道香辣（目測👀每一枱都有叫香鍋）絕對稱得上係招牌菜！食熱氣野當然要飲番杯清涼飲品降下溫啦！桂花冰釀味道微甜，有酒釀及桂花清香，值得一試！欲望酸梅，大大杯又好味，夠晒消暑解渴！整體味道唔錯，下次可以同多幾個朋友嚟，試多幾款菜式！

四川烤魚店越開越多，尤其係十二味集團今日黎到紅磡呢頭做野，同同事一齊試下呢間十二味餐廳要用wechat去點餐，同埋店員大部分都係講普通話要左一杯桂花冰釀一杯酸梅湯，個人極力推介桂花冰釀，好好味好似飲緊桂花酒釀丸子咁😂我地要左清江魚，冇乜骨好多肉，有少少腥味，不過麻辣味絕對cum得走👍🏻配料要左木耳薯仔片寬粉萵筍豆腐午餐肉，全部份量都好多，食極都食唔完 麻辣要左小辣都越浸越辣！味道都接近係大陸食嘅不過餐廳唔只淨係做烤魚，下次再試下佢其他川菜

最近又記起重慶嘅生活， 當年遊歷重慶武隆， 在當地嘗試了正宗的重慶烤魚， 至今仍回味無窮，相當難忘。適逢今日路過紅磡， 陣間充滿中國色彩的店舖， 正正是打著烤魚的旗號， 試問我又怎能不去試試呢。一行二人點了一條經典辣味烤清江魚， 之前從未聽過這種品種的魚類， 最意想不到的就是清江魚的肉非常多， 我二人之力也完全吃不完！經典辣味非常出色， 雖然只是 微辣， 但是 咸鮮味很出， 相當惹味。還點了炸響鈴 和萵筍， 為這一餐烤魚加了不少分數。

平時的烤魚，只會想起大陸的探魚，有得朋友介紹，原來香港都有間烤魚好出名的:十二味不只是烤魚所以晚上就同HONEY一同去到食，思念一下，一去到，店舖外也有烤魚的味道~~入到去，職員說明可以用WECHAT點單，之後我同HONEY點了麻辣烤魚小辣，一杯熱情果梳打，加一份豆皮同埋蓮藕，同埋叫埋么妹兒冰粉，熱情果梳打熱情果梳打大大杯，20幾蚊真的好抵飲，味道唔差，麻辣烤魚(鯇魚)小辣來了，上到來有埋豆皮同埋蓮藕，真的做到麻辣的味道，湯底又濃味，鯇魚好大條，我同HONEY真的食到飽到上心口，真的好大條，另外豆皮同埋蓮藕吸收曬D汁，真的愈食愈想食，么妹兒冰粉么妹兒冰粉真的食完辣野的最佳甜品，白色版的涼粉，加埋桂花的香味，真的同HONEY爭住食~整體來說十二味不只是烤魚真的可以唔駁返大陞，都可以來食頂癮一下。

其實👦🏻係魚痴🙈相信好多人同👦🏻一樣間唔中番上去都會食下烤魚、酸菜魚......，但其實係咪一定要番去先食得呢？原來唔係既，於是又約埋餓底朋友一齊搵食啦🤤大家都好似十日無食飯咁，叫左幾多野食🙈分別有烤江團魚、酸菜魚、涼拌土豆絲、寬粉、響鈴、蔥油拌麵、白蘿蔔、薯仔片、萵筍、海帶、蓮藕片&唐生菜，仲有叫左柚子茶、桂花冰釀、熱情果梳打。👦🏻就鐘意食酸菜魚同蔥油拌麵，其實今次係👦🏻第一次食酸菜魚，魚既肉質好滑，酸味亦都好足夠，加埋薯粉，👦🏻食完一碗接一碗；而蔥油拌麵就蔥味好香，麵質唔會過淋，就算用油拌都唔會過油，值得一讚。👧🏻就鐘意食烤魚同萵筍，烤魚既味道無大陸咁死咸，而且味道都無咁濃郁，岩香港人多啲，而今次揀既江團魚，肉質比較爽口，魚肉都幾多，份量都幾夠；而萵筍其實係👦🏻👧🏻近期最愛，每次打邊爐都必點，不過記住一定要煮得夠淋先好食🙈每次都會透過以下6大方面評分(滿分:30分)味道 : 3.75 / 5環境 : 3.5 / 5外觀 : 3.75 / 5價錢 : 3.25 / 5服務 : 3.5 / 5 回頭率 : 3.5 / 5總分 : 21.25 / 30性價比：雖然香港終於有烤魚食，但始終

收工近近地打算是但食飽就返家休息，點知有意外驚喜？ 查實每次經過餐廳門口見到招牌寫住「不只是烤魚」都好想去試下，今次終於有機會一錫香魚。同朋友一致同意叫招牌香辣烤魚（228$）餐單有好幾款魚揀不過今次就挑戰咗鯇魚（怕多骨嘅朋友可以揀桂花魚, 店員推介無咁多骨）辣味方面：唔多食得辣但又心思思想辣下就點咗小辣一上枱條魚好巨。。。連朋友都忍唔住拎起相機食先！建議多D人一齊去可以食多D唔同既配料。我地二人行就只係叫咗寬粉同萵筍喇！最佳配搭無得輸，寬粉吸哂啲精華！辣味提升！不得了！ 辣辣地當然要叫飲品解下渴！桂花冰釀：用料好足有三份一嘅桂花係杯內，飲落桂花味道好清香。而朋友個杯係熱情果梳打，梳打大大杯，入面有好多熱情果籽唔會太甜剛剛好，有啲喜出望外飲品都咁出色。甜品唔小得紅糖糍粑（本人好喜歡食糍粑），不過有小小失望係今次個糍粑比較軟身，可能太過心急即刻食啦，所以食落好軟糯。整體黎講，食品份量好足，點嘅菜每款都相當滿意，價錢唔算太貴，每人200$有找，餐廳環境唔會太迫最啱同朋友一定大細齊齊去食。

👁‍🗨 蒜香味烤清江魚 (7/10)💲 258之前試過吾錯，今次就帶朋友離食下，同樣地揀左蒜香同清江魚，配菜方面就要左寬粉，油麥菜，金菇🤤不過今次既蒜味吾係好出，就算食哂都吾係太感受倒蒜味😯係金菇同寬粉先較為有微微蒜香，比起上次，遜色左啲😖兩個人食夠哂飽，條魚相當大，不過味道整體係吾錯既，夠惹味，的確可以頂下想食烤魚既癮，吾洗等番大陸先有得食，有機會要試埋醬香味先得🤡🔛 整體評分（7/10)

好喜愛食烤魚，今晚心思思又想食，同事介紹我黎十二味不止是烤魚，烤魚我來了一進店內已聞到非常濃郁的麻辣香味，令人食指大動，垂涎欲滴烤魚可自選味道和魚類，味道有5款選擇: 招牌香辣味，經典麻辣味，老壇酸菜味，金牌蒜香味和醬香味，而魚類有鯇魚，清冮魚，江團魚和桂花魚揀今晚我揀左經典麻辣味配清江魚$258~烤魚和配菜用一個大盤盛着，下面放上爉燭一直熱著盤魚，令烤魚和所有配菜更入味，用上大量的芽菜，芫荽，花椒，辣椒和湖南剪椒作配料，麻辣的香味撲鼻而來，未吃而感受到那種刺激感清江魚好大條，大約有3磅的重量，肉質比較結實，骨好少，真係啖啖肉，某些部份更是非常嫩滑，整條魚沁透着麻辣的味道，非常惹味，一吃已是欲罷不能，好美味呀寬粉$22~晶螢通透，索滿辣汁滋味無比鮮豆皮$22~豆味濃郁，口感厚實有咬口蒿筍$22~我比較喜愛腍的蒿筍，麻辣味浸入整塊蒿筍，好好味熱情果梳打$28~熱情果味非常濃郁，酸酸甜甜的，又清涼又解辣，正

講起烤魚 大家都唔陌生 通常都係返深圳 返大陸玩既熱門菜式之一其實大家唔洗去咁遠食 就近近地 紅磡巳經有一間好出名既烤魚🐟 一於約埋朋友一齊去試下先😘由於店鋪座位有限 建議大家打黎訂位 就唔洗等咁耐啦烤魚既魚類種類 都有得提供俾大家選擇 包括鯇魚 清江魚 桂花魚 同埋江團魚當然 好似我呢d怕幼魚骨人士 可以揀d 少魚骨魚 今次揀左江團魚 啖啖肉既魚 正👍🏻估唔到連辣度都有得揀 由於大家都唔係太食得辣 所以揀左 少辣就夠條魚一上枱 就巳經嚇親魚 真係十分夠份量 好大條 足足有成個盤咁長2個人食哂條魚 應該巳經好夠飽了魚皮因該預先烤過既關係 好惹味😚皮就微微焗過 好脆口 但肉質就保持到鮮嫩 好滑口口感一流食到停唔到口👏🏻配料款式都有好多 可以加落烤魚入面 吸收魚既精華鵝場碌一碌就食得 太耐會老好好味 推薦🥳好爽口 彈牙兼且好吸到魚湯味 😚飲品方面 份量大得驚人 好少見酸梅湯會另加檸檬🍋 好新穎好重桂花味 🤗終於唔洗去到大陸咁遠 都食到好味既酸菜魚

今晚我來這裡慶祝我朋友的生日。這家位於whampoa的商店設有團體座位，可容納8至10人。食物非常好，尤其是辛辣的魚，用辣椒醬蒸烤，烤土豆。飲料比平常略貴。但服務非常好，食物也很有效。

烤魚呢個熱潮其實都有一陣子，食過好幾間，最喜歡都係呢度 - 「十二味不只是烤魚」首先環境已經俾好多烤魚店乾淨企理，餐廳整潔對我黎講都幾重要，另一重點就當然要食物質素高啦媽媽未食過烤魚，所以就算LUNCH我都決定要叫烤魚俾佢試下，其實同打邊爐一樣，可以揀好多食材去配襯金牌蒜香清江魚 ($258)媽咪唔係咁食得辣，所以就叫左金牌蒜香湯底，面頭有量炸蒜，好惹味，大清江魚全部都係大骨，又多肉，而且肉質繳滑，用黎做烤魚就岩曬白飯 ($12)、娃娃菜 ($22)、嫩豆腐 ($10)我覺得食烤魚最襯就係白飯，因為可以用湯汁撈飯真係好正，兩個人另外再叫豆腐同菜都已經好足夠嚕媽咪食過之後都話好滿意，話我無介紹錯呀~

今日夜晚同女朋友一齊食烤魚 由於今次係第一次食烤魚 所以有d期望叫左個清團魚 聽服務員講無咁多骨 岩曬我加左肥牛 炸響鈴 娃娃菜 寬粉 做配料先講左條魚先 好大條 無猩味 肉好滑 正個湯都幾辣 （雖然佢叫小辣）幾野味D配料都係唔加入去一齊煮既 除左寬粉 好似打邊爐咁寬粉略少 間間川菜館都有呢個問題肥牛好食 有牛味 唔係個d又肥又無味既平價貨娃娃菜新鮮 擺入去煮完 加d湯 好好食 好辣響鈴脆既 唔會好似d自助火鍋店咁整到濕曬服務態度幾好 環境又乾淨 係價錢有些少貴 298一條魚加個爐其實佢條魚真係太大條 我地兩個人食唔曬 如果有得叫半份或細條d便返50蚊左右就超級抵食 又唔會浪費食物！

好耐無去食呢間嘅烤魚，難得放假同家人一齊食。一去到見到全店由年青店員變哂全部大媽已心知不妙，不過一場嚟到都係想食烤魚嘅。咁就嗌咗一條麻辣清江魚，夫妻肺片，同埋酸菜魚。夫妻肺片- 還可以🙂酸菜魚- 係一個驚喜😋麻辣清江魚 - 難食到爆😱😱😱😱😱😱未試過食一條咁難食嘅魚，d肉實到好似豬肉咁。問店員條魚點解咁實，佢就亂咁答我。轉頭又轉第二個大媽講普通話答我地講噚日都無魚嚟，我地都唔知佢up乜。好奇怪一間烤魚店講自己舖頭無魚買。不會再回頭一。

🔎紅磡紅磡灣中心21號地舖*「十二味不只是烤魚」-唔食辣烤魚店都有得選擇！.近年不少香港人為咗一味「烤魚」北上，但個個都北上，你估個個都有時間北上咩！？所以見到有朋友網上po香港都有烤魚食，而且份量足又好味，即刻問問邊間咁好。呢間位置紅磡同黃埔站中間點「十二味不只是烤魚」，黃埔站出都是行幾分鐘就到，位置尚算方便。光顧時間是周六晚上6點幾，食店已經半滿，由於訂了枱，所以獲安排4人座位，相當闊落。叫得呢個名，店內裝飾及餐具都好多魚嘅元素。一心來到吃烤魚，發現單是魚都有幾種選擇：鯇魚、清江魚、桂花魚及江團魚，價格亦有分別，我哋選擇咗鯇魚($228/條)，由於怕辣，所以點咗醬香味。配料方面選擇都唔少，我們叫咗一碟加拿大肥牛($68)、牛栢葉($38)、一碟娃娃菜($22)，以及一杯熱情果梳打($28)。先說主角烤魚，一上枱已經嚇親「嘩，咁大條嘅！？」，份量相當充足，女生的話4至5人都夠吃，而且鯇魚先烤過，魚皮香口，魚肉鮮滑，魚腩部位啖啖肉，沾上醬香，味道有點甜，又不致太咸口，所以唔食辣嘅人，去烤魚店都可以有選擇！等咗一陣就滾起了。配料方面，加拿大肥牛的脂肪及肉分佈