會所1號 港灣皇宴 (Closed)

粵放題 $196 半任食中餐幾高質，六點入座，九點Last Order，可以食到十點半離座。基本每人「送」一隻鮑魚，半隻龍蝦，翅（或燉湯），半隻乳鴿同Movenpick雪糕（或芒果布甸）。限量食材雖然唔算特別出色，但可以接受。任點任食有32款前菜及主食，不過建議開頭唔駛點太多，因為基本送的四款限定食材上餐好快，其中乳鴿龍蝦又要趁熱食，食完再叫唔駛急。即使無飯落肚都肯定捧著肚走， 其實都試唔晒每款菜式，因為每碟份量幾大，以一枱四人分享食，今晚只係試左大概一半菜式，唯一伏伏地係四川口水雞，凍到結冰。我推薦滷水牛𦟌，丹麥叉燒，草莓蝦球，黑松露元貝炒滑蛋，柚子雞翼，椒鹽一口豆腐，乾煸四季豆及青瓜海蜇，真係有Encore！另外見到外甥女個兒童餐有個豐富定食盒，其中一格係黯然銷魂飯！有驚喜！今晚中秋長假前夕都坐唔滿半場客，四人限聚令下，小弟今年第一餐家族聚餐擺六圍，食完圍埋傾下偈都唔怕嘈到其他人。

位於九龍灣宏照道38號Megabox 13樓的會所一號 港灣皇宴，除了是婚宴場地，還會提供晚市粵菜放題。平日星期一至五的價錢較為實惠，加一後大約二百三十元一位。小童加一後，約一百四十元一位，而且會有一客豐富的兒童拼盤。粵菜放題在晚上六時開始入座，晚上九時截單，吃至晚上十時半。用餐的時間相當多，可以慢慢吃，不會太趕。每位客人都會送五款熱門菜式，龍蝦、鮑魚、燒乳鴿、一客燉湯，和一份甜品。。金銀蒜蒸波士頓龍蝦 - 半隻龍蝦要襯熱吃，質感彈牙肉厚。蠔皇生扣鮑魚鮑魚頗有嚼勁，而且蠔油醬汁味濃，旁邊還加了西蘭花作伴菜，伴菜烚得軟硬適中。蟲草花響螺燉老雞熱騰騰的燉湯味道相當濃厚滋補，能飲到老雞和蟲草花的味道。除了每位客人必送的小菜，還有三十多款小菜可以任點任叫，有前菜類別、小菜類別以及健康蔬菜類別。。每碟小菜的份量頗為多，相當抵食，建議每次點四至五款，不夠再加點。個人最愛的小菜為丹麥叉燒，瘦叉燒的肉質不會太過嚡口和韌，蜜汁和叉燒肉配搭得天衣無縫。朋友是健康之人，所以點了 紫薯山藥浸時蔬，吃了不少肉類，吃一口清新的時蔬，平衡一下。另外，青瓜海蜇、XO醬炒蚌柳的味道也頗為不錯。甜品則可以選擇 Moven

我係一個鐘意食中菜多過西餐既人 不過市面以中菜為主的BUFFET 真係唔多 難得Club ONE 有呢個idea , 而且價錢又抵食，即管去試試位於Ｍega Box 的Club ONE, 對我黎講好方便, 人流又唔算多，當然係我首選之地呢間Club ONE 佔左成層，有2邊宴會廳，地方極之廣闊入門口前，當然要做番D防疫措施。員工都戴哂口罩 好認真地探大家量體溫同消毒，絕對唔馬虎場內可見每張枱與枱之間都相隔甚遠，每枱食客都保持一定距離呢間Mega Box 分店的樓底非常高，空間感非常好 而且仲有一邊落地玻璃窗，入席時六點幾，還有夕陽陪伴進餐呢~今日呢個中式放題價錢好抵食，平日都HKD196，假期都係HKD 224   小朋友更係 HKD110 ，並送兒童拼盤 $196 有咩食？ 每位送逾$400既回本熱門菜式 更有任食30款精選菜式 真係食5款熱門菜式都已經賺左啦~坐低無耐，5款菜式就自動波登場啦~第一款，每位都可以揀一個湯或翅濃湯竹笙大碗翅 翅都幾足料架，真係見到一梳梳翅~ 仲有翅裙 個奶白色的湯底非常濃郁，令到入口的每一啖翅都味道豐富蟲草花響螺燉老雞雖然望落湯底好

之前我們選了CLUBONE 做婚宴場地，送左$100優惠及一年會藉。得知最近CLUBONE有兩間分店都做粵菜放題，周日會員價8折後$224 ~重點坐得舒適又不限時!CLUBONE場地主力做婚宴酒席，環境方面絕對夠開揚舒適。今晚就被安排坐在窗邊位置，晚上6時太陽還未下山時就會有一點辛苦。星期一至五會員價7折後$196星期六日及公眾假期會員價8折後$224 成人每位送金銀蒜波士頓龍蝦(半隻)、蠔皇生扣鮑魚(1隻)、燒乳鴿 (半隻) 、蟲草花響螺燉老雞/濃湯花膠大碗翅 (1盅) 、Movenpick雪糕/芒果布甸一客。 另有超過30款任點小菜 (即叫即做)燒乳鴿一開二，望落都幾大隻，食落唔乾柴。唯乳鴿肉較薄、偏瘦少點。蠔皇生扣鮑魚上碟熱辣辣，鮑魚炆得入味彈牙。濃湯花膠大碗翅 看相片都知足料，飲落湯頭濃郁。蟲草花響螺燉老雞有雞、瘦肉 同樣足料、湯底清但味道天然濃郁。金銀蒜波士頓龍蝦肉質夠爽彈、好香蒜蓉味，龍蝦鉗部分都厚肉。要注意每道小菜份量真的不少，第一次係唔知道情況下都叫多左。抵讚的是每道前菜上碟都夠凍、而小菜每碟上菜都是熱辣辣無因為放題形式而質素馬虎、實屬難得。陳醋雲耳青瓜海蜇雞絲粉皮滷水

小菜任食放題@會所1號 港灣皇宴 ClubONE The BayShop 2-3, 13/F, Megabox, 38 Wang Chiu Road, Kowloon Bay九龍灣宏照道38號Megabox 13樓2-3號舖中菜好小見過做任食放題, 因為成本高, 估唔到ClubONE 晚市都有任食, 本身我就好鐘意食他們出品的點心, 即刻BOOK位假日去食。星期一到五,只要兩個人去就有7折$196，小童$110（六日$224,小童$126）, 原價其實都好抵已經有幾十款小炒小菜, 而家仲要每人送半隻蒜蒸波士頓龍蝦,好多蒜味道十足, 燒鹽香乳鴿半隻表皮掃了點蜜汁，唔死鹹幾好味。 ,蠔皇生扣鮮鮑魚彈牙有咬口, 蟲草花響螺燉老雞 或 濃湯竹笙大碗翅，湯頭濃鹹落足料，我碗湯好多肉塊。 +MOVENPICK ICE CREAM , 只係食以上已經返本啦。小童仲有專屬兒童便當盒小食前菜ORDER青瓜海蜇加了麻油,陳醋雲耳, 夏天無食慾, 酸酸甜甜打開胃口沙薑豬手豬皮QQ的,沙薑味好重又燒係好出名, 蜜味夠曬突出, 肉用了比較多脂肪位置,好JUICY XO醬炒蚌同係夠鑊木氣之作, 如果有啤酒配就完美

星期日又去飲茶，今次去咗九龍灣Megabox 的 ClubOne The bay, 這裏環境高雅，地方寛濶，單邊一列落地大玻璃，盡覽九龍灣，舞台上有極大銀幕，場面豪華；坐低叫了很多點心，一邊吃一邊欣賞外面風景；今次特別想推薦幾款值得一試的點心：四川口水雞，夠辣夠味，喜歡吃辣的不容錯過👍🏼，脆口蒜蓉春卷、美味咸水角，這兩款雖然是一般廣東點心，但廚師手藝了得，加上精緻放盤，即刻急不及待要吃，還差把嘴燙親😅，最後叫了瑤柱蛋白炒飯和壽桃甜品，好味

鐵板叉燒叉燒食得多，但用鐵板上菜就第一次，好特別，仲只係$68花膠元貝燉瓜脯勁足料，有圖有真相，但只係$38，出面D燉湯都唔止呢個價仲有兩款Premiere會員限定晚市優惠，下次試埋梨山醬汁骨好大盤肉，好入味，食唔晒要打包黑松露海鮮炆飯第一次見炆飯，一於做勇士。真係炆，飯粒周圍包住湯汁，但如果可以再炆耐DD，飯粒淋DD會更好，有D似西班牙海鮮炒飯既feel野菌紅燒豆腐份量唔細，而且豆腐好好好好好好好好好好好好滑the bay仲推廣緊午市優惠，有1蚊牛肉球，有興趣就黎試下

今晚吹雞約埋班朋友籌夠十二位，一齊試吓呢個皇帝蟹佛跳牆盛宴掛住同朋友傾偈，唔記得同隻沙拉脆皮金豬影相，食晒先想起要影相，所以衹得文字敍述沙拉脆皮金豬：外觀其實同燒乳豬一樣，乳豬皮脆肉嫩，衹係加左d沙律菜伴碟，沙律菜加左沙律醬，入囗就美味好多清蒸原隻活皇帝蟹（約4斤）：好大隻好多肉，肉質鮮甜彈牙，蟹蓋多膏好creamy夏日鮑魚佛跳牆：湯好鮮甜味濃，每人有一隻鮑魚，除左鮑魚還有螺頭、花膠、海參和其他配料西蘭花炒龍躉球：西蘭花爽脆，龍躉肉肉質結實啖啖肉金蒜蒸龍躉骨腩：味道惹味可囗，但冇乜肉會所一号脆皮燒雞：皮脆肉嫩，香滑美味飄香荷葉飯：好香荷葉味，有好多配料鮑汁炆伊麵：伊麵軟滑，味道恰到好處清涼凍糕點：應該係馬蹄紅豆糕，入囗雙重囗感，馬蹄好爽，紅豆好腍，甜度適中呢個餐d餸都幾好，但如果大食嘅人未必夠喉

星期六放假，同朋友去咗九龍灣MegaBox飲茶，呢度地方環境大又可以泊車，所以真係好方便！ 上到去MegaBox之後，見到有好多間酒樓，發現一間新開既Club One The Bay，所以就去咗試下！入到去酒樓環境十分闊落，燈光足夠，枱與枱之間好闊落，坐得好舒服！不過望一望價錢牌，茶位價錢同埋點心價錢泊得住五星級酒店，一d都唔平#街頭腸粉腸粉質素同街邊嘅一般冇分別，腸粉會加上甜醬芝麻醬同埋豉油一齊上，味道可以但價錢太貴#蜜汁叉燒包叉燒包同坊間酒樓食嘅都係大同小異，叉燒醬料足夠，食落熱辣辣#山竹牛肉球牛肉球算係有驚喜，食落好彈牙，肉質鮮甜有咬口，腐竹亦都好入味整體點心質素同一般酒樓冇太大分別，但係價錢實在太貴，唔值得推介

無黎一排MEGA BOX，又有新食肆，位於MEGA BOX 13樓開左Club ONE呢度有2個廳，我今日就去左佢既天際宴會廳 Sky Ballroom 嘆茶點解叫天際，因為真係居高臨下架呢個宴會廳新開無耐，貫徹Club ONE一貫的清新婚宴式設計風格(但飲茶時段整左個動畫椰林樹影 background有D搞笑)整體設計清雅而不俗由台上望落去，可以一眼睇哂成個場架 今日間左板，但問過姐姐，如果全開，呢個場可以擺到40圍~ 真係估佢唔到 而且呢度樓底超高的，感覺好開揚舒服呢度有幾個新既特色點心，仲要限量 我呢D咁鐘意試新野既人，當然要試一試佢呢個咁搞笑既黑色波波係咩？ 佢個名叫烏卒辛~HAHA  其實係竹碳叉燒包黎  個黑色皮係脆脆地，而入面的叉燒更加不得了，好似厚切豚肉咁 同我地平時認知的叉燒飽有少少唔同，但又幾得意同幾好味~呢個一籠一隻既，叫做白裏透紅 透明的皮透出入面的紅菜頭餡平時呢，我就麻麻地鐘意食紅菜頭 但咁樣整紅菜頭真係幾好食，外皮煙韌，內裏爽脆紅菜頭切成薄片仍非常爽口，而且味道夠清新~ 另一款特色小菜 鐵板叉燒 叉燒放在燒熱的鐵板上，上枱時淋上叉燒汁，

食好西，先至有力做嘢。MegaBox開咗間新酒樓，用會所式裝修做招徠，一於去TryTry~呢到好多特色點心，坊間未見過，都幾有諗頭：白裡透紅 係紅菜頭蒸餃 好足料 🔻烏卒辛 唔係黑蠌蟀 係竹碳叉燒包 包皮脆卜卜 叉燒都唔錯🔻蛋黃魚皮 好少酒樓師傅願意整 因為做法都幾複雜 算係心思點心🔻松露野菌餃 Zakit出面食過 呢間都做得唔錯🔻生煎蟹肉包 蟹肉冇咩味 但熱辣辣上碟 一食就知新鮮整起🔻頭抽干炒牛柳河 調味不足 味道好淡 但安格斯牛真係好滑好juicy 勁欣賞🔻蟹籽蝦燒賣、野菌牛柏葉 都可以啦🔻順帶一提，呢到裝修就係好靚，黑金Style配搭好高貴，真係會所咁樣；佢個景觀都好好，好開揚，一啲都唔焗促。