磨坊咖啡室 (Closed)

lee同由朋友發板去lee間食tea buffet，之前無聽人講過，所以無咩期望，當正正常常一餐。海鮮有種：baby blue青口，普通大隻青口，翡翠螺同蝦。我覺得樣樣都OK喎，係青口好似無咁新鮮，而最buy係翡翠螺。因為覺得咁嘅價錢(用HSBC有75折，每人大約115)，都算係咁。之後食熱嘢，好似換個兩轉，約有10-15款啦，大路嘢：雞翼、豬排、炸蝦餅、魚。但有一樣係「雞」啲嘅，竟然係炸魚旦同唔知咩丸，當然無食啦~~魚生只係食到三交魚，但壽司供應唔多，所以都只係食過三交魚一種。有即制漢堡包、窩夫，但無食~~ 雪糕係MOVENPICK，見到有食評話食落唔似係LEE個牌子嘅雪糕，我唔知，但講真味道一般.....其實都OK嘅LEE一餐，咁平，算合格o家啦~~~

其他唔講,剩係講主打菜- 魚生 ---- 係配給的,七時半後, 大半個鐘先出一盤 , 如果唔係其他食客手下留情 , 根本食唔到 . 但七時半前都係要鬥快的 龍蝦仔 和 凍蟹--- 在七時半後, 未見過. 但七時半前都係要鬥快的. 長腳蟹 --- 全晚出得一次, 要快手的. 絕對冇源源不絕. 生蠔 ---- 開頭係配給的, 之後就任食 (自己攞). 本人覺得價錢唔算貴, 但如果早知道樣樣都係配給的話, 免費都唔去........

星期日約齊9人食Tea, 經過隔價專家譚老太查詢好幾間酒店, 終於選擇了尼間又有free parking!3:15 開始至五点$138 HSBC less 25% =117.3刺身:三文魚, 還有幾幾款壽司: 樣靚,但飯大大舊又硬,吃不下頭盤:翡翠螺、青囗、凍煆、當日無蠔Salad Bar: Okay熱盤: 一般平價款式(正常) 一分錢一分食物點心、麵粉.....等等Waffles: 要自己整, 都唔知好玩定 罸企的感覺 居!確實有movenpick雪糕任食? ..種類都算幾多喎. 真的假不了、假的真不了..就問問butt雪糕小姐, 佢話Movenpick紅豆、芒果、杏仁咖啡、士多啤梨、朱古力、雲尼拿大家食過Movenpick Swiss Chocolate 都知內有朱古力碎片啦! Vanilla 有雲尼拿籽、邊有乜乜 紅豆、芒果味架? 同枱班師奶仔仲話要食多幾球潻!Cow Milk Company ?…..有個位置Butt 印尼糖水檔, 再加碎冰我喜歡.總括尼個價錢係正常的食物!

長腳蟹好鮮甜呀, 源源不絕供應, 正! 不過其中我拿了2隻發黑的, 以為係殼的自然色, 拆開原來係變左...生蠔好味雲糕係moviepick, 我食齊4種味, 但奇怪好似唔多似....雲尼拿無籽的老火湯好正, 我飲了3碗中途有侍應推著乳豬到桌前分給食客, 原本好吸引, 但鹹得要命 熱盤無乜特別, 甜品, 得朱古力蛋糕好味, 10款有8款難食, 係我印象中最差的酒店甜品但地點很好, 價錢實惠, 會再幫襯

今次點解揀港威酒店食下午茶,因為經過見到門口塊黑版寫的食物吸引,有生蠔,刺身,壽司,最重要有MOVIE PACK七款雪糕等等.雖然時間短了少許,由3:15分至5:00款式唔算少:海鮮有蝦,生蠔,兩款青口,只是生蠔太過弱少也唔夠鮮味,反倒蝦有驚喜,唔會就貨就價用霉霉的蝦,蝦肉還是很彈牙沙律:有幾款菜,紅腰豆,粟米火腿,薰魚,各樣食物都平平,唔會勁好食又唔致於難食.刺身:三文魚,鯛魚和八爪魚,三款刺身也是專人切的,有一位就切得比較薄的,如果想厚切麻煩開聲說吧.至於三款刺身的味道也平平,無乜魚味的,也唔夠新鮮.前菜魷魚,螺肉夠凍的,只是太鹹,所以不敢吃太多壽司:見過有櫻花魷魚,黃金魷魚,北寄貝三文魚等,尚有兩款太卷.因為經常會轉款,那些壽司飯實在太不濟了,沒醋味之餘仲死實實,由尖沙咀掉過港島區都應該還是原封不動.對這些浪費quota的壽司不吃也罷 熱盤:雜菜,火雞,八爪魚丸,肉丸,蕃茄意粉,薯蓉,咖喱角.炒烏冬,糯米飯,熱盤戀十款,質素平平,薯蓉太實,火雞肉鞋.八爪魚丸粉太厚,八爪魚丸太細粒.咖喱角夠脆和熱,未致於用好味形容.熱盤也相當失色,要推介的款式,對不起沒有.點心:燒賣,牛肉燒賣,生

對於今次第一次的coffee mill下午茶自助餐，評價一般，由於當日有很多人，相信都是因為佢抵食，若對食物沒多要求的，又想填包個肚的話，都可以一到此間，因為價錢都算合理的。1.冷盤﹕青口有沙、蠔無味、凍蝦「梅」，失望2.熱盤﹕牛舌及意式海鮮，好味! 其他包括﹕燒賣、牛肉、奶黃包、三絲炒銀針粉、海鮮炒飯、腸粉、薯蓉，只是一 般 日式餃子，皮硬、餡料「林」 最難食是墨西哥餡餅，皮硬、餡料少 3.沙律吧﹕不錯，因為是自己選料4.甜品﹕意式芝士蛋糕、紐約芝士蛋糕都幾好 最好味是Mövenpick 楓糖合桃、coffee、朱古力、士多啤梨味雪糕﹐好好好味呀!好采有這個Mövenpick雪糕及75折補返數，否則就扣晒分!

約咗個best fd食lunch,最主要傾下計,食下嘢,坐下,慢慢嘆...響openrice serach到呢間lunch buffet,12月睇,做緊citibank card 8折,有蠔食,就試下啦...首先我係12月尾打電話去book 1 月,聽電話嘅男仔好有禮貌,咁我就double confirm citibank card係咪有8折,點知佢好好咁話: 係呀,不過見你book 1月份,1月1號之後可以去openrice download 75折coupon,原本8折都去,而家仲有75折,good啦...即刻加分當日去到之後,先知自己大頭蝦唔記得帶coupon又唔記得帶card算啦,己經坐低咗,照俾正價啦...環境就一般,不過都乾淨,整整齊齊,食足2.5個鍾,期間侍應加水,收碟速度ok,食完埋單喇,個侍應問我係咪有coupon,我話唔記得帶,佢竟然好好咁話: 唔緊要吖,我照計返75折俾你吖...好好呀,所以一定會有下次介紹埋d嘢食先>>>

今日是男友的生日 所以特意前幾天找下邊間酒店的buffet好吃, search了好多間之後比coffee mill吸引了, 因為之前的食評話連tea buffet都會有生蠔架...而且仲會有movenpick雪糕任食添..所以抱住半信半疑的心態book了位.現在就講講我吃完的感覺啦! 首先我一入去當然望下有咩食啦...原來真係有生蠔架...無講大話架..服務員還會refill添而且確實有movenpick雪糕任吃架 仲有剌身,熱葷,甜品,沙津,等等..種類都算幾多喎..真係唔似係吃tea buffet咁囉..不過唯一個缺點係時間太短了.由3:15-5:00對本人來說確實比較趕呢..如果d時間可以加長dd就好啦..不過都吃得好滿足.而且佢地d服務員的服務幾好啊.好有禮貌,換碟又快,加水都幾快所以總括來說.今次的評分是90分.下次等我再試埋其他時段的buffet先.

好耐冇假放的老公今日意外得到一天假,於是就去食我最鍾意的酒店buffet 啦~本來要去佐敦的逸東酒店食既,打電話去訂位竟然lunch同dinner全部full晒平日都咁好生意冇辦法只好揾過第二間,上OR睇到尼間好似都唔錯!個職員話今日都幾full只剩門口座位,坐門口就坐門口啦!最緊要係有好0野食就好了~12點幾去到其實門口位都幾好,自成一局幾安靜裡邊人多又有人慶祝比較吵小小,我地既座位旁邊又有一池錦鯉可以睇佢地游來游去都幾悠閒.都係講返有咩食物食:湯:菜亁排骨湯.南瓜湯,麵包種類5種以上我食左一種,咀嚼下好香小麥味忍唔住食左2個刺身.壽司:三文魚.八爪魚.吞拿魚.鱆紅魚.什錦壽司 冷盤:生蠔.螺.凍蝦.青口.淡菜.煙三文魚.另一種唔知咩黑胡椒煙白魚.薄片肉腸,3種切片芝士熱盤:中式炒牛肉.咕咾肉.甜豆炒蝦仁.西芹炒墨魚.肉醬意粉.白汁青口.燉羊肉.火雞肉.煎魚片.咖哩牛肉.青咖哩.紅咖哩.蒸魚塊.白汁疏菜.焗薯角.即煮粉面檔,螺肉鮮甜.焗酥皮三文魚好味沙律:生菜沙律.薯仔沙律.橄欖芝士茄仔沙律.蕃茄亁,生菜新鮮種類多甜品:木糠布甸.楊枝甘露布甸.藍梅芝士蛋糕.朱古力慕斯.栗子蛋糕.熱

這間的服務態度~~讚！不止侍應、廚師，連洗手間內的"啊姐"都好好服務， 而且有時有d侍應會拎住d食物或甜品行過黎問你食唔食。 原本我睇食評個陣，覺得d甜品係呢間店既賣點，但係我就覺得，甜品反而一般，好普通 既蛋糕，不過d水果唔錯，侍應送黎既心太軟都唔錯。 壽司同長腳蟹都係比想像中既差，而生蠔有少少腥同有沙，大闡蟹細隻，不過夠熱。 中華沙律等小食不錯。罐內的餅乾只吃過綠色同粉紅色，綠色脆，係薄荷味道，而粉紅色 好甜，不過唔脆，幾好的。 螺，羊扒，仲有餅乾~~讚！ 餅乾可以隨自己喜愛而加，芝士、芝士碎、脆包等等… 最後雪糕，最好就唔好食開心果味雪糕，因為真係好難食，好似藥水味， 青檸同芒果味就好酸，最好味我覺得係士多啤梨味。

出到尖沙咀已是下午了,經過酒店門囗的黑板上寫著下午茶芒穿秋水自助餐,有7款味道的movenpick Ice cream,滙豐信用咭有七五折, 就因為尼兩句說話就行落去Coffee Mill食Tea Buffet $138,就坐近自助餐枱旁邊的二人枱, 意外驚喜居然下午茶有生蠔(沒有食), 刺身(還可以,但兼不夠肥美),壽司(樣貌不差,Okay)沙律Bar 出色有articoke & dry tomoto, french bean 其它蔬菜也新鮮。熱盤是一般平價食物: 如煎蔔白糕、咖哩魚蛋、雞尾腸、日式八爪魚丸(爛容容)、白汁意粉、炒棷菜、炒飯、炒麵、牛肉点心、馬拉糕、雞包仔、雞翼、甜品主題:芒穿秋水 果然出色,多款的芒果甜品好味值得讚........還有朱古力噴泉，自製窝夫等, 7款Movenpick雪糕,但其怪Movenpick瑞士朱古力雪糕應該有朱古力碎片,但尼到無喎,Movenpick仲有芒果味潻喎,係咪尼個品牌特別為今次芒果主題做尼隻味道雪糕呢?我很好奇! 因此埋單時就問剛才帶我入坐的門口服務員,貴公司7款味道雪糕係咪都係Movenpick, 佢答系牙!(?????)總括以尼個

星期日去港威酒店磨坊咖啡室食自助午餐，餐廳地方不算大，但係都幾舒適。食物方面：冷盤有：三文魚生、吞拿魚生、八爪魚、凍蝦、龍蝦鉗、青口。 翡翠螺、長腳蟹、生蠔、什錦壽司、煙三文魚。 熱食有：炒硯、青蒸班塊、當歸雞翼、燒牛肉、生炒排骨。 焗蟹蓋、咖哩蟹、燒羊扒、會牛、蔬菜、田雞腿。 甜品有：豆腐花、綠豆沙、多款蛋糕、雪糕。 其他有：自選泰式湯粉、麵、沙律、中湯、西湯。 食物味道： 燒牛肉過得去、龍蝦鉗普通、長腳蟹好咸、翡翠螺鮮甜、青蒸班塊好味。 還有期他菜式，選擇也算多， 其他食物味道都OK，補充也很快。侍應服務十分好，主動問要什麼餐飲，問食物是否合口味，可以給他們一些意

那次食評想不到，現在才記得要打出來，真的一次令人難忘的自助餐！因為太遲予約坐位既關係，所以變成要坐對面的林柏軒餐廳！雖然環境幾好可惜主要自助餐的食物都放在對面，結果整餐飯都要不停來來回回兩間餐廳！而且磨坊咖啡室那邊坐位很多食客都多，拎食物的位置卻不是很大，但偏偏要兩間餐廳的客人迫在那個位置你爭我奪方式來拎食物辛苦到不得了！其實林柏軒餐廳都有放少量食品出來供客人提取（主要是沙律和三文治之類的小食）如果要拎生蠔，海鮮，壽司或者其他的熟食就要行過對面餐廳迫，正因為那樣所以幾時出了新食物或者refill都完全睇唔到，所以如果太遲訂位就最好等下一次好了！食物方面款式不是很多，自己都食得不多，因為行來行去好麻煩！行多幾回我都主要由朋友幫我拎食物！甜品幾好食，出得很快源源不絕咁出不同蛋糕，所以都試了幾款！

每次都是即興想去tea buffet, 熱門的酒店理所當然一早已經fully booked, 還好Coffee Mill還有位，於是就抱著“同屬馬可波羅旗下，應該不會太差”的心態試試。 “名不虛傳”的，食物的選擇真的是非常之少，而且皆為廉價+非健康。連最最起碼的刺身都欠奉，只有幾款很難食的壽司。蝦還算ok, 青口尚算新鮮，冷盤就只剩下salad bar & 2 款sandwich。 熱食有三款點心，燒賣最受歡迎，每次refill都會很快銷空，其他就不多人問津。其他還有燒味mix, 炒面和腸粉。特別的是有泰式荷葉包雞（但是咖喱味道太over)和macaroni cheese（味道幾好！）。但可怕的是竟然有原味炸魚蛋直接作爲一道菜供應，而且味道實在不敢恭維！ 甜點是全場最爲出色的部分了。strawberry cheesecake讚！入口綿滑，芝味濃稠！還有strawberry焦糖燉蛋，不太甜，焦糖味很濃郁，讚！ 這裡的chocolate噴泉算是很小size, 但配料和口感卻是比一般酒店更爲出色的！waffle機吸引很多人DIY,因最近食過多間酒店buffet,已經不足爲奇。另有蘋果汁等任

我地一行10人, 有3人生日, free了3個人, 有3個free cake講真, 呢度食物唔太多, 味道就一般啦!但有個自制waffle機, 小朋友玩得好開心哩!!