金泰屋

Open Now

Now Closed

因為工作關係，係openrice 搵到呢間位於黃泥屋村既泰國餐廳。呢間餐廳因為地方比較偏僻 所以人比較少而且唔洗等位。 最好係揸車去，逸東村都隔幾遠下。 位置其實係醫院背後， 無車位，要泊係餐廳出面。 午飯時間可能會有警察抄牌，所以都要留意下自己架車。 當日我食既係泰式豬手飯， 十分正宗。 伴菜都十分多 有青瓜 蕃茄 蛋， 一般午市都好少有雞蛋。 隻雞蛋完完全全係bonus。 佢同時會配兩個汁俾你，各有千秋。一個係泰式酸辣，一個係甜甜地既汁。$47 有湯有熱飲 算係正常價錢吧。

東涌普遍餐廳都偏貴，但金泰屋價錢合理，侍應大部分都Nice!食物份量大，味道，可能要迎合香港人口味，大部分食物都吾係咁辣，可能對中意食辣既朋友就會對食物相對扣小小分（但好似可以要求加辣）•每次必點 *生菜包*份量好大，但每次都吾夠生菜🥬，會要求追加生菜•冬陰公湯味道超濃，叫（細size)已經足夠•芒果🥭糯米飯🍚勁正普遍既食物上菜時間都算快，但燒魚就要等耐d,食到最後先上個魚，已經食飽！點左10樣餸，最後埋單9xx ,勁抵整體餐廳食物，價錢，服務態度都

每次老公車我去機場睇飛機之後 都一定會黎呢間餐廳食泰菜 除左食物平靚正之餘 仲中意佢泊車方便👇🏻頭盤來個生蝦 超爽甜👇🏻再來個泰式鳳爪沙律 好多鳳爪 平時出面食得好少 而且好夠酸夠辣👇🏻飛天通菜 呢個味道較淡👇🏻菠蘿炒飯 夠鍋氣 你睇下入面幾多海鮮👇🏻炸蝦餅 超脆 即炸好熱氣👇🏻泰式豬手 好軟 唔韌 正👇🏻蒜蓉包 係勁多蒜的蒜蓉包🤣落足料👇🏻明爐魚 無乜骨 魚都入味 👇🏻芒果冰 透心涼 甜

難得星期六放假，同老公拍拖去東涌。。。老實講，一直覺得東涌都係美食沙漠之一，冇咩好食，上網search到依間餐廳，決定一試。。。餐廳係北大嶼山醫院後面，村屋加對開位置。。。係依個咁涼爽嘅天氣，坐係戶外好，有涼風，冇蚊，好relax。。。叫左鐵板蠔餅，一上枱好香，多蠔，蛋邊脆脆，唔錯，另外，叫左泰式炒通菜，正正常常，冇咩特別，泰式蝦醬炒飯，就唔夠香，蝦醬味唔夠，臘腸同肉鬆都係分開擺碟邊，可能係咁，所以唔夠香。。。全晚最出色係~串燒，叫左3串雞，3串豬，好味，夠淋，唔用醬都夠味。。。加埋個花生串燒醬，正依到d員工都幾主動，全晚不停refill水，執枱都快手快腳，仲會提醒大家小心枱下蚊香，唔錯。。。環境勝於食物，心情影響評價

有一些朋友住東涌，有時候我會探望他們，這次又去東涌，聚會完我們去了一間泰國餐廳吃飯，餐廳在逸東村，在東涌醫院附件，地方有點隱蔽！餐廳座位都很多七點的時候已經座滿一半的人。我們座在室外，因爲感覺室外的氣氛好一點，説話也可以放大聲。椰青好甜，夠凍，果肉好容易挖出，這裡的串燒也非常出色，碳燒豬脖肉好香，豬脖肉好爽口，裏面的油香加上白飯好快就被我們吃完啦。朋友說這家餐廳非常受歡迎。如果是一些特別的節日一定要預先訂位，如果沒有訂位可能就要再外面排很長的隊。

今日同屋企人去咗大嶼山玩玩左成日出嚟就已經好肚餓東涌呢度有間泰國餐廳其實之前都食咗幾次不過都係我同啲朋友嚟食未試過同屋企人黎今次一家人五個人黎食咁應該可以叫好多嘢食呀最後我哋五個人叫咗八個餸好好味食到好飽就等我哋睇吓有咩咁好食呀基本上呢個泰式豬手係我必食嘅我自己鍾意食豬手但係出邊啲豬手有時好硬咁我就鍾意佢真係炆到好林配合埋佢個特製醬汁好好味每一啖食落口都有鬆軟嘅口感本身屋企人想叫一個長方條形嘅蒜蓉包嘅依家潮流興長方形嘅蒜蓉包呀嘛但係呢一間冇就唯有試吓佢本身自己嘅蒜蓉包啦但係嚟到都好驚喜你睇相都見到佢粒粒蒜蓉而且呢個蒜蓉包本身都好鬆脆真係好好食

估唔到去到東涌附近都比我搵到一間幾有特色嘅泰國菜館，仲要有露天位置，可以享受出邊嘅環境，星期六日呢度都幾旺，記得要預早book位！ Menu上面都有幾多選擇，泰式小食一定唔少得，仲有泰式咖喱呢度出名應該係烏頭魚當年呢仲有好多泰式飯麵可以選擇啲甜品望落去又好似幾吸引當然一定要我最鍾意食嘅Phad Thai !! 買相都真係唔錯喎啲餸菜都好似幾豐富，有好多隻蝦呢個係紅咖喱牛肉，啲紅咖喱唔會太辣，有椰汁味道，裏面嘅材料都幾豐富，有新鮮嘅菠蘿粒，值得一試泰式蒜蓉炒雜菜，有幾大碟幾抵食下次如果同一大班人到來可以試到咁多菜

今日又去東涌一帶見客，食晏時間老闆提議去黃泥屋村 「金泰村」，太陽伯伯高高掛唔使我行去邊都無所謂！原來位置係東涌醫院後面，好彩有老闆車真心如果搭車就咪攪😂先黎一碗紅蘿蔔薯仔湯，清清地又幾甜。泰式豬手飯 $49試左一舊仔都幾入味夠淋，似滷水豬手配泰汁🤣馬沙文咖哩雜菜飯 $49馬沙文咖哩我最喜歡的咖哩，因其味道較香甜，這裡做得算不錯。金邊粉炒雞肉 $49同事的見佢不帶油炒得乾身幾吸引，夾了二口小辣帶微酸醒胃可口。👍午市套餐， 凍飲加 $3，青檸梳打加 $8這裡是三層式獨立屋，圖片是二樓裝修似泰國佈置，早期應該不錯，仲有二間房各可供二檯客使用。地下如果秋季晚上戶外飲泰啤食下串燒都幾爽！

細妹住系東涌，耐不耐就會入東涌穩她食野。她已經多次介紹呢間金泰屋，今次就真系有機會食啦！位置都不太難穩，系村屋來的，附近有醫院。我地已經好聰明，提早Book 位，不過去到都見到大排長龍，我地訂左未都需要等，可想而知呢間餐廳幾多人幫襯。餐廳露天但有帳篷冷氣，見到有點蚊香夠貼心 ，所以夏天都無有怕，啱曬惹蚊的朋友雖然等位等左陣，不過入到去我地即刻叫野食，全部野食黎得幾快同每樣野食味道好好！我地叫左明爐烏頭，金邊粉，串燒及生菜包。明爐烏頭：我中意上面D青檸，調味一流。烏頭多肉，索曬D湯，好味，酸酸辣辣，好開胃。金邊粉：芽菜夠多，蝦夠爽口同彈牙，分量都多。生菜包：清清地不會太辣，不過D生菜如果再多D會仲好串燒：有雞肉同豬肉，都多汁唔會燒到太乾。我去開泰國，同泰國啲野食雖然唔同味但比較符合香港大眾口味 跟住話侍應話啲野多數唔辣，要辣會有四味架自己加辣，話岩晒唔食辣既人同一家大細^^體感覺良好，野食全部滿意，值得推薦的一間泰國餐廳！

book左7點半，準時到見到全場爆滿，可能行慢幾步，walk in嘅即入，book枱嘅竟然要等算，我等，話曬真係特登入嚟食，不過可能多咗人嚟食，所以真係差咗好多保持水平嘅可能係得個生蝦同嗰杯椰子水叫左上次食都感覺唔錯嘅咖哩海鮮農夫包，今次唔同嘅係我叫佢農夫包另外上，結果佢嚟一碗勁甜嘅咖哩汁，再嚟一個白烚曬啲海鮮插上個包度到底係文化差異定真係咁，佢上枱嗰下，我真係比個服字佢!!!! 我服佢夠薑咁樣拎出嚟

朋友住係東涌, 佢鄰居讚話金泰屋好食~我地同朋友三個人就揸車去食, 間食肆係醫院後面啲村屋, 當日係父親節~大時大節特別多人幫襯, 我地預先book位☺去到都差不多滿座~我地拿拿聲揀野食, 因為限時兩個鐘叫左杯芒果沙冰, 正正常常~之後上左泰式小食拼盤有春卷/蝦餅/魚餅/炸雞翼/酸辣鳳爪沙律蝦餅彈牙, 炸雞翼炸得啱啱好又唔油, 春卷正常~係魚餅略咸, 調味料重手左...酸辣鳳爪都ok另外叫左碟軟殻蟹芒果沙律 (唔記得影)), 味道酸酸甜甜帶少少辣, 適合普遍人嘅胃口👍呢個咖哩海鮮魚夫包好正😙海鮮唔會索得太老太耐先放落去~仲食得出啲魷魚好鮮嫩,有蝦有青口, 咖哩有好香椰汁味, 配埋脆脆農夫包, 食完都飽左一大半~唔叫咖哩炒蟹, 呢個都係唔錯選擇, 見周圍枱都好多人叫呢個😎明爐青檸烏頭, 同出面食開嘅都差不多~整體嚟講都係好好食, 價錢都好合理可能當日係父親節, 見周圍都有漏單~我地算好彩, 希望下次再嚟嘅時候都繼續保持水準啦~

已經介紹過好多朋友嚟呢度食泰國菜 主要係因為個環境真係正 嘢食價錢合理 食物質素高明爐青檸烏頭平時食開明爐烏頭 今日特別小小加咗幾片青檸 又幾好喎 魚肉馬上提鮮蒜蓉包非常出色 蒜蓉非常多 又香又脆青咖哩配雞 咖哩汁偏甜 一點也不辣 雞肉嫩滑泰式豬頸肉 醃得入味 肉質彈牙爽脆泰式生蝦 有頭又有尾 夠曬好意頭 蝦頭有炸過可以食埋 非常細心鳳爪沙律 清新配搭 鳳爪去骨 啖啖肉泰式炒椰菜苗 夠曬鑊氣非常惹味真心鍾意呢度嘅露天食堂 餐廳裝飾咗啲閃閃發光嘅燈 非常有氣氛 晚上吹著天然風 和朋友暢談 共進晚餐 多麼寫意

今天來到位置有點偏僻，在北大嶼山醫院附近的｛金泰屋｝吃午餐。在小路旁、花草樹木中興建的｛金泰屋｝，採用半開放式的設計，室內和半露天座位各佔一半，設計配合附近的自然環境，頗有特色。由於今天天氣炎熱，最後還是選擇了室內二層的位置涼冷氣。午餐共有九款供客人選擇。最後選了「泰式海南雞飯」($49)。大約等了五分鐘，先送上一個「蕃茄薯仔湯」。再五分鐘後，「泰式海南雞飯」送到。從外觀去看，實在不特別吸引。很喜歡黃薑飯的我，遇到好吃的絕對可以吃兩大碗，不過看到淺色又不均勻的飯粒顏色，就想像得到味道會較淡，果然吃了一口，實在有些失望。雞方面，雞皮有少許部份還留有雞毛，不太美觀，還好雞的肉質非常嫰滑，而且去了骨方便入口。而醬料方面既沒有老抽，也沒有薑蓉，只有一小碟泰式蒜蓉辣椒醬，將雞蘸上醬汁，酸酸甜甜的也算滋味，整體味道不過不失。或者待天氣涼快一點，會跟朋友來享受一下這裡的晚上戶外景致和其他泰式菜式，畢竟在區內，這裡的環境還算蠻有特色和氣氛的。

成班中同一齊去左泰國，係得我同另一個fd冇得去，仲要日日睇住佢地係gp度不停放相放閃。嬲嬲地，要一食解千愁！！哩間係醫院對面既泰國菜，係區內算幾出名。因為價格相宜，口味大眾化，而獲得區內各人既青睞。我對泰國菜既著迷，從來只有青木瓜沙律。之前去泰國旅行時，更是每日必點菜色。所以對於其他菜色，只要口味上不太偏差，我是完全可以接受的。青木瓜沙律口味偏鹹，放太多魚露，不過因為我盲目地愛，所以清晒。燒肉炒椰菜苗，哩個菜平時好少會食到，為求菜肉均衡所以叫的。都係鹹左d，特別係燒肉既部分。生菜包，個人覺得哩個最好食，味道啱啱好，食落冇負擔。細既冬陰公，其實都唔細，兩個人分，每個人都有成三碗既分量。非常足料，有五六隻蝦，香茅味好出，敗筆位都係偏鹹。最後，叫左冇影相既有啤酒同白飯，本來諗住食埋甜品，不過太飽食唔落。總括，環境係露天既，去果時仲未係夏天，仲頂得緊，冇俾蚊咬，夜晚有少少風都幾正。職員都正正路路，係安排入座有d衰。事關佢地冇一個人專係負責帶位，前一個職員應左我地會安排就走左，之後有其他客衝左入去，比另一個職員即刻安排左入座。俾人遲黎先上岸，有d唔係太gur。食物都大份，口味唔差但係太鹹，食完超

打電話去訂座想了解有沒有位置及有沒有泊車位置，店員超級沒禮貌及沒有耐性回答，每句都只是重覆不知道，拜拜....以後都不會再試這餐廳，建議各位不想付錢買難受的話都不要試。