Cookie Vission

Open Now

Now Closed

大坑有好多不同既店呢間就賣曲奇 冬甩咁琴日 12點去買左一盒諗住齊款最後大坑吃飲完飽到一個點就留反一盒諗住今日食點知🙈反曬車咁好彩琴日走時都食到必食流心朱古力曲奇😋第一啖普通曲奇咁少少脆口甘甘地既朱古力(吳係一味甜)食到3份1就有流心既朱古力😯👍🏻開始多少少甜度結: 個人覺得無論脆口度，甜度都做得相當有水準都明白點會俾人叫大坑名物🤩不過價錢就貴左D間中食，普通打工仔都ok既😉#epicchocolate #CookieVission

🇭🇰Cookie Vission·呢間其實我已經嚟過好多次㗎啦 不過因為我其實最想食佢個葡撻曲奇 但係次次去到都無 所以一路都無買😂😂難得嗰日去到條隊唔算話好長 我哋又超肚餓 所以就算冇葡撻味 我地都買左一塊黎食🍪·Epic Chocolate $50食過一次之後就終於知點解咁多人推薦呢一間😈😈我自己其實唔係太好呢種美式曲奇 因為我覺得比較甜同埋漏 但係估唔到買唔到葡撻 誤打誤撞買既呢個味我自己幾鍾意🍫佢係真係好濃嘅黑朱古力味 所以唔會話太甜 而且佢中間流心嗰個朱古力醬 新鮮出爐熱辣辣真係好好食 係有少少似心太軟版既曲奇咁😍😍之後佢仲有少少果仁同埋朱古力chunks咁樣 所以口感好好🤤·#rbyeat#rby甜品飲品#rby大坑 #rby天后·📍大坑浣紗街6號全興樓地舖

食過好多次呢一間嘅曲奇次次都返唔到轉頭因為呢一間真係好好食最近佢出咗冬甩見到有開心果味即刻狗衝去試吓啦又係永遠都唔會有失望冬甩唔會太油膩一咬落去勁多開心果味道恰到好處唔會太甜整體真係好出色下次我要試其他唔同嘅味

一向都好鍾意食冬甩🍩 咁岩行過見到有超吸引嘅口味 即刻忍唔住買咗兩個食😋 👉🏻 PANDAN COCONUT DONUT 第一啖咬落已經陣陣超香斑斕味  麵包仲要超軟熟 半分鐘已經成個食晒🤤  👉🏻 HAZELNUT MILLEFEVILLE DONUT 超級得意嘅口味配搭🤗 見到嘅時候得返兩個 面頭係非常鬆脆嘅拿破崙酥皮🙌🏼 十分有驚喜  另外仲食咗新嘅black forest cookie 🍪  識落完全就係黑森林蛋糕 不過太好食唔記得影相

🍪Cookie Vission 嘅曲奇係世一🤍 如果你鐘意美式曲奇，一定要嚟大坑買！佢哋嘅曲奇偏厚身同比較濕潤，雖然甜但勝在夠香濃，怕漏嘅朋友建議先試吓茶味，而最大賣點就係佢嘅流心/ 軟心餡，一咬落去滿口都係夠哂邪惡嘅滿足感。不過佢哋嘅曲奇比一般大塊，足足有150g，一次過食哂會太飽，要分開幾次慢慢食🤣 Cookie Vission 另一賣點就係每小時會輪流有8-10種唔同口味，鐘意食甜嘢又試新嘢嘅人，不妨試吓唔同時間去買，可能會有驚喜㗎！◆ Cookie Vission serves No.1 cookies in HK🤍 Don’t miss out their cookies from if you’re into American cookies! Indulge in the moisture and sweetness of the freshly baked soft cookies, and the satisfaction from its the lava centre simply goes beyond description! Each BIG cookie

呢一間喺大坑嘅曲奇店好出名🍪但係我覺得佢哋個抹茶麻薯包都好好食😋面頭有一層抹茶味嘅脆皮🍵下面就係軟熟嘅麵包～咬開啲抺茶醬流晒出嚟 好甘苦 再加埋煙韌嘅麻薯 口感好豐富！

你一間長期大排長龍嘅曲奇店最近就新出左多款嘅炸冬甩🍩超級吸引 嗰日就去咗試吓 好推介biscoff cheesecake💕外脆內軟嘅麵包 再包住滿滿嘅內餡 口感一流！中間嘅芝士醬嘅鹹香十足 仲有啖啖焦糖肉桂味 味道好豐富 好食😋

平時一向都知道cookie vission啲美國曲奇餅真係世一，超級好食，食咗佢之後冇得返轉頭最近cookie vission除咗有曲奇餅賣之外，今次仲多咗doughnuts。我揀咗個oreo doughnut嚟試！

好耐沒去大坑，難得去一趟，就去了左有好多人讚既Cookie Vission～由於去到已經差唔多5點，所以好多味都賣晒，最後揀左Portuguese Egg Tart同Earl Grey Raspberries。Portuguese Egg Tart味道幾好，質感偏軟少少，中間雞蛋好滑。個人覺得似蛋糕多啲，沒左曲奇既外脆。Earl Grey Raspberries質感就外脆內軟，但茶味好淡，被朱古力味蓋過左。但口感我鍾意既～呢間既曲奇都有朱古力喺入面，如果唔好朱古力可能唔太啱胃口。

( ´•౪•`)┈┈┈┈┈┈┈┈┈┈┈┈┈┈呢間曲奇本來就係大坑非常出名好多人都會為咗曲奇慕名而來我都食左幾款曲奇🍪不過佢地自從出左邪惡冬甩之後就變成人龍店了🤣┈┈┈┈┈┈┈┈┈┈┈┈┈┈𐂐 ⠜Matcha Mochi Brioche (5/5)呢個係店家最受歡迎既抹茶麻薯包🫶🏻拎上手就係超重手 餡料好有份量😍一切開就爆曬餡 抹茶味不會過甜又夠香濃仲有麻薯同菠蘿皮tim!每一啖都係幾重口感個人覺得好好食┈┈┈┈┈┈┈┈┈┈┈┈┈┈𐂐 ⠜Matcha Macadamic (5/5)已經回購左2次~抹茶控表示好夠抹茶香味而且仲要流心加有nuts 熱食超級正😳┈┈┈┈┈┈┈┈┈┈┈┈┈┈IG @cheri_foodiary

今天下午來碰運氣試Matcha Mochi Brioche,很幸運的,不用怎麼排隊.到我時還剩下4個買了一個,堂食.麵包手感軟熟,不像一般菠蘿包挺身,麵包底部亦看到有麻薯第一啖,咬下去對我很有驚喜.Brioche有綠茶味偏甜,沒有苦澀味.包上綠色的脆脆不像一般般菠蘿包那麼脆和crunchy.但都有脆感.綠茶醬爆漿,我最喜歡它的麻薯口感軟熟,有黏性.不像坊間其他麻薯食品硬身.值唔值50蚊見仁見智,但我願意返來再食

Cookie Vission 既曲奇真係無得輸🥰就算排左8個字隊都覺得值得🥹可惜當日無哂抹茶味，不過好彩都買左焙茶～一搣開仲有超濃流心🤩🤩甜甜地但唔膩💯💯💯.另外仲買左開心果donut同triple chocolate. 開心果又係爆哂餡😂不過朋友係咁話味道好似食緊雞尾包…搞到我都覺得係😂但其實係高質既，只係多咗陣鹹香味咁下次一定會再去排過希望買到綠茶啦！！.‣ Cookies ⋆ $40-$60

大坑位於天后同銅鑼灣中間，鬧市之中難得既綠洲🏝唔少設計師同埋本土創作者進駐開小店，亦有好多特色餐廳同飽點店，Cookie Vission就以爆漿美式曲奇爆紅，吸引我今日過黎幫襯🍪小店裝修簡潔，以白色外牆配上內裏綠色階磚🧱烘培區同店面仲用咗玻璃分隔，可以比客人睇到製作既過程，令人更加想試下咁多款點心👨‍🍳除咗美式曲奇，佢地仲有冬甩同埋迷你灌漿冬甩🥯每種飽都有6,7隻味，總有一款啱心水，包括有抹茶、朱古力、草莓、班蘭椰子、芝麻同焙茶等等，今日11點幾黎到，見唔到最想試既爆漿抹茶麻糬脆包🥲🌰Hot Chocolate Donut $40曬滿朱古力粉既冬甩，我會暱稱佢做髒髒冬甩，因為一路食就一路跌粉，真係做足準備先好開餐🙈原本一咬落去冇餡仲有d失望，點知原來朱古力漿收埋係棉花糖下面，甘甜而唔漏，食完即刻多巴胺上升，成個人都開心哂🤣

呢間cookie店係大坑名物😂 好幸運夜晚去買唔使排長龍，仲有唔少味道可以選擇🌈 曲奇大大塊，2個人食啱啱好👯‍♀️✅推薦✅Matcha Macadamia 💰50綠茶味真係勁濃郁💚 一切落去啲綠茶流心勁澎湃，完全湧哂出嚟🌊 入面仲加咗夏威夷果仁，食落脆脆口感豐富💥Epic Chocolate💰50朱古力餡相對冇咁流心，但味道依然非常香濃🫦 食落有少少似朱古力心太軟🍫 🪄 Cookie Vission 大坑浣紗街6號全興樓地舖🗺地區：#porkbelly_foodie_大坑🍽菜式：#porkbelly_foodie_cafe#porkbelly_foodie #hkfood #hkfoodie #香港美食 #香港好去處 #大坑美食 #大坑 #大坑好去戲 #曲奇 #曲奇飯 #cafe #cookie #流心曲奇 #流心曲奇餅#流心 #爆漿 #綠茶 #抺茶 #綠茶曲奇 #抺茶曲線 #朱古力 #朱古力曲奇 #心太軟 #朱古力心太軟 #朱古力流心 #綠茶流心 #抹茶流心 #greentea #matcha #greenteacookie #matchacookie #chocolate #ch

每天當我一打開social media，總會被這家曲奇店「瘋狂洗版」🙈 經歷一場無心之失後😔，我終於能夠品嚐到我最期待已久的曲奇餅😍 🍵𝑀𝒶𝓉𝒸𝒽𝒶 𝑀𝒶𝒸𝒶𝒹𝒶𝓂𝒾𝒶人氣Top🥇曲奇有一定的厚度及重量 十分足料被撐開後 能清楚看見抹茶醬呈流心狀態🤤 配搭上白朱古力及果仁碎🌰入口鬆軟 驚喜的是整體甜度較低 抹茶味道極度濃郁 不存在苦澀味🌟🌟🌟 十分推薦🥰𝓡𝓪𝓽𝓲𝓷𝓰: 4.7/5🍪𝒞𝑜𝑜𝓀𝒾𝑒 𝒶𝓃𝒹 𝒸𝓇𝑒𝒶𝓂曲奇經過返熱後 爆漿效果十分明顯😈 以朱古力🍫為餅底 口感煙韌 煉奶及vanilla 味道超級重 加上白朱古力碎 十分甜膩😳能接受甜度偏高的朋友可以一試🙈𝓡𝓪𝓽𝓲𝓷𝓰: 3.1/5曲奇不需要返熱都會呈流心效果😋如果想效果更澎湃可使用焗爐 但鬆脆感會較為少 煙靭軟熟感較多大家可因應自己個人喜好而選擇😊𝙾𝚟𝚎𝚛𝚊𝚕𝚕 𝚁𝚊𝚝𝚒𝚗𝚐: 𝟺/𝟻 𝐟𝐨𝐫 𝐌𝐚𝐭𝐜𝐡𝐚!𝙵𝚘𝚘𝚍: 𝟺/𝟻𝙴𝚗𝚟𝚒𝚛𝚘𝚗𝚖𝚎𝚗𝚝: ~𝚃𝚊𝚔𝚎𝚊𝚠𝚊𝚢 𝚘𝚗𝚕𝚢𝚂𝚎𝚛𝚟𝚒𝚌𝚎: 𝟺/𝟻𝚁𝚎𝚟𝚒𝚜𝚒𝚝: 𝚈𝚎𝚜