蝦蝦燒

Open Now

Now Closed

好一段時間冇嚟，諗起食燒烤就諗起呢度。一坐低侍應就送上2件鰻魚同埋12隻蝦。但係我都急不及待出去拎冰再夾啲蝦，嚟呢度就係要食蝦㗎嘛。今次嚟到海鮮區仲有三文魚鮫。平時喺日式餐廳一件都要70-100蚊，梗係要燒嚟食吓。海鮮區嘅鮑魚店家都建議除殼燒，侍應有時間的話，仲過嚟幫你處理。仲剪埋蝦腳蝦鬚。鮑魚同大頭蝦都食咗幾轉。海鮮之外嘅推介食物係蒜蓉包！！咁多嘢食，我都選擇食咗3塊，因為真係好好食。鍾意食窩夫嘅話都要夾返幾件嚟燒，脆脆地配雪糕一流。

蝦蝦燒🦐想食新鮮好食既海鮮大餐，咁就一定唔可以錯過蝦蝦燒既新鮮流水蝦！佢哋嘅新鮮流水蝦選用左蝦膏香濃嘅大頭蝦！🦐 餐廳職員會keep住refill新嘅大頭蝦，同時幫手夾起已經冇乜活力嘅～確保我哋食到嘅每一隻都係大大隻超新鮮嘅大頭蝦！🫶🏻🫶🏻另外爐邊都有幾款唔同嘅調味料，其中我最鍾意嘅就係辣椒椒鹽，覺得佢同大頭蝦嘅味道好襯啊！🥰🥰除咗生猛大頭蝦之外，餐廳仲提供多款唔同嘅海鮮，包括多種魚類🐟、鮑魚、扇貝、生蠔🦪、魷魚🦑、花螺🐚等等，淨係揀海鮮都花多眼亂啊！試咗咁多之後特別推介嘅係鰻魚、蒜蓉燒扇貝、蒜蓉辣椒配生蠔、同埋香蒜魷魚，大家記住要跟住呢個煮法整呢幾樣海鮮呀，超級惹味保證大家食唔停口啊！😋😋😋除咗海鮮之外，呢度都仲有好多唔同嘅肉類🥩、蔬果🥬，全部都好適合燒烤㗎！想食啲咩，隨便攞隨便燒🤣🤣食飽之後仲可以揀唔同口味嘅雪糕作為結尾，我今日就揀咗阿波羅嘅朱古力同埋芒果味！🤗🤗

朋友今日帶我去佐敦食自助燒烤，星期一至四成人每位$348.-，食足3個鐘😍，有得食之餘，又可以自己捉蝦，有特色又好玩。店員服務勤快有禮，帶顧客入座時會即時開爐，再送上大約10隻蝦及鮮白鱔串(每位送白鱔1串)，可以燒住食先，始終捉蝦需要啲時間(因為好生猛有小小難搞🤣)，呢個安排幾細心👍。自助區有好多選擇，現捉大頭蝦真係非常生猛有活力🤩，其他海鮮都好新鮮，肉質緊緻有光澤。肉類質感軟腍，簡單調過味。見店員不停補貨👍，最抵讚係火爐火力猛，食物好易燒熟，3個鐘任食，真係足夠食飽😋。調味醬料：有泰式辣汁、蒜蓉、牛油、芥末及醬油等。海鮮：有大蜆、鮑魚、原條魚、大扇貝、帶子、魷魚、墨魚、乾魷魚、多春魚、生蠔等，當然唔少得新鮮生猛的大頭蝦。肉類：羊架、雞中翼、雞全翼、牛肉串、腸仔、紅腸、獅子狗卷、雞肉串、漢堡扒、煙鴨胸肉、雞皮、豬肉串及多款丸類等。素：日式蕃薯仔、菠蘿、翠玉瓜、香草牛油多士、蛋棒、鵪鶉蛋、南瓜、鮮冬菇、長青椒及窩夫等。熟食：辣酒煮花螺、咖哩魚蛋、大頭蝦、蝦仁炒西蘭花、豬紅等。雪糕：雪糕杯有多款口味。飲品：多款氣水及啤酒。

喺香港想食新鮮生猛嘅流水蝦，我即刻就諗到既餐廳當然係蝦蝦燒啦🦐🦐！晚市嚟到人均$400都唔使，就可以3小時無限任飲任食，超抵啊！🈹🈹🈹佢哋嘅新鮮大頭蝦無限量供應，隻隻爆膏、肉質彈牙，真係冇得彈啊！🥰🥰除咗大頭蝦之外，仲有多款唔同嘅海鮮可以選擇，包括唔同種類嘅魚🐟、扇貝、生蠔🦪等等，每一款嘅海鮮都新鮮鮮甜，其中我特別推介嘅就係扇貝同埋生蠔，加啲蒜蓉落去燒就更加好食啦！😍😍如果覺得淨係燒烤有啲寡嘅話，呢度都有提供各款唔同嘅肉類同埋蔬果俾大家燒🥩🍗🍖🥬🍅🫑，真係可以話係一應俱全㗎！🉐🉐仲有各款唔同口味嘅雪糕雪條飲品提供，全部都係任飲任食㗎！👍🏻👍🏻

又係來到佐敦蝦蝦燒，第三次來到蝦蝦燒 點解來咁多次呢，最主要真係性價比滿分，三百蚊既價錢 可以三個鐘任食燒海鮮，鮮解大頭蝦、扇貝、帶子、燒鱔、生蠔等等，如果鍾意飲啤酒既，酒水都係唔需要加錢架。蝦係用左大頭蝦，可以即場0係水入面夾，又或者出去外面攞用酒浸左既醉蝦，醉蝦有質素，蝦頭既蝦膏加上酒香味，形成獨特既香味，我食左三輪，食完又攞😅另外燒鱔，入場每人一串，勁大一串，好厚身，燒鱔出面叫一串都要$70-$100蚊，鱔既魚油加上烤焦既外皮，好滿足呀☺️仲有其他肉類串燒同蔬菜，酒水會有真露同各類啤酒，仲有唔同既雪糕。

呢度好啱一家大細嚟食，無論大人定細路，夾流水蝦都夾得好開心😆 而且熟食、海鮮、燒物款式繁多，3小時任食，燒爐有兩層，一定可以令大家食到捧住肚走👍🏻.全部蝦都好生猛又新鮮，肉質都好彈牙，蝦頭有好多蝦膏。另外，蝦量好多，唔會話夾到冇晒蝦👍🏻.而海鮮款，分別有➰蠔➰鮑魚➰螺➰貴妃蚌➰扇貝➰蜆➰魷魚仲有原條魚，真係幾誇張🤭.我自己燒咗幾轉窩夫，燒到脆卜卜，點埋煉奶食一流👍🏻 仲有雪落任食，食到唔記得咗減肥係咩嚟🤣

雖然呢間餐廳叫做蝦蝦燒，但佢最好食嘅唔係蝦，而係佢嘅燒魚，有基本唔同種類嘅魚原隻可以拎去燒，燒完之後非常之香同好食。因為燒完之後魚皮會有少少焦香，所以好脆，亦有淡淡嘅魚香味，再加上本身佢哋用鹽去去除腥味，所以食落去會有少少鹹香，就算唔使調味就已經好好食，雖然有啲原始，但真心幾正。除咗一般嘅蝦之外，依家餐廳仲有唔同種類嘅嘢食，海鮮方面會有原條嘅魚，鮑魚，扇貝等等。亦都會有少量嘅熟食例如炸雞，西蘭花等等。而串燒亦都有好多種，我就拎咗我最鍾意食嘅燒雞翼啦，佢嘅燒雞翼係瑞士雞翼。飲品方面選擇亦都非常之多，無論係汽水走定係茶，依度都一應俱全。雪糕同埋雪條都有，連阿波羅雪糕都有。

食物:5/5 環境:2/5 服務:4/5 性價比:5/5 食物: 食流水蝦, 即係新鮮係個缸到生猛即撈即燒淡水羅氏蝦(大頭蝦), 加少少鹽燒已經好食。但覺得呢間最最最好食係佢自助區冰枱既其他海鮮! 有生蠔、帶子、鮑魚、貴妃蚌、大蜆等, 全部都好新鮮同大隻, 自行搭配蔥蒜辣椒去燒, 食多幾轉都回本。 肉類就一般正常, 主打瘋狂燒海鮮! 環境: 算迫, 夾蝦同拎海鮮搞到地下好多水, 希望員工多d抹, 以免冼親客人 服務: 正正常常, 會收下食物殘渣同款 性價比: 晚市300幾黎講任燒海鮮算唔話得, 仲要新鮮大隻, 推薦! 注意個爐係有上下兩層, 要用盡佢擺海鮮!

難得有朋友生日，一定要食開心啲！今次我哋揀咗嘅地段比較香港嘅中間位置，佐敦！話明要食得開心啲，一定要嚟一個海鮮放題先！除咗有海鮮放題，呢度非常30,000嘅大頭蝦，亦都喺呢度嘅美食精髓！呢度嘅大頭蝦隻隻都好多蝦膏、啱晒鍾意食蝦頭嘅你！記得用冰桶凍暈咗啲蝦先食啊！啲大頭蝦真係好新鮮！真係唔用調味料都好好食好彈牙！當然仲有好多唔同嘅食物選擇三文魚鮫、泥鯭、紅花魚、大眼倉，全條魚都係原條上！好爽好正！之後仲有貴妃蚌、燒生蠔🦪、燒魷魚、仲有大大隻嘅扇貝！同埋我最鍾意食嘅沙插！朋友們自己拎牛油蒜蓉粉絲原個上燒真係超好食！當然佢最出名嘅燒白鱔一定係我最愛！食咗一排海鮮就揀吓啲小食燒吓；燒原條茄子、燒多春魚、燒翠玉瓜、燒一口番薯、當然仲有燒肉；牛肉、豬肉，雞都唔可以錯過！飲品方面，亦都好多選擇！我哋今日決定啤啤，佢飲咗呢度兩打啤酒🤣都係任飲㗎！仲有呢度竟然有真露都可以任飲！好爽！食到飽飽出面都有甜品同埋唔同嘅雪糕雪條！完全可以滿足有幾個胃嘅我哋🤣蝦蝦燒佐敦白加士街C1出口直行3分鐘到10-24號永富大廈

🦐🐟🐠🦐🐟🐠🦐🐟🐠🦐🐟🐠🦐🐟🐠蝦蝦燒最大特色就係可以自己活捉生猛大頭蝦自己燒， 而且超多唔同種類嘅海鮮同熟食真係好正🫶🏻 其中我最鐘意就係醉蝦， 超入味啖啖肉唔洗燒，夾上碗即食❤️ 今日同朋友黎慶祝生日，全部都熟人可以安心醉✨無限跌快子職員光速自動波俾新，抵讚 💯🦐🐟🐠🦐🐟🐠🦐🐟🐠🦐🐟🐠🦐🐟🐠【後記】真露+啤酒 = 喜歡🩷🦐🐟🐠🦐🐟🐠🦐🐟🐠🦐🐟🐠🦐🐟🐠

咁耐冇食蝦，就一定要搵返間好玩又好食嘅餐廳。首先第一輪嘅時候，職員會燒好第一次嘅蝦俾我哋，唔洗自己捉 🤣🤣，而且仲會有兩串燒鱔魚可以食，佢嘅鱔魚肉質都幾彈牙，但係會有少少細骨，如果之後仲想食鱔要額外加錢。然後之後想食蝦嘅話，就要自己喺隔籬個水缸度捉啦。佢依度嘅蝦非常之新鮮，每次去捉隻蝦嘅時候，佢都會跳跳紮，所以我哋都要凍暈佢我，要擺喺凍水3分鐘之後先至可以燒，如果唔係嘅話佢就會喺個爐嗰度跳吓跳吓🤣

超鍾意食蝦嘅我聽好耐，呢晚收工約咗同事去瘋狂食海鮮！任食3小時又有得夾蝦真係好好玩又過癮蝦蝦燒晚市呢度啲蝦全部都好新鮮，活養住好生猛仲要好大隻，每張枱都有鉗同筒比我地親手揀蝦，我就專揀d游黎游去既夾黎燒黎食🤭，好好玩丫夾住蝦放到裝滿冰同水嘅既筒內大約3分鐘，等到啲蝦暈左就燒得！ 肉質好彈牙！海鮮類除咗蝦，仲有好豐富選擇，扇貝同蠔我就最愛都係任夾任食，款款都新鮮肥美又鮮甜，呢到仲有鹽、孜然粉同辣椒粉去調味，鮮味又惹味

老婆一直都想去試下夾流水蝦🦐，今日見有時間(話哂都食成3️⃣個鐘)，就同佢一齊去食😆。餐廳分為2️⃣個區域，最入面客人會坐起蝦缸2️⃣側，隨手就可以夾🥢起正在自由暢泳中的蝦😂。餐廳集中安排客人坐在最入面，因為入面客人會坐起蝦缸2️⃣側，隨手就可以夾🥢起正在自由暢泳中的蝦😂，但就容易水花四淺💦。現想濕身客卜可以選擇坐外面，外面就有一個長形大缸，方便客人夾完之後返埋自己位再燒。活蝦🦐好生猛，只要夾起放係冰桶🧊等佢暈咗再燒就可以😊，看似簡單，但其實都有少少技巧😂。蝦蝦燒任飲任食放題 $348除咗有流水蝦🦐任捉外，出面仲有唔少海鮮可以選擇，除咗有扇貝、蠔🦪、鮑魚、蜆、魷魚🦑之外，仲有太大隻貴妃蚌和原條魚🐟等，非常之豐富🥰。燒白鱔就每人只有1️⃣串，外皮燒到卜卜脆，而且啖啖肉，老婆至愛。肉類提供豬🐖、牛🐂、羊🐏、雞🐓，樣樣都有；另外還有多款熟食可以揀，好似有咖哩魚蛋、辣酒煮花螺、韭菜豬紅等，都多款🤗。甜品以雪糕🍦為主，飲品好多選擇，啤酒🥃汽水🥤樣樣都有，就連韓國燒酒🍶都有。總括而言，食物選擇非常多，而且海鮮非常新鮮，活蝦就更加唔洗講；另外餐廳店員服務非常之貼心，除咗教我地點燒食物。

依間餐廳位於佐敦既一間樓上舖，一入到去就見到海鮮檔有好多新鮮海鮮，對於海鮮控既我即刻心心眼😍。另一邊的雪櫃內有多款生肉串燒同飲品/雪糕。仲有熟食區的醉蝦、辣螺同多款小食。海鮮款式：蠔、硯、螺、扇貝，魚🔥玩住燒🔥每枱客人坐既位置旁邊都有一個水缸放生蝦。邊燒烤邊近距離望住蝦蝦游水超得意。夾蝦上嚟時記得夾實蝦身中間避免「走蝦」情況，再蓋上碟子用冰鎮住等幾分鐘先燒。大頭蝦蝦頭有好大pat蝦膏，記得不要浪費～燒時加少少鹽燒會更好味。🔥鮮味海鮮燒烤🔥所有海鮮原味燒已經好夠味(因為燒烤大火會逼出海鮮既海水味，自帶少少鹹味)，食落全部都好鮮甜香口。當然加入牛油同蒜蓉醬油粉絲可以提鮮同增強吻感。魚鮫亦非常新鮮，烤至兩面脆身及變色，隨喜好加入燒烤辣椒/孜然粉，魚質係超滑一咬即融，仲啖啖肉。另外推薦大家必燒原隻鮑魚及扇貝（加粉絲），超正！👍🍴另外凍醉蝦+辣酒煮花螺亦高質，兩者味道調得非常好同新鮮好食。餐廳為客人提供3小時的慢活時光，可以慢慢享受食物。❤️鍾意海鮮既朋友仔一定要到佐敦/荃灣分店食「蝦蝦燒」享受慢活燒烤時光～

鐘意食海鮮既人必食勁多海鮮 任夾任拎 同埋好新鮮串燒款式又多👍🏻👍🏻👍🏻👍🏻海鮮有蝦 帶子 蠔 蛤 螺 魚 鮑魚 最滿意係帶子，大大粒、燒完都完全無縮水 啖啖肉、勁滿足😌蝦🦐彈牙質感好好 見佢地郁下郁下就知新鮮蠔🦪勁大隻 燒完唔縮水👍🏻串燒方面多款式到有選擇困難 但最後一樣一串🤣咩都食 所以勁飽🥬🥦🥒🍆方面都有好多選擇 有翠肉瓜 茄子🍆 菇類出面仲牛油🧈蒜蓉比人拎個個都可以創意調味🫶🏻甜品🍮野飲大量甜品同野飲連酒都任飲 幾款啤酒任揀最正係有得燒玉子燒 窩夫🤣