Cozy Coffee (Closed)

西貢近年成為假日熱點，由其於疫情下被困城市大廈嘰香港人更加熱衷於放假前往西貢呢一個香港後花園。黎個西貢出海環島遊又或者魚排釣魚，放鬆一下緊張嘰生活節奏。呢一日就過左黎呢間位於西貢嘰cafe，外牆純白設計俾人一種清新放鬆嘰感覺。賣相同埋份量都唔錯 可惜帶子冇咩鮮味同埋意粉整體係幾香，但真係一啲咸味都冇。少少失望。7成熟beef burger 比想像中驚喜，夠香夠juicy ，雖然簡單但幾好食。蕃茄同菜都新鮮，薯條份量多。

西貢❣️行山後的下午茶行完山落返西貢，見到有Cozy分店，仲要有兩層好靚既白色屋仔。即刻想入去high個tea先！雖然佢既咖啡好出名，但行完山想飲返杯好fresh既飲品！📍Rose on the Beach $56西柚加上玫瑰既味道，原來係好夾嫁👍🏻食物：❤️❤️❤️❤️環境：❤️❤️❤️❤️❤️位置：❤️❤️❤️❤️價錢：❤️❤️❤️好食指數：8.5/10Cozy Coffee西貢普通道72-74號地下及1樓

Sunday break☕️難得星期日西貢唔多人😆如果帶🐶🐶一齊 可以坐出面本身預咗要排隊 點知去到即刻有得入座👏🏻Cafe外面藍白裝修同大圍店差唔多樓高兩層 播放雀仔叫聲 大自然feel🌿relax好耐都無食龍蝦包 見到價錢可接受🦞龍蝦份量正常 龍蝦肉幾彈牙的如果個包可以烘得脆啲 牛油味香啲就更好了上面個醬味道類似蛋黃醬mix蛋黃🤔.Lobster Roll with Fries $118Latte $42.

行過西貢呢間餐廳，已經發現個裝修好熟口熟面，原來就係我食過嘅，不過喺大圍嗰間，裝修望落去都係比較歐陸風好chill，上次食早餐，今次食晚餐，我叫左牛扒，又幾有驚喜，我仲有試左我寶個豬扒，都好juicy都很不錯，仲有佢個薯條係用新鮮薯仔炸的配上蛋黃醬食唔停，仲要係連皮炸我最喜愛，今日仲每人送多個北海道軟雪糕，不過個earl grey同大圍嗰間一樣，香味唔夠比較淡，好似普通茶咁完全飲唔到個味道，不過整體嚟講算係ok！

放假梗係約吓朋友見見面傾傾近況，我哋揀咗西貢區，朋友搭車經過覺得呢間好似好正咁就去咗試 🤣🤣Latte 正常一杯咖啡，味道還可以，咖啡味唔算好突出。Egg Benedict 唔會太漏，切開時啲蛋汁唔係流到成碟都係，三文魚算新鮮，牛油果夠熟，味道唔錯，仲有伴碟沙律菜，夠晒健康。食完都未夠飽，再叫 2 件 cake，一件綠茶味，一件伯爵茶味，綠茶味唔算濃，反而顯得甜咗啲，伯爵茶味道因為用茶葉做，味道比較突出，唔算太甜。如果無掃 2 維碼，餐廳有 google form 填資料。餐廳 2 樓樓底唔高，剛巧有幾個女仔傾得興奮就比較嘈咗啲，佢哋走咗就舒服晒 😅😅

We ordered the Linguine Carbonara ($88), Avocado, Smoked Salmon, Tomato Salsa Sourdough Bread ($88),  and Fish and Chips ($68).The Linguine Carbonara was the best out of all the dishes we ordered. It was of a big portion, and it was creamy and rich in flavor with a lot of pancetta. The Avocado Toast was of good portion and the Fish and Chips, even though it was a side, is a portion of a main as well.

我哋三人行經過西貢，見到一間裝修休閒嘅Cafe，於是就走入去試吓lunch，我哋大家都好想食扒，所以我哋三個人都一齊叫咗每人一份rib eye steak 8oz, 佢嘅賣相不錯, 肉質鮮嫩，但略為過咗火位,因為我哋要五成七成熟，結果嚟到係七成及全熟！雖然有點失望, 但冇諗過佢嘅西蘭花及椰菜花好像加了少許海鹽一齊去焗，而且好入味同有少許脆卜卜至於咖啡方面, 我覺得mocha嘅咖啡比較淡，不夠香, 外觀影相就不錯總括不過不失!

🇭🇰 < < Cozy coffee > > 休閒星期日💰 [ ~$101-200］👯 [ ~15-20mins ]📍 [ 西貢普通道72-74號地下及1樓 ]______________________________1️⃣[ Toast ］ʜᴋᴅ 88✍🏻呢個牛油果煙三文魚酸種包好驚喜煙三文魚高質，調味啱啱好唔會過分鹹再配上牛油果醬同埋蕃茄莎莎，靚組合令到成個酸種包口感昇華🙌🏻🌟推薦指數：8.5/102️⃣[ Scallop Linguine ］ʜᴋᴅ 108✍🏻帶子黑松露意粉簡直係無得彈😍帶子同埋黑松露本身已經係Perfect Match 再加埋creamy sauce 同偏向硬身嘅扁意粉中哂小編心意😍😍誠意推介大家去試🌟推薦指數：9/10______________________________🥑整體嚟講🥚入嚟西貢小編一定會食cozy coffee 無論係店內嘅環境定係食物嘅質素都俾人一種好舒服好chill 嘅感覺順帶一提，小編已經嚟咗三次lu~❤️😆😋好味指數：8.5/10🏃回頭指數：8.5/10

今日第三次去Cozy coffee食Tea鍾意佢哋環境靚坐得舒服🌿又可以帶埋🐶一齊享受歎茶時光🥰上次我叫咗抹茶鮮奶好滑抹茶味香，拉花拉得靚😍淨係影相都影咗五六張🤣今次就試吓焙茶鮮奶先，味比抹茶鮮奶淡無咁滑有D燶燶哋嘅茶香🤔兩者我推介抹茶鮮奶🤗跟住叫咗煙燻三文魚班尼迪蛋😋其實我次次都有叫除咗賣相吸引之外仲好有內涵🤣煙燻三文魚配合爆開嘅蛋漿汁醬及軟包口感一流食過咁多間黎講最有水準無得輸🙌🏻之後叫咗虎蝦意粉🍝蝦有兩隻果然大隻有蝦味意粉配合濃郁蕃茄醬汁的確滋味🤤

近年習慣不時搵coffee shop嘆下食下坐下當中唔少可能質素普通所以去過一兩次就冇再回頭如果幸運地遇到喜歡嘅咖啡店會變成回頭客一而再、再而三地經常幫襯.係西貢市中心有唔少cafe有幾間我都好喜歡encore 經常去今次嚟呢間本想發掘下新腳點點知係一試難忘嘅差.Weekend 的下午店內有好多空位本身仲暗喜唔洗等位就入得但量完體溫入店 員工隨意帶客埋座位又完全零講解擺低餐牌後只講咗句你枱號係xx見到有好多空位就問一問員工可唔可以調枱員工又er又話冇位之後就話出面寫住入座後唔可以調枱(???) order還未落, 員工帶位前後乜都冇講清楚, 明明各area有空位都唔問一問客人preference...(完全唔覺得自己去咗coffee shop)2人限聚令下員工話4人枱唔俾得2人坐, 有4人坐埋一張枱但冇任何間距或隔板.現場所見樓面員工人數算充足落單需要客人離開座位去櫃枱點餐一碟意粉一杯Flat White 兩者都十分普通食完的總結係"Cafe價錢，快餐店質素"吧

西貢近期開咗唔少Cafe，無論係假日定係平日，基本上間間都要排隊。而呢間cozy cafe只係開咗幾個月，Cafe嘅裝修都非常之開陽，而且cafe總共有兩層，上層仲有畫展！今次我坐個位就係對正馬路，影相打卡簡直一流！而我就叫咗佢哋嘅flat white同埋Mini cakes，當中包括左檸檬、椰子同埋焦糖，檸檬味都比較Fresh，建議大家試水果味道，因為其他嘅味道都相對比較甜，我個人就一般。 而杯咖啡就冇乜特別，唔算太苦同太酸。但係呢個環境坐一個晏晝完全都冇問題，最啱一啲WFH既人！

遠離繁囂所以入咗西貢hea 一hea!俾我哋發現咗呢間Cafe， 店如其名‘cozy’ ，環境真係好好cozy ，好舒服好想入去坐下。呢間裝修好簡潔，入到黎佢係冇早餐套餐嘅，全部食物都係要分開叫。飲品亦都另計。價錢來講真係唔係平，兩個人閑閑哋飲埋杯飲品，都要三百幾蚊。不過relaxing time係無價的。 老婆叫咗個egg benedict!分量十足，而且外型滿分🥳見到已經好吸引 我就叫咗個all day breakfast! 我飲咗杯咖啡佢就飲咗熱嘅陪茶拿鐵☕️！ 全部都有拉花打卡一流。價錢來講，貴咗少少🤏但係打卡食物質素都非常一流

疫情下減少聚會，全部儘量以線上相見。今日有半天假期，不如出外走走，去少人的地方，便來了西貢。平日西貢人流較少，假日則人頭湧湧。行過Cozy Coffee，見它開了半年有多，仍未幫襯，兼人好似不多，坐得疏落，一於與老公入來試試。一入才知Cozy不單樓底高，兼有兩層，用大量木材砌成枱及書櫃，充滿書卷氣息。👍🏻👍🏻👍🏻 樓上的閣仔，更有多一重的寧靜，絕對是優閒或靜心的好選擇。它門口已放餐牌，菜式選擇比西貢一些Cafe 多，漢堡包丶意粉丶沙律丶蛋糕... 都有，還有Egg Benedict 。老公選了煙三文魚牛油果班尼迪蛋加凍美式咖啡 ，而我選了Lemon Cheese Cake 加Flat White。班尼迪蛋先上，樣子不錯。廚師時間控制得啱啱好，蛋白剛凝固，內裹蛋黃仍流心。加埋上面的蛋黃醬，及下面的牛油果醬，充滿蛋及牛油果香。煙三文魚咸咸地，配蛋一齊食又得，加落沙律菜亦好好味。Yummy yummy! 😋😋😋這件芝士蛋糕較為特別，面層是有一點海綿口感甜甜地的蛋糕，下面是充滿檸檬香的芝士蛋糕，配咖啡一流。👍🏻👍🏻👍🏻咖啡同樣有水凖，香濃幼滑，絕對值得一試。

啡·嚐 @ Cozy Coffee治療cafe，環境一流！西貢遊尾聲，諗住搭巴士走架啦，路經cozy，望入去見到環境好舒適，諗住入咗去試一試😌一坐低好似入左個森林咁，鳥語花香，簡簡單單叫左set SOE，享受一下個環境，咖啡一般，但係個空間真係好舒服，值得一去～下次可以試下食佢地啲熱食🤓食物：⭐️⭐️⭐️⭐️咖啡：⭐️⭐️⭐️⭐️互動：⭐️⭐️⭐️⭐️環境：⭐️⭐️⭐️⭐️⭐️番叮：⭐️⭐️⭐️⭐️#aus_cafe

 西貢＝海鮮？船P？離島？外國人？時至2020年，以上幾個terms已不足以形容多姿多彩、豐有特色的西貢。. 如果湊不成三五知己，海鮮吃得不多，又不夠人數出海，何一妨找間Café 舒坦一下？ 這次我們倆便試了位於西貢市中心的Cozy Coffee，一間在傳統三層村屋和西餐廳臨立的西貢市中，能自成一格卻又成功地融入的日韓風咖啡店。 . 餐廳設堂坐、樓上雅坐和靠窗bar枱。想旅行感覺重一點的，可選靠窗bar枱，陽光永遠是打咭的好朋友，有陽光，有靚相。怕曬著會太熱？在看著遊人在街道上慢慢走過的同時，你可輕呷一口冰冷的咖啡，傾聽著外面悠閒生活的日常聲音。不是咖啡因的朋友？就試一杯Rose on the Beach，幻想一下自己身處西貢外不遠的小島，喝著這杯顏色奪目的飲品放空一下也是不錯的選擇。. 食品方面，除了甜吃外，也有香口的食品，首推松露芝士薯條, 番薯條與薯條混合，雙重滋味無窮 (回味中) 。 . 地址：西貢普通道72-74號地下及1樓 . 註： 要週末/日才能抽空的朋友，計劃行程時要留意交通擠塞情況時有發生，要好好計算來回時間啊。