Cozy Coffee

Open Now

Now Closed

之前成日見人去度打卡，有一日的起心肝去左，但真係超失望～無論係食物或是服務都強差人意，如果想去既朋友就要有心理準備啦.個日我地帶埋狗狗，所以坐室外，當日我地見面冇人咩人坐，好吉（可能因為熱）又懷疑我地打尖 但根本帶人排出面，室外既位係超空落單時店員態度已經頗差，不過都由佢，但上飲品個陣，直程好似茶餐廳夥計咁😅勁大力咁樣擺低仲倒瀉咗少少....▪️白酒牛油汁帶子扁意粉 $98先唔講本身個味道一啲都冇白酒味，睇張相就可以見到啲帶子煮到爛晒，唔知仲以為我自己剪開。而意粉本身好淡，牛油味都唔多覺，一啲都唔值$98▫️All-day breakfast $118菇係唯一覺得可以接受既，其他都好普通▪️蘋果汁 $32▫️香橙汁 $32 呢兩杯野飲，本身已經好細杯，仲加咗超級多冰，飲落亦係超淡😅.好多打卡嘅餐廳食物質素都未必好。但呢一間影相又唔係話真係超靚，食物質素又好差，性價比真係超低～

🎈Cozy Coffee/Take a break coz we get tired by the environment around us 🥀/ 櫻花蝦明太子意粉配虎蝦Spaghetti with Sergestid Shrimp ($90)隻虎蝦好大隻呀 食落新鮮多肉🦐麵質彈牙唔會太淋 汁唔算好多但都幾入味好食明太子嘅人應該會幾鍾意❤️新鮮煮起熱辣辣咁食個意粉 好味道😋日式芥末煙三文魚班尼迪蛋Smoked Salmon Benedict Egg with Japanese’s Style Mustard ($80)🥚煙三文魚加班尼迪蛋一定冇錯嘅😂不過感覺上個日式芥末就唔係太襯成個配搭🤭食落係一個不過不失嘅班尼迪蛋加沙律菜🥗雙色薯條Mixed Chips ($50)🍠🥔新鮮滾熱辣炸起 系用左甜既番薯條同連皮薯仔條炸成 番薯條鹹中帶點甜😍👍最後跟餐各(+$10)叫左兩杯咖啡

呢排又爆緊肺炎大家要小心身體 😷 .午餐:100%安格斯漢堡配茉莉花茶 $128.平日嘅南豐紗廠依然係人頭湧湧🙈好難得搵到間餐廳係仲有位我就即刻入咗去🙈.呢個漢堡扒真係值得一讚漢堡可以自己揀幾成熟，我就叫咗全熟～鍾意食生啲嘅人，可以叫五成熟漢堡扒肉味很濃～ 好juicy🤤🤤🤤分量仲要好足夠我自己一個食爭啲食唔晒🤣🤣.反而個薯條略嫌鹹咗啲🤯如果可以自己落調味就更加好.茉莉花茶就係用茶包沖嘅冇咩特別🙈

約咗朋友喺大圍傾野，但係又唔肚餓，就搵咗間Cafe諗住飲杯咖啡坐下，行經呢間好近大圍地鐵站，有兩層高全白色外型非常給睛，地下果層有人就咁直接坐喺窗邊窗係打開嘅，可以望到外邊啲人行來行去車水馬龍，都幾chill我就選擇坐樓上，因為好怕熱，叫咗杯凍嘅拿鐵，一件芝士蛋糕，杯咖啡衝得好飲，有奶香之餘同時咖啡香都唔會被掩蓋，意見芝士蛋糕有啲貴成40幾蚊一舊，仲貴過杯咖啡，不過一分錢一分貨，都好食嘅，蛋糕好軟綿綿，芝士味亦好香，只不過係唔抵食。我見其他客人食正餐望落好似幾好，下次可以試吓

Earl Grey Tart🍰-【支持黃店】原來大圍都有好多黃店，今次要講講這家好休閒有格調的Coffee Shop。(*´˘`*) 雖然裝修休閒舒適，但是窗口對住垃圾筒，還要和朋友飲住咖啡的時候，街上的垃圾袋吹到朋友身上，真是很扣分呀⋯⋯-好講講這撻啦，茶味不重，質感太硬，而且擺碟不太認真，再扣了點分，整體感覺不算太好。(۳ ಥ_ಥ)۳ 或者下次坐樓上會好一點，哈哈⋯⋯

☕️只可一，不可再！😤呢間cafe d嘢真係超級非常一般！佢嘅嘢食唔係特別好食！🤷🏻‍♀️重點係啲職員態度差到爆！首先有客入嚟，佢哋好唔友善咁叫人放低把遮！然後有人唔記得探熱，佢哋幾個職員黑曬面！🌚跟住可能有客做得唔好啦！佢哋竟然大大聲咁喺其他客人面前講人是非🤨好似些少職業道德都無咁！🙈講是非唔係問題，問題係點解要大聲到成間舖都聽到其實你細細聲呻吓咪算囉🤷🏻‍♀️尤其係個女職員呀🤨講曬粗口咁話對母子🙈同埋佢啲嘢食係偏凍！Latte係無乜啡味，得奶味！食完佢之後仲要去附近間cafe飲過杯啡先gur d 🤦🏻‍♀️同埋佢啲車厘茄好唔新鮮呀！結果啲嘢食食唔曬就走咗嚕！仲要比班staffs影響咗美好嘅心情！🤪

Cozy 📍大圍兩層小白屋咖啡店🤍🌟- - - - - - - - - - - - - - - - - - - - - - - - -🌟坐擁兩層嘅白色咖啡室Cozy，距離大圍火車站五分鐘路程👌🏻餐廳下層有幾片大玻璃，自然陽光透入去，感覺打卡不錯喔👌🏻 餐廳裝飾偏簡潔，以白色同木系為主。蛋糕全自家制喔！1️⃣Green tea roll cake 🍰 卷蛋蛋糕部份做得幾soft，又唔痴牙，質感唔錯👌🏻綠茶味唔濃，蛋糕部份都食到綠茶味，但中間cream嘅部份比較甜，亦無咩綠茶味喔。作為一件普通cakeroll嘅話，做得還不錯但綠茶控可能會失望喔😞2️⃣Earl Grey tart 🥧呢個tart就真係令人失望，earl grey味好淡😢襯左無花果，兩者味道都夾嘅，不過整體味道都係偏淡，唯一值得贊就係唔太甜，都食得曬👌🏻個tart嘅口感亦一般，完全唔脆，但亦唔係林身，怪怪的🧐3️⃣Flatwhite ☕️咖啡反而不錯喔👌🏻👌🏻 咖啡味夠濃，入口亦算smooth👌🏻黎飲杯咖啡，打個卡是可以的。🚫❌有一樣野很不好的，就係店員服務態度很不好！ 用很不好黎形容已經好忠

Cozy係外觀上面真係好引人注目📸️📸️啱啱開嘅時候都好想快啲去幫襯今日雖然落雨都想出街走走所以黎到呢度同朋友聚一聚如果好天嘅時候窗戶可以打開客人可以喺窗出面睇到風景同埋食嘢唔好睇佢係一間Cafe吖🤤佢嘅食物種類繁多咖啡種類都好多💕比起其他Cafe食物同埋咖啡水準都一流。可以慢慢享受一個休閒嘅時光🤩影相亦都非常之靚因為有大自然嘅天然光打入去室內。📸️今次就叫咗一個意粉一個pizza同埋一個薯條帶子意粉啲帶子好新鮮裏面總會有一啲黃色嘅蕃茄仔黃色嘅蕃茄仔比紅色嘅蕃茄仔更加鮮甜唔知點解仲有桃嘅味道薯條不過不失Pizza上面都有嗰啲蕃茄仔真係好鮮味啊推介大家兩個人喺嗰度傾吓偈。享受一個寧靜嘅時光

第一次寫食評，以前試過其他餐廳食物質素不太好我都無寫，但大圍呢間真係令我忍唔住要寫。之前去過西貢個間，食物服務都ok嘅。但大圍呢間真係差，一入門口開始，我已經覺得中伏了，因為。我坐向地下嗰層，無一個待應係態度好服務好。我講緊唔係淨係對我一個客人，我見到對其他客人一樣，問多句都好敷衍。食物幾好都無用，服務差唔會再有下次！

面向著這稍為靜寂的街道，能夠享受著陽光的照耀吃著午餐亦是一種放鬆的機會。難得來到大圍，就嚐嚐這兒的菜式。今次我點了一份三文治餐，價錢包含了餐飲，而我選擇了Americano。擺盤的樣子如下：Americano並不香，它是屬於偏苦的咖啡豆，沒有果香。沙律菜繁多，配上煙三文魚，牛油果蓉和一片多士是健康且飽腹的選擇。顏色：橙與綠的配搭使食慾上升。香味：牛油果蓉有香草和蒜泥，還有一點點檸檬的香氣。味道：牛油果蓉有一點點咸，混合了淡淡的酸味很開胃；               沙律菜使用了酸酸的沙律醬拌勻，菜本身有些是有微微的苦味；               小蕃茄很新鮮，甜甜又多汁；               煙三文魚不會過咸，有魚油的脂肪味；質地：牛油果蓉軟滑無大顆粒                麵包吸收了所有水份，因此都變得濕透了﹑軟爛掉；               小蕃茄爽而不脆，卻水份飽滿；               沙律菜爽脆沒有爛掉；               煙三文魚有韌性，不是那種放久了變得過軟而爛掉這是常見的配搭，卻能夠擺盤上令人食慾上升。真是很滿足的一份午餐。

與友人周末到人氣文青連鎖店嘆啡打卡。咖啡店地理地位置便利，大圍站一出五分鐘內即可抵達。環境有文青氣質，空間尚算舒適。以忙碌的周末中午時段來說，飲品食物質素尚算不錯。唯店內服務員態度非常不專業！與友人都曾經光顧位於荃灣的同名店，相比之下，大圍店服務員傲慢到不堪。收銀員點餐出錯反嘰顧客，暗示客人不會閱讀。店內明文入座時間1.5小時，但不足一時便聽到店員竊竊私語趕客，催客人快快用膳完畢然後離開。服務員不專業的態度簡直影響整體評價！美式咖啡味道不錯，espresso做得不錯。Mocha 一凍一熱，熱mocha拉花有水準，咖啡與朱古力平衡得好。凍mocha稍遜一色，也許加了冰塊味道較難平衡。點了炸魚薯條，炸魚上枱仍然夠脆，皮不太厚，但薯條上枱已變軟，整體味道口感算不錯。

星期天無懼炎炎夏日，多人等位都照等位！等左大約30mins, 終於有位了～坐係窗邊bar枱，面向街外，雖然打開窗戶，但冷氣算足夠，環境不俗，自助點餐，價錢就一般般啦，最低消費最少要一杯飲品！點了牛肩胛肉配薯角，Iced Latte, Iced Moca~飲品先黎，唔算大杯，但啡味香濃厚身！牛肩胛肉點了medium, 切了薄片上菜，聰明在於咁食落唔會咁韌，但失溫快，來到已經凍了，但食落有牛油脂的香味，加點鹽和黑椒釣釣味，成件事又另一層次！薯角新鮮炸起，配松露沙律醬，香氣直迫喉嚨～整體食物評價不錯，是價錢稍高，人均消費已經要百幾蚊

未入去已經比佢間cafe 外觀吸引住，因為好有文青feel ，間cafe 分左樓上樓下兩層,仲有outdoor bar枱位置,感覺好優閑。係到真係可以hea 一個下午都可以！我叫左個牛肉漢堡配薯條$128個漢堡份量真係有啲大，肉質鮮嫩多汁，不過我就嫌有少少生，但好適合D肉食皇去試吓👍另外我配左杯Ice latte,味道吾錯。我亦叫左份明太子大蝦意粉配左件朱古力味極濃嘅蛋糕、茉莉綠茶都係$158，大蝦真係有半只手掌甘大架！😋埋單三百蚊有找，仲有free WiFi ，下次可以再去幫襯

這家cafe環境真的不錯！是我喜歡的藍白色～一樓有開放式座位，喜歡享受自然風的可以坐樓下。二樓櫥窗佈置以書本📚為主，所以給人一種文藝小清新的感覺。【白酒牛油汁帶子意粉】（$98）🌟🌟意粉比較硬，我個人不愛吃硬的。而且意粉有少少油～吃多了會膩，好在我是和同事share帶子倒是有好幾個，一開始還以為紅色是胡蘿蔔，只找到一個白色帶子，差點要投訴店家才給一個帶子了，後來發現原來紅色也是帶子。【西班牙黑毛豬鞍】（$188）🌟🌟🌟🌟這個我覺得讓我很驚喜呀！一開始切的時候，還在想怎麼這麼硬。沒想到吃上去肉很香‼️配上蜜糖芥末醬，很好吃旁邊是搭配了沙律🥗和薯角。【焙茶鮮奶Latte】跟餐可以➕$16換一杯Latte☕️我太喜歡這個Tiffany藍的茶具了💙

因為被佢鋪頭外表吸引，經過覺得好靚，所以一直想試咗好耐，約咗朋友快閃時間，所以簡咗係度飲杯咖啡。呢間cafe店，影相打卡好靚，可以帶埋寵物，踩單車嚟食個下午茶都OK，所以都幾好，間餐廳仲有兩層，不過座位唔係特別多。我叫咗杯latte，味道不過不失，但唔算特別好飲，因為同朋友得少少時間，所以無叫其他食物了，但也想來再試一下。我本身鍾意影相，對呢間cafe會加分，因為我地影咗好多靚相，好開心，同朋友嚟飲杯咖啡傾計，是一個非常唔錯嘅選擇，好彩我weekend午餐前嚟，唔洗排隊，即係有位。