皇冠(呂宋芒)專門店 (耀華街)

Open Now

Now Closed

店名: 皇冠(呂宋芒)專門店地址: 銅鑼灣耀華街31號地舖銅鑼灣A出口，行4分鐘環境: 3/5價錢:3.55味道: 3.5/5皇牌$88份量好多，夠兩個人share，有雲呢拿雪糕，芒果爆珠，新鮮芒果，椰奶，芒果味綿綿冰😗綿綿冰味比較假，但唔會太甜，無好綿綿嘅感覺😶芒果幾新鮮，果然係芒果🥭專門店酸酸甜甜冇落糖水，表面椰奶無咩椰香，食落唔算好夾，整體黎講普普通通，不過勝在夠大份🙈🤨#stitchfoodie銅鑼灣

食完飯，梗係要食返啲甜品啦～耀華街真係好多野食，見呢間唔使排隊，就試下。好彩嚟得早，到九點零果陣，出面已經排曬長龍😆叫左芒果奶蓋沙冰（$46）、芒果粒粒爽（$42）、芒果布甸爽（$42），全部都好多芒果粒，可能芒果唔係當造，味道ok la 。椰汁紅豆沙冰（$40）就係普通一杯紅豆冰，40幾味就一般抵啦。另外叫左兩份皇冠窩夫拼盤（4色）（$138.00），一份另外加左麻薯（+$8），配料份量足，但窩夫唔夠脆，唔似即整，如果即整都咁唔脆，就真係麻麻地值。野飲ok ,窩夫麻麻。

｛皇冠(呂宋芒)專門店｝銅鑼灣港式糖水好地方.假日食完晚飯 諗住去食甜姨姨 點知太多人排隊轉戰同一條街嘅呢間連鎖甜品舖一眼睇晒嘅店面 原來都可以坐6-7枱～大概排咗5分鐘就有位 (･∀･)雖然佢個名有「呂宋芒」但其實仲有其他中式糖水、窩夫、刨冰等等今次就試吓佢嘅signature芒果🥭同燉蛋.✎  金玉滿堂 HK$38偏甜嘅芒果布甸打底上面鋪滿芒果粒、椰果、芒果爆爆珠芒果粒幾鮮甜 芒果布甸口感軟綿偏甜 芒果珠就超級甜(  .ˬ.)"✽好味指數：★★★/5.✎  桃膠(椰皇）雪燕燉蛋 HK$78整粒椰子🥥入面有蛋香味 唔會太甜嘅燉蛋上面鋪滿桃膠&雪燕 三種材料一齊放入口中 口感豐富不甜膩✽好味指數：★★★★/5.⚐ 皇冠(呂宋芒)專門店 -  銅鑼灣店地址：  銅鑼灣耀華街31號地舖人均消費：$50 (2ppl)回訪指數：🤤🤤🤤🤤/5環境舒適：🪑🪑🪑/5

皇牌 $88 - 好大碗嘅芒果綿綿冰 有芒果爆爆珠 奶蓋 同埋冰 一個人應該食唔晒 最好兩個人share 金飯碗 $78 - 即係芒果糯米飯加焦糖布甸 呢個組合都幾特別Overall 舖頭比較細 不過甜品舖都係咁上下 俾錢只可以用八達通 現金 或者支付寶 有少少唔方便 😕服務態度都一般 呢個價錢可以有更好選擇 未必會返轉頭🍽 餐廳: 皇冠(呂宋芒)專門店 (耀華街)🏠 地址: 銅鑼灣耀華街31號地舖#foodiehk #hkfoodie #foodie #香港美食 #foodporn #foodphotography #foodblogger #hkfoodpic #hkfoodinstagram #foodlover

最近嚟親銅鑼灣都食翠苑甜品今次決定帶MM食另一家甜品皇冠(呂宋芒)專門店喺銅鑼灣耀華嘅分店原來皇冠(呂宋芒)專門店喺香港有4、5家分店雖然佢叫(呂宋芒)專門店，有好多芒果類甜品，但其實佢哋亦有提供窩夫、蛋糕及中式糖水。MM揀咗香蕉窩夫配雪糕（雲呢拿雪糕配朱古力醬）（$68）蕉媽和MM爸食中式糖水，分別係腐竹糖水（$36）和香滑芝麻糊（$36）。窩夫賣相靚，加上雪糕，小朋友當然大愛❤️中式糖水味道不過不失，甜度適中。皇冠(呂宋芒)專門店 (耀華街) (銅鑼灣)銅鑼灣耀華街31號地舖初嚐連鎖甜品店- (呂宋芒)專門店@銅鑼灣

星期五晚上與朋友們食完晚飯後，係附近搵甜品糖水食，結果揀左呢間。鋪頭唔大，大約6-8檯左右，我哋係門口等左大概5-10分鐘就可以入座。餐廳專門食芒果甜品，當然亦有其他非芒果既甜點，甚至係中式糖水選擇，甜品種類都叫相當多。試左芒果糯米飯，糯米飯有白米加紫米兩款，仲有半個芒果，白糯米飯比較普通，紫米就比較有咬口同煙韌。各類甜品價錢偏高，但質素同餐廳環境感覺上未值呢個定價，CP值比較低。

食完晚餐後想食點甜的 選擇芒果甜品 點知排隊期間落大雨了 好彩間店外面有蓮蓬可以避雨 唔知算唔算呢間店既優點 平時也可以避太陽 排隊就無咁辛苦🫣試左兩款招牌甜品 一個芒果甜品 一個麻糬窩夫🌺金玉滿堂冰配料滿滿 芒果肉好甜 芒果爆珠同椰果提供咬口感刨冰都係滿滿芒果味 芒果控食得滿足🧡🌺半份綠茶麻糬窩夫可選全份或者半份 適合眼闊肚窄嘅人窩夫係即烘 熱熱地咁 但同朋友食左好耐都唔太食到個麻糬 有點失望紅豆蓉唔會太甜 夾層既綠茶蛋糕就略嫌有點乾 整體唔算太推薦🫥睇來去芒果專門店食返芒果最好😌

同屋企人係銅鑼灣食完飯，行行吓街又想食甜品，見到依間都幾岀名，就入去試下。芒果甜品好甜，味道岀色，其他綠茶窩夫對於我依個綠茶迷黎講都好岩食。整體唔錯值得再幫襯！

呢間以芒果做主題嘅甜品店 真係啱晒芒果控🍮🥭個椰汁芒果布甸真係好好食😋食落好香濃嘅椰汁味 好滑溜🥥再配埋大量粒粒清甜多汁嘅芒果肉 味道真係好夾😍😍😍酸酸甜甜 好有夏日嘅感覺～～

食完晚飯最啱就係食甜品😆呢間以芒果為主題嘅甜品店，有好多好創新嘅芒果甜品🤣但今次冇叫到，反而叫咗另外兩樣🤣鮮果麻糬窩夫 (全份)($118)🧇好吸引我，因為有麻糬😍我覺得都算煙韌，本身個窩夫都幾香，不過覺得鮮果用瓜類好似唔太配窩夫🤣都係芒果、士多啤梨嗰啲比較熟悉🤣另外亦叫咗件藍莓芝士千層 ($45)🫐起初以為會比較硬身，但食落口又唔覺，反而仲幾creamy，藍莓芝士味亦都好出，幾好味～我覺得呢個價錢都略算進取，但甜品質素都算唔錯，不過就唔好期待有咩服務🤣

服務態度勁惡劣。一位戴眼鏡女店員全程禮貌勁差，呼喝式招呼。期間食食吓更加被要求調位比其他食客坐，過程相當不愉快。落單先知要每人最低消費一個甜品餐牌亦都冇標明，搞到焗住要嗌兩個。食物質素參差(頂多滿記質素），價錢亦不便宜，一個紅豆冰要$40，但質素相當一般。總括而言服務態度三差到令人卻步，算係食過咁多間甜品舖裏面最差嘅一次體驗，整體評分會比 2/10，唔會再光顧🙏🏻希望大家引以為鑑，入呢間之前三思。

嚟到銅鑼灣食甜品，見到呢間芒果主題專門店嘅甜品都好多人排隊，所以都跟住試吓~我覺得呢間芒果係主打芒果新鮮，但甜品質素麻麻地，刨冰比較一般。🍴皇牌(綿綿冰) $88 (5/10)份量好多，可以兩個人share，有雲呢拿雪糕，芒果爆珠，新鮮芒果，椰奶，同埋芒果味綿綿冰。芒果綿綿冰嘅芒果味比較假，食落偏酸但唔會太甜，質感比較碎同淋身，冇好綿綿嘅感覺，口感味道都一般😂芒果爆珠，一咬就爆開，甜甜地幾得意嘅，反而欣賞芒果真係幾新鮮，酸酸甜甜冇落糖水，表面嗰層椰奶都唔係好夠椰香微甜怪怪地🤣🤣整體來講普普通通啦不過勝在大份share嘅話就好飽😂🍴椰汁芒果布甸 $38 (7/10)超級多新鮮芒果粒，保證淡淡食到芒果肉，芒果布甸係純布丁，冇咩芒果味，但椰汁味好濃，幾香口，好食過綿綿冰🤣推薦指數: 6.5/10如果真係好鍾意食芒果嘅話可以一試，可能會有一款甜品啱你口味，但對芒果冇乜興趣嘅話就可以唔使去😂佢哋主打芒果反而甜品個功夫真係一般。

味道偏淡的腐竹薏米糖水～同幾位朋友食完晚飯想食個糖水傾多陣計本身想去泰國過江龍after you dessert朝聖點知已經收舖隨便去左呢間但不會encore了🥲性價比偏低 銅鑼灣還有比較多選擇啊糖水感覺冇煲好耐～腐竹未有溶糖都加得吾夠淡淡同偏睎和心目中的中式腐竹薏米糖水有出入🥹食左大半時 有位廚房職員過黎提醒：「外面好多人等！」見味道普通 都放棄埋單嚕外面是冇人等位/等外賣既😌舖頭應該要整理下分工/甜品質素嚕～

前2天同同事苹苹下班后，在公司附近的芒果专门店吃糖水，点了一个芒果椰汁紫米露及皇冠1号。紫米露味道不错，芒果好甜好好吃，原来皇冠1是芒果船，雪糕味道好配上芒果特别有种菲律宾🇵🇭风情。这个店是专吃芒果的店，有很多甜品都是用芒果做的。而且价格也不是太贵的，不过店铺空间比较细少，所以坐的位置比较迫。还有给大家一个贴士，这个店很多排队，要吃早点来拿位置吧。中午还有芒果卖，100元3个，又大又甜又香，因为咱们上星期卖过呢

在耀华街吃完串烧后还想吃甜品。沿着耀华街行便看见这间专卖吕宋芒的甜品舖，装修得不错便入去试试。叫了一杯芒果奶昔，虽然芒果味没有想像中浓味，但杯内的云呢拿海盐雪糕就好好味，同杯奶昔都几夹。另外叫了一个拿破仑芒果。三件饼好脆，吃的时候仲有微温，很香口。芒果粒好多，好甜，同拿破仑饼一齐食好好味。店内汵气充足，是大热天吃甜品的好选择。