咖喱邦 (Closed)

主菜叫左咖喱豬扒飯 再加個沙律同飲品埋單$3XX 早知去食outback個豬扒飯得隻碟大勉強夠兩個人分,沙律就真係一隻湯勺咁多兩野食晒 最重點係唔係特別好食，以一間以咖喱為主題的餐廳價錢偏貴可能新城市廣場樓上d租金真係咁金，同樣食物如果去禾輋食，我諗最多都係$1XX～$2XX左右其實啲嘢唔係難食不過呢個價錢真係好難令人入去食而且裝修冇乜特色同普通一間家庭餐廳冇乜分別，你話好似人哋執事餐廳或者啲好有特色嘅咖啡廳餐廳咁都可能入去打卡貴咗嗰啲當俾入場費，正正常常普通食個lunch真係一定唔會去，晚餐又唔夠人哋豐富又冇乜特色，不如都係搬返去啲平租嘅地方做家庭餐廳好過

見到間餐廳新開，諗住試下，但係啲食物質素一般，令人失望。我揀咗鴨胸青咖喱沾麵，雖然擺盤唔錯，但咖喱味道同超市嘅包裝咖喱差唔多，完全食唔出有咩特色，咖喱份量仲要算係偏少。鴨胸雖然份量還好，但口感嚡口。而沾麵就用咗蕎麥麵，但係似乎煮嘅時間長咗同埋無過冷河，口感變咗嬰兒糊仔咁，完全唔係沾麵嘅水準。售價嚟講，呢碟咁嘅沾麵賣158蚊（另加加一）唔包餐飲，似乎定價過高。餐廳如果唔係肯定做到客人嘅要求，定價就要小心，唔係就易令客人覺得唔值咁嘅售價。