喬妃齋 (Closed)

之前在某場合試過喬妃齋ge菜...雖然係外賣但係都好好味，由其紅豆糕~今次終於搵機會黎試下la...見open rice D人講....話間野好細~好多人...所以今次同男友早D黎...6:30就上到去la...果然，好多人....(已經係平日)不過好好彩唔使等就已經有得坐...仲要係唯一一張....我地叫jo芋頭魚、唔知咩津白同埋鹹魚雞粒炒飯樣樣都好好味~芋頭魚-好鬆脆津白幾得意~(係旋姐推介)鹹魚雞粒炒飯- 幾大碟，夠獲氣本來係叫福建炒飯...但旋姐話好大碟....我地會食唔晒叫jo 3碟之後，佢叫我地唔好叫la...因為2個人已經夠食...都幾好人....唔會多jo做生意特登叫D客叫多D~

食過幾樣野:椒鹽豆腐 - 超好味, 外脆內滑,　點華鹽食一流琵琶鴨 -無咩特別,而且肉比較韌羊腩煲-　彷真度高,味道不錯乾燒伊麵 - 唔係太多油,味道ＯＫ沙嗲雞飯- 　夠惹味, 　’雞肉’亦夠腍每次都係２個人去食，而且都係較早既時候去，所以唔使點等，亦唔會俾人催埋單。會繼續去。

叫左個南瓜鰻魚煲, 以為會好好味, 但係好失望,啲南瓜一啲都唔粉,又唔林, 好生. 啲鰻魚係面個啲係無味, 我巳經係食得偏淡都覺得佢無味, 真係好無味了, 不過再加啲汁都ok 返啲.芙蓉蛋飯, 啲蛋係好大份咁放係面, 但係佢唔知係咪加得太多粉,攪到啲蛋好硬, 似食韓式薄餅多啲, 一啲都唔滑, 同埋無汁, 真係乾哽.

再三幫襯旋姨間齋鋪, 老豆來電話黎時, 小弟因為看得多近來的食評而提醒老豆, 服務差左喎. 8點, 老豆同佢既茶友已經先到, 大多數是留了檯的, 爸說遲一點都要企門口.今日沒有出現水洩不通的情況, 問呢樣問個樣都好樂意答, 例牌叫了個羊腩煲, 咕嚕肉, 齋鹵味, 芋頭魚, 加多一個未食過的手撕雞. 羊腩煲, 咕嚕肉, 手撕雞. 仍然是非常正, 老豆既茶友笑說, 根本食唔出呢D係齋.出菜快, 檯有少少污穢野都即時抺走. 服務唔差, 只是忙的時候, 手忙腳亂, 服務有折扣難免.

星期日(初一)晚, 約了朋友到此餐廳. 之前幫襯過一次, 覺得不論服務以及食物的水準也不俗. 怎料之前服務殷勤, 態度有禮的"璇姨", 在那天晚上, 竟然變了一個趕客的"旋渦". 給我的感覺是就是"你不用點那麼多的菜, 只要快快食完, 草草了事就可以了".這樣的服務態度, 就算送免費再加送甜品都不會再幫襯!!! P.S. 如果service 果項有負分的話就更能反映我的感受

以前都食過好多次呢間齋鋪，次次都好開心的，食物水準不錯，招呼又殷勤，GOOD!星期日(23/3)，又去幫襯啦，點知今次極之失望。先說座位，可能由於有咗名氣客人大增的關係吧，加了很多張枱，令1000尺的地方迫狹得很，同後面的客人簡直背對背坐一樣，同隔離枱亦差不多痴埋一齊搭枱咁。服務方面，如沒有記錯，待應好像換了新的一批，亦可能實在太忙，面無笑容之餘，無論沖茶落單亦好匆忙。最離譜的是，有很多訂咗位的客人，準時嚟到居然無位，要等上一批食客走先有位，咁訂位有咩意義呢? 為咗令大家食快D同快D埋單，\"船姨\"居然安排等位的客人企在正在食緊的客人後面等喎，茶餐\廳咩，有好多根本只食到一半，或者所點的食物都未到齊，令大家食得好有壓力。總之，今次食得好無癮，齋鋪應係一個比到客人一個寧靜祥和的地方去品嚐素菜的地方，但今時今日呢間真的做不到呢!

3月18日晚上8:30到達, 好好彩一去到璇姨就安排坐位給我們。我們點了枝竹羊腩煲, 鰻魚煲, 羅漢齋炒麵, 芋頭魚好好食, 而其中一菜式由璇姨推介, 味道相當不錯, 就是薑蓉腐竹, 很滑, 好好味。最後璇姨還親自送甜品給我們,有桂花糕和紅豆糕。媽媽話d紅豆糕好好食, 還要外賣幾件回家吃。當晚璇姨非常有善, 跟媽媽和客人都有傾有講,更常常為客人加茶, 很好笑容!! 我們會再去的。

一月底惠顧之後，認為是間值得推介的好餐廳，便在這裡大力推舉．但上星期再到這餐廳，實在令我很失望．由坐下的一刻開始，蘇杏旋便催逼我們點菜．我們在五分鐘被催逼了幾次下，胡亂點了幾個小菜．之後略頓，正想想點一個炒飯還是炒麵之類時，蘇杏旋說了一句：”你地夠架啦”便怱忙行開．除了蘇杏旋外，還有一位身形魁梧的男服務員也很沒禮貌．他沒穿服務員制服，想必不是僱員，是老闆或是來幫忙之類吧．他端菜到鄰桌，說是支竹ｘｘ煲（我忘記是甚麼煲），鄰桌食客說他們點的是鮮竹，不是支竹，那男服務員不耐煩的說這就是鮮竹了．食客們還保持風度的問清楚，擔心吃了別桌點的菜．但那男服務員語氣粗魯的回答，他們點了甚麼菜，這就是甚麼菜了，便立刻轉身行開．大約半小時後，我們吃不到一半，蘇杏旋又來催逼我們吃快一點，因為還有人在門外等候．我們選擇到素食餐廳，就是想心靈安寧的吃頓晚飯．若果要草草地填飽肚子，我倒不如到快餐店，既經濟，亦不致受氣．我奉勸蘇杏旋，應該知道其餐廳容量．若果客人太多，應停止再訂座，亦應捥拒未訂座而致的顧客．她那天可要多幾桌子的生意，但卻損失了永遠的客人．

食過數次,大部份都好好味,而且lunch都唔太貴. 不過人就好多,因為得2個人食,好多時要撘枱. 不過,個日埋單,問侍應拎番張手寫單,點知蘇杏璇啤住我,仲大聲話我"依架比張機印單你,唔得咩"我當堂打個突,食餐飯jar,駛唔駛咁惡呀. 我話會甩色架. 跟住另一個侍應同我講話無. 跟住我同我同事都話食過今次,再無下次.

約咗3月8日晚上7:30食朋友生日飯,因上次覺得幾好食,所以今次係第ニ次上去,點知去到門口人山人海,嗰隻蘇杏'船'走出來問幾位,我哋答佢定咗7:30(6位),佢叫我哋等等,等咗陣又走出問我哋幾位(唔通佢有老年痴呆)????我哋再話比佢聽,等咗陣佢話有張10人枱可以比我哋坐但要搭3件友落離,見咁多人都冇計照坐,因為我哋仲有3位朋友未到所以一路睇menu一路等,嗰隻'船'駛過來吹我哋點菜,我哋話睇僅等陣先,過咗大約幾分鐘我有2個朋友來到,隻'船'又再駛來吹我哋點菜,我哋唯有點咗5個小菜加一個鍋素翅,隻'船'親自幫我哋落單,終於最後位朋友到啦!佢坐低發現有本落單薄,原來係隻'船'留低咗,佢真係有'老年痴呆',點解咁講呢係因為d菜來晒我哋食到未到一半,佢一開頭先叫個3件過隔離3人枱,過咗幾個字後同我哋講要轉去一張僅僅坐到5人嘅枱,我哋話我哋6個人點坐呀!佢話你哋得5個人咪剛剛好囉!唔係呀!明明6個佢話我哋得5個唔通有個係'透明人魔',佢仲冇乜禮貌'唔該'都冇聲,我個朋友不知幾嬲立即話佢,佢先say sorry話佢自己攪錯以我哋得5個叫我哋換枱,原來出面有10個人等僅我哋張枱,嘢都未食完卽上幾件

上星期四是我第二次與我幾位吃素的朋友去這裡。選擇的原因是地點方便，其中兩位朋友首先到達，我和另一位朋友遲十分鐘到達。我們都未坐下，蘇杏璇已不斷追我們點菜，又罵我兩位先到達的朋友為什麼要等齊人才點菜。到我們點菜的時候，她的伙計竟然如把紙和筆給我們叫我們自己落單，最滿意的都不是這點，當我們自己落單的時候，蘇杏璇又走過來催我們點菜，我也不客氣的答了一句，"你的伙計叫我們自己落單"。她竟然望著我的朋友說"後生仔女二十幾歲，出來做事都拖泥帶水，我六十歲做事非常快和爽。" 我想這位老人家一家當了自己是我們的老板，說實話，我原本很尊敬她，但她的態度令我和朋友非常反感。飯菜的味道一點也不錯，吃素應該是一個很平靜和安樂的地方，但只是服務態度與我去過的茶餐廳相比更差。我個人意見非常失望，如果大家想食一餐開開心心的話，這裡一定不是好選擇。

上次食過好好味，今次朋友生日，今次食品味道當然好好味，但係，一心出街開開心心食餐飯，食店只得味美是唔夠的。- 一早book定檯，星期六晚7:30pm，6位。去到人多到暈，竟然要搭檯。- 璇姨好盡責，坐低無耐，睇都未睇清楚餐牌，已不斷話: "點菜啦, 好嗎？"- 過無幾耐，話張檯原來係應該俾人book左10個人，要我地搬去另一張最多只可坐五個人既檯（唔該都無聲），仲話我地得五個人，唔通我地其中一個唔係人？人地生日呀，講d咁恐怖既野??? 佢聽到後就say sorry 話佢錯左，唔應該咁安排d檯。咁真不好意思囉... 其實係咪我地黎錯左？- 野食左一半，就係咁問我地夠唔夠食，如果要加野，要等半個鐘，即係叫我地唔好加野啦！- 都仲係食左一半，就放低甜品話係送既。嘩！高招啦，甜品都上埋，仲唔走？但請唔好忘記，我地個個都仲有半碗飯未食。- 璇姨好關心人，不停叫我地幫幫手，外面果10個人仲等緊，但係，係咪我地錯呢？好似係喎，如果我地今晚唔出現，咁果10個人咪唔洗等囉，呀... 定係我地未學懂把飯菜好似倒水咁倒入口呢？希望你無覺得我地唔合作啦。- 食到大半，關心人的璇姨又好關心地問我地飽唔飽，oh，

上星期五晚因家姐生日，於早四日前已經打去訂位，一行8人7:30pm，見咁多食評下都有讚無彈，應該會食得滿意啩～食飯當日有位小姐call我，要求更改至7點到，好可惜...主角都未收工，真係無能為力喇！之後果位小姐又再改要求更改至8:30pm！　嘩！　更加唔得啦，明明book 7:30pm，唔係要我改遲一個鐘呀就你人多啩？！好老實講，如果做唔到booking，我真係唔介意，一開始就要講清楚！　但係佢地又係咁接booking, 又要客人就佢，咁做法只會得不償失，做唔到生意之餘，仲令到大家留下壞印象！當我地3個人準時7:28去到樓下正想搭lift之際，果位小姐已經再一次打比我，催促我準時到，又話好多人之類！　唉......點解食晚餐好似食lunch咁趕???　我真係分唔出邊個係主，邊個係客嘞！佢地環境真係太迫，地方只得千呎左右，但係枱已經有成拾幾二拾張，Ｄ凳又大又阻地方，好多枱客Ｄ凳都疊住附近枱坐，根本上面就容納唔到咁多枱同凳！非常幸運地只係得一張枱留到比我,但係佢地只係放到5張凳！當時起碼有2-3批客都book 7:30pm，但佢地就要企係好狹窄嘅走廊等枱，眼見得一批等多15分鐘先有枱坐，有

生日獲邀晚飯，朋友選的這間素食館真是很好．色香味存，煎炸食物亦不油不膩推介食物有枝竹羊腩煲，魚香茄子煲，還有芋頭卷．朋友還外賣了芋頭卷回家孝敬母親．甜點首推桂花糕．服務態度亦佳．殷勤但不煩擾．有口福之餘，心情也滿足．

朋友想吃齋,上網找到這兒, 便毅然訂位一試. 這晚食吃客很多! 被安排自成一作角檯很舒適! 菜由璇姨推介, 味道相當不錯, 其中薑蓉腐竹很滑, 乳豬很像樣,...加上送來的番薯湯水, 大家也很滿足.