D&A House

Open Now

Now Closed

當附近工廈的豆腐火腩飯都賣五十幾蚊一碟，倒不如捨棄男人的浪漫來此處有卡座又闊偌坐得又舒適價錢又差無幾的西餐廳。上樓樓梯稍窄，勉強容下一上一落行人，穿過樓梯，餐廳之大形成對比。一人一個餐，跟冷熱飲品，人均$50-60，黑椒汁牛扒飯，牛扒有2塊大大塊，都伸出碟邊，扒有筋位但尚算好嚼；另外那個焗鮮茄牛脷天使麵，碟頭稍小，上面鋪了芝士去焗，牛脷薄切五六片左右，相對牛扒飯沒那麼高性價比。反而熱朱古力，濃味幾近谷咕。

好多人都知近海邊方向同根本就沒有東西食要食多數走回 megabox方向那邊工廠美食較多今次去D&A食平午飯 真是物超所值叫了一個巴拿馬火腿菇菌意大利粉 一上檯已經聞到香氣內裡菇數目好多 但都唔會有菇的草味火腿唔算好咸 唔搶味 同意粉好夾白汁夠creamy 又香 令成個粉意俾人感覺唔錯意粉口感就剛剛好 個人中意食口偏軟的意粉喱到意粉就硬身點 同時粗身 不過好接受原來以為份量好少 但實質都飽肚差點仲食唔曬 料足份量夠 埋單唔過$60又有飲品總括而言：午飯食堂 物超所值

九龍灣好多港式茶餐廳，好多都係填飽個肚就算，無咩質素可言，好啲嘅餐廳就加多兩錢人情味，尤其是工業區；但呢間不單只較一般嘅平，質素亦甚高，早餐一般都無纖維但佢就比咗幾條沙律菜，好有心、賣相即時升格到成佰蚊嗰啲 All-Day-Breakfast, 而煙三文魚餐有幾片，而雞扒就相當大片、又厚肉，第一次食雞扒仲以為佢比錯，所以之後再試多次，呢個會錢真係令人驚訝，希望佢哋可以繼續努力，保持價錢同質素嘅平衡，加油。

喺九龍灣返工閒閒地食個午餐都60蚊，但係真心值60蚊嘅餐廳唔多，d&a house係其中一間第一次黎食係公司同事帶我黎食嘅，但食食下覺得幾好食，今次約左同樣喺九龍灣返工嘅朋友食lunch，都特登揀呢間餐廳難得約左朋友食，就決定食好少少，叫左個黑椒牛扒配薯條，牛扒好大塊，雖然冇得揀生熟程度，但係廚師煎到啱啱好，入口嫩滑，係有少少筋嗰個位置會比較un，薯條索左d黑椒汁好好味，佢另外都有包茄汁俾你，價錢黎講，78蚊食到呢個質素算唔錯

D&A是我認為九龍灣工業區其中一家出色的飯堂，焗芝士類的真是不會輸，芝士份量多而厚，非常入味，推介這裡的焗意粉類食物。煙三文魚一直是我的至愛，所以點了這個焗芝士煙三文魚番茄螺絲粉，三文魚肉質嫩滑又軟熟，肉質嫩滑，滲出了濃郁的魚香，很好食。

D&A是九龍灣工業區其中一家出色的餐廳，主要以中價及優質西式菜色作招萊，菜式更新亦快其中最有名的是原隻豬手飯，份量足美道好，因而常常售罄這次再跟同事們來此餐廳，點了是日餐牌之選，先有胡椒椰汁雞肉飯，味道出奇的夾，椰汁香濃而胡椒味亦不會過重第二樣是無骨豬扒伴金巴利汁意粉，豬扒真的去了骨，肉汁鮮甜而意粉亦硬度適中，只可惜豬扒煮的太老，有改善的空間最後是焗牛油果雞肉忌廉汁螺絲粉，焗芝士類的真是不會輸，非常入味，推介這裡的焗意粉類食物

當係快餐店食個午餐都要成50蚊嘅時候，就畀我哋搵到一間喺工業區入面嘅西餐廳，價錢雖然比快餐店高d，但質素就好好多。美式bbq豬肋骨拌黑椒汁豬肋骨嘅烹調時間啱啱好，豬肉唔會煮得太淋，亦都唔會太痴骨，食落方便又好有口感。馬來燒春雞配喇沙汁燒春雞足足有半隻雞，份量十足。

星期三去咗D&A食😎😎呢間餐廳永遠都係信心嘅保證💛因為真係大件夾抵食今日兩點鐘左右，九個人一齊殺入去去咗二樓坐，有張長檯畀我地👯‍♀️👯‍♀️叫咗個S2 燴牛尾意粉真係好好食😭😭😭燴牛尾燴得好淋一叉落去啲肉好鬆軟用紅酒汁煮得好入味舊骨好大舊真係唔係揸流灘👍👍👍意粉好大碟煮得乾身雖然有少少硬但係撈埋汁食都好OK同區食lunch差唔多都要六七十蚊咁嘅價位食到咁高質嘅嘢真心抵到爛希望呢到長做長有！！！👻

我公司在九龍灣。近日喜歡食這間餐廳的午餐。呢到有牛扒、豬柳、煎魚，配白飯/意粉/薯菜。我呢排減肥於是叫咗煎魚（走汁）配淨蔬菜。店員冇嫌我麻煩，照落單，並且很快上菜，非常有效率。煎魚走左汁，仍然很香，高質。

今日搵左呢間西餐試下，平日食晏都坐得幾滿下，佢有分地舖同樓上舖，通常地下要等得耐啲，今次我地上左去樓上，見到都有好多枱，我地七個人等都唔係好耐都坐低左。呢度樓底好矮，同埋啲枱好密，講野要好大聲先聽到，有同事話食完個頭好痛。我今日叫左個蕃茄蜜桃焗豬柳飯，55蚊再加3蚊凍飲。野飲就正正常常，有同事再加3蚊要左個忌廉湯，佢話偏咸。個焗飯等左10分鐘就到，都好熱辣辣，但似用茄汁焗，有啲酸，因為我食唔到蕃茄，另外佢就用炒飯底焗，都值得一讚。下次可以試下其他野，但個價錢唔平，可能兩個星期先會嚟一次。

Lunch time 行去宏冠道嗰邊想食我武者羅😂🙈點知執咗一行七人即刻好傍徨唔知食咩好我提議話不如試下對面啦又餓又盛唔好再搵地方啦好彩lunch hour 仲有張檯畀我地咁多人坐😭大家即刻叫嘢食！！好餓啊Set lunch 有七八個餐揀最後揀咗海鮮扁意粉💋意粉唔淋八爪魚腳墨魚片啊草厘茄辣椒等等都好足料🤘唔會淨係得幾條鬚咁蒜片炒炒得都幾香賣相都唔錯啊🌸🌸🌸特登影一影杯熱檸水因為片檸檬好新鮮！酸酸地一啲都唔苦澀開發咗呢到嘅新景點同事都話會再嚟👍

又和同事們去飲飲吃吃行吓行吓經過呢一間 見到個門面幾靚。所以入咗去餐廳喺2樓 座位好多 唔使驚無位一個餐大概$5x至$6x 價錢合理 包埋普通嘢飲 如果12點半之前結帳還有優惠價我叫咗個鮮茄鹹牛舌飯 $55 朋友則叫了龍利柳黑松露忌廉汁 $60焗鮮茄鹹牛舌飯好快上到 上菜嘅時候仲係好熱 有芝士係面 牛舌總共有五大塊 加埋啲茄汁一齊送飯 啲飯局都有少少焦嘅感覺 非常好食龍利柳好淋 味道不錯 薯條香脆 不過稍嫌忌廉汁唔夠多 以普通午飯來說 這一餐午餐也算是不錯

今日第一日開工人日大家都話要一齊食個lunch慶祝一下有個同事就揀左呢間佢呢間餐廳午餐時段係平啲個喎😱我就揀咗黑椒牛仔骨跟飯賣相唔錯，有兩大塊黑椒牛仔骨佢仲有少少伴碟👍🏻佢個黑椒汁個味唔太辣比較甜所以叫咗侍應攞咗辣椒仔，咁樣個味就幾好啦🤣不過我同另外一位同事都嫌佢啲飯林得滯可能我鍾意食硬飯嘅關係😅😅不過我覺得呢個餐，如果佢有配埋餐包同湯會更加好😋其實整體來講都算OK嘅因為眼見都幾多人嚟幫襯😅

喺九龍灣返過工嘅人都知道, 喺呢區坐車、食飯都係好多好多人。 去到 lunch time 嘅時候, 便是煩惱, 因為依區其實冇咩好嘢食, 人又多, 坐得唔舒服, 價錢亦都唔平。好彩有好同事介紹我嚟依間「打工仔飯堂」。依度都好方便, 在九龍灣商貿區嘅中心位置, 地方好大, 座位好多, 而且空間夠闊, 坐得都幾舒適。服務員的效率幾高, 用電子手帳落單, 準確無錯漏。午餐由$52至$75, 有好多選擇, 中西日泰款式都有。我叫咗個 <地道洋蔥豬意粉> (由飯轉咗意粉)。份量好大, 意粉多, 汁多, 有兩塊完完整整嘅豬扒。洋蔥汁嘅味道係懷舊嘅味道。豬扒味道適中, 冇醃肉粉嘅味道。好味!<熱奶茶> 都好味。我估我以後會經常幫襯。

九龍灣工業區吃西餐，性價比高的可要數這一間。每次lunch time 到扺餐廳門口已入頭湧湧，要擠進門口取票，幸好通常不用等很長時間便能進內。每日午餐menu有十多個選擇，落單後很快便會送上。環境就當然有點擠逼和嘈吵，但以這個價錢和這個時間來說當然可以接受。點了個餐廳來最貴的安格斯牛扒餐也不過以是七十多元，不用加一。熱騰騰的牛扒端上來，入口一陣陣牛味，不太韌，好好吃😋再喝一口朱古力，朱古力粉似乎未能完全溶掉，也是另一種風味，起碼我喜歡，每次來也會喝。