大豐日本料理

Open Now

Now Closed

是日大家好好興緻想食日本之前想試呢間就揀左佢呀點左~蟹子沙律份量都幾多下呀青瓜仲要切到好幼底又有沙律菜墊住醬汁OK呀唔會太酸~豬軟骨拉麵細佬點既佢話豬軟骨幾好拉麵就有少少簡水味湯底正常啦~吉列豬扒拉麵豬扒有肉汁唔會炸到好干呀份量都叫OK~大量壽司質素還可以既魚生唔會好薄切三文魚卷仲要幾大件下~串燒雞皮雞腎串燒真係麻麻地呀燒得唔夠呀個雞皮望落仲好似白切雞皮咁唔夠惹味呀

是日屋企人想食日本SEARCH到呢間好似幾吸引咁款式又多(我地想有壽司又有熟食)點左~幾款壽司家人大讚刺身都算厚切亦算新鮮~雜菜豬骨湯烏冬蔬菜係比好多湯底正常啦烏冬就幾滑下份量唔算勁多如果男士應該唔夠飽呀~炸脽軟骨碎炸得幾香口細細件咁配埋檸檬角加埋落去好開胃呀~本身叫炸魚骨餐廳打黎話無貨轉左半份蟹子沙律STAFF仲留左張MEMO比我地講聲唔好意思好貼心呀沙律好FRESH個沙律醬唔會太酸都OK WOR~芥辣墨魚仔呢個就唔推介了家人話味道少少怪同平日的好唔一樣呀

叫左鮮帶子蟹肉蟹膏石頭飯最後俾咗個完全唔係蟹肉 係蟹柳冇蟹膏嘅普通炒飯佢個帶子我覺得似急凍帶子$108 完全唔值呢個價錢仲要個飯好鹹食落去同中式炒飯試唔到個分別我係嗌外賣既為咗要呢個評分功能所以我決定要寫200字未試過咁嬲呢個食物簡直係令到人一天嘅心情都很差最大問題係貨不對辦同埋賣呢個價錢如果佢係普通楊州炒飯嘅價錢我覺得都合理不過佢係難食過楊州炒飯個人食客嘅感受唔怪得有人住咗喺附近咁多年都未食過呢間野

不想多說，今天到大圍這間日本料理自己一個吃下午茶。叫了一個冷麵和4件壽司。冷麵是下午茶餐。現在加熱飲都要$2，凍飲$3。以前是包熱飲，凍飲只加$2。不過唔緊要，一蚊幾毫咪比佢。我叫個4眼妹攞杯熱水，完全係無視客人要求。講番重點野食啦，冷麵我覺得好能普通，壽司就我覺得爭鮮好啲喎。呢餐1人餐我食左$95。仲有冇下次？你話呢

又差唔到時候要食吓日本野，大圍呢間日式餐廳之前耐唔耐都有幫襯開，價格平民抵食。特別係想食蠔個陣就會黎。逐樣點評吓今日嘅野食極品刺身都新鮮，三文魚好厚好正，有拖羅幾驚喜。其他甜蝦 八爪魚 同帶子都味道唔錯生蠔今日生蠔好似冇之前咁有海水味，但係好大隻，非常欣賞附上嘅辣味蕃茄醬加拿大海膽壽司海膽好大舊好好食，一啲都唔腥，不過每客得一舊，睇返價錢，果然一分錢一分貨天婦羅蝦讚歧烏冬 定食溫泉蛋好夾烏冬，雖然湯底味道感覺比較港式，但好好食。美中不足係天婦羅蝦應該分開上，上菜個陣發晒。另外附送嘅芝麻雞翼調味得唔錯。鮮帶子蟹肉蟹膏石頭鍋飯 定食今日MVP，飯粒粒分明，香味四溢，帶子相當大粒，忍唔住食多左幾啖，分量都好足夠希靈魚壽司一般的希靈魚壽司，幾抵食旁邊係跟餐嘅火炙三文魚壽司，好香好肥美整體黎講食物質素唔錯，而且日本料理咁講價錢平民。不過環境比較細同逼，所以坐得未必好舒服。都值得一試

之前净係食晚飯，疫情下都好耐冇幫襯，今日好想食日本野，下午3點去試試。入到去見有8成入座，都好多人食。剛好有卡位，舒舒服服，正。坐低見有下午茶餐，4x-5x 包飲品，試吓先。叫咗個魚生飯，大大隻牡丹蝦、絕不欺場、兩件三文魚腩，好肥美、再有兩件墨魚、蟹籽、蟹柳、玉子，值回票價，正。炸雞湯拉麵，有5嚿鷄，粟米、紫菜，麵嘅份量都唔少，合理。杯即冲咖啡都唔錯，有咖啡味、好正常，反而係叫咗兩件三文魚壽司就一般般，偏瘦。大致上都唔錯，下午茶又多一個地方可以揀。😆

之前已經叫過外賣，都係刺身飯，送deliveroo，第一次冇豉油都唔緊要，照食，第二次又冇豉油，我忍唔住打去問係咪刺生飯唔包豉油，之後回覆竟然係唔知點補償俾你，一次唔緊要，但次次都係咁，過百蚊個飯都要受氣，太過份唔明點解事前冇check清楚外賣而去做呢，等左成大半個鐘換黎既係一肚氣，打去問只係話唔清楚，唔係我負責，唔係我pack個外賣，咁就可以唔駛理架啦？只會推卸責任，咁大間店舖都可以咁，真係好失望😞

因番工前只係食左個飯團+5塊曲奇…勁餓…想食飯飽d，又出到無咩好食周圍行發現佢地下午茶$38~$4x左右就入去試下個人好喜歡溫泉蛋，溏心蛋，所以就叫左溫泉蛋燒豚肉飯個醬汁甜甜地，唔使特登叫多汁都夠撈飯，溫泉蛋蛋味算濃，豚肉juicy一d都唔鞋，份量都不錯，熱飲要加$2，凍飲唔記得加幾多另外見到下午茶壽司都有特價，就叫左最愛既火灸左口魚，口感都不錯唔係薄到張紙果d，燒完魚油兼入口即溶真係好正，本來想試海膽因為都係$10，但佢話無就試左赤蝦(唔記得影)，不過不失無特別。以佢個價錢我係會再去，店員都好有禮貌

今次第一次黎食呢間日本餐廳，入座既時間已經好晏，差唔多夜晚10點半，接近last order🤣今次我地兩個人叫左三樣野，兩款主食再加一款小食：炒野菜、日式咖喱煎雞扒飯、日式叉燒拉麵。炒野菜方面，材料好足，裏面有好多菇類，又唔會太油，味道都唔會太鹹只於個叉燒拉麵，佢唔似其他日本菜餐廳既拉麵湯底咁濃郁，佢既味道比較淡，而個麵條質感就有待改善。叉燒肥瘦適中，味道唔錯，食落去唔會感覺太油膩！個日式咖喱煎雞扒飯就普普通通、不過不失，飯既份量好多，而用既係珍珠米

每次食呢間餐廳 我都係會嗌夏威夷魚生飯🤩我覺得佢簡直係好食到我唔想食其他嘢可能我個人口味問題😂出邊食魚生飯 唔食返幾舊水 基本上都係得幾片魚最後望住剩返啲飯 食唔飽又冇哂餸唔知點算好😢-但係夏威夷版魚生飯有沙律醬就即刻感覺唔同晒重要而家夏天熱辣辣 真係特別想食日本嘢呢個配搭我直頭可以一個啪晒成碗飯😂-同埋佢哋嘅角切魚生都好大粒 質素都幾平均有三文魚、吞拿魚、油甘魚、蟹籽等等芝麻雞翼個雞翼食落比較乾身冇乜芝麻香味 放題嗰啲都好食過佢

第一次食依間餐廳係中午食拉麵，覺得味道几好，媽媽生日，想吃日本嘢，但有限聚令，所以試下外賣依間餐廳，攞外買時，食物包裝得好好，回家拆開食物后還好完整，食物非常新鮮似堂食即整出來👍🏻👍🏻另外，價錢好平民，所以忍吾住叫左好多嘢，最驚喜係嗰焗蠔和炸蠔，回家拆開黎食時還好熱/脆口/美味，媽媽忍吾住食埋我份焗蠔👍🏻👍🏻😋😋，仲有個油金魚好新鮮和美味

Father’s Day 爸爸表示想食日本嘢，又唔想出去，依家最好就係外賣自取，仲有八五折抵，抵，抵6點幾去到已經爆場，外賣已經準備好，店員好有禮貌，仲有嘢送厚切刺身好新鮮，自選壽司拼盤赤蝦刺身大大隻，鹽燒三文魚頭夠大夠味，卷物幫襯過幾次水準都係一樣唔明D人點解要話到咁差

見大圍e條街都好多食肆,最後㨂左間鋪面唔大，但就睇見裏面都唔少人，就即管試下佢地，睇下差成點個樣😜，佢地manu好多野食，又晚餐，款太多，唔知點㨂，最後㨂左一碗拉麵，少量壽司，三文魚刺身，一杯自家製梅酒鹽味牛舌拉麵$59，湯底比較清，比傳統豬骨湯少油，，夏天都幾適合，壽司既魚生都非常新鮮，三文魚刺身，睇顏色光澤同食落都新鮮，加埋師傅仲好有心機整都朵花😋，睇落心情都好左唔少，可以補償返座位既小.自家製梅酒味道比較濃，可能更適合冬天. 晚餐時間有d忙，見d侍應行黎行去，但叫佢地加washabi(因為唔擺係台面，可能因為台面都細）佢地都態度誠懇，而且主動加茶.唔係想像中咁！整體覺食物質數性價比高，比起大型食肆好，可以值得一試，自己黎體驗一下！😜😜其實依家全部電子化，好多都因為人手不足而轉做電子化落單. 傳統港式加油💪！

平時食野 都會睇吓食評 之前睇哩間日本野 見啲人寫劣評 咪膽粗粗同女朋友一齊試吓 但發覺其實啲刺身又新鮮 啲服務又無人哋講咁衰 我見到啲人好好 一坐低又茶 不時又問吓駛唔駛加茶 諗唔到食咩 又介紹啲好野比我哋食 最後我哋食咗大嘅刺身 乜都有啲 三文魚好新鮮 之後我哋又食羊架 走嘅時候收銀又幫我哋開門 又多謝 都唔似人哋講得咁差 值得推薦😊😊最緊要係好抵食 一定會成日去👍🏻👍🏻如果大家去食 推薦你哋食羊架 生蠔 刺身 仲有點少得佢哋嘅牛肉鍋 勁好食😊😊

我是一名中學生，午餐到這間餐廳去食。未入門口，裡面一個短髮阿姨問我們幾多人之後，冇俾我地入去，仲叫我地企係出面寫食D咩，我地已經覺得好奇怪。(裡面有一半位係吉嘅)一入去，佢講嘢勁串勁無禮貌，叫我地死入去最裡面嘅座位。重頭到尾都無重覆過我地叫嘅午餐，落完order起碼等左20分鐘先到。嗰到座位非常細，好迫，衛生又差，對學生嘅服務態度更加差。真心唔建議去食。不過如果想體驗下無端端比人黑面嘅可以去試下。