大利美食中心 (Closed)

大利美食中心位於深水埗北河街市政大廈3樓熟食市場內，以舊式街市但裝備有冷氣，同時亦有一些顧客吸煙，但盡管如此亦沒有影响非同嗜者的我們心情，因為枱和椅都被梗置一定距離，非一定食軾般逼狹...當晚我倆一供點了三個餸、湯米粉和飯各一碗、兩樽冰凍十足的啤酒 :1. 鹽椒雞中翼 $48 有 12隻，肉身十分香美極鮮味，再加上由熱食到冷的雞中翼都沒有影响酥脆的炸皮和有椒鹽香的 脆炸蒜粒，十分十分低食。2. 蒜蓉腐乳炒通菜，需然有另要求加辣但並沒有，但亦十分夠香夠鑊氣、但同時略油。3. 啫啫雞煲(鐵煲上夠熱)，足料汁香，配料乾蔥、羗片、豬潤尤其美味，反而雞件夠多但略嫌未能先炸得夠香才落煲做啫啫。4. 啤酒冰凍十足，價錢公道。

在鴨寮街行了一陣，想唔到食什麼，就上了北河街市政大廈試一試這裡的熟食市場水準如何。六時多一些到達，都有一些人到達了，找了位就叫了砂窩魚頭煲、豉椒鵝腸和椒絲腐乳通菜。砂窩魚頭煲($48) 味通比較腥，同行說魚頭的魚腮未清理好，所以食了很少。豉椒鵝腸 ($38)味道一般，沒有什麼特別，還有應該不是鵝腸，是雞腸來，因為比較細和短的。椒絲腐乳通菜($28) 味道ok，但偏向咸的，可能是落腐乳重手了一止。價錢是超值的，所以有時要求不會太高，求求其其試數罷了。

假期前同朋友食飯，有朋友提意到北河街熟食市場試下。從電動樓梯上去看見拾多個招牌，今次一定多選擇點知入到去只有兩檔。同朋友相談後就去了買潮菜那檔，點知還未座下。有個光頭大漢高叫唔系呢到跟我走。我邊行邊想明明在檯傍有牌寫潮食在熟食最入近19號檔座下才發現是叫大利那檔。抱著無所謂心態的我們點了以下幾道菜:1)燒鵝，番熱令到脆皮D油流入鵝肉內，太肥唔好食。2)椒鹽鮮魷，例牌做法，粉多油多椒鹽多。3)沙薑雞腳，千奇唔好點沙薑太咸啦。4)鹹蛋肉餅，肉好像是冰肉+鮮肉好重猪味難食5)菜煲，菜淡無味送例湯(味精水)還叫了五枝大啤。最後埋單3百多都係好抵食，不過見到隻老鼠走入大利燒味檔時...............

幫襯這裡是由朋友帶領,至今年多了!今天亦由我再帶領朋友上去.去得呢度都唔會要求有企理環境,人家主打平,,靚,正小菜,初次拜訪時,一碟蝦仁炒蛋可以像山一般高,如果兩人叫一碟,食得哂都驚爆膽固純,但的確很抵食.今天一行7人,共點了十多個餸,指在試菜"燒腩仔",水準不變,皮脆肉嫩,只係稍稍淡口一點,必食!!!"燒鵝下庄",皮脆,肉汁多.不會輸給深井部份酒家,好食!!"召鹽鮮魷,炸大腸",佢地召鹽小菜做得出色,粉薄身而有味,炸大腸稍為瘦了一點!"鹽水豬腳,鹽水雞腳",兩大招牌菜,不用說,豬皮入味而爽脆,雞腳有咬口而又做出膠質,口感一流!其它都不能盡錄,但以上都覺得係必食菜!

第三次去北河街熟食市場了，今次才知道店名叫"大利"。四人同行點了以下東東：梅菜扣肉煲 - 落單時伙記表明製作時間需時。表面賣相過得去，可惜用了紹菜放底，敗筆﹗休菜煲 - 如常~啫啫雞煲 - 落足料，有豬潤，讚﹗腰果西芹蝦仁 - 幾好味~值得一提係呢個場可自攜酒水，一毫子開瓶費都唔使，同埋可任坐到凌晨兩點，呢啲亦係我去三次既原因﹗備註：現場也有哈爾濱和藍妹姐姐

到鴨記辦完事, 到了北河街熟食市場吃晚飯.二人叫了豉椒牛柏葉, 時菜炒臘味, 避風塘炒蜆. blue girl一支.時菜要西蘭花 (待應:西蘭花要加錢), 炒蜆要避風塘 ((待應:避風塘要加錢).西蘭花爽口, 吸了不少臘味的油份, 正! 臘潤腸好散及梅, 雖然臘肉頗多肥, 但卻是幾好的~柏葉份量少得可憐, 雖然洋蔥好吃...蜆好瘦, 每只大約1cm...這個價錢同區可以找到更好.

不久前的食評是憑遠古記憶撰寫，今次是新鮮的回味．是夜十二人點了以下菜式：燒腩仔 - 正，芝麻皮，肥廋相間得宜，甚香，有豆角墊底燒鵝 - 正是時候，肉甚香嫩炒唐生菜 - 炒工好，敗筆在點的是清炒，卻下了生蒜蓉南乳粗齋 - 味較淡，但菜新鮮，甚合意紅燒豆腐 - 無肉，香菇下得剛好鹽水雞腳 - 冇食唔知，是此店名菜豉椒鵝腸 - 鵝腸脆得得咕嚕肉 - 肥肉夠，汁收得好椒鹽九肚 - 炸漿薄，入口即化，甚好椒鹽鮮魷 - 炸漿薄，魷魚新鮮爽口蓮藕湯 - 例湯，少味清，飲此湯好過飲水腳埋單510，甚抵．

多月前到這裏吃飯，難得家裏廿多人大都出席，多點幾款小菜撐場．推介燒腩仔，豐腴肥美可列上品，每碟只有小件，份量不多，挑五花精位，是用心的證明．燒鵝不錯，就可惜時節不對，味道總差了點．其他小菜均對味，炒通菜金銀蛋莧菜清炒苦瓜都好吃．椒鹽鮮魷咕嚕肉炸腰果都合格．饞嘴又吝嗇的人有福了，是晚每人都不過六十元埋單，吃得撐爆肚皮都划算．

那天忽然很想吃蟹，聽人介紹去了大利，結果大叫不值！叫了花蟹、炒飯、炒菜心。羌蔥炒蟹很多碎殼，肯定沒有清洗便落鑊。炒菜心非常多油，簡直食不下嚥。炒飯則可以喇，好彩。環境就好嘈，又好似一般香港大牌檔咁「乾淨」，坐也不能坐得安樂。我知錯喇，以後再不敢亂聽人介紹喇。

昨天跟友人到此地方食飯...全場爆滿。我們點了以下幾道菜:1)燒鵝．．可比美深井出名的燒鵝，脆皮2)椒鹽鮮魷，新鮮味美3)沙薑雞腳，雞腳入味4)鹹蛋肉餅，肉餅不似機械弄碎的，似人手切碎的5)菜煲還叫了兩個白飯，一枝大啤，3罐可樂。好抵食，食物有新鮮，唯一不足就是地方不太衛生。但大部份熟食中心都是這樣。我們在吃飯期間，見到師傳不斷在劏鱔，應該都很有水準，下次要試試看。

夜晚同老公一家人去咗北河街街市熟食中心裡面既「大利」食晚飯,當係提供慶祝聖誕節!!呢度都算係老公家既半個飯堂架! 雖然地方就真係............... 又多亞叔亞伯, 但係呢度啲嘢真係幾好食, 同埋好抵食囉! 因為又大碟, 價錢又唔貴呀! 我哋今晚六個人叫咗一個細既羊腩煲($75, 大既$145, 大到一個打邊爐既煲咁大),炸大腸、雜菜粉絲煲、西蘭花炒鮮魷同金菇肥牛煲, (每樣約$38 - $52)嘩! 加埋個送比我哋既粉葛例湯, 六個人都唔係好食得晒呀!最後埋單約$250 左右, 係咪真係好抵食呢~ 同埋樣樣餸都好足料幾好味架!! 如果唔怕地方污漕既話可以嚟試下呢~~