大越越南餐廳

Open Now

Now Closed

今天同朋友去沙田圍站，見到附近有間越南餐廳，就入去試試。首先睇過餐牌， 價錢合理似茶餐廳價錢相當便宜，所以我們就點了幾個食物大家一起食。過火車頭湯粉大大碗真抵食，菜也新鮮好味道

今晚跟哥哥到沙田围站交收模型之后，便到晚餐时间，我们在沙田围站c出口四處张望，看到不遠處有两座大厦，就不期然行過去看看有什么好吃的，行了不到三分钟，就到了这座大厦的地面，哥哥看见是吃越南菜的就很喜欢，立即拉我進到這間名叫大越越南餐廳進食。哥哥是好吃之人，就點了套餐風味二人餐A，還要点個香芒鸡肉串，配檸樂和檸水。套餐除了有生牛肉、牛腩片、牛丸、牛筋的越南火车頭金邊粉外，還有配通菜和清远扎肉蒸粉包，火車頭金邊粉份量很多，我們兩個人都吃不完，相信三個人吃都可以。扎肉蒸粉鲍配越南酸汁真的很好味，灼通菜加了馬拉盏，吃到的是越南式的風味。雞肉我沒有得吃，哥哥說很好吃自己通吃了。今餐很丰富，哥哥说下次也要再过來。全餐二百餘元，抵食!

今次同朋友黎食dinner呢間越南菜 選擇多、價錢親民
平時有無覺得食pho都成日唔夠飽？ 係度食飯完全唔擔心呢度既pho正常份量都好大份！落單時仲有得免費remark 多粉！大越生牛肉雜錦湯粉（生牛肉、牛腩片、牛丸）湯底無味精 用藥材同雞殼每日新鮮熬制鮮甜 特別推介 ： 佢個牛腩真係好好好好食！有牛味 炆得好鬆化 古都湯檬（牛腩、扎蹄、扎肉、牛丸）古都呢個口味其實我係第一次試 不錯👍🏻不過注意有d辣🤣小食香茅雞翼 炸蝦餅都非常出色必定Encore👍🏻👍🏻👍🏻

大越越南餐廳位於沙田沙角街8-12號花園城一期地下2號舖馬鐵站沙田圍站出閘後過馬路，通過行人隧道就到達餐廳在門外貼上有關湯底的介紹越南湯底有花椒，八角和肉桂所以散發出獨特濃郁的香氣湯底用牛骨，牛腩，牛排，燒焦洋蔥同各種香料去熬煮成為河粉的靈魂今日我們叫左生牛肉牛丸湯河 $65河粉轉左比較幼身的金邊粉生牛肉用肥瘦均勻而且薄薄一片的安格斯牛肉非常嫰同湯底係完美配搭👍牛丸彈牙爽口豬頸肉撈檬 $63秘製撈檬汁酸酸甜甜非常清爽豬頸肉薄薄一片啖啖肉👍蔗蝦 $38越南特色小食魚漿和蝦肉調味後包裹在甘蔗棒上油炸香口美味大大舊金黃色👍椰青 $28冰凍清甜軟殼蟹米紙卷 $62軟殼蟹香脆多膏👍除左散叫餐廳有午市套餐，2人餐，4人餐價錢親民地點方便

適逢朋友仔搬咗入嚟沙田圍，入嚟探佢兼一齊去附近覓食。無意間發現咗間好味又抵食嘅越南嘢餐廳。比佢餐廳出面嘅油畫吸引咗行過去🤭 我哋叫咗碗蜆港蕃茄蟹膏蝦丸扎肉金邊粉 ，覺得佢嘅粉麵湯底無味精感，都幾足料 湯底有蕃茄味之餘仲飲到蟹膏嘅鮮味。另外朋友仲嗌左香茅豬扒撈檬，份量一樣都係好足好大碗😋豬扒大大塊 夠惹味，仲要加購嘢飲都只係$12。 餐廳小食菜式都幾多選擇、我哋叫嘅依幾款都好好味 ，特別係芝心蝦多士好邪惡一啖咬落去除咗外表脆口芝士仲滴出嚟，不過食嗰陣小心啲 都真係幾熱～ 另外法式蒜蓉牛油雞翼夠蒜香同脆口 ，最特別嘅係我喺其他越南餐廳比較少見到有嘅蜆港胡椒扎蹄 依度竟然有，佢嘅菜式又真係幾地道。 真心有驚喜😍估唔到沙田圍有間抵食又地道嘅越南餐廳。相信下次入嚟都會再幫襯試埋佢貼喺牆身嘅其他特色菜。

平時食開都好好味，不過今日食嘅午餐雞翼同豬扒都勁喊，完全失哂水準！好失望！不過湯金邊粉就好好味。熱奶茶大杯，味道唔錯。今次食完勁口渴！希望下次再幫襯有所改善啦。

坐馬鐵過沙角探訪朋友，聽講附近有越南餐廳，咁就一齊去食越南野。越南野必食幾樣清沅扎肉蒸粉包(4件)通常我食粉包，都會沾酸汁，粉皮包裹肉餡，上面放一片札肉和葱蒜，再沾酸汁食。大越海南雞飯（可以剩叫雞件半隻或一隻）軟軟油飯配搭海南雞，雞肉軟而滑溜。芝心蝦多士（4件)炸蝦多士的外面是芝麻，食落香口，入面除了芝士還有火腿，咸咸脆脆的。泰原香茅雞翼(4件)香茅味令雞翼更香，炸出的雞翼，雞皮香且肉質鬆化。解渴飲品薄荷青檸梳打

諗起沙田可能會覺得全部都係大商場，啲嘢食一定好貴，原來近沙田圍站都有一間平平哋但係好高水準嘅越南菜，以後喺沙田食飯又有多個選擇🤓🇻🇳芒街蝦頭膏酸辣海鮮湯檬🌶 $78芒街是越南著名的海港城市，擁有豐富的海鮮資源🦐它的酸辣湯底不是酸到灼喉嚨那種，少少刺激感但喝下去是舒服的，很開胃。配料/海鮮分別有蝦、硯、墨魚、魚片頭、魚蛋，新鮮彈牙的海鮮與湯底相互融合，帶來一種獨有的酸辣鮮香🤓🇻🇳越式咖哩魚柳飯 $68魚柳是魚肉去骨後切成條狀，具有嫩滑的質地，即使魚柳在烹煮過程中吸收了濃郁的咖哩味，但魚香味仍能夠品嚐到，魚柳份量都幾多，一個男生吃也絕對夠飽的。🇻🇳小食：香芧豬扒炸得好香口，厚度和豬扒的肥瘦適中，有油脂的香但不會很油膩，推介🥳🇻🇳鮮椰青內有甜美的椰肉和清澈的椰水。鮮椰青所使用的椰子通常是未成熟的椰子，因此椰肉尚未完全形成，椰水則呈現透明狀態，這種未成熟的椰子會有更清新解暑的作用。🇻🇳 椰汁冰椰香味濃郁🥥，有天然的甜味，沙冰細緻柔軟，透心涼！消暑的最佳選擇☀️

平凡日子之回憶，也是值得。愛這店子溫暖有溫度之感滿滿感情的人主理，精心研製不同餐單，棒喔，有限定的主吃，盡顯風味～小食、沙律、飯～湯河樣樣齊！自己話事沙角邨的小店，人情感重#沒有誇張 #沙田 #正宗越式風味 #美食 #大圍餐廳 #落單 #方便快捷 #打卡 #串燒 #新餐牌 有風味的越南國餐，不一定要集團式，店子是朋友經常吃的小店，裝修有越南特色食物都給人感覺到很地道，份量大，去了越南呢，去開大圍探朋友，試試美味串燒辣配合得好好，是夏天最愛吃之串燒，香味濃濃三寶撈檬札肉多，豬扒亦非常大件，雞翼濃香茅味，不會油，香口。三寶，吸引，而且豬扒好吃，秘製醬汁，加入後味道好吸引。海南雞飯賣相非常吸引，趁熱吃非常好味，有自家做的醬汁，份量十足🔥椰青🔥椰汁紅豆冰兩款飲品棒棒呢👍🏻色香味俱全。立即感受，平民中的一個渡假異國風情店子！這裡的氛圍輕鬆愜意，彷彿置身於夏日假期中，享受快樂的時光重要是朋友說店內的湯底無味精，聽說是用藥材同雞殼熬製，要來試試鮮味

大越生牛肉什錦湯粉 $65✔️包括生牛肉片、牛腩片、牛丸✔️牛肉片嫩滑，可自行調節生熟程度✔️牛丸出色，好彈牙亦重牛味✔️粉面嘅份量都好大方大越三寶湯粉 $70香茅雞翼、香茅豬扒、扎肉✔️配菜係另上，唔會浸到林晒✔️豬扒肥美煎得香脆，唔會乾✔️扎肉有咬口，帶點胡椒香✔️湯底唔味精，食完唔口渴軟殼蟹米紙卷$62✔️外皮好薄，煙韌爽口✔️配搭清新健康Igable打卡度：7.5/10Taste 好味度：7.5/10 Worth revisiting返兜度：8/10

俾外牆那幅大眼妹妹吸引到，細看之下原來係一間越南餐廳，橫掂要食飯，就索性入去食！🥢越式烤豬頸肉撈檬天氣太熱，所以點左一個撈檬，加埋酸辣汁非常開胃，烤豬頸肉也很入味。🥢蒜蓉牛油雞翼雞翼好肥美，蒜蓉鋪喺上面，遠遠已經聞到香味，雞翼不會炸得太乾身。🥢芝心蝦多士多士煎得好香，加上芝士與蝦的混合，真的好邪惡！🥢軟殼蟹米紙卷米紙卷的清淡，軟殼蟹嘅濃味，一淡一濃，出奇地夾，裏面的蔬菜就好新鮮爽口，加埋越式醬汁，更能提升味道！🥤鹹桔水（$8）/ 椰汁珍多冰（$12）非常抵飲和好味！👍👍

📍 大越越南餐廳（沙田）平時好少食越南菜，入到鋪頭，環境舒服，唔會覺得擠迫，價錢合理，味道清新🥰位置在於平民區，更吸引附近居民，用平民價錢享用越南餐🥢🔸 烤豬頸肉叻沙湯頭帶有椰奶的香甜與微辣的味道，口感好不錯，是重口味的人會喜歡的濃郁既麵。豬頸肉少焦香肥美juicy 同樣點埋個酸辣汁特別好食~🔸 西貢咖哩大越三寶飯 越南三寶都係哂入面，香茅雞翼+香茅豬扒+扎肉，一次過滿足晒三個願望。本人比較欣賞係札肉，結實得來又有咬口😋豬扒比較鬆化🤭咖喱偏甜，係正宗越南味道👅🔸芒街炸蝦餅新鮮炸出來的蝦餅非常香脆，蝦肉爽口彈牙，例跟甜酸醬送上，愈食愈好味😋🔸 菠蘿熱情果特飲夏日既感覺，又帶點奔放。好清爽，係我最愛既配搭❣️🔸 鮮椰青食得越南野 。新鮮椰青水一定唔少得啦。它嘅椰青水清甜，椰肉新鮮好食，首選推薦👍

大越越南餐廳 • 沙田呢間餐廳係我其中一間再次encore嘅餐廳，原因在於佢嘅野食幾高嘅性價比同比較多款式可以選擇。餐廳上菜速度都算快，座位闊落坐得舒服😋😋..✅ 越式烤豬頸肉飯 🐷 $63豬頸肉外表帶有微微焦香，入面爽彈有咬口，肉入面油香十足，整體燒得幾香，好食，值得推薦😙..✅ 大越三寶湯粉 🍜 $70三寶即是有香茅雞翼、香茅豬扒同扎肉，扎肉彈牙有咬口而且入面好香胡椒調味；豬扒唔鞋有少少肉汁；香茅雞翼都煎得唔錯。湯底有肉類鮮味，唔係死鹹亦都無味精👍🏼..✅ 芒街炸蝦餅 🦐 $62蝦餅都幾大份，彈牙，不過略為多油，但整體都唔錯😝..✅ 軟殼蟹米紙卷 🦀 $62米紙卷包住軟殼蟹、粉絲、青瓜生菜等蔬菜，非常清新，軟殼蟹仲保留少少脆口質感，幾好嘅小食推薦😝

平常比較少食越南嘢，今日入沙田接老細收工，朋友話屋企附近有越南菜館，就帶埋老細去試下啦…門口一幅大壁畫非常搶眼，路過唔食都要嚟打個卡！🤭😍可能時間尚早，午餐都仲未落格，決定唔叫粉麵啦～就叫啲特色嘢食下啦！睇中咗個小食拼盤，貪佢乜都有啲，唔使諗～蝦餅係老細至愛～必點！個胡椒魚餅幾好味，好香胡椒味，春捲亦非常出色，炸得鬆脆，餡料充足！！蝦餅外脆內嫩～牛肉蝦片就有少少淋咗～😥不過點返甜醋汁都幾惹味。老細一見到難得有小黃魚，即刻叫咗個「酥香小黃魚」果然係招牌菜！炸得好好！！薄薄嘅脆漿，魚肉炸得好鮮嫩，完全冇腥味，有少少鹹香～配甜酸汁，或者點少少淮鹽已經好好食！！🥰😘因為炸脆咗～我連啲鰭同骨都食埋！另外仲叫咗馬拉盞通菜，一上枱嗰陣馬拉盞嘅香味…哇！！十分吸引！！😍😍老細話要食啲肉，就叫咗個例牌海南雞，雞肉好鮮嫩，好滑，不過就淡口咗啲啲……佢嘅飲品配套餐好抵，要一讚佢個點餐程式，嗌嘢食配嘢飲就係套餐價錢，我哋本來嗌咗兩杯嘢飲，之後再點，佢都係用套餐價嚟計～👍🏻👍🏻👍🏻😍🥰哎呀～又食咁多熱氣嘢，今次食完知會唔會生飛滋呢？？🤭不過有食唔食罪大惡極！食咗先算啦！！🤣🤣

【沙田•大越越南餐廳】————————————————————————經過餐廳門口就已經畀佢牆面嘅大畫報吸引住 各種生牛肉河、串燒、生菜包等選擇多蘿蘿 飲品都好抵食 飲品具有特色｜風味2人餐B｜HKD 278椒鹽軟殼蟹大大隻軟殼蟹俾脆蒜蓉包圍 具有椒鹽特色 果然係避風塘炒軟殼蟹呀法式蒜茸牛油雞翼（4件）蒜油味十分濃厚包圍住食雞翼 係特色小食湯粉2碗（任以下一款配料）生牛肉/牛腩片/牛丸/ 扎肉/ 雞絲/香茅雞翼/香茅豬扒可以自選配料 以檬粉為主體 湯底經過精心淆製加上長蔥香料等 係炎炎夏日 十分開胃灼時蔬（生菜/秋葵/通菜/蘿蔔/ 椰菜苗5選1）（魚露/馬拉盏2選1）平時出街小食菜 呢個套餐有菜選擇 十分健康餐廳環境：📸📸📸📸📸服務質素：😊😊😊😊😊食物味道：👅👅👅👅👅性價比：💰💰💰💰💰消費 HKD278/2位✨✨✨✨✨✨✨✨✨✨✨✨✨ #沙田美食 #大越越南餐廳大越越南餐廳沙田沙角街8-12號花園城一期地下2號舖