日常素食 (Closed)

用開飯兌換優惠價$99（成人）訂3人，並可扣開飯積分，前一日致電留位翌晚周日6點。到埗處理「手續」情況是，先去查看夾在餐枱的寫上訂枱姓氏紙牌取位（不會有職員領位，基本上侍應兩名睇勻全場），安頓好就返回門口舖名位置前的櫃枱排隊按兌換開飯優惠，另須付現金每位$16之加一服務（估計是以原價$160而計加一，因此需留意每位$99非實價）。及後6點過幾分鐘就可出擺盤枱覓食。好多出示長者咭買餐似是熟客一堆。舖面是半開放式。因為已達商場頂樓盡頭，儘管坐外圍枱也不易受路人目光輸送，算是寬敞。不知何故，覓食處不其然令我想起從前大陸酒店的早餐自助餐的格局⋯⋯就是大鍋粥、大籠蒸包、炒飯、炒麵那種粗糧模式。至於食物之烹調技術嘛⋯⋯大部分充其量祇能以兩餸飯的觀感作概括，唯以下之店舖重點推仍有可取之處：兌換版面之推介——「金沙鴨」總算不負所望，大概是6:45推出來，熱乎乎的脆腐皮，包裹的紅蘿蔔、木耳、椰菜絲等等幾乎塞爆，吃起來口感充實。同一層次的「蜜盞欖茸叉燒」放在酸齋咖喱齋旁，首輪小嚐幾片即愛上，貌似切片豬頸肉又有叉燒之脆角質感，同是必收歸碟有之選。「咕嚕猴頭菇」除了猴頭菇外還有咕嚕藕件，唯年藕始終是硬質食材似

事關唸住星期五同朋友訂呢間素食，不竟未食過 ，加上佢咁岩有優惠券，咁我朋友亦都買左劵，唸住打電話問下幾點開始自助餐，點知打極都冇人聽，似係唔恨做生意咁😡劵又買左，電話又唔聽，直情打唔通，咁買左劵點用呀，第一次去試下就咁樣待遇，到底想點先？咁買左劵點退錢呀～電話又唔聽，服務態度響邊呀～打開門做生意做到你地咁都第一次見，推咩優惠券都冇用喇，冇人幫下果客既，至少留多個電話呀！！唔係咁樣攞起果電話唔聽攞，自助餐有幾忙呀？電話都聽唔到，d客自己攞野食，基本上都唔使你點理果客架喇

十五屋企人要食素食，有朋友話食過好食咪打算去book, 打去個職員千叮萬囑我地個日好full, 6點半前要到，如果唔到張枱就比左人我地盡里6點20分到拿枱，樓面職員話要等一陣，我地等等下到6點50分，開始多人，原來好多人都book左630無得入，一問之下話我地要等下一轉，7點半先入得，原來你book左枱無用，6點有walk-in客，佢照比人入，無留枱比book左枱既客人最後都等到7點左右先入到去，食物係唔差，但初一十五一多人就管理差到不得了，幾好食都無下一次🥲🥲

大年初一屋企人一齊去食素食自助餐，上網搵咗見到呢間好多好評。所以第一次試吓！🤔前一日打電話預約嘅時候仲問我有幾多大人幾多小朋友講完人數😶到咗第二日去到嘅時候食物款式不多😑😑refill速度極慢😑😑😮‍💨😮‍💨食咗一嚿豆腐，仲要酸宿🤮🤮🤮地下又跣，平均見到4-5日跣親😰😰最後埋單仲要係全部計大人價$188位😵‍💫😵‍💫咁做咩要問我幾多個大人幾多個小朋友啫🥱🥱阿

✨工作日下午，同婆婆一起去素食下午茶。從b3出口出更好，直接進入商場。比起b1少走一點樓梯🥲✨下午茶時間2點-4點半，用餐時間75分鐘，不過人流少，我地坐到超時，都冇姐姐催我地走。✨用餐環境整體算乾淨，下午茶都有不停補充新食品。不過冇乜特別菜色，都係以主食為主：炒飯，炒烏冬，炒豬腸粉。有一整片炸物區，個人覺得細細粒嘅椒鹽豆腐幾好味👍都有d點心：燕麥糕，馬拉糕，芋頭鯛魚燒，炒蘿蔔糕，桂花糕。有熱茶，酸梅湯，木耳羹（好似碗仔翅一樣），素姜醋，紅豆沙。✨整體味道幾好，食素菜就係少油少鹽，而且大部分都比較軟糯，婆婆都可以食到👍

今天來了黃大仙工作，放工順道和同事吃晚餐，選了在以前曾光顧的日常素食，印象中款式多，味道亦好。我們大約七時到達，已見大部分座位已入座，幸好還有雙人枱，坐下後，便到食物區取食物。食物區的款式繁多，有前菜、沙律、煎炸物、壽司、薑醋蛋、熱盤、甜品……😋前菜：有拍打青瓜、木耳、蘿蔔、鹹酸菜、小菜，味道酸酸辣辣，非常醒胃。😋沙律：有沙律菜、青紅黃椒、蕃茄仔、紅腰豆、粟米、鮮果，食物新鮮，有很多選擇。😋煎炸物：炸豆腐、XO醬蘿蔔糕、蜜盞欖茸叉燒、春卷、芋頭魚、齋滷味、味椒鹽茄子……煎炸物各有特色，看出廚師的心思，特別喜歡叉燒，像真度超高。😋壽司：有鮑片三文魚壽司，及加洲卷，鮑片及三文魚都很有口感。😋薑醋蛋：薑醋味濃，加了蛋一起吃，更有益補身。😋熱盤：有羅漢上素、椰汁燴南瓜芋頭、麵醬炒四季豆、魚香茄子燒豆腐、四川回鍋肉、鳳梨咕嚕猴頭菇、炒飯、炒麵、素蛇羹……應有盡有，有辣有不辣，味道清淡，不油膩，健康之選。😋甜品：有椰汁糕、桂花糕、西米露……味道不甜，吃後令人有完滿的感覺。整頓晚餐，真可用大滿足來形容，下次一定會再來。

新年就到，同朋友食下齋洗滌心靈，朋友話黃大仙商場入面有間方便又近，就去呢間啦。環境都係闊落嘅，用自助形式，價錢都唔係貴，食完之後就要自己將餐具歸還返。去到之後就可以慢慢坐低之後就去揀嘢食，食物種類都琳瑯滿目，前菜，水果去到主菜，甜品都有。 前菜有素刺身，口感Q彈，食下食下有食八瓜魚、魷魚及吞拿魚味的感覺。凍飲除咗蘋果汁之外，亦都有凍酸烏梅汁有微酸的味道，酸酸甜甜，使人開胃。同時亦非常消熱解喝。熱湯方面蓮藕粟米湯都好夠味， 亦都有其他湯羹。煎炸食物有素菜腐皮卷、XO醬煎蘿蔔糕、咖喱角、炸春卷、炸椒鹽豆腐粒、炸茄子、炸南瓜餅等。這些煎炸類的食物全部都炸到金金黃黃，味道香脆可口，非常酥脆，同時不會太油膩。佢亦都有保溫燈去照住佢，所以食嘅時候好夠熱。素菜腐皮卷方面，中間全素的餡料很多，令整個腐皮卷脹滿著生菜、蘿蔔絲等蔬菜，非常有口感。XO醬煎蘿蔔糕方面，蘿蔔糕很惹味，外脆內軟，而且每粒都混入了香菇，食落口感軟稔，但又不會一夾就散。蘿蔔亦好入味，XO醬夠辣，但無阻蘿蔔糕本來的香氣和吸引力，令人一試再試。食落去同平時食開有肉嘅蘿蔔糕，其實感覺冇乜分別所以好適合啲平時唔食素食嘅朋友。 炸茄子，炸南瓜

同事們約左今晚齊齊素食自助晚餐, 記憶之中好耐無食過了, 同事介紹係黃大仙中心頂層的日常素食, 當晚有毛毛雨, 好彩一出黃大仙站, 隔離就係黃大仙中心, 完全唔駛淋雨, 好方便。日常素食位於頂層, 地點開揚, 空氣流通, 地方清潔,亦能夠坐得舒服, 雖然係自助, 但職員好勤力換碟, 而且仲見到職員會細心解答老人家的食物名稱。晩餐 $130, 限時90分鐘, 仲要免加一。價錢唔貴, 如果想再抵D, 我同事好醒係OPENRICE買左餐飲券, 好抵食。同其他自助餐一樣, 前菜有沙律, 水果, 紅腰果等等, 仲有壽司及刺身。刺身擺盤精美, 口感唔差呀 ! 仲有熱辣辣五寶素羹及老黃瓜湯, 老黃瓜湯我飲左3碗, 因為好足料, 無肉的湯都可以煲到有水準 ! 仲有飲品也不少, 有橙汁, 羅漢果茶, 普洱茶及酸烏梅汁。有熱飲及冷飲可以慢慢品嚐下。而且仲有不少炸物, 款款水準高, 我個人中意XO醬自製蘿白糕, 炸菇, 一口豆腐, 炸茄子, 咖喱角, 蛋散。唔想熱氣, 仲有蒸馬拉糕, 椰汁糕一樣唔錯。熱盤亦有不少, 尤其蜜盞欖茸叉燒及咕嚕肉, 真係十分欣賞。還有南乳蓮藕炆豬手, 咖哩薯仔用黎送飯真係一流。當

今日放工兩個人去咗黃大仙嘅一間齋舖食齋 叫做日常素食 嗰度係自助形式嘅 入到去人流唔係好多 所以啲位置都可以好寬敞跟住我哋坐低 之後就首先呢就係食咗一個齋湯 同埋一個碗齋碗仔翅 雖然好清淡但係都有好好味 有一定嘅鮮味 跟住主菜方面我哋食咗一啲炸物 包括係春卷咖喱角 炒麵 炒飯 壽司 煎蘿蔔糕 咕嚕肉 魚香茄子 炒菜 豆腐 南瓜 沙律 雖然係齋 佢哋呢度啲炸物炸都好香口唔會太油膩 另外仲有甜品 呢度仍然都係做到好似真嘅肉 咁 間中食吓齋 清一清腸胃 都係不錯嘅選擇 因為一週食太多肉了 而且呢度環境都幾舒服 每位都係$130左右 幾抵食😋😋

今日同媽咪去咗黃大仙食齋 呢間日常素食提供放題 有沙律/前菜/炸物/熱盤/湯羹/糖水/甜點/水果樣樣有齊前菜同沙律我試咗雲耳同青瓜 酸酸甜甜幾開胃 蕃茄仔爽甜 洗得好乾淨炸物我尤其鍾意蛋散點麥芽糖 因為已經唔多地方可以食到 當日仲有反沙芋頭 外層層糖好脆芋頭夠粉 好味 炸番薯炸茄子新鮮出爐炸起好香口 不過如果炸粉可以薄啲就更好啦熱盤我鍾意椰菜炒回鍋肉 食落辣辣地 幾惹味 另外仲有好幾款素菜 例如炒芥蘭/炒西蘭花/雜菇炒西芹/炆蓮藕/生炒咕嚕肉等等 咕嚕肉食落口感確實幾似真嘅肉類 味道唔錯湯羹好足料 有齊雲耳/豆皮/筍/菇 都幾好口感糖水有腐竹薏米 幾清甜 而且都幾多薏米 煙煙韌韌好好咬甜點有薑汁糕/雜糧糕/桂花糕/椰汁糕 前兩款兩個都好煙韌好味 薑汁糕薑味勁濃 後兩款味道都OK埋單每人一百鬆啲 得閒食下齋菜都唔錯

今晚約了一個很久沒見的朋友，原來她已經成了素食者，注重健康🫢！所以我的第一次素食給了她，來到黃大仙中心商場，這裡很方便，一出地鐵站就是。這裡是放題形式也有外賣飯盒，也一改我以往對素食餐廳的觀念，原來不是油膩膩的，特別是這裡都沒加味精，很有家常菜的口味，吃得健康，難怪我見很多子女都會帶父母或者長者來這裡吃，喜歡吃什麼就選什麼，份量自由控制👍🏻 我差不多每樣都淺嘗過，最喜歡吃的也很多😂*XO醬炒蘿蔔糕：無得輸！很惹味，外脆內軟，而且每粒都混入了香菇，好好味！*砂糖芋頭：先少少地咁炸過然後外層撈起少許砂糖，好好味！*菠蘿咕嚕肉：本身真是豬肉的咕嚕肉我是不吃的，因為感覺吃肥豬肉，但這個素咕嚕肉好好味😋，做得很似但沒有肥豬味！*香蜜素叉燒：都是做得很似😂，好香好好味，不會覺得吃了肉的肥膩感！*腐皮素卷：煎得好香，裡面是雜菜絲👍🏻*桂花糕：足料桂花味，吃起來很香有濃濃桂花味🤩還有咖哩薯仔，咖哩角，合掌瓜湯都是不錯的！湯沒有味精，清清甜甜好舒服！

素食自助餐其實都好吸引平時食肉比較多，所以得閒食下素都唔錯‼️價錢非常實惠，而家款式選擇一啲都唔hea加上食物質素好掂 簡直係win win食咁多款食物，起碼九成都係非常稱心滿意❤️⭐️回鍋肉味道非常有驚喜，辣辣地好惹味，整得好入味，完全可以喚醒味覺⭐️素菜腐皮卷雖然應該放左一段時間，但食落唔會好油膩，反而仲有少少脆中間全素嘅餡料好脹滿，非常有口感⭐️XO醬蘿蔔糕呢個蘿蔔糕真係令我好有衝動想新年嚟買作為賀年糕點蘿蔔糕唔會落得太多粉，食落口感好soft，但又唔會一夾就散仲有滿滿蘿蔔粒嘅口感⭐️薑醋素食薑醋嘅特別之處係無豬腳果種油膩感反而我鍾意呢款，薑味&醋味好平衡⭐️壽司+素刺身刺身真係有三文魚味㗎⭐️紫米西米露甜品都有幾款，除咗紫米西米露外，仲有薑汁糕、純素雪糕、杞子桂花糕、椰汁糕‼️呢度嘅甜品甜到啱啱好⭐️蒟蒻麵呢個係冷盤小食，味道好韓風有麻油香，好好味！

我好少食素食 心血來潮就想試下又係黃中仙依頭見到依間放題 價錢仲要咁抵 一於入去try try環境闊落，但可能因為係商場內既露天餐廳，用商場既燈光 唔會殘眼自助餐90分鐘視察一圈，食物種類繁多，炸物主食蒸包甜品糖水通通都有食咗3輪 每樣都夾咗啲試 第一輪主要係食菜類肉類，肉類做得好似，最鍾意菠蘿咕嚕肉，酸酸甜甜，如果唔係要留肚食其他絕對會encore，仲有上湯紹菜，依到既餸菜鹹淡適中，好味👍🏻仲有薑醋蛋食 蛋都入味第二輪就試下涼拌，蒸榚同素羹，涼拌醃得出色，入味，都係令我想食多啲既野！最後一輪攞咗啲酸齋，椰汁芋頭同芋頭魚食，酸齋比較札實，椰汁芋頭就好好食，芋頭唔過淋都唔過硬 仲好有椰汁味！大家一定要試仲有西米露糖水，椰汁糕同桂花榚不過太飽食唔落嚕整體黎講係真係勁抵呀👍🏻

去完黃大仙廟，跟住就入去了旁邊嘅黃大仙中心，知道上面有間玩具店於是行了上去，行完出來就見到這間素食店，望望出面嘅餐牌，有傳統口味菜式或自助餐選擇，今日胃口比較好當然就係素食自助餐啦！食物全都在食物區自己自取，有熱盤、有湯水、炸物、粥麵飯、飽點、沙律等素食選擇，按自己喜好份量選擇！最緊要不要浪費食物！我就每樣少少，好味的可以回頭再取，雖然是素食但食物款式都算多樣化，口物都有不同，個人較喜歡就係似咕嚕肉嘅素食，個味同平時食開嘅味道差不多之餘，入口外脆內軟嘅口感都十分美味！而甜品嘅桂花糕同椰汁紅豆糕都十分美味外，還有必食嘅豆腐雪糕，豆腐味香濃軟滑口感好有Gelato個種手打嘅質感！喜歡食甜嘅我對於甜品部分十分滿意，當然素食亦係唔錯嘅選擇！下次可以再來慢慢享受素食嘅滋味！

今晚同食素同事賀生晨，搵咗間素自助餐店，任飲任食90分鐘，一定岩晒佢! 呢間素食店環境幾好，門口綠油油，好fresh。開放式的設計，地方夠晒大，有多張二至四人枱，仲有兩排長沙發座四人枱和幾張卡座，而最入就係食物區，好整齊。素食自助餐有三個時段，晚巿任食90分鐘，由18:00至22:00，成人收$130，小童和長者卡收$110，仲免收加一，平! (寫食評時才發現openrice有優惠，更抵!)食物都有幾多選擇，一定會食得飽。冷盤有素刺身、沙律菜、雜果沙律、車厘茄、粟米、西瓜、哈蜜瓜、醃菜、涼拌青瓜、醋蘿蔔、素海蜇等等，還配備多款醬料。炸物小食有咖哩角、春卷、蛋散、蘿蔔糕、腸粉、素腐皮卷、琵琶豆腐、芋頭魚、天婦羅蕃薯、素叉燒等。熱葷就有上豆腐炆茄子、炒四季豆、雜菌准山萵荀、菜心、滷水豆腐、咖哩青椒薯仔、雲耳馬蹄炆菇、菠蘿咕嚕肉、椰汁芋頭南瓜、蓮藕炆素肉、豉油王炒烏冬、田園炒飯、白粥和白飯。飲品有熱普洱茶、羅漢果、果汁、中湯、五寶素羹、綠豆沙等等。甜品有蒸糕點、凍糕和雪糕。攞咗三大碟，試咗豆腐炆茄子、炒四季豆、雜菌准山萵荀、滷水豆腐、雲耳馬蹄炆菇、菠蘿咕嚕肉、椰汁芋頭南瓜、蓮藕炆素肉、蘿蔔糕