日常茶室

Open Now

Now Closed

朋友介紹，平時好多人，有日咁岩經過冇人就去試吓。。。結果伏到一個點🥲叫左個焗豬同炸脾，先講個焗豬，豬扒太實冇揼鬆，五香粉應該落太多，比一般更差🥲中伏主角炸脾黎料，酸既😮‍💨個蛋就係咁二加d蛋汁上面當滑蛋。。。

早上10點係apps叫左外賣，選擇左兩個餐之後，完成比錢後，個app一路顯示餐廳正準備你既早餐，外賣人員已經到達餐廳。等咗成個鐘到11點都冇update， 我忍唔住打電話去間餐廳問，餐廳覆，你其中一個餐要早上11:30餐廳先會提供，所以一路係度等。。。。大佬，咩玩法？11:30先提傾你又唔寫，又比人order?! 同一個沙嗲牛面炒蛋凍奶茶唯一分別係少左個餐飽你同我講11:30先提供？荒謬到極點。。之後cancel order

初頭開張都唔錯 今日去食個早餐豬扒蛋麵 嘩難食到呢豬扒硬既 碗麵個唔個咩湯傑撻撻既半碗都食唔到走人$46 晚市小菜都還可以早餐就真係唔好搞啦 好Q難食仲要甘既價錢 希望佢比D心機做啦

澳南有好多靚餐廳，但係唔可能日日食，好在有間“日常茶屋” ，幫忙平日/放假打氣，今來試下午茶，⏰2：30-6：00pm, 價格實惠，啱晒我地呢啲打工仔💪下午茶餐牌點了： T10脆炸雞髀拼到蛋厚三文治（半份）$42 ，凍飮+$3感想💝： 賣相十分吸引, 似西餐廳下午茶，蛋治軟熟，雞髀有少少香草味，有別於一般茶餐廳，份量剛好，好夠飽點了： T17 乾炒五香肉丁公仔麵 $46感想💝： 公仔麵好難炒得唔油膩，佢炒得好出色，有鑊氣, 唔太油，讚，五香肉丁本身就係好油既食物，能夠做到呢個效果，師傅功力深厚先做得到！ 👍👍👍己計劃下次試晚餐，佢啲晚餐食評都好高分

🥚⚪📍將軍澳 #EggBall到將軍澳飲飲食食 🍽 日常茶室 Daily Tea House ~~~~~~~~~~~~~~~~~~~~~~~~~~~~~~ 放假喺將軍澳海濱散下步，肚餓諗住平平地食返個下午茶坐下，最後就決定試下呢間港式茶餐廳🥢 🟠杰撻撻芝士撈丁 配凍杏仁霜（$46）👉🧀芝士味頗濃郁，質感亦算杰，唔會溝左太多水變稀 ，同個名真係一樣嘅👉🍜麵質尚算彈牙，但欠缺調味，味道比較單一只有芝士味👉🐔雞扒煎得香脆，肉質保持嫩滑，可算是外脆內軟，但亦有同樣問題，味道比較單調，唔夠豐富👉🥛🌰凍杏霜既杏霜味唔夠濃，感覺有啲似係飲緊水咁😔 附近嘅餐廳都偏貴，而呢間嘅下午茶黎講份量都算幾大份，都幾抵食😁唔錯嘅平價之選🤩 ~~~~~~~~~~~~~~~~~~~~~~~~~~~~~~ 🍽 餐廳：日常茶室 Daily Tea House 📌 地址：將軍澳唐俊街23號MONTEREY Place 地下G09號舖☎️ 電話：23234522📍 位置：將軍澳🌟 質素：⭐⭐⭐ (5⭐滿分）💰 人均：$51 - $100⏰ 營業時間：08:00 ~ 21:00 （星期一至日）  

將軍澳友又嚟搵嘢食，海旁唔一定係食西餐嘅，今次就食呢間新開嘅家常小菜先🤣小菜+$16就有齊白飯、無味精老火湯、飲品·✨芝麻西檸雞🐔 $79賣相唔錯，個西檸雞係雞扒切條上，食落脆口，唔會太多炸粉，有幾多檸檬但味道唔會好酸，啱啱好😎·✨魚香茄子煲🍆 $79用砂煲上夠哂熱，茄子夠腍同夠入味，唔會太鹹太辣😀個汁好啱送飯👍🏻魚香茄子係油少少但係咁邪惡架啦😆·✨土魷蒸肉餅 $69生蒸需時較長，肉餅最緊要係唔散👍🏻爸爸最愛食呢個，食落好腍，家常菜嚟講相對健康啲✌🏻·✨西蘭花炒紐西蘭青衣魚柳🥦 $79最後緊係講下菜啦🥦西蘭花不算油，有落薑ok，個魚柳好腍🤙🏻整體正常發揮·🌟後生靚仔老闆好有heart去做好佢，味道唔差架😀，附近街坊可以幫襯下，加油呀💪🏻🤟🏻

第一次要寫食評，竟然因為呢間無機會試嘅餐廳。我們一行3人到達餐廳，要等位，明白，但其後4人進入立即有位。原以為他們分開兩張枱，但竟然不是！跟職員說是我們先到，但無人理會，唯有離開了。。。。。。。。。。。。。。。。。。。。。。。。。。。。。。。

呢間餐廳都幾有誠意 食物份量都算多 同埋真係好抵食🤑味道清淡 比較低鹽 唔會話食完好口渴要不停飲水嗰隻👅所有餸即叫即炒 上嚟嗰陣都出緊煙🔥水吧好有懷舊特色 係一間坐得幾舒服嘅茶餐廳 比較似𝑪𝒂𝒇𝒆類型👀.📌焗鮮茄豬扒飯 $68有𝒅蕃茄,芝士,洋蔥,紅蘿蔔,橄欖一齊焗🤫豬扒已經切好件 炒飯底有雞蛋🥚鐘意佢個飯底 酸酸甜甜 粒粒分明🤤呢個飯真係幾好食😋同埋豬扒飯上面啲迷迭香隻味都幾出 值得推薦💕.📌魚香茄子煲 $79平時出面食多數都會好鹹🥺呢個唔會 真係食得返茄子本身嗰隻味🍆用砂鍋煲上 熱辣辣出晒煙😍仲有d肉碎 好啱送飯🍚唔太辣 係油油的邪惡之選😈.📌菠蘿生炒骨 $79生炒骨係半肥瘦 唔會好韌 酸酸甜甜 好開胃🥳炸皮好脆口 建議趁熱食🤩鍾意食生炒骨要試😎呢個價錢食得到呢個質素真係好抵😝.📌西蘭花炒紐西蘭青衣魚柳 $79西蘭花唔鹹 魚柳就比較鞋口🥺佢係成塊魚柳 唔會話炒到散晒🐟西蘭花淋左少少🤏🏻有啲薑汁味 啲菇都幾爽口🥰仲有紅蘿蔔韭菜絲做點綴 幾似酒樓食到既味道😆.📌合掌瓜甘筍粟米湯+$16可以升級變套餐 會跟飯,中湯同飲品😈個湯真材實料 真係有排骨 仲有啲合掌瓜同埋甘筍,南北杏😗味道甜甜地

“芝麻西檸雞”($79)“西蘭花炒紐西蘭青衣魚柳”($79)“魚香茄子煲”($79)“椒鹽一字骨”($89)將軍澳海旁除咗貴價西餐廳其實仲有間平民化啲嘅港式餐廳🤩想過嚟散吓步又食得實惠啲都可以選擇呢間😆餐廳晚市有提供多款小菜😍我地4個人叫咗4個餐廳推介嘅餸嚟試吓😚加$16就可以升級套餐,包咗白飯,老火湯同汽水仲要唔收加一其實都真係幾抵食😛當中有必叫嘅招牌芝麻西檸雞🍋🐔西檸雞用上雞扒,食落無骨啖啖肉又夠嫩滑😍檸檬酸味岩岩好唔會太over☺好開胃🤤第2道係西蘭花炒紐西蘭青衣魚柳🥦🐟青衣魚柳同平時一般食開其他雪魚柳唔同肉質更加彈牙而且唔鬆散😋第3道係魚香茄子煲🍆個煲雖然睇落細細,但入面係堆滿哂茄子😆食落帶少少微辣好惹味,送飯一流👍🏻連平時唔太食茄子嘅我都覺得好唔錯最後一道係椒鹽一字骨🐷望落橙橙紅紅賣相已經夠吸引🧡平時食一字骨最怕就係啲肉韌到咬唔到但呢道就完全冇呢個問題☺椒鹽味道鹹香十足☺真係食到唔停口🤣

☀️茶記出色西檸雞☀️-將軍澳MONTEREY Place 雖然距離地鐵站遠左少少但係有好多餐廳 除左西餐 cafe等等 茶記都好唔錯！呢間日常茶室係幾個月前開 嘢食質素唔錯每碟份量都幾夠 價錢唔貴 性價比高員工超友善 有禮貌 餐廳亦都好乾淨好坐我地黎食晚飯 要兩個小菜 各加$16改套餐套餐有飯 有老火湯 有嘢飲-☀️芝麻西檸雞 79呢個必食😋 雞肉炸得好酥脆 好嫩又好夠汁炸粉唔會過厚 同埋唔會好易甩西檸醬甜酸味啱啱好 好清新 送飯啱哂！-☀️海鮮雜菜粉絲煲 89海鮮份量好足料 有魚柳 蝦 蟹柳等等 整體比較清淡-📍日常茶室 (將軍澳)將軍澳唐俊街23號MONTEREY Place 地下G09號舖

住喺將軍澳一段時間，自己本身鍾意食茶記，已經將成個將軍澳站週邊嘅茶餐廳都食咗n百次，可以好負責任咁講午餐晚餐呢間一定係最好食，畀成日排曬隊嗰間更加好吃，，早餐可能就同其他差唔多之前餐廳唔派紙巾畀食客而家都派返，但晚市都仲係無餐飲跟，餐飲可是茶餐廳的靈魂， 可唔可以考慮加番呢，價錢都是咁上下如果一個人食可以考慮芙蓉蛋飯，肉餅飯，如果人多隨便點啲小菜都可以，我已經試過很多全部水準都很不錯，基本上沒有中伏的

幫緊你，幫緊你，打打氣早餐🍳，澳南終於 有貼地街坊茶記，每次路過，都見到全餐廳滿座， 今早的起心肝，就算落雨🌧都冇阻我去食早餐嘅決心， 裝修方面，日式風格🎏，感覺和諧🎐 ，2人點了✍1) 雪菜肉絲米粉🍲，腸仔煎蛋🍳， 餐包， 熱奶茶☕ $38感想💝: 份量十足，真係可以幫你打打氣，雞湯底 ，加上勁多雪菜肉絲， 食完呢個早餐 ，中午飯都唔使食，低晒，茶記最緊要係杯茶沖得好唔好飲， 我呢杯奶茶沖得唔錯! 最欣賞佢係用保溫杯沖呢杯茶，讚2) 沙爹牛肉公仔麵🍲，腸仔煎蛋🍳餐包 ，凍鴛鴦🥤 $43感想💝: 沙嗲味夠濃，牛肉夠淋 加埋雞湯底 ，好開胃， 凍飲用不銹鋼杯，可以 keep住夠凍， 鴛鴦味道夠滑 ，奶茶同咖啡比例啱啱好，正! 總結: 澳南終於有啲貼地餐廳，多個選擇，會再encor試下佢啲lunch, dinner 👌

前幾日行完Donki諗住搵啲嘢食，但係附近都係西餐廳或者Cafe，價錢都唔平見到依間餐廳睇落去都幾乾淨同埋好似係新開，就諗住試吓。我嗌左個鮮茄滑蛋牛肉飯，分量比我想像中大，正常女仔食量一定食唔晒。有好多大大嚿嘅蕃茄，啲滑蛋真係好滑同有蛋味。牛肉嘅份量都唔少，而且好冧。10分推薦同行朋友嗌左個椒鹽一字骨，加咗$16要個晚餐套餐，套餐有飯有湯有嘢飲，都幾抵食。一字骨雖然有啲辣，但係好有鑊氣。中湯都好足料。最後兩個人都食唔晒，因為份量實在太大，不過真心好好食

今日叫左個焗咖牛飯，食物質素ok但飯有鐵釘。一面天堂一面地獄。差啲可以入醫院🤔🤔我都唔敢再食了。。。大家要小心！To repeat in English, I found an iron nail in the baked rice with curry beef. Be careful before you eat!

早餐就成日食反而晚飯就第一次。叫咗咖喱牛腩飯，金銀蛋時蔬，同埋咕嚕肉。牛腩炆得好腍好入味，個咖喱汁有少少辣啱撈飯。牛腩唔多筋，小朋友都食到。咕嚕肉出奇地好食，拍得住出面酒樓嘅水準。啖啖肉唔多骨，層炸粉唔厚，份量都唔少。再叫多咗個金銀蛋時蔬，呢個就普普通通冇特別。其中轉左一個套餐有飯有湯有嘢飲。老火湯冇味精都幾足料仲有雞腳。嘢飲我揀咗黃金麥茶，出面街都未見過有得賣。兩個大人一個小朋友叫三個小菜，最後太多食唔晒要打包。