大叻越南牛肉粉餐廳 (蘭杜街) (Moved) New Location

Who doesn’t love a hot bowl of Vietnamese noodles - pho?下午茶來到灣仔吃碗Pho。不太餓所以決定二人分享一份生牛肉河粉及一客蒜蓉牛油雞全翼。生牛肉河粉連飲料也只是$44，非常抵食，難怪平日下午三點多也座無虛席。一上菜生牛肉河粉已經香味撲鼻，湯底濃郁，牛肉分量也頗多，自行加上辣椒，再配上一杯冷飲，實在是享受！蒜蓉牛油雞全翼（$66 三隻六件）沒有在下午的餐牌上。等了一會兒終於到了，炸得金黃，上面鋪滿了蒜粒。牛油味香，雞翼質感也好，可是外皮有點硬，有點失望。再訪應該會主攻麵食類了！順帶一提，服務不錯的！

灣仔小巷的餐廳, 距離公司好遠…鋪頭位置少, 所以多人等位.但都算快等到位, 最中意食雞絲扎肉撈檬,特別之處我係叫左走炸花生之類既配料.因為想減下肥. D雞肉算嫩, 檬粉份量都幾多下, 加賣D 魚露整體都算唔錯. 但睇見隔黎同事既炭燒雞扒飯,份量十足, 又燒得好香口咁,下次真係要試下先得. 減肥既嘢, 食完先有力氣減…

雖然呢間係越南牛肉粉餐廳但係我黎親都係食佢既燒雞扒/豬扒/豬頸肉飯因為佢呢幾味真係燒得好香 🤩今次係叫左燒雞扒飯做晚餐單點無叫餐，$50 抵食又一餐啲雞扒真係燒得好香睇層皮都已經知道係yummy雞肉嫩口份量都夠多個飯有配埋少少炸蒜同蔥油，更加惹味個飯都唔係齋得肉啲雞扒下面有配菜，平衡返啲不過如果平時食得清淡既朋友仔可能會覺得有啲鹹同油左少少我自己就OK，餸埋飯一齊食都唔會覺得太鹹總括黎講我覺得真係算好好食 🤗 價錢都合理 👍🏻

灣仔已經好出名，喺附近做嘢嘅人都會識，今晚朋友話想食越南粉，就帶佢黎試下，叫左招牌菜炭燒豬扒河送兩條春卷加杯熱檸水都只係57蚊，呢區嚟講算平，味道仍然keep到，炭燒豬扒依舊好味。不過真係幾多人，幾逼下，夜晚都坐滿人。

撈檬夏天黎講真係百吃不厭🤤今次黎到大叻越南牛肉粉餐廳，晚市一人餐都只係$57就有🤩，入面包埋網春卷兩件同埋飲品，真係好抵呀！叫咗個炭燒豬肉撈檬同埋炭燒香茅雞扒飯撈檬酸酸地好開胃唔洗講，呢度既豬肉同雞扒都燒得好香口，燒豬肉就較薄而燒雞扒就外面香脆內裡嫩滑😍，食到好滿足😋

朋友推介，有雞扒大大件超多人排隊午餐指定，食雞扒飯，不能轉雞扒粉麵豬扒偏硬身，份量足炭燒味香，雞扒新鮮，香茅味濃郁生牛肉河坐近廚房果邊台，開左冷氣簡直感覺不到涼快叫侍應開大些冷氣，侍應話無得調較啊

食咗個生牛肉可，飲鹹檸soda 。食物：- 覺得味精唔多（或者冇）- 有少少越南的香菜、芽菜、辣椒等等。- 咸檸梳打跟餐加$8 ，唔錯唔錯。環境：- 需要搭枱，但地方唔算迫夾。- 位置方便，同一條街有第二間越南餐廳，算是有競爭，但我應該都會再來。- 應該不太方便帶小孩。衛生：- 感覺幾乾淨、衛生。服務：- 食飯時間，食了大約一個鐘，沒有任何被趕走的感覺。- 沒有其他服務，自己攞單出去俾錢。- 沒有給一杯開水，可能問才有吧。

行完PP之後，朋友介紹黎呢間餐廳食個飯。我地大概十一點九到餐廳，已經好多人排緊隊等位。好彩唔洗等太耐就有位，我叫左個炭烤豬頸肉飯，飲品就加3蚊要凍飲。朋友叫左個炸雞翼撈檬，加4蚊要凍檸蜜。 我覺得炭燒豬頸肉飯真心好正，豬頸肉烤得好香，有少少脆，而且份量好多。50幾蚊有呢個份量呢個質素，仲要係點個地段，真心好難得。唔怪得一早去都要排隊等位雞翼撈檬都唔錯，雞翼都炸嘅，啲肉好嫩。我個人黎講就鍾意豬頸肉飯多啲，推薦比大家

港島區食飯貴夾唔飽？難得揾到一間抵食餐廳，雖然地方偏遠，唔近地鐵，但價錢反映租金柚子蝦沙律，賣相吸引，酸酸甜甜，幾開胃蕃茄牛腩河粉，好濃蕃茄味，份量多整體評價：食物質素ok，價錢算平

Surprisedly I haven’t been in this restaurant till yesterday! It’s not too many Vietnamese food options in Wan Chai. This restaurant has nice variety of dishes, huge portions and very reasonable price. We (2 ppl) hardly finished 3 dishes (check the photos below). Also we ordered extra Coconut and Lime Soda. The total bill was under 300 hkd. The coconut had a lot of meat inside, the noodles had fresh ingredients. The portion of grilled squid is just right, the meat was soft with slightly charcoal

今日叫咗蕃茄牛坑腩金邊粉餐，落完單之後好快就有食物到。金邊粉比較硬，應該浸得唔夠時間，跟餐送春卷2條，但係今日d春卷我食到想嘔，因為有好多油，食落仲有成陣油味😱。最後講返杯餐飲熱檸水，檸檬周圍見到d黑色嘢，飲咗2啖再望真d，成個杯都有污跡，我唔敢再飲啦。一路都有去幫襯，但今次之後，應該唔會再有下次

又喺附近做完運動，肚餓得很，係呢條街通常都係食雞扒或蝦麵，諗住今日試新嘢，見到條街有兩間越南粉麵，有時候東南亞菜，感覺比較地道啲嘅，都係一啲比較貼地嘅裝修，俗語有話....”updup”.....怎料.....叫咗一份午餐，雙拼飯，豬扒拼雞翼，一杯熱飲。其實張枱都幾窄，一張長枱仔六個人坐，如果一齊埋頭苦幹吃飯，可能有機會會撞頭。熱檸檬茶嚟到，杯係白色，但係杯外面非常多茶色😧，杯邊凹凹凸凸的，檸檬應該沒有洗過，好多臘浮面😨，杯茶..我..無..飲..過..飯嚟到，豬扒感覺好像豬肉乾，因為我食唔到有肉嘅質感，唔介意韌，但食肉沒有質感實在是怪怪的。雞翼味道還好，但是凍的...飯是硬的....伴隨着這個氣氛，還有幾隻飛飛野....我咁肚餓只係食咗幾啖，真的咩胃口都沒有😅

早兩日肥雞同同事去灣仔食lunch 發現呢一間越南餐廳 lunch有set lunch 價錢係50蚊至到70蚊 又唔係算好貴所以入去試下 咁肥雞就嗌咗個海南雞配喇沙河粉 凍飲加三蚊 你見到個喇沙好似好紅 以為會好辣啦 點知原來係浸蝦油 其實食落口又唔係好辣 至於佢隻海南雞呢係畀雞畀你 雖然唔係話好香黃薑味 但係起碼啲雞肉唔係好鞋 份量有幾足夠

行過呢間大叻，lunch時間大排長龍！一個人最易搵位，盡用單身狗優勢，不用多等就有位，即管試一試！😎 見到menu，頓時明白難怪店内坐滿人，$50有飯/麵仲配野飲! 🌈選了一個扎肉雞絲金邊粉 $50賣相正正常常，份量算多，雞絲不吝嗇的撒滿麵上。雞肉鮮嫩，味道不錯！扎肉大大塊！吃完一碗麵飽肚感十足！$50這質素，抵食之選！不過餐廳環境就普普通通，燈光偏暗，地方偏舊，枱與枱之間偏窄，店員服務偏差，大概是食客太多太忙碌吧。

因為工作關係而去咗香港區番工，附近食物都貴到眼到突，唔係講笑，有天有個舊同事約食飯，就帶咗我去呢條街，其實一連都有好幾間食店，一見我就叫咗個炭燒豬扒，待應一放低，心諗$50真係$50（只不過係我之前係喺行貧窮線低小小嘅地區番工）所以呢度呢個價已經係恩物，佢都幾大件，仲有1.5件到，飯大大個，個蔥油好香，豬扒⋯⋯好好味呀，仲係炭燒味好重，我食完直頭愛上。我已經唔想係其他越南店食呢個豬扒飯。份量大但你會不自覺食得哂㗎