大發茶餐廳 (Closed)

收工已經九點幾十點，想食d野，一係小炒一係打冷，同一條街，兩樣都有，呢邊有卡位又有電視，就黎呢邊。一坐底就問我地飲咩啤酒，最高興就係咁樣，食宵夜，啤一啤。牛展鵝片，鵝片就幾普通下，不過牛展就幾好食。椒鹽白飯魚，大大條，夠惹味，送酒一流。咕嚕肉，圓碌碌，不過細舊果d成舊都係炸粉，同埋偏酸。豬紅，都穩陣。兩個人，計埋啤酒都係二舊水，都幾抵。

潮州打冷近10年都好似不繼減少，要不就要去高檔既潮洲菜館，下下兩個人幾百蚊落樓。細細果穿住對拖鞋落樓下果種街坊式潮洲打冷風味，似乎消失左！好明白既，香港 d 舖租咁貴，一般個體戶點捱得住呀！大發茶餐廳單憑個名唔會令人聯想到潮州菜，但只要去到門口，右手邊整個厨窗都係熟悉既潮州餸。事實上大發真係係好茶餐廳，食物除潮州打冷外，仲有廣東小炒，風味炒蜆、蟶子、三文治、咖啡等。食客可以食完潮州菜再飽杯咖啡，各式其式，任君選擇。 卥水三味(掌翼 + 大腸 + 墨魚)：鵝掌翼較為咸左d，其餘兩款都好味。 雜菜煲：大發既雜菜煲好抵食，不單菜多，仲有蝦、鮮魷，應該改名為海鮮雜菜煲。最鐘意佢既味道夠清，清得黎又唔會淡而無味，唔係用味精砌出黎既！ 豉汁蒸倉魚：份量足，夠新鮮，每次都會食大發既蒸魚！環境：香港地道食肆，純街坊形式。服務：一般老式香港既親切服務，唔可以講究。有跟老闆頃過如果可以增加一d 舊式潮州菜，例如花生炆雞脚、蘿蔔炆大蟮、酸菜炆門蟮等會更吸引。但可能成本問題，仲有要考慮適應街坊既需求高低，至今都無出台，期望一日大發有機會可以比我地試下新菜啦！

由於吃的都是打冷為主的關係老水鵝片配牛展紅腸配墨魚九菜豬紅(呢個正...)重有個"是油王肉片炒烏凍"都吾錯,不過吾記得影之前就吃晒(因為很香的關係)xd加埋支藍妹,每人都係50樓下咋...(雖然係消夜時候,但係都食到好飽)

今日lunch行下行下去左呢度.一入去感覺都有點舊. 差唔多清一色係男人, 都幾多人吸煙..有成10個快餐揀.我揀了洋葱豬扒餐肉飯. 有跟例湯和飲品.三分鐘內食物都齊晒.唔期望食物會好好食. 都是普通茶餐廳水準.不過環境都麻麻地.

大舅和表妹來到灣仔, 務必要一盡地主之宜, 又想不到有什麼比較特別的, 於是便來了這裡。這裡的蠔仔粥是必吃的, 六個人, 叫一大窩便差不多了, 份量又多又足料, 而且味道也很不錯。除了蠔仔粥外, 還點了鹵水鵝件和鹵水豆腐, 也是又便宜又好吃的「打冷」食品。另外點了些小菜, 大斑兩味: 炒球份量夠多, 蒸頭腩也很不錯。生炒排骨: 是即炸的, 新鮮好吃椒絲腐乳通菜: 一般而已整體來說是還不錯的, 做街坊生意, 這個價錢也算便宜了。

哩條街原來都有幾間選擇，下次試過第二間．．．兩個人order以下：－１．東江豆腐煲－濃濃的湯，好夠味．２．豉椒鵝腸－夠份量，好爽口．加左一碗靚仔黎食，正！

昨日在此吃蠔仔粥($25),好味又多料，超值．

同朋友在星街飲得咁上下，見肚空空的就四圍搵食。路經此店都見有唔少人的士司機幫襯，他們是夜店水準的指標，所以就坐低叫野。呢度雖以茶餐廳為名，但夜晚都以賣潮州食物為主。叫左蠔仔粥同鹵水鵝，蠔仔粥的蠔仔幾大隻同鮮甜，配合潮州粥底好正。鹵水鵝幾大碟，鹵水夠入味，但略縑鵝片唔夠軟身韌左少少，真係啃到牙骹都軟。再飲多兩支啤酒埋單近兩百，以茶餐廳來說都唔算係平，但食物是有水準的。