Day and Nite by Master Kama (Closed)

旺角美食集中地, 有一間一直在口袋裹, 原因是我喜愛吃龍蝦, 而這間最有名的是新派龍蝦菜式料理, 所以決定跟朋友來這食晚餐. 我們點了招牌菜：龍蝦匯，包括以下龍蝦包: 係香港終於食龍蝦包, 鬆軟帶香脆牛油麵包，夾著龍蝦肉質素不錯, 鮮味而肉彈牙軟嫩, 混了特別調配的醬汁, 更添惹味, 不會搶去本身龍蝦肉的鮮味. 烤蒜蓉牛油龍蝦: 手掌大的龍蝦, 龍蝦面舖上了蒜蓉蓉及牛油, 這調味跟龍蝦有著好搭配的效果, 烤後香味泊鼻, 蒜蓉香更滋味. 龍蝦肉彈牙, 肉嫩而爽, 質素不錯. 而粗身薯條也好脆同香口。龍蝦什錦海鮮石鍋湯烏冬: 上菜時石鍋還是滾熱辣辣著, 湯底有些龍蝦鮮味. 當中有隻小小的龍蝦, 海鮮沒太多, 只有青口, 魷魚.及一些配菜. 整個烏冬尚算可以. 原因已被龍蝦包搶去了風頭. 另外, 飲品點了fresh slush: Sparkle apple：蘋果配青檸味flavor打出的沙冰. 有少許果肉. 酸酸甜甜幾清新. Sunset-chubby ：呢杯有西柚, 菠蘿, 吃到菠蘿果肉, 比蘋果那杯較酸一點點. 亦係幾fresh的飲品. 一般除了

周日朋友聚餐，由於佢好鐘意食龍蝦，所以用OpenRice search 左呢間餐廳，用app訂位有7折（不過唔包龍蝦類食品），都算抵食。餐廳係樓上鋪，大廈外間有巨大嘅招牌，十分易揾。 餐廳有大量卡位，適合朋友聚會，坐得舒適。入去坐低後，見其他食客好多都點左石鍋烏冬，所以我都點左個叉燒溏心蛋烏冬配龍蝦濃湯，另外叫左個分享盤同朋友share。呢個石鍋烏冬相當有誠意，上枱時，石鍋熱辣辣，食客會閒到龍蝦湯不停蒸發出黎嘅香氣，烏冬十分煙韌，有咬口，食落好滿足，不過湯底經過石鍋嘅熱力蒸發後，變得相當濃稠，相當咸，我食完之後，都飲左兩杯水。 至於呢個分享盤，質素相當一般，相信大部分都係來貨炸熟就上碟，下次唔會再叫。 同場見到唔少人叫龍蝦包食，睇落唔錯，下次再去的話會試😂

鐘意吃海鮮龍蝦葛朋友，推介位於旺角葛Day and Nite by Master Kama；我個閨蜜話係一間食龍蝦料足又試正既西餐廳！然後我係openrice見到食客們推介葛龍蝦滙 （ 龍蝦包,蒜蓉龍蝦半隻同埋龍蝦什錦海鮮石鍋湯烏冬/飯）；葛龍蝦包最讓我有深刻印像，包上面仲有蒜蓉，而且蒜蓉味好香！咬上一口，啖啖龍蝦肉！龍蝦肉厚又鮮甜，個包有鬆軟，真係好正啊！覺得唔夠飽唔夠喉唔駛驚，因為個烏冬份量都夠大，烏冬好Q彈，龍蝦葛蝦頭有好多蝦膏！好心滿意足既龍蝦宴，一定會再次黎吃一次！

被OpenRice 折扣優惠吸引，見評價不俗，所以決定一試。職員通知折扣優惠不適用於任何（1）有龍蝦字眼的食物，（2）set 及（3）drinks. 咁小妹同朋友都有小小失望，因為咁代表大部分食物都不適用，一場黎到無理由唔食龍蝦姐，所以有理無理，照叫無誤！我地兩個人share 個龍蝦匯，有龍蝦包，半隻龍蝦，同海鮮石窩烏冬。龍蝦肉質是爽口的，配包是㚒的，同埋個包好重牛油香！海鮮石窩烏冬方面，個汁有龍蝦鮮味嘅，一路被烏冬吸收，愈來愈濃郁！總括來說，如果鐘意食龍蝦，又想試下不同菜式配搭嘅，不妨一試！

網上面睇到哩間餐廳好評多多終於搵到朋友同我一齊去試下因為訂左位 所以都唔洗等 用餐時間一個半小時因為我地係食晚餐 餐廳裝潢設計用色藍色為主影相有少少暗暗 影相出黎無甘靚我地兩個好仔總共叫左三樣野食 兩個主食加一份小食 份量岩岩好 但男仔可能要叫多少少食招牌果然就係招牌 最好食就係佢個龍蝦包 滿滿龍蝦肉🦞🦞🦞超好味道下一樣我地叫左個芝蝦海膽龍蝦意粉 普普通通最後我地叫左份芝士仔小食 芝士可拉絲 整體黎講 不錯值得愛龍蝦既朋友一試

見有龍蝦包買一送一既優惠，就緊係同朋友一齊去食啦龍蝦包配薯條：包有用牛油烘香，龍蝦分量都算多，味道幾甜同爽再配特制醬汁，味道幾夾。薯條熱辣辣，外脆內軟鮮茄虎蝦扁意粉：非常好食！蝦夠爽同彈牙，意粉軟硬適中，醬汁唔會太酸。

無論係個包定入面d龍蝦都太油 油到唔想放入口🙁薯條蕃薯炸得太乾 而且係凍的🙁海膽意粉落太多cream 根本無乜料🙁淨係呢兩樣野都唔好食 要四百蚊好唔抵🙁無點到佢啲糖水飲料 但佢連水都唔俾杯🙁餐廳入面又暗又焗🙁睇得出 幾年前剛開張時候的熱誠態度 已磨滅不少了...🙁————————————————————————

同朋友食完飯。諗住搵個地方飲下野傾下行程。因為要睇旅遊書又想飲酒。見呢間餐廳夠光猛又有酒就走左入去。入座時已經差不多9點。全店已經冇乜人。係我哋唔好。一早冇睇清楚有min charge。我地叫完飲品之後侍應就走過黎提我地有min charge。食到好飽嘅我地你眼望我眼一輪之後。見都坐低左就算。於是叫多左個雙重炸薯條$75。配左三種醬。龍蝦芝士醬。黑松露芝士醬。蜜糖芥茉醬。個雙重薯條就即係薯條加蕃薯條。啲薯條唔夠脆唔夠熱。唔係即炸。而啲醬方面。黑松露醬最正。蜜糖芥茉醬都十分正路。但個龍蝦醬就好似整杰左嘅龍蝦湯咁。配搭上感覺麻麻。而飲品方面。相對餐廳本身格局。酒水價錢略貴。draft beer $78。handcraft beer $68。draft beer夠凍。不過支handcraft就似藥水味。性價比唔高。可能準備收工。全程都冇乜侍應理我地。不過值得一讚亦都冇人提早趕我地走。最後坐到餐廳夠鐘關門就閃人。明白生意難做。不過始終覺得有min charge感覺麻麻。餐廳環境同食物價錢感覺不太成正比。

美味🦞龍蝦宴估唔到旺角樓上店都有一啲專食🦞龍蝦嘅餐廳， 款式比想像中多有各款🦞龍蝦菜式，都幾好味，其中燒玉子龍蝦，龍蝦肉好多， 一啲都唔慳皮呀，但係龍蝦湯就偏鹹咗啲。另外龍蝦包都係招牌菜之一， 味道不錯， 食落肉汁juicy👍🏻不過要留意番呢間餐廳係有限時食飯的， 咁每張枱係1.5小時。同埋星期五六日， 記得要book 位先。我今次就叫左法式干邑🦞龍蝦湯，🦞龍蝦燒玉子， 龍蝦包， 🦞🧀龍蝦芝士MAC N Cheese, 意大利🧀芝士條， 仲有雞翼。 哈哈兩個女仔都係吃貨， 野食好味， 所以叫咁多野都可以真係食晒。因為個龍蝦湯真係偏鹹左， 所以我扣左d 分⭐️⭐️⭐️⭐️

平時真的好少寫，今次真係食到有種搵笨感覺，仲要對唔住帶來食的朋友。首先，講講折扣問題，本身話6點半食有7折，去到獲告知龍蝦、套餐、飲品不包括在內，咁想問有咩可以包呢？咁以一間食龍蝦的專門店來說，算是取巧嗎？其次，侍應真係好生手，坐低又無杯水，問又唔知推介咩好，態度係好，但好似淨係識落單。點了一份pizza同意粉，打算試試再決定叫龍蝦餐，結果係普通快餐式質素的pizza同意粉，但埋單成三百幾。我諗好似隔離的顧客咁，叫龍蝦打打卡就覺得值得掛。

位於旺角名為Day and Nite by Master Kama葛西餐廳；同男朋友等咗甘耐終於吃到了！店內真係有太多人排隊啦！可想而知有幾美味 ！店內環境舒適而且個龍蝦公仔又趣緻，非常適合情侶們約會葛地方！當然少唔到要點上一份店鋪招牌龍蝦包，斎體住個餐牌都流曬口水啦！餐上到后真係感歎連連，麵包外脆內柔軟。而且每吃上一啖都一定會食到鮮甜龍蝦肉，龍蝦肉又彈牙又肉厚多汁，仲有超正葛龍蝦膏！同埋配有新鮮炸既薯條(蕃薯&薯仔)同沙律菜，又掂又過癮！

早前和男朋友一週年了，我地決定食呢間😆本身我地係坐二人檯，可能見我地點較多野食，所以之後轉左我地去另一邊較寬鬆嘅卡位😋芝士龍蝦長通粉長通粉索曬龍蝦汁嘅味，配上啖啖肉嘅龍蝦粒，再加上芝士真係好邪惡😆龍蝦食落爽口而且鮮甜，令我眼前一亮，更期待之後上嘅菜式😆之後我地叫左呢度嘅招牌—龍蝦匯包括有：龍蝦什錦海鮮石鍋意大利飯意大利飯個汁嘅龍蝦味非常特出😋入口有濃郁嘅龍蝦味😋而入面嘅材料唔單止有龍蝦，仲有大蝦、魷魚、青口、蜆，材料好豐富！龍蝦包&烤蒜蓉牛油龍蝦蒜蓉牛油龍蝦(半邊)：個人覺得呢隻龍蝦比上文介紹過嘅口感較霉，冇咁爽口。而且蒜味唔香，又食唔到龍蝦鮮味。龍蝦包：夾著啖啖肉嘅龍蝦，肉質爽口，大大增加口感！而且龍蝦份量算多，食到好滿足😆薯條：除左有普通薯仔製成，仲有南瓜製成嘅薯條😋兩者都脆口，好味😋小食拼盤拼盤包括有薯條、牛油雞翼、芝士脆條、雞軟骨餃子、迷你pizza同埋小丸子。我最鐘意個薯條同雞翼😆雞翼香脆、皮薄，唔會話好厚😋雞軟骨餃子其實口感幾特別😆而芝士脆條有啲膩，迷你pizza同埋小丸子就普普通通，冇咩特別。抹茶心太軟& 朱古力雪糕很有心思地裝飾伴碟😆心太軟外脆內軟！入面係抹茶漿而非朱古

星期四的晚上跟朋友到這間龍蝦餐廳吃飯，我們用OpenRice訂座，主菜餐牌（除了龍蝦類食品，套餐及飲品外）都獲得七折優惠。我們點了龍蝦包、海膽忌廉蟹肉意粉及一個章魚大阪燒。龍蝦的份量的確很不錯，每一口都是龍蝦肉。配上爽脆的麵包確實是一種享受。另外值得一提的是餐廳的店員都非常有禮貌，令到整個用餐體驗錦上添花。

當時呢間餐廳做緊佢地最出名嘅龍蝦包買一送一，同加$15任食fries。但我就冇留意到然後同朋友order咗一客龍蝦三文治同一個烏冬，有啲蝕底😟不過都幾好味嘅😋龍蝦三文治幾足料，而且有埋薯條跟，所以一定夠飽，個烏冬湯底非常濃郁，但係啲料就唔係好夠，我同朋友都係每人食得幾條咁大把。鋪頭仲有好多飲品但我都冇乜興趣試，因為價位高過同區嘅飲品鋪好多仲有加一😂service方面就一一般般啦，勝在人流唔係好多，星期六嚟食lunch都坐得舒舒服服☺️

Lobster Mac N Cheese $208Assorted Seafood Kama Pot with Risotto(?) in Lobster Soup $100Lobster Pizza $188.話說我地尋日去左龍蝦專賣店Master Kama食，但其實我地除左食龍蝦菜式外，仲食左好多non-lobster 既菜式.講左主角—龍蝦🦐先啦！我地點左4款有龍蝦既菜式，Lobster mac and cheese 幾好食！首先一讚面頭滿滿既芝士🧀，一夾通粉就即刻拉到絲，龍蝦肉都算多，食到啖啖肉，不過整體份量偏少，價錢有點貴，但值得叫！.龍蝦pizza🍕好似都係重點推介菜，成日係ig見到 除左放係面既龍蝦頭，pizza上面都有好多龍蝦粒，不過個敗筆在於pizza底，同埋整得唔夠脆，同埋個size都偏細，所以本體麻麻地，可skip🤭🤭，同埋都係價錢有點貴～.石頭鍋可以自選湯底，配料，同埋飯or烏冬，我地揀左龍蝦濃湯＋雜錦海鮮＋飯，食落有d似炊飯/飯既口感似日式risotto，龍蝦濃湯配咩食都會好味，雜錦海鮮都係蟹柳呀日式魚蛋呀果類dont expect too much🤫但飯既份