Deli and Wine (Closed)

成年幾差不多2年冇黎過，以前每個星期六返工前都同同事黎食早餐，好喜歡以前嘅裝修，好文青，令你會想坐成日。記得現在個一個位以前有buffet 食，以美心集團黎講食過都幾好。而家呢個位大左好多，裝修簡單，但可以hea 好耐🤣🤣，裝修後黎過幾次，食物依舊咁好味。呢個和風香醋鮮雜菌意粉食左2次，好清，唔膩，我覺得入面有中式醋嘅味道，好欣賞佢地用新鮮雜菌。第一次叫燒味，有D失望，D汁唔係甜豉油，係一D好似燒汁咁，燒鴨有D”梅”，唔會再吃,因為其他更好味。上次試過蘑菇雞扒同乾炒牛河，可以再食👍👍👍

點解有標題係差差差？去既時候係11點半，非peak hour第一差：態度差兩餸飯46蚊， 呢個地方合理價錢，叫佢俾少d肉換兩條菜心，跟住負責'不'餸既妹妹仔望望側邊既人，就同我講返唔得。算，無謂人地難做。第二差：兩餸飯分配差我食椒鹽豬排+ 燴茹子加d菇，特登選左個一個乾身，一個多汁既餸，因為上次黎食已經中過伏，乾到呢，今次叫佢俾多d茨汁， 唔 得 ！ d茨汁成本係生粉溝水嫁昨，咁都唔俾，成餐飯食到好辛苦，勁乾。最後搏一搏：拎薑蓉！望住兜飯已經覺得好灰，心諗隔離有燒味，問個師父拎d薑蓉啦， 又 唔 得 !! 話我唔係食燒味飯。 對唔住囉。仲有d 職員一路執台，一路推d鄧係四隻腳硬磨地下，完全唔會理身邊食客感受，係勁嘈，完全無諗過輕放or慢慢推。 我明白係尖沙咀海傍，46 蚊不敢奢求d咩專一服務，我亦都係貪佢抵死坐得舒服先黎，但係呢d細微位，作為大公司係咪可以彈性小小，靈活小小？ 俾少d肉换幾條菜，唔係幫你地慳緊錢咩？ 薑蓉係咪有黑松露係入面？ d staff睇得出係完全無熱誠，燒味師父除左喝我之外仲會喝左其他客。 呢間野裝修完之後。。。

偷得浮生半日閒, 放半day, 約下朋友出去hea下, tea下.去左文化中心呢頭, 發現間餐廳裝修左, 入到去就見到個open kitchen, 成個入口位都充滿住香氣!裝修後, 餐廳大左好多. 環境都好relax, 好岩O係度坐下吹水!吧枱位仲放左D好特別既烏絲燈, 同成間餐廳既tone都好夾!下午茶都叫多選擇~order完搵個位坐, 野食ready就自取.同朋友叫左2個set:扒芝士火腿三文治, 唔錯! 但如果再熱D就好喇~炸魚柳包漢堡配薯條, 好鍾意個醬, 有D酸瓜粒粒, 好好味!熱朱古力. 好少可O係出面飲到咁香濃既朱古力呀!!好rich好creamy! 正!!Caramel Latte, 咖啡好香, 仲有拉花, 睇得又飲得!

天氣不似預期落住好大雨，入咗去文化中心，避雨點知俾我哋發現到呢間餐廳裝修唔錯入咗去deli and wine食下午茶。下午茶時段，點了一個““牛肉漢堡包薯條“及““魚柳漢堡包薯條““再加一杯檸檬茶。實在非常有驚喜，賣相同味道都非常有水準，包面用了燕麥亞麻籽葵花子，非常有heart。魚柳包係我近來食過，最好味嘅魚柳包之一，魚柳包冇好硬嘅肉，反而係炸得好軟熟嘅魚柳，配上沙律醬，生菜番茄，感覺真係好好味，好像係海邊度食緊魚柳包欣賞海景一樣。另一個牛肉漢堡，牛肉算係做得唔錯，濃濃的芝士味包住牛肉，愛好牛肉，一定非常之喜歡！！薯條更加是我至愛，粗薯條連皮去炸，灑上鹽，（可惜有少少偏鹹），呢種粗薯條食落真係唔需要擔心會食到啲咩化學物質，實在非常之好味。

之前未大改裝前的deli and wine 我曾經愛上-現在只覺印象模糊有點像偶爾失焦的照片-⋯⋯以為曾經深愛過-原來是記錯人原以為自己很尖銳很多意見；原來不再年輕氣盛時：是如此這般簡單大裝修後的文化中心快餐Deli 很多惡評人人以為一定加價了勢利 看小香港cheap cheap 的食客可能太過敏感了⋯⋯ 星期六早上八時已開工32$烟肉焗黃豆-罐頭的兩煎雞蛋即磨咖啡最平早餐25$我終於選出三十二的是難得做到先色套人的一個最普通西早餐人人食過這種煎蛋烟肉早文化中心要服務我等文化品味、敏感、完美主義的窮人-集色香味俱全⋯⋯32 蚊真難為廚房蛋極深橙黃色，不知道是什麼來頭，但靚爆多士粗糙因為用我最憎的馬之連植物牛油立即刮除淨吃了少量烟肉味香不焦不燶而好吃😋90分煎兩太陽蛋雖易做但本人仍給100 分好久沒吃過那麼到位1/ 香煎太陽雞蛋2/ 剛剛好的煎微炸烟肉 不肥不瘦 脆!Why not a A!?因為不問我而搽了偽造牛油另雞肋大倒退的即磨咖啡豆用次級不好喝不夠香始終將貨就價這個的確不如以前美好的時光！

2018年6月2日。晴。尖沙咀。通常去完尖沙咀海傍都會行過來文化中心呢邊食Deli and Wine尖沙咀來講，尤其係呢一帶，呢間餐廳價錢算係合理有一排無去，去到發現間餐廳唔同咗，唔再喺原本個舖位之餘，個裝修都似有啲唔同問落先知同隔離間美心換咗位，裝修上有啲微妙嘅變化池邊嘅呢啲木枱就似之前無嘅，窗邊木枱坐得好舒服，個景又靚不過個餐牌同記憶中嘅菜式好似有啲唔同咗，選擇少咗星期六晏晝午餐時間都多人，差唔多坐滿晒搵好位就去嗌嘢食啦男朋友鍾意嘅喇沙就仲喺menu上，我就試個名好高級嘅XO醬珍珠帶子櫻花蝦炒飯另外嗌咗杯Latte，13蚊點完餐會有個咇咇機，個餐可以攞就會響蝦球喇沙米粉先到，味道退步咗少少，但都可接受XO醬珍珠帶子櫻花蝦炒飯賣相好好，飯面擺咗啲蟹籽，好多粒帶子睇落非常吸引，但係食落。。。淡而無味，好難食唯有去攞兩包辣椒醬自己撈落去，然後就淨係得辣味好失望，早知就嗌返常餐算啦

Unexpectedly The new Deli and wine has been so popular Watching the recent Open rice comments Not bad at all tea break 25$ upBut the coffee is poor not knowing of the origin Just bad taste Before Every meal comes with a fresh brewed coffee ☕️ 😎🤑cheapest toast tea Two pieces of white flat bread Only evaporated milk No jam nor fresh butter I choose peanut butter I hate evaporated sweet canned milk ☹️😕the second best choice should be Fruit cup Big 28$/1 tall cup owing to the coffee effort Won't try a

無論發生咩事，每一日起身都要對著個靚景，食個靚早餐，醒醒目目努力做人。做個快樂的吃貨其實，味道好普通。但環境好舒適$32蚊係尖沙咀咁靚嘅環境食早餐，仲想點食環境的地方

休閑一天絕對要去嘅cafe呢個質素呢個環境呢個價錢簡直冇得頂之前約朋友傾計都會揀黎呢度食完又可以去行海旁好方便鍾意佢自助拎嘢食唔會俾人阻住傾計座位多樣化多人又得小人又得坐疏花都得今次出奇地揀咗三文治同樣地都出奇地咁好食又大件又多餸又香我識嘅係鹹牛肉三文治其實我真係好鍾意食酸菜我見到佢好多真係好吸引到我而且都真係有好多菜成件事健康左好多鹹牛肉呢好重黑椒味亦都好啱我口味朋友就食咗burger佢話覺得超級抵囉個薯條又係粗薯條好好食我見佢食得津津有味我都忍唔住偷咗條薯條嚟食佢上面有啲份唔知係五香粉定係咩真係好襯到成碟薯條升華咗包方面朋友話一啲都唔Hea好特別個頂有啲種子嘅物體總之之後會再嚟推介！

放工約左人係tst 交收，係港島搭船過文化中心，有半小時就利用時間食過晚飯先。記得以前的deli and wine 走中檔唔線，而家就轉型做快餐店價錢。食物選擇不多，真係快、靚、正！想食燒味飯,加杯野飲$9, total 六十多元燒味份量比預期中多味道比大家樂美味，有驚喜！用餐環境舒適，坐位也異常寬敞

較早前餐廳重新裝修，都差不多成一兩個月，最近終於重開，一於去試下重開後仲好唔好食，餐廳用好多白色，感覺成間餐廳好光猛，而枱椅全部都係用木，變得有點似cafe，唔同於一般快餐店，午餐時間食物選擇都算多，價錢比起同區都唔算貴去到餐廳時，可能係午飯時間早左少少，所以冇乜人排隊買餐，餐廳亦都容易搵位，就揀左個兩餸飯，先去收銀處買左飛，然後再去取餐位置揀自已想食的餸，今次我選擇左咕嚕肉，同埋麻婆豆腐，估唔到兩個餸都幾多，再加埋一大碗飯，咕嚕肉酸酸甜甜好開胃，再加上啖啖肉，而且都有好多件肉，冇偷工減料，而麻婆豆腐就少少辣，反而仲好食，因為有時太過辣就食唔出豆腐本身的味道，價錢＄46一大碗飯，又抵食又一定食得飽，環境又唔錯，值得一讚！

等咗2個幾3個月，終於完成裝俢……舖面變大咗，食物款色小咗，食物同埋咖啡質素變差咗頓時感到又小咗ㄧ個開飯嘅地方。同系另ㄧ餐廳早年幾兩年前都有同樣情况……係變差咗，美心集團嘅餐廳的確有好大嘅進步空間。

又黎寫deli and wine食評，今次係比較常餐裝修前同裝修後分別。裝修後叉燒意大粉轉左通粉，個人都係比較鍾意意粉，雖然食得有d不便，但我認為夾d,因為通粉是硬邦邦個種，又感覺唔到特別吸湯。不過叉燒仲保持到水準。至於餐包方面，以前係長方形脆卜卜，依加係普通麵包加牛油，麵包軟淋淋，同牛油唔係咁配，失望…火腿同炒蛋就無變到，正正常常，仲有一杯餐飲附送。但對我黎講，我都係鍾意以前既常餐多d,所以encore機會就不太…

裝修好無耐已經過黎幫親，今次已經係第四次，都算常客仔，以往未裝修前都有食過焗豬排飯，新舊差別在於多左隻太陽蛋，太陽蛋煮得岩岩好，仲有少少流心效果，配合美味既蕃茄汁底既炒飯好滋味，而且個面仲有熱辣辣既芝士，真係好好味。但有一個地方好失望就係主角豬排，一咬落去除左好硬仲好乾，真係一路食一路要飲水送豬排，個人真係未食過咁乾既豬排，可能有d焗過火，希望下次再試有改善，話哂豬排都係主角黎嫁!其它都無咩好挑剔喇!

話説星期日夜晚出左街食團年飯 所以星期一冇飯帶 但我又唔想係凍嘅天氣下係街到留太耐 咁岩最近文化中心間餐廳deli and wine 終於裝修完開返啦 所以係附近返工嘅我就去買外賣 順便睇下佢裝修完咩樣以前deli and wine 比我嘅感覺係冇咁高級嘅西餐 黃色燈令到間餐廳都幾有feel 而家佢用左白色燈 好整潔 但變左間普通餐廳咁 不過價錢上我覺得都冇咩分別 都唔係話平我就叫左個雙餸飯 你要去個櫃到睇下啲餸岩唔岩食先 我最後叫左薑汁芥蘭同黑醋豬柳 因為要加錢所以冇叫野飲 雖然個飯冇咩特別 都係放啲餸係上面 冇汁 但都幾好味 個豬柳冇骨 啖啖肉酸酸甜甜有啲似咕嚕肉好香黑醋味 而啲芥蘭幾爽易咬斷 唔錯！