極上帝王水產

Open Now

Now Closed

今次去咗呢間餐廳，真係好慘😓出嘢食非常慢，又係咁漏單，啲刺身追極都唔出，店員仲要黑你面😵‍💫😵‍💫真係俾錢買難受，炸嘢 天婦羅 就係咁上 聲稱任食嘅生蠔海膽 就話沽清😓😓樓下派傳單就吹到天花龍鳳 ，實際入到間餐廳就一無是處，刺身上得慢都算，仲要唔新鮮，第一次食放題蝦冇挑腸就上，D飲品選擇又少，連茶都冇，全部係D便價汽水，價錢仲要唔平，兩個人埋單差唔多成八舊水！希望老闆好好檢討吓，啲錢唔係咁搵㗎😓

女朋友話想食放題，喺樓下見到佢哋傳單話有大閘蟹食，個傳單哥哥又好落力，又話埋單$200幾，網上又咁多好平，咁就拎住傳單優惠卷去試下，點知上到去話339加一！咁都同女朋友坐低左，就照食啦，點知就出事了⋯⋯一開始點刺身，選擇已經唔係多，卒之都要二十分鐘先上！咁都冇所謂，我明明同時間叫佐四隻大閘蟹，結果40分鐘先上兩隻，咁我就同個職員講啦！佢話可能睇錯單！😳😳😳咁就叫佢再叫四隻，唯有再等！點知過多半個鐘又再上兩隻，😡😡😡之後另一個同我講夠鐘截單，咁就話叫多四隻，最後等到我走都冇再想，如果係限食既，就唔好做任食啦！真係伏到極！一定唔會再去呢間！🤬🤬🤬

今日約咗班內地朋友一齊食飯，揀咗呢間放題，貪佢種類多，結果真係太失望了😓首先一開波嗌咗刺身，等極都唔嚟，朋友就詢問店員，朋友廣東話唔係好正，店員就陰陽怪氣咁回應，好似諷刺緊我朋友咁🫠🫠🫠終於等到個刺身，但係啲數量完全唔啱，其次啲蝦好大浸臭味，其他刺身都唔新鮮🤮真係懷疑個雪櫃壞9咗😵其他嘢食都完全唔得，啲壽司 飯大過舊魚，羊架燒到乾爭爭，炸物係凍嘅！如果你想同朋友絕交強烈建議你都嚟試吓啦😓

一次極失望既經驗😩😩一早約齊班fried𪊴生😀唸住開開心心食餐飯，點知俾人話我點棟餐廳，食放題食唔飽都係弟一次😡😡叫刺身數量不足，叫10件嚟5件，三文魚有骨😢😢甜蝦未解凍有雪气🥶🥶其他感覺都不新鮮🤮🤮🤮都係食放題弟一次食一轉刺身就算😩😩咁唯有叫熟食，唸住食飽就走啦，點知由落單到落枱，差不多半個鐘，等多夠過食⏰⏰⏰最慘係上枱既野都唔熱，好明顯係做好咗翻熱，最後一行人食多一陣就走，題外話，唯一可取既就係走既時候，每人攞支雪條，如果你哋想花幾百元食支雪條，呢間餐廳，絕對係No 1😋😋😋

在Open rice見到餐廳，懷住試試的心情發現這邊最滿意的是一班猛男服務他們超級貼心，和到位。聽見客感覺凍，立即詢問要不要熱茶暖一下食物正常，最好食的是壽喜燒。生蠔也好大隻。

在其他平台上見到宣傳，就同朋友上嚟試下呢間極上帝王水產。未入座已經很失望同宣傳講的完全不一樣，宣傳兩百幾可以食到嘅嘢，去到其實要差不多要成五百幾。。。其次呢度漏單情況都比較嚴重，尤其係刺身 嚟咗第一盆刺身後在落嘅刺身都冇在出現，問咗職員後話幫我跟一跟結果職員都消失埋 真係得啖笑😣😣😣食物味道方面都強差人意，好多嘢食到檯嘅時候其實都已經凍咗，另外羊架、牛舌等串燒都非常鹹。價錢上我個人覺得真係性價比唔高，同比起其他放題可以有更好嘅選擇😅😅😅

黎旺角又有多時間食飯食放題絕對係一個唔錯嘅選擇今次揀咗呢一間嚟食佢入座即送嗰兩個鍋幾吸引🍲飲品同埋雪糕雪條款式極多如果鍾意飲嘢食雪糕嘅話淨係因為呢樣都可以選擇嚟多幾次我揀咗日本和牛壽喜燒鍋佢壽喜燒鍋做得唔錯（唔會隨便Hea）牛肉幾新鮮又有得壽喜燒鍋🍲又有得食刺身仲有其他熟食可以叫真係開心同埋佢嘅蝦竟然有蝦頭平時有好多放題餐廳嘅蝦係無蝦頭🦐明明蝦頭膏咁好味🤤其他刺身都新鮮三文魚都係厚切嘅仲有海膽生蠔🦪仲有比較少見嘅泰式虎蝦刺身呢啲就係佢嘅壽司、熟食竟然有避風塘口味食過咁多間放題呢間嘅放題款式係算好多刺身大蝦有蝦頭、同埋飲品雪糕款式多都已經值得我再黎期待呢一間餐廳之後嘅限時Menu再黎食食佢

一個價錢坐足6個鐘😱先$289😱超抵長時間放題，天光食到天黑😂性價比好高，岩晒食量多，食足2餐😂每樣都好食，刺身好新鮮，甜品竟然有心太軟，仲有moveinpick 雪糕，會再去食

食放題真係好開心，可以隨便order大家鍾意嘅嘢食唔使爭😝，今次來到兆萬中心9樓嘅「極上帝王水產」🤩，A餐每位$289-$319，想食豐富d嘅可以選擇$399-$449嘅B餐，就可以食埋生蠔、海膽等等😍，今晚因為唔算好肚餓，所以就揀咗A餐😚🌟首推剌身🌟淨係擺盤已經夠晒賞心悅目😍，剌身厚薄適中，入口鮮甜，有三文魚、赤蝦、扇貝、泰式生蝦、大赤貝、松葉蟹棒等等，全部都非常新鮮👍🏻👍🏻　🌟壽喜燒🌟每位客人可以選擇鱈場松葉海鮮鍋或者日式和牛壽喜燒鍋，今次就試咗壽喜燒，首先用牛油起鑊，然後就將美國肥牛放入鍋內煮，只需幾秒就熟咗大半，再加入秘製壽喜燒汁，吸收晒d精華就食得啦🤤，當然唔少得其他壽喜燒嘅配菜，絕無欺場😍甲羅燒9選1嘅推廣食物，甲羅控當然係揀甲羅燒🤭，先將甲羅放上爐燒，燒到咁上下再加一口飯落去撈，就可以完全沾上蟹膏、蟹籽、蟹柳，味道香濃，讚👍🏻天婦羅、燒物、爐端燒天婦羅乾身脆口，牛舌雖然厚但非常軟淋🫶🏻，最有驚喜係牛油粟米🤩，有牛油嘅咸香同蜜糖嘅甜味，每粒教好飽滿，一咬就爆汁，係推介之選🙌🏻🙌🏻其實餐牌仲有好多好多嘢食，用QR code落單非常清晰又有效率，可惜一次食唔晒咁多種類，期待下次

今次介紹既係【極上帝王水產】，位於旺角最熱門的兆萬中心。大家都知兆萬中心出名放題多，而我覺得極上帝王水產性價比最高。佢地都有分兩個價位💰，普通價每位$319，升級價每位$449。 佢地的刺身種類非常之多，例如三文魚、泰式生蝦🦐、熟蝦🦐、玉子、北寄貝、八爪魚🐙、螺片、大赤貝、帶子、希靈魚、鮑魚片、松葉蟹腳🦀等！係咁多種類黎講，我就最鍾意三文魚同油甘魚，厚切之餘，油脂分布均勻，非常有口感！ 不得不提佢地的壽喜燒真係超好食，一間放題店既壽喜燒🫕可以比美到出面既壽喜燒，黎到一定要試。 最估唔到既係升級左個價錢，生蠔🦪、海膽同鵝肝都係任食！放題店入面的燒物同炸物都唔錯！值得一讚既係佢地個菠蘿🍍會搵糖去一齊燒，超好食！另外榴彈炸彈好流心好夠味！

約咗一大班朋友 想慢慢吹水吹返夠本咁呢間日式放題就啱哂你啦😎經openrice買優惠卷 只係$298/人就可以由中午12點起 任飲任食6小時😜.一入舖頭 店員就話幫我地落盤刺身先上枱大大盤幾靚仔 仲有泰式生蝦添😍食落唔會有雪味 款款都幾厚身當然壽司手卷同燒物炸物之類唔少得啦🍣特別推介試吓微微拉絲既泰式芝士蝦春卷同堆爆汁juicy既香甜燒菠蘿🍍整體款式眾多 而且質素都幾唔錯.另外仲有加送優惠三選一壽喜燒·燒肉·磯燒海鮮 款款都好吸引✨今次就試咗壽喜燒店員會比齊配料同工具你自製壽喜燒鍋🍲先用牛油爆香完啲美國牛肉片之後加埋蔬菜同壽喜燒湯底煮至入味😋自己落手即整即食 當然係突別好味啦食完唔夠仲可以再落單encore添㗎🙆🏻‍♂️

同朋友相約點少得飲飲食食，我尼個朋友雖然好瘦，但好鍾意食放題！要揀放題，第一時間就諗起「旺角兆萬中心」，最後朋友揀左間【極上帝王水產】，記得兆萬中心三樓先有升降機🛗，一出電梯，招牌旁邊有木柱作裝飾，以及餐廳內的日系裝飾牆、吊飾的，好有日系居酒屋的感覺。 基本放題價錢為$319/位，而升級後的價錢為$449/位。建議加錢升級，因為揀選食材更加多，包括生蠔🦪、海膽、鵝肝等都可以任食，清酒🍶任飲。 要提就一定系入座即送一個鍋物，可以系1️⃣鱈場松葉海鮮鍋 或 2️⃣日式和牛壽喜燒鍋 入面二選一。我地揀了壽喜燒🥘，餐廳送餐時附帶教學，可以按步驟做，如果配料唔夠可以手機落單加料。 另外刺身款式多不勝數，大部分刺身以厚切方式呈現，非常有口感。而我比較喜歡松葉蟹腳🦀，濃濃海水味，味道鮮甜。同埋泰式生蝦🦐，醬汁濃厚偏辣，有不一樣的刺激。 最後餐廳的炸物、燒物都不錯。尤其系燒菠蘿🍍焦糖灑面有外脆內多汁的感覺，同埋榴蓮炸彈味道非常濃郁，好食到我地要encore。😋😋

朋友介紹我去旺角兆萬中心呢間日式放題店，話呢度食物豐富，價錢又唔算太貴，性價比超高！餐廳有好多款刺身壽司，仲有壽喜燒添，真係好特別😍😍我哋上到去都好驚訝，因為餐廳係日式風格，牆上邊有好多日系嘅poster，天花板亦都掛咗好多富有日本風味嘅裝飾品，同呢一餐好夾，有少少似去咗日本㗎😍😍我最鍾意食呢度嘅壽喜燒，可以燒下燒下先Siri再加湯食火鍋，當然除咗呢啲仲可以叫好多火鍋配料啦！除咗壽喜燒我哋仲叫咗唔少刺身啦，刺身質素唔錯，新鮮又大隻大粒，啖啖肉餐廳嘅甜品選擇都好豐富，有好多雪條雪糕，汽水款式亦都唔少啊，呢度係一個同朋友聚會嘅好地方！極上帝王水產 (旺角)旺角西洋菜街1號兆萬中心9樓

約得旺角食放題就係為左就腳，再加上見佢有成八百幾個好評，最後決定左食佢地，但係食完之後衰到要上黎點評下😅揀得食放題，緊係要食刺身架啦，啲刺身有雪味都算，仲要霉霉地，真係嗌左一次都冇勇氣再點👎👎👎刺身搞吾掂，搏一搏試下壽司，哇舊飯大到呢，放題我唔係咁樣塞飽人架，最後就到熟食……佢地熟食都唔知係咪整定，全部都係常溫😅好少可有放題可以做到全部都係常溫，熱都唔熱😅唯一係啲炸物好啲（都係常溫），不過係人都知炸物係叫貨，如果咁都整到難食就真係👎😅真係唔會有下次，用我六舊幾水食佢幾粒榴連炸彈😭👎

#港女覓食到旺角唔知有冇人有時會想打下邊爐又想食下刺生個D呢？如果係嘅話，呢間餐廳就岩曬你地啦😍餐廳用餐時間有成3小時，絕對會食得飽又可以同朋友傾到飽😆今次揀左個套餐有包壽喜燒+刺生+炸物架！ 每樣食少少都已經好飽了。 ✨壽喜燒套餐可選壽喜燒或海鮮鍋一份~我地揀左壽喜燒->然後有張紙教你點煮，跟住佢嘅做法煮好。湯底甜甜味濃好味道，而肥牛同野菜掛埋D汁食落好滿足😍✨刺生拼盤勁多款刺生比你選擇😍仲放到靚靚先上枱，全部都食落新鮮無雪味~個人狂點北寄貝&油甘魚😋✨甜品有多款小蛋糕&甜品，門口位置仲有勁多款雪條、糯米糍✨飲品來來去去都係汽水~一般平時放題會見到嘅飲品呢到都有。餐廳仲有提供壽司 、主食、炸物&串燒全部即叫即整架！要預20分鐘比佢地制作。仲有佢地嘅燒菠蘿、牛舌同炸物都值得一試，燒菠蘿上面有層薄薄嘅焦糖脆脆好好食，而牛舌又係屬厚切款。炸物黎講天婦羅嘅炸皮都唔會太厚粉👍🏻
我地係午市時間食架~價錢大約$269(未加1)/1位✨總結人均消費💸：$296/1人味道：🌕🌕🌕🌗🌑份量：🌕🌕🌕🌑🌑服務：🌕🌕🌕🌕🌑 質素：🌕🌕🌕🌕🌑🍴 極上帝王水產 (旺角)📍旺角西洋菜街1號兆萬中心9樓::