甜品森林

Open Now

Now Closed

心情不太好時想吃甜野，我總會到這間小店食佢嘅甜品，最喜歡咋喳，有好多紅豆，紅豆都夠淋身，又會落好多椰奶，天氣凍凍，食碗熱辣辣嘅甜品可將我嘅煩惱全部掃走😍😍😍呢間店有兩個鋪位，想坐得舒服啲可以去隔離較大嗰個舖位，佈置裝修好有田園感覺。

這小店位於一條幽靜的小街，恐怕知道妁存在的人不多。一行三人，本來是想到附近的一家熱店吃午餐，可是等候入座的人太多，等了半小時還像遙遙無期，於是轉到這小店用膳，這是我們第一次到這店用餐。點了三客午餐，每個午餐$58，包主食和素湯或是日自家製飲品。這天的素湯是粒粒雜菌湯，而飲品是檸檬博士茶，我們都選了湯。粒粒雜菌湯：菌味香濃，濃稠度適中，很好喝。香蒜洋蔥蜆肉鮮菇意粉：蒜味很香，蜆肉很多，意粉軟硬度適中，味道極佳。蛋黃醬煙肉鮮菇意粉：這個忘了拍照，味道比蜆肉意粉更香濃，非常好吃。和風肥牛配紅米飯：這個味道比較清淡，相比之下，就較為失色了。食物方面，這小店給我意外驚喜，味道好，份量不少，價錢不貴，值得回頭。環境方面，店子很小，只有五六張桌子，顧客多的時候有點擠迫。不過，店子雖小，但乾淨整齊，加上牆上的餐牌是人手寫的，又畫上了圖畫，很有心思，很美。

我最喜愛的美孚餐廳💛💛甜品森林位置偏僻，係美孚站C出口出左之後轉右直行，沿路經過啲餐廳，見到香港地就再轉右直行，行到見到Cafe，再轉左就見到佢個招牌仔寫住個「甜」字😂好鍾意佢手繪menu。鋪仔細細坐得幾張枱。叫左香蒜蜆肉意粉，同埋芝士魚飯，味道同餐具都比到我住家感覺，好味又唔多調味料。另跟餐加磨菇湯、檸檬博士茶（個茶酸甜很開胃，我未係其他地方試過呢個味既茶！）；散叫多左個芒果汁雜果涼粉撈，最鍾意食港式甜品！非常滿足，謝謝🥰

抗疫在家喺附近搵嘢食一直都係食呢間嘅糖水但佢其實有做Set meal既☀️知道佢哋而家只係做外賣咁就試吓買返屋企啦👉🏻$58有正餐，加湯（南瓜湯）或者特飲（檸檬博士茶）西餐來説性價比高既♥️👉🏻叫咗啲餐芝士焗龍脷柳飯份量係夠多芝士汁甜甜地 唯一係汁可以多啲否則有啲飯會偏乾食龍脷柳都煎得香嘅😚👉🏻個南瓜湯有驚喜🎈拎到返屋企仲係熱飲落係有好濃嘅南瓜味湯底傑身亦都有啲南瓜肉絲之前試呢間嘅南瓜西米露好鍾意（依家冇咗😭）原來連南瓜湯都一樣煮得好好♥️👉🏻仲加配左特選甜品 $18馬蹄蛋花露保持水準！支持環保如果自己帶外賣餐盒會多10%份量😌

美孚用心經營的糖水小店💛雖然位置唔顯眼但係美孚人應該都會識既舖頭有嘅甜品款式唔算多但全部都算用心製作另外仲有幾款意粉嘅set dinner(但就未有機會試)👉🏻呢幾次都食蛋花馬蹄露(熱) $30味道清甜但係有馬蹄口感十足啱我食到飽但係又想同朋友食糖水傾吓計😛👉🏻朋友叫咗芒果涼粉配花奶$48開頭又擔心擔心雜果涼粉轉芒果涼粉會唔會太但係成碗芒果都好甜啊♥️👉🏻之前最中意食南瓜西米露但唔知係咪南瓜唔當做所以冇咗😭Btw舖頭職員態度好Nice令你好舒服🙂

上次黎過一次 覺得環境舒服 服務好親切今次再同朋友黎多次六七點左右黎到唔駛等位 朋友見到門面已經忍唔住大叫好可愛入面環境佈置走日式簡單路線 有森林系感覺唔會太嘈 同朋友傾計一流先黎雜菌湯 唔會太濟 菇味濃👍🏻點左個芝士龍利柳紅米飯 超鍾意香口嘅魚柳加芝士同蛋黃醬！紅米飯卜卜口感加珍珠米，感覺幾健康。❤️另一個係雜菌蜆肉意粉 雜菌 蜆肉同蒜茸都足料 比起上次唔辣 鍾意今次少少辣版本 特別啲 炒完亦唔會油膩 👍🏻👍🏻點埋甜品 朋友叫個芝麻糊加芝麻湯圓 甜度剛剛好唔會太甜另外試個好可愛嘅果凍 洛神花椰果凍 配檸檬茶椰果凍 好靚唔捨得食 💛🧡鍾意佢帶點寒天嘅質地 清爽今次再來好感依然 一邊坐不停見外賣客人 幾受街坊歡迎 老闆都係笑笑口好親切感覺舒服健康嘅一個晚餐 下次再來試下其他菜式同甜品

剛搬來美孚，好開心屋企有間咁温情食物又好味的小店。初初我係俾門口介紹餐牌和開門時間的手寫字吸收著，覺得很可愛很有藝術感。而餐牌食物的價錢都好相宜。套餐會送餐飲或餐湯，我們選了南瓜湯和磨菇湯，可以食到老闆用心的製作。南瓜湯充滿南瓜本身的鮮甜味，而且非常幼滑；磨菇湯更是我們的至愛，因為平日好少食到：P 不知老閭落左邊幾款菇，湯真係好香濃但唔怕膩！正餐可選紅米飯，非常健康：）而且擺設精緻好味！我同先生食魚素食，都食得好滋味：）最後我多點一碗木瓜雪耳糖水，感覺清甜滋潤。老闆員工們非常親切有禮，令我們感覺好似致身日本/台灣一樣，好舒服。

喺美孚新邨呢個中產老區入面一個唔起眼嘅角落，有一間開咗超過十年嘅甜品店，店面細細，家庭式經營，主要做街坊生意，待客親切有禮。叫咗個森林簡餐，包括餐湯或飲品，主菜及甜品。我見店員大叔極力推薦檸檬博士茶，於是就叫咗一杯。等待期間，細閱餐牌介紹，原來博士茶別名 “南非國寶茶”，又被譽為 “南非鑽石”，據稱不含咖啡因，含豐富礦物質，抗氧化功效比綠茶高 50 倍 😮！呷一口，由於加咗檸檬，味道酸酸甜甜，幾清新，幾好飲。主菜我揀咗蛋黃醬鮮菇煙肉意粉，水準就四平八穩，如果要我形容，我就會話充滿住家的味道，因為真係比較似屋企自家製作😆，少油少鹽少味精，味道亦比較偏淡 ，但係感覺就好健康。叫得做甜品森林，食甜品當然係重點，當日跟餐甜品係渣咋，非常大碗，非常足料，加咗超多椰汁，又香又滑，但係又唔會好甜，非常正👍。

因為住店舖附近，一直有幫襯甜品森林，但就食開佢嘅中式甜品，廿幾三十蚊碗，足料抵食，最鍾意蛋白杏仁茶，綿密香濃，唔死甜。不過呢日食嘅係晚市套餐，有湯有意粉，都幾好食。蘑菇湯係自家製，唔係罐頭，食到粒粒蘑菇蓉，有菇香。至於煙鴨胸番茄意粉材料豐富，調味適中。呢間小店比起一般西餐廳煮得健康，落少d 忌廉，芝士、黑椒同茄膏，當然味道就無咁濃郁，但對街坊黎講，輕口味D經常食都唔怕，係可以當為食堂嘅社區小店。老闆娘服務親切，仲係良心真香港人，又環保，值得支持呀。

美孚這一個屋苑，區民生活上的大部份所需都有齊，尤其是飲食方面，基本上是不需要走出屋苑以外的。曾在美孚住過多年的我，心目中係有好幾間食肆是會常去的。這一天，同太太二人回到美孚交低小女兒給父母後，我們就打算在美孚食過飯仔走。而早前的我，發現《甜品森林》這一間小小的糖水舖有素食的晚餐，所以就來順過懷念一下大兒子出世前，同太太成日來食糖水的日子。來到，才知道此店在慶祝十周年，每天都有一款只售十元一碗的甜品優惠。再者，離開時才得知，旁邊的大舖位，叫《森生活》，是《甜品森林》的伸延。原來在我不知不覺間，由小店變成大店。生意好到要擴張，係好事。是日我們的主打並非甜品，是晚餐主食。跟餐就有一個味道甜美的粟米南瓜湯。純南瓜的味道，奶油味不重好讓粟米的甜味顯出來。加埋有香華增強入口的香味，很是不錯的一個熱湯。我點的是鮮茄煙鴨胸蘑菇意粉，大大片的煙鴨胸，味道肥美，鮮茄的醬汁均勻地散佈在意粉之中，少少肉，多多的是鮮茄味同蘑菇香。太太的素食選擇，是鮮菌雜菜燴紅米飯，這是一個有汁的飯，令人感覺是意大利飯的一個變種。因為基本上是全米飯的組合，所以很飽肚。不要湯，就是飲品，我們點了一個熱的檸檬香茅茶。味道既酸又有少少

每逢跳完舞都會嚟呢間，不定時既星期二，四，日都會同三五跳舞腳出現，老闆娘超熱情好客，大家好似朋友咁好舒服。呢個係是日精選嚟，唔係主餐牌度，真心希望會加入主餐牌，好鍾意佢個醬汁，所有野都恰到好處（自己偏好多汁如果可以多d就更好）野飲係有汽既果汁，最愛桃味呢個薯仔沙律入面有西芹同埋洋蔥，本身我唔係太鍾意呢2樣野，但加係入面出奇地夾，呢個係老闆娘送既呢款都係是日精選，湯係磨菇湯，有時係南瓜湯，野飲係洛神花茶我最愛既甜品桑寄生加湯丸/小丸子，係我最常既配搭，補筋骨啱晒我地呢d好動人士有時唔太餓會揀銀針粉，呢個好受歡迎好快沽清，可以打電話去留定

呢間位於屋村內嘅小店 人流唔多 佢俾人有家嘅感覺 睇佢嘅餐車仔 自助區就可以feel到～佢嘅carbonara（$48）好creamy有用到傳統做法 將煙肉炒香再用蛋黃撈 唔似坊間用 火腿肉粒同齋忌廉代替 但就有少少過鹹 意粉煮嘅時間稍長 是日精選-海南雞飯（$55）配嘅係紅米 成個配搭好健康 而薯仔餐湯就得出有薯仔蓉 所以唔算creamy 甜品方面伯爵茶朱古力牛奶布丁（$25）🍮比焙茶牛奶布甸（$25）出色 好滑 仲有淡淡牛奶丶朱古力同茶味😝-This restaurant is located in a housing estate, so visitors seldom visit there. In the restaurant, there is a little and a drinking lounge~ The signature dish carbonara ($48) is cooked using the traditional method. The bacons 🥓 are stirred-fried and the spaghetti is mixed w

放工返到屋企唔想煮飯，路過見到呢間美孚小店，原來除左甜品，仲有意粉，價錢仲出奇地便宜！揀左最難出錯的Carbonara，晚餐跟一碗南瓜湯，加$8飲左禁南北杏蘋果雪梨茶。小店即叫即做，意粉大約10分鐘上桌，wow!非常驚喜！意粉熱辣辣上檯已經合格，蛋黃醬唔稀，掛喺意粉剛剛好！唔太咸，而且仲好creamy!煙肉脆卜卜，蘑菇份量亦不小家，食落每啖都有菇味，真心覺得好好食！南瓜湯亦都係熱辣辣上檯，沒有過多的調味，跟意粉配合得好好，互不搶風頭。吃得出是有誠意做的小店，起碼食物應熱則熱，味道正路，加上沒有overpriced, 實在非常難得！值得美孚人支持！

味道不出眾，一般。種類亦以大路的紅豆沙、西米露等為主。但食落有老媽子煲的感覺，不太甜亦無香精，水果新鮮，街坊小店收費不高已經算交到貨。加上環境清潔安靜，係同朋友傾下計吹下水的好地方。

完全不起眼的家庭式小餐廳都是因爲無聊周圍逛才發現小店是由兩間小舖組成裡面坐位逼逼地 身形大小小的話會覺得更逼不過勝在好寧靜、無干擾似身在日本小巷的居酒屋🏮進餐一樣感覺好舒服店員好熱情 主動招待 好似有種使命感來介紹食品時下餐廳唔黑口黑面或闊佬懶理就奇已經好少有呢份親切感午餐48-$55 包餐湯 飲品+$8另叫🍄湯是指定的 無特別我選的是香蒜洋蔥蜆肉鮮茹意粉 初看起來好普通 原來都幾大碟 好多蜆肉 略咸 個別幾粒蜆肉有沙🥴不過蒜味唔太重 而且少油 食左之後不會口臭、不覺油膩👍🏻飲番杯檸檬🍋香茅茶 好fresh!好清香 甜度適中幾特別 一般地方較少飲到 今日有時間 胃口又幾好叫多個伯爵茶朱古力牛奶布甸朱古力味濃 伯爵茶味、奶味淡 啱我👌🏻朱古力層有d粒粒 唔知係咪伯爵茶葉呢🤔食物質素見仁見智不過令我中午能投入慢活節奏 靚靜地午餐兩小時 睇下書🍴 一樂也😌