甜品莊

Open Now

Now Closed

中秋同朋友行完街就去青衣新開既甜品店 之前我已經試過佢既牛奶布丁 今次就試下佢最出名既藍莓cheese cake , 真係好好食雖然份量唔係好多 不過食完都好飽 ! 下次一定會再試 !

身為青衣友，呢間口碑甚佳既甜品店，終於得閒試下。天氣熱得很，點了一客西瓜紅豆沙冰，冰完全係綿花一樣，透心涼。西瓜當然亦都是新鮮西瓜啦。老婆就點了鮮果黑糯米，生果非常新鮮!看著餐牌，有好多款甜品如香草梨、梳乎里等等都係一般甜品鋪沒有。下次一定返來再幫襯!祝生意興隆!!

屋企樓下商場的甜品店, 開幕已久, 這是第三次幫襯.第一次是剛開業, 買咗個芝蔴糊(好似係$17), 唔多掂.第二次, 焦糖燉蛋($26?), 幾好味, 但有d滯.第三次, 特濃朱古力蛋糕($26), 哇! d朱古力真係好似Royce! 好好味! 如果無咗d果仁(或者整碎d)會更加好! 下次要試疏乎厘(聽講要等半個鐘)~

常聽人說女人有兩個胃, 吃飽後, 還有另一個胃放甜品.我真的非常愛吃甜品, 由其是西式的.早前一家大小吃飯後, 途經翠怡花園, 被<<甜品莊>>的易拉架廣告吸引走進入去.店舖很小, 只有三數張小檯.廣告上寫由五星級餅師主理,我點了藍莓芝士餅, 很香芝士味, 很幼滑, 有酒店水準.囡囡點了法式焦糖燉蛋,店員介紹有剛剛燉好的, 於是試下熱食.熱食的燉蛋比凍的更香滑, 不過凍食的伴碟賣相較吸引.吃美味的飯後甜品的確很滿足,不過後遺症是增磅.

得知原來呢間甜品莊既師傅以前係文華酒店的, 急不及待去試食!佢有中西甜品, 今次先試西式推介!特濃朱古力餅文華酒店朱古力甜品最出名, 當然要試朱古力餅 la!我最鍾意佢冇海綿蛋糕, 成件都係好濃既朱古力 mousse!中間不時食到果仁碎粒, 餅底亦香脆!藍莓芝士餅無論係個樣同味道都同酒店 buffet 食到既一模一樣!不過我係瘋狂芝士迷, 食極唔怕漏, 所以再加重 d 芝士我會更加鍾意~同埋我好鍾意食餅底, 如果餅底再厚 d 仲正!焦糖燉蛋雖然買外賣, 不過食既時候面頭 d 焦糖依然香脆!配埋冰凍既香滑燉蛋, 我不嬲唔好燉蛋都覺得好味~提一提外賣個碗要加五蚊丫~冇諗過屋邨商場入面既甜品店會有咁高水準!價錢亦好平民化, 每樣都係廿幾蚊, 去酒店食起碼貴成倍 la!下次我會再試其他甜品!

前日生日, 同朋友去左青衣翠怡間甜品鋪食野。佢話個度D朱古力餅超好味, 叫我一定要試試。真係冇介紹錯, 朱古力真係好香好濃好厚身, 不過又好滑, 一D都唔似屋村鋪仔出品, 反而好有大酒店水準。朋友點左芒果布甸, 我以為係普通野, 點知充滿芒果香, 同D奶味好夾,又滑溜, 正！本來已經有9成9飽, 但係都忍唔住口, 叫多左個榛子mousse, 甜甜地, 又有淡淡榛子味, 入口即溶, 但係加埋灑係面既薄脆,軟滑得黎又脆口, 好得意。見到佢地個凍櫃仲有一樽樽肥肥矮矮既玻璃小樽, 好鬼死可愛, 原來及牛奶布甸, 好想試架, 不過實在太飽勒, 下次一定黎再試過！

阿仔吃了他最喜歡的朱古力mousse, 我試了一點點, 味道不錯,面層有些薄脆,不錯的配搭! 我還有些咳, 還是選了番薯糖水, 很'姜'啊! 我愛'姜'啊! 還有......一座番薯山, 很軟綿綿, 現在想起也想吃呢!

琴晚同友人們食完晚飯後就一行四人去o左甜品莊食甜品因為都差唔多係佢地打烊o既時間所以去到都係得番我地呢木台人成間舖唔算好大座位都係得十個左右但係成間舖就彌漫住好香好強烈o既甜不甩味道成個人都即刻甜哂望o左陣menu同貼o係牆上o既相我就點o左份芒果腸粉友人甲就點o左木糠布丁友人乙經店長推介下就點o左份芒果水晶晶男友原本點o既凍芝麻糊因為無哂所以改o左要杯紫貝天葵男友杯紫貝天葵飲落有少少似利賓賓而我份芒果腸粉就好有驚喜腸粉皮好滑但又唔會好"林"芒果好甜又唔會有根再配埋芒果汁同炒過o既芝麻真係甜中帶香好有口感友人乙個芒果水晶晶同樣地芒果都好甜水晶晶好有咬口,好特別不過事關友人乙都已經好飽所以未能完成成碗芒果水晶晶

個日係青衣,同老公帶住呀仔想搵甜品食下,不過又唔想出荃灣葵芳噤遠食...點知突然醒起同事講過話,青衣翠怡商場個到開左間糖水鋪都OK嫁,噤我地一家咪走去試試佢囉...去到門口,眼見鋪頭須然唔係大,但係乾淨企理...入去坐低,莊主就好客氣噤問我地想食D咩...!!噤我就叫左個什果涼粉,老公就叫左個芒果水晶晶...呀仔太細個啦,所以無得自己食一個...話......個什果涼粉一上到,好多生果勁大碟,D生果樣樣都新鮮又甜,真係勁正...老公個芒果水晶晶都勁得,因為D芒果勁甜...不過最好既係...莊主話我個仔噤細個,唔好食噤多生冷野,最後就請左我仔仔食左碗熱豆花,哈哈...正呀...我自己就最鍾意食甜品嫁啦,呀仔食唔曬碗豆花,噤我緊係唔浪費噤食左去...估都估唔到,到最後原來係碗豆花最好食,因為佢又香豆味,又夠滑...一放入口就直到喉嚨...講真呀...宜家D糖水鋪,樣樣甜品都係一大兜生果加個什麼低就當係...真係好小糖水鋪整D舊式甜品都噤有水準嫁啦............大家都不妨去試下呀...!!