甜品工房 (Closed)

以前住Hall已經成日黎食,雖然黎過好多次,但我只係試過兩款甜品:宇治金時同紫葡之戀~因為次次都抵受唔到"宇治金時"既誘惑 =P呢晚6個人十點零鐘黎食~~一如所料鋪入面已經full哂,唯有等出面街邊位,等左唔使10分鐘就有位~不過就要吸下二手煙同廢氣喇......6個人都係叫"宇治金時" =)成個甜品既精華所在就係果堆日本紅豆同最頂果兩件類似雪糕既物體~次次都叫佢"多紅豆",不過應該無咩分別 =P記得上次黎食"宇治金時",我好期待既兩件"雪糕"竟然變左細細粒既雪米糍!!今次問返,原來係佢地無時間整就會用雪米糍代替~所以為左果兩件"雪糕"黎食既話就要問清楚有無先喇!Poly學生折左都唔使$20碗!!超值!!

今次叫左鮮果拉麵同宇治芒時兩樣野都好難食完全無味食左一半就埋單以前都覺得好好食,成日黎,但係呢排就越黎越差,....好失望

今曰中午看到網頁推介，傍晚一行四人抱着希望的心情特地試食，經歷如下：1. 約七點到達，四張桌子有一枱客。另一張有一對後生男女店員揻緊提子皮，一張吉枱同 埋一張上手食完未執嘢嘅枱。2. 我哋坐低咗，佢哋就被逼執枱。不過枱面抹完仲係淨番上手留低嘅水晶珠。唸住啲嘢好 食就唔計較啦，叫咗宇治金時同紫葡之戀。 當時心情仍然大好！3. 就响等食期間，見到先前提及，揻緊提子皮嘅男仔唔小心跌咗啲提子落地下，根住施施 然執番放入堆待用嘅提子度。 我哋立即目定口呆！ 4. 甜品送上，我們四目交投，無人肯食第一啖！最後四人只集中火力响宇治金時度。食後感：'普通'係四人的一致評價！表面的紅豆和雪禚平平無奇，綠茶沙冰有點苦味。 紫色嗰碗最後試咗少少，沙冰超甜，提子勁酸，還有心理產生的那股'地板味'。總結：價錢合理，賣相合格，味度平平，衛生程度出人意表。 我們包容一間由幾個廿多歲 後生仔營運嘅店子......一次無妨！

好次話係我朋友個uncle開, 所以我地就去support下.3個人叫左紫葡之戀 宇治金時 抹茶凍粉.我中意食甜 所以紫葡之戀就岩晒我, 不過佢地話太甜.我覺得抹茶凍粉好次冇咩味, 不過我個frd好中意, 唔會太甜.宇治金時d green tea味好正.唔會太甜or太淡. 之後加幾蚊要左個乳酸小丸子. 真係唔可講笑, 我地開頭問佢咩味小丸子好味d, 佢話見人見至.明白晒! 一d都唔好味, 可以用難食tim呀. overall ok 喇咁又.

一行8人去左食甜品 去到要等位呢...入到去....勁逼.......不過為左綠茶~~逼有逼食大家都係叫宇治金時同埋紫葡之戀~宇治金時-->見到佢個樣個時真係勁開心~ 一來見到好多紅豆~二來見到綠茶刨冰~ 依兩樣野都係我自己最鍾意食既野~XD 係最頂個兩片原來係雪糕黎~好有驚喜~ 不過呢....我覺得綠茶刨冰唔夠甜同唔夠綠茶味~ 有d失望呢! 朋友都這樣說..紫葡之戀-->朋友點的~佢地話甜甜地 酸酸地都幾好味wor~ 我試左啖都幾fresh~~~仲要外觀都幾靚~ 話哂野食除左味道~外觀都係重要既一環~總體既味道都可以接受...但係真係逼得濟~好難坐係到傾計!

聽朋友講，紅磡有間甜品舖，竟然有 d 芒果好似意粉咁...聽完之後上網勁 search，就搵到呢間。放工後衝左入去買外帶，店內差不多坐滿，但係舖頭仔有 d 細，move 下都好似會撞到咁。見到門口都有介紹呢個鮮果拉麵，姑且一試。打開個四四方方既外賣盒，感覺係有幾樣水果加埋一齊。主角芒果拉麵，完全無味，只係好似加左果凍既感覺，只係顏色上似芒果。唯一覺得都可以接受係個份量 for 女仔都夠既。我諗下次應該都試下佢既宇治金時和紫葡之戀既，但鮮果拉麵就應該唔會啦。

今晚同囝囝及兩位朋友, 一齊去食甜品, 叫左一客雜果拉麵及一客綠茶凍粉.雜果拉麵掂呀, 好多水果, 又有芒果拉麵, 加埋泡冰, 花奶, 同埋一d 橙色粒粒, 食落脆卜卜o既唔知咩野, 成件事都好配合.綠茶凍粉就一般, 凍粉冇咩味道, 加埋紅豆一齊食就太甜, 應該加多少少花奶會混和一點. 至於旁邊果碗丸子, 果d酸味真係好似隔夜野咁, 個人唔係幾接受呀.另外呢, 我地一行4人, 當然係要share架啦, 係咁o既意都俾隻碗仔呀, 點知佢地拎d好似日本前菜用o既碗仔出黎, 仲要俾膠叉仔, 唔多環保呢.

上星期三下午約左朋友到旺角,順路過來紅磡,原本打算先到時新報到,可惜卻摸門釘!(休息一天)沿路行到三河屋則未開始晚市,唯有到就近先來一個甜品....不知時間是否仍早,店舖很小而且只有一個人(由落單到入廚房整都只有她) 等了很久才落單,可是卻什麼都沒有,她解釋因為時間仍早,所以仍未準備好,(該店門口的牌寫是四時開店,我是五時入內的)沒有雪糕,沒有拉麵,沒有豆腐花,沒有木槺布甸.....那麼還有什麼是有呢?!如果什麼都沒準備好,不如掛上未營業的牌比較好吧! 之後入來的食客都是那個情況!最後叫了一份宇治金時,工房和果子(因為那些材料是有的)還是第一次那樣,只怪那天沒食神...宇治金時: 上面兩塊小巧的紅豆雪糕,味道是整份宇治金時最好的,其次是紅豆,(聽說是日本來的紅豆)味道的確不錯,其餘的綠茶沙冰和丸子,感覺很普通! 份量很大,可惜整體味道還可以,而且食到最後都不想食了....工房和果子: 四顆果凍的組合,外表看來很精緻但是味道普通!雖然第一次來光顧,但是卻留下不快的印象,看來沒有下一次

今日同老婆去食糖水，叫左個所謂招牌“宇治金時”（綠茶刨冰），實在太令人失望！！！1、刨冰唔細，好多大碎冰2、個幾個小丸子，無文無味，太細唔彈牙3、自家製雪糕味道好奇怪= = 紅豆卑得太少，煉奶亦太少！4、成個甜品都唔夠甜，食完雪糕之後，剩翻D抹茶刨冰，兩個字——無味！

上次一行三人入左去食甜品, 果時係...大概5點左右啦! 好似未開門咁, 入面有一對情侶O係度, 做野既好似得一個人,不過都唔緊要啦~佢數埋都唔夠20個位, 算係咁啦~ MENU太簡單, 不過選擇都幾多叫左個宇時金治, 綠茶味好夠, 不過本人對綠茶麻麻, 食到一半就覺得夠喇!之後仲有芒果既甜品,唔記得左咩名, 唔係好夠芒果味~但係都OK既~缺點係真係太細喇!! 坐得唔舒服..真係名人食店既, 賺夠請落D本裝修下~

2009.2.5食完泰菜, 要吃一吃甜品, 驅車來到紅磡吃甜品。來到我一直想吃的甜品工房。不過去到沒有位置, 是開了一張枱在店鋪外, 吃西北風及麈。宇治金時: 見之前的食評是紅豆雪糕, 現在竟然變了雪米糍。不過不要緊, 也是好吃的。紅豆加煉奶, 很好味, 大大粒紅豆沾了煉奶後, 甜甜的。 如果可以多多多多點紅豆就最好。有一些西米似的丸子, 沒有什麼味道, 也沒有什麼咬口。綠茶刨冰, 很有綠茶味。 很大很多刨冰, 吃得太慢, 慢慢的變成了綠茶, 茶味更濃。不過最後我也吃不完, 因為太凍了, 整個人快要結冰了。男友吃北海道紅豆豆腐花, 很普通。不值得推介。豆腐花很淡,沒有甜味。男友妹吃紫葡之戀, 很香很香的巨峰提子味。我吃了一點, 不錯。

又來了甜品工房，這次點了抹茶凍粉，size都幾迷你，賣相也算精緻。伴著小丸子的是椰汁加少少芒果汁，淡淡椰香，我最欣賞這個。試試芒果，嘩，很酸!想吃到甜的芒果難道只可靠彩數?到許留山會否隱陣一點?再試試個那紅豆，偏甜，配沙冰會較適合。那個抹茶凍粉，抹茶味是有的，但未夠凍。這個甜品，我應該不會再吃了，下次試試別的。

昨天和朋友首次而且是專程到此吃甜品~分別點了宇治金時和紫葡之戀~宇治金時的紅豆雪糕已經轉為普通的雪米池~超失望!!!!綠茶冰不甜要伴著紅豆先好味，但紅豆不夠多，結果剩下半碗冰~紫葡之戀比較好味~因為提子味碎冰味道夠甜~單吃冰也不錯~最好味的是粒粒的小珍珠~我們下午四點幾去到已經滿座了~而且因為剛開鋪的關係, 店員說很多水果也沒有, 要即時急CALL人買生果~因此不少食客想點的甜品也沒有~我認為既然開舖做生意, 就應該準備充足, 不該讓專誠來的人失望吧!

今日6點幾同友人去食下甜品咁岩黎開哩頭就諗起哩間野.但我本身唔太肚餓, 所以都冇叫宇治金時. 但就推介左比朋友我自己就叫左個木槺布甸唔知佢地係咪岩岩開鋪, 個鋪頭得一個男仔o係廚房度洗野我好大聲叫左佢兩次先應.我話要綠茶味, 佢話得原味同芒果, 咁我就要左原味$12叫完之後, 佢o係個雪櫃拎左個"木槺布甸"出黎. 我覺得... 又幾快喎, 1min都唔駛就有得食...哩次係我第一次食木槺布甸, 所以一心想試下究竟係點我用個鐵匙一"不"落個布甸度... 插唔入.......連鐵匙都插唔入, 有冇搞錯之後就鏗下個台面, 個硬度簡直可以扑得穿個頭友人同我講等一陣等佢解下凍先再食.過左一陣, 終於吉得入.一食落... 雲呢拿雪糕????????? 我仲o係度諗佢係咪o係雪櫃拎錯左雪糕當係布甸本身應唔應該係咁既味呢.朋友試左一啖, 佢話係咁既味, 不過口感唔係咁.我就話, 下? 乜係雲呢拿味架咩... 突然有d 失望...我今日就係食左個有"木槺"o係面既雲呢拿雪糕, 我去ok 買個甜筒都冇咁嬲.之後我再試朋友既宇治金時.好大個, 成碗飯咁.我唔係好鍾意食紅豆, 加埋綠茶冰一齊食幾好, 因為個綠

吃完對街的三河屋，轉個彎來到甜品工房吃飯後甜品。店子尚算舒適整潔。與友人點了「宇治金時」，全因它擁有浮誇的賣相，完全滿足到視覺享受。「宇治」是抹茶的意思，「金時」即是紅豆，是日本京都極富代表性的冰品。抹茶冰沙份量很多，上面鋪滿大大粒紅豆，味道很配合。小丸子沒啥特別。最有特色和最好味的是那兩塊紅豆雪糕棒。然而，吃到未夠一半，抹茶味好像不夠吃第一口時明顯，於是我將碗冰沙攪至變水狀。哈哈，溶了一半的冰沙吃起來又是另一番滋味，抹茶味頓時濃了! 是我的另類建議食法。不過，如果增加紅豆的比例就更完美了。這裏還有最新推介「宇治芒時」，店主也真夠創意。但我想，抹茶配芒果，味道會不會有點怪呢?