點煲 (新港城中心(4期)) (Closed)

今日去咗馬鞍山烏溪沙影日落，影完相又係食晚餐嘅時候啦。今日食咩好呢！？ 在我不停上網搵資料嘅時候，我無意中發現原來馬鞍山新都城廣場開咗一間備長炭煲仔飯專門店，而我又好鬼鍾意食煲仔飯，胃食嘅我當然第一時間走去試下啦！一到門口未到六點鐘已經有四五個人排緊隊，估唔到呢個時候仲有餐廳要排隊，我等咗差唔多十五分鐘到就入咗去了。裏面嘅裝修格局相當新穎，仲有一個大魚缸放咗好多生猛嘅白鱔喺度遊緊水。睇佢資料講呢度嘅白鱔煲仔飯係新鮮游水，我第一時間叫個豉汁白鱔煲仔飯，另外睇佢啲點心又好似幾靚咁，我就叫咗籠燒賣加多一份蝦春捲！另外提一提大家而家去到舖頭如果喺 社交平台畀個like嘅話仲會送多份小食添，咁我就加多一份酒雞翼尖！好似好多嘢食但係我當其時好肚餓完全失去理智咁樣叫。首先嚟到嘅係蝦春捲我極力推薦大家一定要叫，春捲外脆內軟非常鬆化，如果10分係滿分我會比9.5分，之後呢度有雞翼尖同埋燒賣亦都相當出色。食咗同埋等咗20分鐘到個煲仔飯終於送上，嚟到首先睇下應該點食先，原來呢個煲仔飯係用備長炭燒所以就唔使落豉油吸蓋等飯焦，因為備長炭可以令到佢熱力均勻燒出嚟嘅煲仔飯已經有飯焦香唔使再焗。留意下枱面原來有一支秘

見到排長龍諗住好食，點知原來唔係好掂，叫咗個龍躉煲仔飯得三件龍躉啲飯又少又油又咸🥴 只可以講冇下次囉👎 同埋最乞人憎就係唔用電子派飛，要人排隊造成好似好旺嘅狀態咁，d人見人排我排，大家都以為好好食😤

煲仔飯外賣, 飯焦係好多,飯焦多過飯, 鍾意食飯焦嘅人應該會鍾意但食完個飯後 煲底全部都係油. 懷疑落咗好多油去煮個飯總括嚟講: 晤好食. ................

今日試新嘢，lunch hour 門口勁多人等，不過又好快入到。叫左個白鱔煲，樓面哥哥話係新鮮擋，堅有鑊氣又夠厚肉，好正。煲仔飯叫左金蠔嗰個，大粒飽滿，撈埋枱面豬油無得頂。隔離枱個食點心個樣都ok。應該有下次

超級惡劣嘅態度，食物又一般，估唔到今時今日嘅香港，都仲有咁差嘅服務態度。最憎人笑住咁串你，上OpenRice見到d相已經唔靚，點知原來仲有得再差d。我以後都唔會再幫襯！