多美意餅屋

Open Now

Now Closed

已經幫襯多年，每次屋企人生日都喺多美意訂蛋糕，全家人都喜歡佢蛋糕好味同做得好靚，但好可惜今次我肯定係最後一次買蛋糕。早幾日大約3pm打電話去訂蛋糕，打了好多次唔通，之後一直長響無人聽。過了差不多一個鐘（起碼打咗5次電話），終於4:15pm有人聽，我話「唔該我想訂蛋糕」，職員竟然九秒九答「唔好意思，依家好忙」即刻cut線！本來已經想放棄，但家人話再打多一次，咁好啦再打去，終於有個稍為正常嘅職員幫我take咗order。今日去攞蛋糕，order竟然錯了。職員話幫我整返個糖牌，要我等30分鐘，ok我等。點知個蛋糕出返黎就變成咁。糖牌上嘅字hea到爆，蛋糕上嘅cream亦花晒。可能這間餅店做得太耐，已經遺忘生日蛋糕對客人嘅意義。今次個蛋糕，裡面係marble cheesecake，味道可以的，質地creamy，但餅底一般。

多美意呢間餅鋪開咗好多年，平時經過都會俾佢嘅蛋糕吸引住！今日就買咗佢嘅開心果凍餅，芝士餅同埋tiramisu食。佢嘅開心果凍餅好特別，第一次食就覺得好正，凍餅好有開心果味，加埋個餅底好好味！芝士餅好重芝士味， 20幾蚊來講算係好抵！另外，tiramisu係食得出有冧酒味，絕對係誠意之作！總括來講，多美意嘅凍餅好食又抵食，值得一讚！

今次生日飯喺佐敦所以嚟返多美意揀蛋糕，上網睇吓佢哋好似有啲新相喎，就揀咗個心形，然後搭藍莓芝士饀。食完飯一攞個蛋糕出嚟個個都讚靚，有咩開心得過揀個蛋糕壽星滿意架?呢度最好就係可以訂磅半，我哋通常食完飯先食唔會食到太多，11人訂一磅又好似太少，磅半就啱啱好啦 😍

閑時路經佐敦，都會特意過去多美意買麵包及蛋糕，此舖已䇄立該區多年，出品質素高，價錢合理，朋友及其家人多數會買一盒杏仁酥返家，而我就鍾情於蛋糕。若果有檸檬芝士蛋糕，Tiramisu 出現，基本上我一定唔會放過，今日Tiramisu 欠奉，但望著一櫃琳瑯滿目嘅蛋糕，我又點會只係要一件檸檬芝士蛋糕咁少呢。lemon cheese 檸檬芝士蛋糕 ~有青新檸檬味，酸味稍重，可中和芝士的腻chocolate truffle cake 松露巧克力 ~ 今日第一次試，嘩，超好食，好有驚喜，整件蛋糕充滿濃濃朱古力味，不太甜，好像由幾層朱古力Mousse交替組成，味道很有層次blueberry Yoghourt  藍莓乳酪蛋糕~ 吃到粒粒果肉， 味道帶酸，十分醒胃Pistachio italian 意大利開心果蛋糕 ~ 坊間少見，非常creamy，底層有少少朱古力醬，甜度剛剛好，没有搶過開心果味道市面大多數連鎖麵包店質素每況愈下，價錢一年貴過一年，就算唔加價，都會調整份量，總之又貴又唔好食，倒不如幫襯小店，起碼仍叫一分錢一分貨，兼且偶有超值驚喜。

一直很喜歡這間小店的蛋糕, 有很多不同種類的蛋糕可以選擇, 全部也很美味, 且性價比很高，相比起那些連鎖式蛋糕面包店，此小店的出品和價格也略勝一籌！他們的芝士蛋糕, 綠茶紅豆蛋糕, 拿破崙, 芝士卷等等也十分可口😋😋

在鬧市中可以發現平得黎又咁高質嘅餅店好少有架。。。重點推介佢嘅開心果芝士蛋糕。。。開心果系列的甜品係坊間簡直少見。。再夾埋芝士整成嘅蛋糕。。簡直無得頂呀。啖啖都係好香嘅果仁味。。喜歡開心果嘅朋友一定要試下。。合桃tart和 tiramisu都好好食。。10個推介。。

朋友慶祝 80 大壽，請咗 70多位賓客，與其送啲唔等駛嘅禮物，不如送啲佢啱用架啦，諗咗好耐決定送個蛋糕，當晚個個賓客都讚不停，仲話好味添。本身幫襯開多美意好多次，佢哋攞張單訂新蛋糕有 9 折。最麻煩係點攞，送貨要收 $120，但我哋食飯地方不過 5 分鐘路程，所以揀自己攞，8 磅不算太重，只是怕撞到整到蛋糕變型啫，好彩都順利 😆

同事想食西餅。聽講呢間都不錯就試試。買了多款。22蚊件，不算平，細細件。有栗子、綠茶、我自己就試雜果撻。入面有吉士，生果新鮮。好味，細細件岩晒女仔，包裝可以。大家可以一試

買來下午茶或者比小朋友都唔錯架-一啖一個😍 細細粒食多幾個都唔過份一次可以食唔同味道生果好新鮮Cream滑而不膩整體唔會太甜-

經常都會係依間餅店買麵包同cake,質素一直都keep得好好👍餅店環境簡潔乾淨，俾到信心大家！！平時有d cake賣完就冇，想買到想食ge cake 就要早d去啦⋯⋯過幾日就係屋企人生日，平時買開連鎖餅店ge生日蛋糕🎂，已經試到悶。今次一於係多美意買個生日蛋糕啦😬要買就緊係買我最愛ge芒果拿破輪啦🎉記得早兩日打電話去訂…吉士醬好滑，芒果好香甜，千層酥好脆，個個食到讚口不絕🙊價錢又吾貴，$180/磅，可以要求做方形或者心型…

多年前在理工返學的時候，已經是這間餅店的常客。今晚在附近用膳，禁不住入內懷念過去。現在餅店裝潢已經不一樣了，格調變得高雅一點。然而價格的轉變唔大，許多凍餅都只是$22！以今時今日的物價，可算是抵食了！紐約芝士餅$22這芝士餅都幾唔錯，芝士餅的表面有sour cream, 味道酸酸地。芝士餅入口香滑幼細，芝士味濃郁，仲有豐富嘅雞蛋牛奶香味。這芝士餅軟硬適中，口感唔會太結實或過份軟腍，加埋牛油消化餅碎蛋糕底，又幾好食。合桃批$22這合桃批是坊間比較少見。這個合桃批真材實料，批上鋪滿了一層一層的蜜糖合桃。合桃批香脆可囗，脆卜卜的，滿有果仁香氣。而批身質地比較結實，味道香甜，吃完整件，感覺有點膩。整體而言，這家倒是一家水準唔錯的街坊餅店。現在連鎖店成巷成市，難得還有小店供應不同的西餅選擇，真要支持一下。

光顧左佢好一段時間了 成為左我既生日蛋糕🎂之選 唔會好甜但又好味 又唔貴 多數我即日去買$120一個 重可以即場寫生日牌👍🏻👍🏻今日就冇光顧蛋糕而係買麵包 今時今日冇咩邊間高質麵包店可以好似佢咁平芝士波波 $2@ 去邊到搵🤣今日買左個芝士包 芝士多到不得了 記得要一直保持著水準喔💕💕

原來多美意餅屋係OPEN RICE 係Define 係尖沙咀,明明就係佐敦......-.-OK, 講番地點, 多美意餅屋係德信小學隔離, 佐敦地鐵站D出口出, 轉去POLY 果邊方向, 行三幾分鐘就到, 好近。話說多美意的十字包, 唔係成日出, 我唔知佢聖誕節出唔出, 但復活節果排就一定出。我係Good Friday 果日朝早買的, 新鮮出爐, 個包外熱內亂,話明十字包, 個size 係預你分享比其他人食的, 所以有一定的重量,入面有唔同的果乾, 有D提子, 有D 果皮gam, 入面又有少少肉桂味,出面有一層糖醬, 少少甜gam la, 分完隻手係會chi lup lup 的。係佐敦區黎講, 呢個包1D都唔貴, 只係賣16蚊姐, 以size, price, 同quality 黎講, 我覺得呢個包值100分, 所以好評!

近朱者赤, 近墨者黑外子跟得我多都知人生要安排下驚喜 佢唔知經咩高人介紹之下搵到呢間小店仲買左呢個超好食嘅酥皮蛋糕 酥皮多層次到一個點勁ZxE仲要表達愛意心形呀真心超好味呀 但因為唔知價所以唔知抵唔抵食只知好唔好食咋

好快又到新年！我相信大家都會要去買好多食物送禮！傳統就會買蘿蔔糕和年糕！除左糕之外，我推薦一些傳統小店自制的餅和曲奇！以往我食團年飯，都會買糕送俾姨媽姑姐，今年我就嘗試送杏仁條和曲奇！我選擇了位於佐敦的的人氣餅店 - 多美意餅屋！是一間位於佐敦的人氣餅店，營業超過十年，芒果慕絲蛋糕和芝士餅是推介！其他麵包、曲奇和杏仁條都好好食！名氣不只於區內大，甚至不少人誇區朝聖！今日在店內一口氣買了六盒杏仁條，每盒價錢$38-$40，性價比超高！當然店內有不同的選擇，有全是杏仁條和也有杏仁條＋曲奇等各式各樣的⋯⋯睇您想買什麼！而且店員操流利英語，今日買的時候，有外國人來買，睇佢似係買開，好清楚邊款好食，仲好熱心介紹另一個客邊款好食！然後全英語對話店員都可以應付有餘⋯⋯睇來平時都接唔少外國客！雖然咁受歡迎，但價錢依然親民，睇我買幾錢就知！提提大家！小店話每次過年前生意都好旺！如果真係要建議預先訂貨！